Ezekiyel 45
45
Andaga d’a a tinit irat vata
1Ma didina mi de kua ala: Fata a mba b’rau andagad’a djona aduk andjaf suma Israel-lîd’a, a mba tin andaga d’a dinga irat vat yam Ma didina. Andaga ndata fiyagat ni kilometred’a dogo yam mbà ki nusa, bubuwat ni kilometred’a dogo#45.1 dogo: Vun Gre’â mi dala dogo, wani vun Hebre-na mi dala vahl.. A mba gol andaga ndata pet nandaga a tinit irat vata. 2A mba ka yina kur andaga ndata yam gong nga kud’ora hAlonid’a fiyagam ki bubuwam nabo tam tu. Fiyagamî metred’a kikis mbà yam dok vahl, bubuwamî metred’a kikis mbà yam dok vahl mi. A mba ar yina huyogom kä ndak metred’a dok mbà yam vahl ngui woi d’uhl mi. 3A mba nga yina kur andaga ndata fiyagam kilometred’a dogo yam mbà ki nusa, bubuwam kilometred’a vahl. Nata yi máma ba, a mba min Yima a tinim iram vam ma kal tegles ma kur gong man nda kud’orina kua d’ad’ar. 4Yi máma ni yima a tinim iram vam mi an Ma didinina, kayam suma ngat buzu suma a nga le sun mandina a fe yima kaka kua. Azi mba min gongîyo mazina kua, a mba min gong man nda kud’ora ni kua mi.
5Yima dingâ mi nga, fiyagamî kilometred’a dogo yam mbà ki nusa, bubuwamî kilometred’a vahl mi. Ni yima a aram yam suma hi Levi suma a nga le sunda hi an Ma didinid’ina. Azi mba kak kur azì ma nglona ata yi máma mi.
6A mba nga yina avun yima a tinim iram vam máma, fiyagamî kilometred’a dogo yam mbà ki nusa, bubuwamî kilometred’a mbà ki nusa mi. Ni yi máma ba, a mba min azì ma ngolâ kua, nazì ma ngol ma Israel ma lara pî mi ndak á kak kuana.
7A mba he yina avun andaga d’a a tinit irat vat mi an Ma didinid’a kandaga d’a a mba min azì ma ngolâ hi Israel-lîna kuad’a mamulâ abo ma fladegena kabo ma yorogona mi. Andaga mam mba abo ma fladegenid’a mba d’i i gak ti dabï avun alum ma ngol ma Mediterane-na, andaga mam mba abo ma yorogonid’a mba d’i i gak ti dabï avun hagad’a hi Israel-lâ d’a avun alum ma Jurdê-nid’a. Fiyak mata nabo tat tu kandagad’a handjaf Israel suma dingîd’a. 8Hina wani, amulei mana a mba kak kur andaga mazid’a tata, a mba tamula yam sum mana kad’enga d’uo d’a, a mba ar andaga d’a a hat mandjaf suma Israel-lâ á kaka kuad’a.
Sun nda amulâ mi lata ki vama ndak á humzina
9Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!
10Ar nge nge pî mi kak ki kilo ma nga ahle ma ata yama, ar aneka hahlenid’a ti ka’î ata yat mi. 11Vama nga awuna ma a yum ala Efa-na mi nga, vama a nga ahle suma mbina ma a yum ala Bat-na mi nga mi. Azi djak nabo tazi tu. Ngad’a hi Efa-nid’a dogo d’oze d’a hi Bat-nid’a dogo ni ir vama nga ahlena ma a yum ala Homer-râ na tu. Homer-râ ni vama nga ahlena ma a tinim á nga kaneka hahlenid’ina. 12Bege d’a hap pa a yat ala Sikle-d’a ni ir bege d’a hap pa a yat ala Gera-d’a dok mbà. Sikle-d’a dok karagaya ni ir bege d’a hap pa a yat ala Min-nda tu mi.
13Wana ni lovot ta agi hagi ki he d’a hawa magid’id’a: Le agi dud’ugi gemena d’oze awu orsâ dok karagaya ni, agi pad’agi aduk tu, agi hagizi he d’a hawad’a. 14Le mbul magina mi nga kizu ni, agi pad’agi aduk tu, agi hagizi he d’a hawad’a mi. Agi ngagi mbulâ ki Bat-na. Bat-na dogo ndak Homer-râ tu, mi nda’î Kor-râ tu mi. 15Le ahok magina kur kangâna ni kikis mbà ni, agi vagi aduk tu, agi hagizi he d’a hawad’a mi.
Agi hagi ahle ndazina he d’a hawa d’a afuta, he d’a hawa d’a ngat buzu d’a ngala d’oze he d’a hawa d’a ngat buzu d’a zlap darigïd’a kayambala an hurun vat tei yam tcho magid’a d’a. An Salad’a Ma didina ni de na.
