Ezekiyel 47
47
Mbiyo ma lau ma kur gong nga kud’orina
1Sa máma mi hulongônï avun agre’â hi gong nga kud’ora hAlonid’ina. An gol wani, mbina nga mi djangî kä ad’u vun gonga abo ma yorogona kayam gong nga kud’ora hAlonid’a irat nabo ma yorogona. Mbina nga mi djangî kä kur gong ndata abo ma sutna, mi kal abo ma sutna hi yima ngal ahle suma ngat buzunina mi. 2Sa máma mi ndan ndei abu avun agrek ma abo ma norîna, mi nguyun gulumuna gak avun agrek ma abo ma yorogona. An gol wani, mbina nga mi djang ngei abu abo ma sutna hi vun agrek mámina.
3Sa máma mi i abo ma yorogona, mi yo ziyo ma nga yina, mi nga yina metred’a kikis vahl. Bugola, mi dan ala an djak mbina. Wani mbina mi mban kokod’asenu. 4Mi nga yina kua metred’a kikis vahl, mi dan ala an djak mbina kua. Wani mbina mi mban akulo vun guguvan mbeî. Mi nga yina kua metred’a kikis vahl, mi dan ala an djak mbina. Wani mbina mi mban akulo furun mbeî. 5Mi nga yina á dabid’a kua metred’a kikis vahl, wani an ndak á djak mbina d’uo d’a, kayam mbina mi mbut ni toliyon nda zul la yiyik ka sana mi ndak á djagat tuo d’a.
6Mi dan ala: Ang gor sana, ang we djivi ko zu? Mi hulongôn avun toliyon ndata. 7Ata yima mi hulongônina, an waguna ablaud’a nga avun toliyonda abo hî abo hî. 8Mi dan kua ala: Mbiyo máma mba mi djang iram abo ma yorogona, mi djak mi i kur hor ra Jurdê-d’a gak mi mba kur apo d’a Matna. Ata yima mi kal kur apod’ina, mbiyo mat ma ndjuvuna mba mi mbut adjib’eta. 9Ata yima lara ma mbiyo máma mba mi i kuana, ahle suma arina ad’u andjavazi teteng ki kulufâ a mba zul ngola, kayam mbiyo máma mi mbut mbiyo ma ndjuvuna adjib’eta, ahlena pet a mba kak karid’a mi. 10Bugola, suma tchiuna a mba tchol avun mbiyo máma. Tinï ad’ud’a En-Gedi dei gak mba En-Eglayim a mba war abei mazina kua. A mba vik andjaf kulufâ teteng d’igi andjaf kuluf ma nga kur alum ma ngol ma Mediterane-na na. 11Wani hora kapo d’a gurei d’a avun apo d’a Matnid’a, a mba mbut adjib’eta d’i, a mba arazi ni yam ndjuvuna tua. 12Andjaf agu ma vuta teteng mba mi wul avun toliyonda abo hî abo hî. Humam mba d’i so d’i, mba mi ba bei vuta d’i, mba mi vut ni tilâ ki tilâ, kayam mbiyo ma nga mi djangî woi kur gong nga kud’ora hAlonid’ina, nga mi i kä ad’umu. Vud’um mba d’i mbut ni tena hi sumina, humam mba d’i mbut ni kuma ma sut suma mi.
Ma didina mi tin hagad’a hi Israel-lîd’a
13Salad’a Ma didina mi dala: Wana ni hagad’a hambas sa agi mba b’rawagizi djona mandjafâ hi Israel ma dogo yam mbànid’a. Andjafâ hi Josef-fâ mba mi fe b’raud’a yam mbà. 14Agi mba b’rawagi djona aduk tagi tu. Kayam an gun tan mabuyogi ngolo á hazi ambas ndata djona, ti mba d’i arî djo magina.
