Ezekiyel 35
35
Ngop pa a ngop Edom-mid’a
1Ma didina mi dan ala: 2Ang gor sana, ang mbut irang ata ahina d’a Seir-ra, ang djogot vuna. 3Ang dat ala: Salad’a Ma didina mi dala: Gola! Ndak ahina d’a Seir-ra, an nga ni iza atagu, abon nga zid’a akulo kan atagu, an nga ni arak vak wiwir ni mbud’uk fula. 4An mba ni mbut azì mak ma nglona djona, ndak mba d’i mbut hohoud’a. Ata yi máma ndak mba d’i wala an ni Ma didina. 5Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma, 6an Salad’a Ma didin ma bei matna ba na mba ni tchagu. Matna mba mi digik ad’ugu. Kayamba ndak ar nga mat ma tchid’a d’uo d’a, matna mba mi digik ad’ugu. 7Ndak ahina d’a Seir-ra, an mba ni arak djona, an mba ni arak vak wiwir, an mba ni tchi suma a buzuk kei ka’â ki suma a mba ka’â woi mi. 8An mba ni sam matna kä yam ahuniyô ma’â. Suma a tchazi ki mbigeu d’a fiyakina a mba puk kä yam yi mak ma ndingâ akulo, kur hor maka kä, kur b’irlim ma’â pepet mi. 9An mba ni mbud’uk djona ki irak fafat. Sa mba mi kak kur azì mak ma nglona d’uo d’a. Hina wani, ndak mba d’i wala an ni Ma didina. 10Ndak dala: An mba ni hlandjaf ma mbà ma Ma didina mi nga kaka adigazina. 11Kayam ndata, an Salad’a Ma didin ma bei matna ba na mba ni le ki sed’ek ki hur ma zala ki yungôra d’igi ndak le ki sed’ezi kur d’ugur ra ndak vazi huruk ka ndak lazizid’a na mi, an mba ni tak tan ndei adigazi ata yima an mba ni kak sariyad’a ka’â. 12Ndak mba d’i wala an Ma didina ni hum wa ngul la ndak ngul ahuniyô suma Israel-lâ ala a mbut wa hohoud’a, a mbut wa va mei ma ved’a d’a. 13Ndak tchol akulo, ndak dan zla d’a tchod’a kur zla mak ka ded’a, ndak zul zla mak ka ded’a kan kä hina wik. An hum zla ndata pet.
14Salad’a Ma didina mi dala: Fata an mba ni mbud’uk djonid’a, suma yam andagad’ina pet a mba le furîd’a. 15Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.
Currently Selected:
Ezekiyel 35: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ezekiyel 35
35
Ngop pa a ngop Edom-mid’a
1Ma didina mi dan ala: 2Ang gor sana, ang mbut irang ata ahina d’a Seir-ra, ang djogot vuna. 3Ang dat ala: Salad’a Ma didina mi dala: Gola! Ndak ahina d’a Seir-ra, an nga ni iza atagu, abon nga zid’a akulo kan atagu, an nga ni arak vak wiwir ni mbud’uk fula. 4An mba ni mbut azì mak ma nglona djona, ndak mba d’i mbut hohoud’a. Ata yi máma ndak mba d’i wala an ni Ma didina. 5Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma, 6an Salad’a Ma didin ma bei matna ba na mba ni tchagu. Matna mba mi digik ad’ugu. Kayamba ndak ar nga mat ma tchid’a d’uo d’a, matna mba mi digik ad’ugu. 7Ndak ahina d’a Seir-ra, an mba ni arak djona, an mba ni arak vak wiwir, an mba ni tchi suma a buzuk kei ka’â ki suma a mba ka’â woi mi. 8An mba ni sam matna kä yam ahuniyô ma’â. Suma a tchazi ki mbigeu d’a fiyakina a mba puk kä yam yi mak ma ndingâ akulo, kur hor maka kä, kur b’irlim ma’â pepet mi. 9An mba ni mbud’uk djona ki irak fafat. Sa mba mi kak kur azì mak ma nglona d’uo d’a. Hina wani, ndak mba d’i wala an ni Ma didina. 10Ndak dala: An mba ni hlandjaf ma mbà ma Ma didina mi nga kaka adigazina. 11Kayam ndata, an Salad’a Ma didin ma bei matna ba na mba ni le ki sed’ek ki hur ma zala ki yungôra d’igi ndak le ki sed’ezi kur d’ugur ra ndak vazi huruk ka ndak lazizid’a na mi, an mba ni tak tan ndei adigazi ata yima an mba ni kak sariyad’a ka’â. 12Ndak mba d’i wala an Ma didina ni hum wa ngul la ndak ngul ahuniyô suma Israel-lâ ala a mbut wa hohoud’a, a mbut wa va mei ma ved’a d’a. 13Ndak tchol akulo, ndak dan zla d’a tchod’a kur zla mak ka ded’a, ndak zul zla mak ka ded’a kan kä hina wik. An hum zla ndata pet.
14Salad’a Ma didina mi dala: Fata an mba ni mbud’uk djonid’a, suma yam andagad’ina pet a mba le furîd’a. 15Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.