16Ar suma kur ambasina pet a he he d’a hawa ndata mamul ma Israel-lâ. 17Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.
18Salad’a Ma didina mi de kua ala: Kur bur ma avo’â hi til ma avo’îna, agi vagi gor amuhl ma bei daka ba na, agi hagizi he d’a hawa d’a ngat buzuna á mbut gong man nda kud’ora yed’et. 19Ma ngat buzuna mi go buzuna hi gor amuhl ma a ngad’ama dö, mi yamam ata agu ma avun gong man nda kud’orina, ata yima ngal ahle suma ngat buzuna kengêm ma fid’ina, ata agu ma avun agre’â hatrang nga krovod’ina mi.
20Kur bur ma kid’iziyana hi til ma avo’îna, agi lagi d’igi agi lagi kur bur ma avo’â yam suma a le tchod’a bei min mazid’a bei wed’a ba na na mi. Hina wani, agi mba mbud’ugi gong man nda kud’ora yed’et.
21Kur bur ma dogo yam fid’ina hi til ma avo’îna, agi tinigi ad’ud’a á le vun til ma Pa’â. Agi lagi vun til máma gak burâ kid’iziya. Kur bur máma pet agi tagi navungô ma bei angufina. 22Kur bur ma avo’â hi vun til mámina, amulâ mi hamuhlâ he d’a hawa d’a ngat buzuna yam tcho mamba, yam tchod’a hi suma kur ambasina pet mi. 23Kur bur ma kid’iziya ma a le vun til máma kurâ pet, mam he amuzleina kid’iziya ki gamlâna kid’iziya suma bei daka ba na he d’a hawa d’a ngat buzu d’a ngala, mi he mbekmberena tu he d’a hawa d’a ngat buzuna yam tchod’a mi. 24Mam he he d’a hawa d’a gemena kilona dok hindi ki mbulâ lidirâ karagaya yam amuhl ma lara ge ki gamlâ ma lara ge suma a ngad’azi kur burâ tutuna pet.
25Kur vun til ma kur bur ma dogo yam vahlâ hi til ma kid’iziyanina, amulâ mi hahlena d’igi mi hazi kur bur ma Pa’â gak burâ kid’iziya na, mi he he d’a hawa d’a yam tchod’id’a ki he d’a hawa d’a ngala hina dedege zlapa ki gemena ki mbulâ mi.
Currently Selected:
Ezekiyel 45: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ezekiyel 45
45
Andaga d’a a tinit irat vata
1Ma didina mi de kua ala: Fata a mba b’rau andagad’a djona aduk andjaf suma Israel-lîd’a, a mba tin andaga d’a dinga irat vat yam Ma didina. Andaga ndata fiyagat ni kilometred’a dogo yam mbà ki nusa, bubuwat ni kilometred’a dogo#45.1 dogo: Vun Gre’â mi dala dogo, wani vun Hebre-na mi dala vahl.. A mba gol andaga ndata pet nandaga a tinit irat vata. 2A mba ka yina kur andaga ndata yam gong nga kud’ora hAlonid’a fiyagam ki bubuwam nabo tam tu. Fiyagamî metred’a kikis mbà yam dok vahl, bubuwamî metred’a kikis mbà yam dok vahl mi. A mba ar yina huyogom kä ndak metred’a dok mbà yam vahl ngui woi d’uhl mi. 3A mba nga yina kur andaga ndata fiyagam kilometred’a dogo yam mbà ki nusa, bubuwam kilometred’a vahl. Nata yi máma ba, a mba min Yima a tinim iram vam ma kal tegles ma kur gong man nda kud’orina kua d’ad’ar. 4Yi máma ni yima a tinim iram vam mi an Ma didinina, kayam suma ngat buzu suma a nga le sun mandina a fe yima kaka kua. Azi mba min gongîyo mazina kua, a mba min gong man nda kud’ora ni kua mi.
5Yima dingâ mi nga, fiyagamî kilometred’a dogo yam mbà ki nusa, bubuwamî kilometred’a vahl mi. Ni yima a aram yam suma hi Levi suma a nga le sunda hi an Ma didinid’ina. Azi mba kak kur azì ma nglona ata yi máma mi.
6A mba nga yina avun yima a tinim iram vam máma, fiyagamî kilometred’a dogo yam mbà ki nusa, bubuwamî kilometred’a mbà ki nusa mi. Ni yi máma ba, a mba min azì ma ngolâ kua, nazì ma ngol ma Israel ma lara pî mi ndak á kak kuana.
