Ezekiyel 23
23
Samari ti mbut tat gaulangâ
1Ma didina mi dan ala: 2Ang gor sana, adjeu aropma a nga mbà, asuzi ni tu. 3A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba. 4Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi. 5Ohola tala ni manda d’a ti mbut tat gaulangâ, e’eû mat ta yam buniyôt suma Asiri-nid’a ti kal kad’u. 6Azi ni suma a tchuk baru ma hleu ma sisilâ atazina, ni suma te yamba ki suma nglo suma ka sariyad’a. Azi pet nazungeî suma a djif heîna, ni suma djang akulumeina mi. 7Ohola ti he tat mi suma gangrang suma Asiri-na. Ata yima lara nga d’i ve sama dingâ adigaziya, nga d’i mbut tat ndjendjed’a á tuwal filei mazina. 8Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi. 9Ni kayam ndata ba, an hat abo buniyôtna, abo suma Asiri suma e’eû mata tinit kazina. 10Azi arat gandila, a yo grot suma andjofâ ki grot suma aropma, a tchat ki mbigeu d’a fiyaka, a kat sariyad’a kad’u. Ti mbut ni vama taka marop suma dingâ mi.
Jerusalem ti mbut tat gaulangâ
11Wiyeta Oholiba ti wahle ndazina, wani ti kalat kur e’eû mata, gaulang matna mi kal ma hi wiyetina. 12E’eû mata ti zud’ut ata suma Asiri suma te yamba ki suma nglo suma ka sariyad’a, azi ni ndrot suma a nga tchuk baru ma djifâ atazina. Azi ni suma djang akulumeina, azi pet nazungeî suma a djif heîna mi. 13An wat ti mbut tat ndjendjed’a, azi djak tit mazid’a nabo tat tu. 14Ti nga d’i i ki gaulang matna avogovogo, nga d’i wanguza suma a ndjarazi akulo huyok gulumunina, nala, anguza suma Babilon suma a gulud’uzi ki pentir ma hleunina. 15D’i’â mi nga djinda furuziya, djum mba d’udjo mata tetenga ti nga kulupa kaziya, a hle tazi ni d’igi amuleina na. Ang golozi ni d’igi gro vut ta Babilon-nda hina dedege. 16Kid’a ti wazi avok kikidjid’a, e’eû mata ti zud’ut ataziya, ti sun suma kazi avo Babilon. 17Suma Babilon-na a mba geved’u, a bur ki sed’ed’u, a mbud’ut ndjendjed’a ki gaulang mazina. Ata yima a mbud’ut ndjendjed’a dana, ti wal tat tei ki sed’eziya. 18Ti ndäd’u gaulang matna woi abua, ti ar tat gandilad’a. Ni kayam ndata ba, an wal tan ndei ki sed’et d’igi an wal tan ndei ki wiyeta na mi. 19Wani ti nga d’i i avogovok ki gaulang matna, nga d’i djib’er yam bur ma ndat nga ki gogorot kid’a ndat nga d’i le gaulangâ avo Ezipte-d’a. 20E’eû mata ti zud’ut ata buniyôt suma Ezipte suma d’uwazi d’igi d’iu korona na na, a nga bur ki tazi d’igi akulumeina na mi.
Ngop pa a ngop Jerusalem-mba
21Ndak Oholiba, ndak nga d’i djib’er yam tcho mak ka ki gogorok ka ndak nga avo Ezipte kid’a a lamak apok a dok apok ki gogoroka. 22Ndak Oholiba, ni kayam ndata ba, Salad’a Ma didina mi dala: Gola! An nga ni mba ki buniyôk suma ndak wal tak kei ki sed’ezina á durugu, an nga ni mba ki suma ata yima lara ge pet á duruk mi. 23Suma Babilon-na, suma Kalde-na pet, suma Pekot-na, suma Sowa-na ki suma Kowa-na zlapa ki suma Asiri suma ki sed’ezina pet, azi nazungeî suma djifâ, suma te yamba, amuleina, suma simiyêzi mi nde yinina, azi pet ni suma djang akulumeina heîna. 24Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a. 25An nga ni zal hurun kagu. An mba ni arazi a mba le ki sed’ek ki hur ma zala, a mba ngad’ak atchinak ki humak keyo, mak suma a mba arâ, a mba tchazi avun ayîna, a mba yo grok suma andjofâ ki suma aropma. Mak suma a arâ, akud’a mba d’i ngalazi woi mi. 26A mba fogok baru ma’â woi atagu, a mba yok ahle mak suma djifâ woi mi. 27An mba ni d’elek sun mak ka le d’a batranga ki gaulang mak ma ndak tcholï ki sed’em Ezipte deina, ndak mba d’i mbut irak irazi d’i, ndak mba d’i djib’er yam Ezipte d’uo d’a.