15Haga d’a abo ma norîd’a mba d’i tinï ad’ud’a avun alum ma ngol ma Mediterane-na, mba d’i hleï kur lovot ta kal Hetlon ki Lebo-Hamat ki Sedat-ta. 16Mba d’i hleï kur azì ma nglo ma Berota-na ki ma Sibrayim-ma suma yam andaga d’a Damas-sa kandaga d’a Hamat-tina, mba d’i hleï kur lovot ta kal kur azì ma ngol ma Haser-Tikon ma go ki hagad’a hi Hauran-ndina. 17Hina haga d’a abo ma norîd’a mba d’i tinï ad’ud’a avun alum ma ngol ma Mediterane-na dei, mba d’i i gak Hasar-Enon abo ma yorogona. Andaga d’a Damas-sa ki d’a hi Hamat-ta ni haga d’a abo ma norîd’a. Wana ni haga d’a abo ma norîd’a.
18Haga d’a abo ma yorogonid’a mba d’i tinï ad’ud’a ni aduk Damas ki Hauran, mba d’i hleï kur lovota halum ma Jurdê-nid’a aduk ambas sa Galät-ta kambas sa Israel-la, mba d’i i gak kur azì ma Tamar ma avun apo d’a Matnina. Wana ni haga d’a abo ma yorogonid’a.
19Haga d’a abo ma sutnid’a mba d’i tinï ad’ud’a ni Tamar dei gak ti mba kur mbiyo ma Meriba ma Kades-sâ, mba d’i hleï kur lovot ta i avun toliyon nda Ezipte-d’a gak mba d’i i avun alum ma ngol ma Mediterane-na. Wana ni haga d’a abo ma sutnid’a.
20Haga d’a abo ma fladegenid’a nalum ma ngol ma Mediterane-na tinï ad’ud’a abo ma sutna dei gak mba d’i i Lebo-Hamat abo ma norâ. Wana ni haga d’a abo ma fladegenid’a.
21Agi mba b’rawagi andaga ndata aduk andjafâ hi sum maginina. 22Agi mba b’rawagi andagad’a aduk tagi ki togina, kangoyogei suma a mba kak adigagi suma a mba vut grona adigagina mi. Ar agi lagi ki sum ndazina d’igi agi nga lagi ki Israel-lâ na. Ar ma lara pî mi fe djo mama aduk andjafâ hi Israel-lîna. 23Sama lara pî adigazi mba mi fe djo mama naduk andjaf ma mam mba mi kak adigama. An Salad’a Ma didina ni de na.
Currently Selected:
Ezekiyel 47: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ezekiyel 47
47
Mbiyo ma lau ma kur gong nga kud’orina
1Sa máma mi hulongônï avun agre’â hi gong nga kud’ora hAlonid’ina. An gol wani, mbina nga mi djangî kä ad’u vun gonga abo ma yorogona kayam gong nga kud’ora hAlonid’a irat nabo ma yorogona. Mbina nga mi djangî kä kur gong ndata abo ma sutna, mi kal abo ma sutna hi yima ngal ahle suma ngat buzunina mi. 2Sa máma mi ndan ndei abu avun agrek ma abo ma norîna, mi nguyun gulumuna gak avun agrek ma abo ma yorogona. An gol wani, mbina nga mi djang ngei abu abo ma sutna hi vun agrek mámina.
3Sa máma mi i abo ma yorogona, mi yo ziyo ma nga yina, mi nga yina metred’a kikis vahl. Bugola, mi dan ala an djak mbina. Wani mbina mi mban kokod’asenu. 4Mi nga yina kua metred’a kikis vahl, mi dan ala an djak mbina kua. Wani mbina mi mban akulo vun guguvan mbeî. Mi nga yina kua metred’a kikis vahl, mi dan ala an djak mbina. Wani mbina mi mban akulo furun mbeî. 5Mi nga yina á dabid’a kua metred’a kikis vahl, wani an ndak á djak mbina d’uo d’a, kayam mbina mi mbut ni toliyon nda zul la yiyik ka sana mi ndak á djagat tuo d’a.