7A mba he yina avun andaga d’a a tinit irat vat mi an Ma didinid’a kandaga d’a a mba min azì ma ngolâ hi Israel-lîna kuad’a mamulâ abo ma fladegena kabo ma yorogona mi. Andaga mam mba abo ma fladegenid’a mba d’i i gak ti dabï avun alum ma ngol ma Mediterane-na, andaga mam mba abo ma yorogonid’a mba d’i i gak ti dabï avun hagad’a hi Israel-lâ d’a avun alum ma Jurdê-nid’a. Fiyak mata nabo tat tu kandagad’a handjaf Israel suma dingîd’a. 8Hina wani, amulei mana a mba kak kur andaga mazid’a tata, a mba tamula yam sum mana kad’enga d’uo d’a, a mba ar andaga d’a a hat mandjaf suma Israel-lâ á kaka kuad’a.
Sun nda amulâ mi lata ki vama ndak á humzina
9Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!
10Ar nge nge pî mi kak ki kilo ma nga ahle ma ata yama, ar aneka hahlenid’a ti ka’î ata yat mi. 11Vama nga awuna ma a yum ala Efa-na mi nga, vama a nga ahle suma mbina ma a yum ala Bat-na mi nga mi. Azi djak nabo tazi tu. Ngad’a hi Efa-nid’a dogo d’oze d’a hi Bat-nid’a dogo ni ir vama nga ahlena ma a yum ala Homer-râ na tu. Homer-râ ni vama nga ahlena ma a tinim á nga kaneka hahlenid’ina. 12Bege d’a hap pa a yat ala Sikle-d’a ni ir bege d’a hap pa a yat ala Gera-d’a dok mbà. Sikle-d’a dok karagaya ni ir bege d’a hap pa a yat ala Min-nda tu mi.
13Wana ni lovot ta agi hagi ki he d’a hawa magid’id’a: Le agi dud’ugi gemena d’oze awu orsâ dok karagaya ni, agi pad’agi aduk tu, agi hagizi he d’a hawad’a. 14Le mbul magina mi nga kizu ni, agi pad’agi aduk tu, agi hagizi he d’a hawad’a mi. Agi ngagi mbulâ ki Bat-na. Bat-na dogo ndak Homer-râ tu, mi nda’î Kor-râ tu mi. 15Le ahok magina kur kangâna ni kikis mbà ni, agi vagi aduk tu, agi hagizi he d’a hawad’a mi.
Agi hagi ahle ndazina he d’a hawa d’a afuta, he d’a hawa d’a ngat buzu d’a ngala d’oze he d’a hawa d’a ngat buzu d’a zlap darigïd’a kayambala an hurun vat tei yam tcho magid’a d’a. An Salad’a Ma didina ni de na.
16Ar suma kur ambasina pet a he he d’a hawa ndata mamul ma Israel-lâ. 17Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.
18Salad’a Ma didina mi de kua ala: Kur bur ma avo’â hi til ma avo’îna, agi vagi gor amuhl ma bei daka ba na, agi hagizi he d’a hawa d’a ngat buzuna á mbut gong man nda kud’ora yed’et. 19Ma ngat buzuna mi go buzuna hi gor amuhl ma a ngad’ama dö, mi yamam ata agu ma avun gong man nda kud’orina, ata yima ngal ahle suma ngat buzuna kengêm ma fid’ina, ata agu ma avun agre’â hatrang nga krovod’ina mi.
20Kur bur ma kid’iziyana hi til ma avo’îna, agi lagi d’igi agi lagi kur bur ma avo’â yam suma a le tchod’a bei min mazid’a bei wed’a ba na na mi. Hina wani, agi mba mbud’ugi gong man nda kud’ora yed’et.
21Kur bur ma dogo yam fid’ina hi til ma avo’îna, agi tinigi ad’ud’a á le vun til ma Pa’â. Agi lagi vun til máma gak burâ kid’iziya. Kur bur máma pet agi tagi navungô ma bei angufina. 22Kur bur ma avo’â hi vun til mámina, amulâ mi hamuhlâ he d’a hawa d’a ngat buzuna yam tcho mamba, yam tchod’a hi suma kur ambasina pet mi. 23Kur bur ma kid’iziya ma a le vun til máma kurâ pet, mam he amuzleina kid’iziya ki gamlâna kid’iziya suma bei daka ba na he d’a hawa d’a ngat buzu d’a ngala, mi he mbekmberena tu he d’a hawa d’a ngat buzuna yam tchod’a mi. 24Mam he he d’a hawa d’a gemena kilona dok hindi ki mbulâ lidirâ karagaya yam amuhl ma lara ge ki gamlâ ma lara ge suma a ngad’azi kur burâ tutuna pet.
25Kur vun til ma kur bur ma dogo yam vahlâ hi til ma kid’iziyanina, amulâ mi hahlena d’igi mi hazi kur bur ma Pa’â gak burâ kid’iziya na, mi he he d’a hawa d’a yam tchod’id’a ki he d’a hawa d’a ngala hina dedege zlapa ki gemena ki mbulâ mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.