28Salad’a Ma didina mi dala: Gola! An nga ni hak abo suma ndak noyôzi suma ndak wal tak kei ki sed’ezina. 29A mba noyôk keyo, a mba yok ndjondjoî maka, a mba arak gandilad’a kezigineû, a mba gak ad’u gaulang ma’â woi ki sun mak ka tchod’a ki batrang maka woi mi. 30A mba lak hina kayam ndak le gaulangâ kandjaf suma dingâ, ndak mbut tak ndjendjed’a ki filei mazina mi. 31Ndak hle ni tita hi wiyekid’a. Kayam ndata, an nga ni hak kop mat ma ayî mana abogu. 32Salad’a Ma didina mi dala:
Ndak mba tche ki kopma hi wiyeka ma hurum zula kä yuruk
ma vunam mbei bubud’ina.
Ndak mba d’i mbut ni vama sanda ki vama lasa,
kayam kop máma mi oî woi tchid’it.
33Ndak mba d’i ka guruta ki süma ki ndaka.
Ni kop ma b’laka, ni kop ma mandarâ,
ni kopma hi wiyeka Samari-na.
34Ndak mba d’i tchum gak dabam mbeyo,
ndak mba d’i to kop máma woi ki siyagu,
ndak mba d’i dap apok mbuleina kazlung mamba mi.
Ni an Salad’a Ma didina ba, ni de na!
35Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.
Alona mba mi ka sariyad’a yam Samari ki Jerusalem
36Ma didina mi dan ala: Ang gor sana, ang min tang á ka sariyad’a yam Ohola ki Oholiba. Ang dazi woi yam sun mazi d’a ndjendjed’a, 37kayam a he tazi á le mizeuna, a tchi suma mi. A le mizeuna ki filei mazina, a he grozi suma a vud’undjina vama ngat buzu ma ngala woi kakud’a mi. 38Vama azi landjina wan d’ei: A mbud’un yi man ma an tinim iram vama ndjendjed’a kur bur máma baba, a mbud’un bur man ma sabatna ndjendjed’a mi. 39A ngat grozina mi filei mazina, a i kur yi man ma an tinim iram vama kur bur máma baba á mbud’um ndjendjed’a. Wana nahle suma azi lazi kur gong mandina. 40A nga halï andjofâ ata yima deina, a ge sunda kaziya, a faziya, azi mba mi. Arop ndazina a mbus tazi woyo, a sat mbul ma djivina iraziya, a buzuk kei kahle suma djifâ ataziya. 41A kak kä yam azang ma djif ma tabulâ nga tinda avoroma, a tin dubang man ma his djivid’ina ki mbul mana kä yam tabul máma. 42Suma ablaud’a a mba avo hataziya. Suma a nga hum siwel la furîd’a hi suma ablau suma a tcholï hur fulâ abom ma lara ge petna avo hataziya, a tchuk wulaka del abo b’oziyo d’a mbà ndata, a d’ud’uzi kadamul la djifâ kazi mi.
43Ata yi máma an de zlad’a yam mba ti mbut tat mamara ki mizeunid’a ala ki tchetchemba, a mba le gaulangâ ki sed’et avogovok kang zu? 44A mba i gevet d’igi suma a i avo hatcha d’a gaulangâ na, a mba i gen Ohola ki Oholiba arop suma batrang ndazina na mi! 45Wani suma d’ingêrâ a mba ka sariyad’a kazi d’igi a ka sariyad’a yam arop suma mizeuna na, d’igi arop suma tchi matna na mi, kayam a le mizeuna, a tchi suma mi.
46Salad’a Ma didina mi dala: An mba ni togï suma ablaud’a kazi á duruziya, an mba ni mbud’uzi mandarâ kagilam, an mba ni hazi abo suma á hurumuziya. 47Suma ablau ndazina a mba duruzi kahinad’a, a mba kazi ki mbigeu d’a fiyaka, a mba tchazi grozi suma andjofâ ki grozi suma aropma, a mba ngalazi aziyazi woi kakud’a mi. 48An mba ni d’el tcho d’a led’a kur ambasa. Aropma pet a mba had’a, a mba le tcho d’a b’oziyo d’a mbà ndata a lata d’uo d’a. 49An mba hulongôzi tcho mazid’a kaziya. Azi mba zi tchod’a hi filei mazi ma tuwalid’a. Hina wani, agi mba wagi ala an ni Salad’a Ma didina.