6Mi dan ala: Ang gor sana, ang we djivi ko zu? Mi hulongôn avun toliyon ndata. 7Ata yima mi hulongônina, an waguna ablaud’a nga avun toliyonda abo hî abo hî. 8Mi dan kua ala: Mbiyo máma mba mi djang iram abo ma yorogona, mi djak mi i kur hor ra Jurdê-d’a gak mi mba kur apo d’a Matna. Ata yima mi kal kur apod’ina, mbiyo mat ma ndjuvuna mba mi mbut adjib’eta. 9Ata yima lara ma mbiyo máma mba mi i kuana, ahle suma arina ad’u andjavazi teteng ki kulufâ a mba zul ngola, kayam mbiyo máma mi mbut mbiyo ma ndjuvuna adjib’eta, ahlena pet a mba kak karid’a mi. 10Bugola, suma tchiuna a mba tchol avun mbiyo máma. Tinï ad’ud’a En-Gedi dei gak mba En-Eglayim a mba war abei mazina kua. A mba vik andjaf kulufâ teteng d’igi andjaf kuluf ma nga kur alum ma ngol ma Mediterane-na na. 11Wani hora kapo d’a gurei d’a avun apo d’a Matnid’a, a mba mbut adjib’eta d’i, a mba arazi ni yam ndjuvuna tua. 12Andjaf agu ma vuta teteng mba mi wul avun toliyonda abo hî abo hî. Humam mba d’i so d’i, mba mi ba bei vuta d’i, mba mi vut ni tilâ ki tilâ, kayam mbiyo ma nga mi djangî woi kur gong nga kud’ora hAlonid’ina, nga mi i kä ad’umu. Vud’um mba d’i mbut ni tena hi sumina, humam mba d’i mbut ni kuma ma sut suma mi.
Ma didina mi tin hagad’a hi Israel-lîd’a
13Salad’a Ma didina mi dala: Wana ni hagad’a hambas sa agi mba b’rawagizi djona mandjafâ hi Israel ma dogo yam mbànid’a. Andjafâ hi Josef-fâ mba mi fe b’raud’a yam mbà. 14Agi mba b’rawagi djona aduk tagi tu. Kayam an gun tan mabuyogi ngolo á hazi ambas ndata djona, ti mba d’i arî djo magina.
15Haga d’a abo ma norîd’a mba d’i tinï ad’ud’a avun alum ma ngol ma Mediterane-na, mba d’i hleï kur lovot ta kal Hetlon ki Lebo-Hamat ki Sedat-ta. 16Mba d’i hleï kur azì ma nglo ma Berota-na ki ma Sibrayim-ma suma yam andaga d’a Damas-sa kandaga d’a Hamat-tina, mba d’i hleï kur lovot ta kal kur azì ma ngol ma Haser-Tikon ma go ki hagad’a hi Hauran-ndina. 17Hina haga d’a abo ma norîd’a mba d’i tinï ad’ud’a avun alum ma ngol ma Mediterane-na dei, mba d’i i gak Hasar-Enon abo ma yorogona. Andaga d’a Damas-sa ki d’a hi Hamat-ta ni haga d’a abo ma norîd’a. Wana ni haga d’a abo ma norîd’a.
18Haga d’a abo ma yorogonid’a mba d’i tinï ad’ud’a ni aduk Damas ki Hauran, mba d’i hleï kur lovota halum ma Jurdê-nid’a aduk ambas sa Galät-ta kambas sa Israel-la, mba d’i i gak kur azì ma Tamar ma avun apo d’a Matnina. Wana ni haga d’a abo ma yorogonid’a.
19Haga d’a abo ma sutnid’a mba d’i tinï ad’ud’a ni Tamar dei gak ti mba kur mbiyo ma Meriba ma Kades-sâ, mba d’i hleï kur lovot ta i avun toliyon nda Ezipte-d’a gak mba d’i i avun alum ma ngol ma Mediterane-na. Wana ni haga d’a abo ma sutnid’a.
20Haga d’a abo ma fladegenid’a nalum ma ngol ma Mediterane-na tinï ad’ud’a abo ma sutna dei gak mba d’i i Lebo-Hamat abo ma norâ. Wana ni haga d’a abo ma fladegenid’a.
21Agi mba b’rawagi andaga ndata aduk andjafâ hi sum maginina. 22Agi mba b’rawagi andagad’a aduk tagi ki togina, kangoyogei suma a mba kak adigagi suma a mba vut grona adigagina mi. Ar agi lagi ki sum ndazina d’igi agi nga lagi ki Israel-lâ na. Ar ma lara pî mi fe djo mama aduk andjafâ hi Israel-lîna. 23Sama lara pî adigazi mba mi fe djo mama naduk andjaf ma mam mba mi kak adigama. An Salad’a Ma didina ni de na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.