Currently Selected:
Ezekiyel 23: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ezekiyel 23
23
Samari ti mbut tat gaulangâ
1Ma didina mi dan ala: 2Ang gor sana, adjeu aropma a nga mbà, asuzi ni tu. 3A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba. 4Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi. 5Ohola tala ni manda d’a ti mbut tat gaulangâ, e’eû mat ta yam buniyôt suma Asiri-nid’a ti kal kad’u. 6Azi ni suma a tchuk baru ma hleu ma sisilâ atazina, ni suma te yamba ki suma nglo suma ka sariyad’a. Azi pet nazungeî suma a djif heîna, ni suma djang akulumeina mi. 7Ohola ti he tat mi suma gangrang suma Asiri-na. Ata yima lara nga d’i ve sama dingâ adigaziya, nga d’i mbut tat ndjendjed’a á tuwal filei mazina. 8Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi. 9Ni kayam ndata ba, an hat abo buniyôtna, abo suma Asiri suma e’eû mata tinit kazina. 10Azi arat gandila, a yo grot suma andjofâ ki grot suma aropma, a tchat ki mbigeu d’a fiyaka, a kat sariyad’a kad’u. Ti mbut ni vama taka marop suma dingâ mi.
Jerusalem ti mbut tat gaulangâ
11Wiyeta Oholiba ti wahle ndazina, wani ti kalat kur e’eû mata, gaulang matna mi kal ma hi wiyetina. 12E’eû mata ti zud’ut ata suma Asiri suma te yamba ki suma nglo suma ka sariyad’a, azi ni ndrot suma a nga tchuk baru ma djifâ atazina. Azi ni suma djang akulumeina, azi pet nazungeî suma a djif heîna mi. 13An wat ti mbut tat ndjendjed’a, azi djak tit mazid’a nabo tat tu. 14Ti nga d’i i ki gaulang matna avogovogo, nga d’i wanguza suma a ndjarazi akulo huyok gulumunina, nala, anguza suma Babilon suma a gulud’uzi ki pentir ma hleunina. 15D’i’â mi nga djinda furuziya, djum mba d’udjo mata tetenga ti nga kulupa kaziya, a hle tazi ni d’igi amuleina na. Ang golozi ni d’igi gro vut ta Babilon-nda hina dedege. 16Kid’a ti wazi avok kikidjid’a, e’eû mata ti zud’ut ataziya, ti sun suma kazi avo Babilon. 17Suma Babilon-na a mba geved’u, a bur ki sed’ed’u, a mbud’ut ndjendjed’a ki gaulang mazina. Ata yima a mbud’ut ndjendjed’a dana, ti wal tat tei ki sed’eziya. 18Ti ndäd’u gaulang matna woi abua, ti ar tat gandilad’a. Ni kayam ndata ba, an wal tan ndei ki sed’et d’igi an wal tan ndei ki wiyeta na mi. 19Wani ti nga d’i i avogovok ki gaulang matna, nga d’i djib’er yam bur ma ndat nga ki gogorot kid’a ndat nga d’i le gaulangâ avo Ezipte-d’a. 20E’eû mata ti zud’ut ata buniyôt suma Ezipte suma d’uwazi d’igi d’iu korona na na, a nga bur ki tazi d’igi akulumeina na mi.
Ngop pa a ngop Jerusalem-mba
21Ndak Oholiba, ndak nga d’i djib’er yam tcho mak ka ki gogorok ka ndak nga avo Ezipte kid’a a lamak apok a dok apok ki gogoroka. 22Ndak Oholiba, ni kayam ndata ba, Salad’a Ma didina mi dala: Gola! An nga ni mba ki buniyôk suma ndak wal tak kei ki sed’ezina á durugu, an nga ni mba ki suma ata yima lara ge pet á duruk mi. 23Suma Babilon-na, suma Kalde-na pet, suma Pekot-na, suma Sowa-na ki suma Kowa-na zlapa ki suma Asiri suma ki sed’ezina pet, azi nazungeî suma djifâ, suma te yamba, amuleina, suma simiyêzi mi nde yinina, azi pet ni suma djang akulumeina heîna. 24Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a. 25An nga ni zal hurun kagu. An mba ni arazi a mba le ki sed’ek ki hur ma zala, a mba ngad’ak atchinak ki humak keyo, mak suma a mba arâ, a mba tchazi avun ayîna, a mba yo grok suma andjofâ ki suma aropma. Mak suma a arâ, akud’a mba d’i ngalazi woi mi. 26A mba fogok baru ma’â woi atagu, a mba yok ahle mak suma djifâ woi mi. 27An mba ni d’elek sun mak ka le d’a batranga ki gaulang mak ma ndak tcholï ki sed’em Ezipte deina, ndak mba d’i mbut irak irazi d’i, ndak mba d’i djib’er yam Ezipte d’uo d’a.
28Salad’a Ma didina mi dala: Gola! An nga ni hak abo suma ndak noyôzi suma ndak wal tak kei ki sed’ezina. 29A mba noyôk keyo, a mba yok ndjondjoî maka, a mba arak gandilad’a kezigineû, a mba gak ad’u gaulang ma’â woi ki sun mak ka tchod’a ki batrang maka woi mi. 30A mba lak hina kayam ndak le gaulangâ kandjaf suma dingâ, ndak mbut tak ndjendjed’a ki filei mazina mi. 31Ndak hle ni tita hi wiyekid’a. Kayam ndata, an nga ni hak kop mat ma ayî mana abogu. 32Salad’a Ma didina mi dala:
Ndak mba tche ki kopma hi wiyeka ma hurum zula kä yuruk
ma vunam mbei bubud’ina.
Ndak mba d’i mbut ni vama sanda ki vama lasa,
kayam kop máma mi oî woi tchid’it.
33Ndak mba d’i ka guruta ki süma ki ndaka.
Ni kop ma b’laka, ni kop ma mandarâ,
ni kopma hi wiyeka Samari-na.
34Ndak mba d’i tchum gak dabam mbeyo,
ndak mba d’i to kop máma woi ki siyagu,
ndak mba d’i dap apok mbuleina kazlung mamba mi.
Ni an Salad’a Ma didina ba, ni de na!
35Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.
Alona mba mi ka sariyad’a yam Samari ki Jerusalem
36Ma didina mi dan ala: Ang gor sana, ang min tang á ka sariyad’a yam Ohola ki Oholiba. Ang dazi woi yam sun mazi d’a ndjendjed’a, 37kayam a he tazi á le mizeuna, a tchi suma mi. A le mizeuna ki filei mazina, a he grozi suma a vud’undjina vama ngat buzu ma ngala woi kakud’a mi. 38Vama azi landjina wan d’ei: A mbud’un yi man ma an tinim iram vama ndjendjed’a kur bur máma baba, a mbud’un bur man ma sabatna ndjendjed’a mi. 39A ngat grozina mi filei mazina, a i kur yi man ma an tinim iram vama kur bur máma baba á mbud’um ndjendjed’a. Wana nahle suma azi lazi kur gong mandina. 40A nga halï andjofâ ata yima deina, a ge sunda kaziya, a faziya, azi mba mi. Arop ndazina a mbus tazi woyo, a sat mbul ma djivina iraziya, a buzuk kei kahle suma djifâ ataziya. 41A kak kä yam azang ma djif ma tabulâ nga tinda avoroma, a tin dubang man ma his djivid’ina ki mbul mana kä yam tabul máma. 42Suma ablaud’a a mba avo hataziya. Suma a nga hum siwel la furîd’a hi suma ablau suma a tcholï hur fulâ abom ma lara ge petna avo hataziya, a tchuk wulaka del abo b’oziyo d’a mbà ndata, a d’ud’uzi kadamul la djifâ kazi mi.
43Ata yi máma an de zlad’a yam mba ti mbut tat mamara ki mizeunid’a ala ki tchetchemba, a mba le gaulangâ ki sed’et avogovok kang zu? 44A mba i gevet d’igi suma a i avo hatcha d’a gaulangâ na, a mba i gen Ohola ki Oholiba arop suma batrang ndazina na mi! 45Wani suma d’ingêrâ a mba ka sariyad’a kazi d’igi a ka sariyad’a yam arop suma mizeuna na, d’igi arop suma tchi matna na mi, kayam a le mizeuna, a tchi suma mi.
46Salad’a Ma didina mi dala: An mba ni togï suma ablaud’a kazi á duruziya, an mba ni mbud’uzi mandarâ kagilam, an mba ni hazi abo suma á hurumuziya. 47Suma ablau ndazina a mba duruzi kahinad’a, a mba kazi ki mbigeu d’a fiyaka, a mba tchazi grozi suma andjofâ ki grozi suma aropma, a mba ngalazi aziyazi woi kakud’a mi. 48An mba ni d’el tcho d’a led’a kur ambasa. Aropma pet a mba had’a, a mba le tcho d’a b’oziyo d’a mbà ndata a lata d’uo d’a. 49An mba hulongôzi tcho mazid’a kaziya. Azi mba zi tchod’a hi filei mazi ma tuwalid’a. Hina wani, agi mba wagi ala an ni Salad’a Ma didina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.