Ezekiyel 16
16
Jerusalem ni gor ra a arat teid’a
1Ma didina mi dan ala: 2Ang gor sana, ang tak Jerusalem sun mat ta ndjendjed’a. 3Ang dat ala: An Salad’a Ma didina ni dala: Ndak Jerusalem, ad’u tin maka ki vut maka, nda’î ambas sa Kanan-nda. Abu’î ma Amor-râ, asu’î d’a Het-ta mi. 4Ata vut maka, kur bur ma a vud’u’â, a ngad’ak nga uvuk ki, sa mi mbuzuk nga ki mbina á mbud’uk yed’et ti, sa mi horok nga ndjuvuna atak ki, a d’ud’uk nga ki baru d’uo mi. 5Sa mi tin nga iram kak á wak hohowok á lak ahle ndazina d’i, á djib’er kak kuo mi, wani kur bur ma a vud’u’â a gak sä ni woi abageya, kayam a golo’î vama ndjendjed’a iraziya.
6An kal gevegu, an golok ndak nga bulula kä aduk buzuwagu, an dak ala: Ndak nga bulul kä aduk buzuwak wan pî, ar va mi lak ki. 7An d’uvuk d’igi asu ma deî abageina na. Ndak wula, ndak djengâ, ndak mbut djifâ. Apok mi deyâ, tumus sa kaka ti se mi. Wani nda’î gandilad’a kezigineû. 8An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.
9An go mbina, an mbuzuk buzu ma ata’â woi pet, an lak mbulâ atak mi. 10An tchuguk baru ma djifâ atagu, an tchuguk atuguru ma ba’â asegu, an djinik d’ik ma luluîna kuruk ki baru angsuwad’a atagu. 11An minik kahle suma djifâ, an tchuguk wulaka abogu, an tchuguk hed’euna kelek mi. 12An gak ngangama atchinagu, an tchuguk b’alangâ humagu, an d’ud’uk kadamula kak mi. 13Ni hina ba, an tchuguk lora ki kawei ma hapma, an tchuguk baru d’a luluîd’a atagu, ki baru angsuwad’a ki baru d’a d’udjod’a atak mi. Ndak tafut ta adiged’id’a, mbul ayuma ki mbulâ mi, ndak mbut djif ma kalâ, ndak ndak á te leud’a mi. 14Simiyêk mi nde yina aduk andjaf suma, kayam djif ma’â mi ndak memet, kayam mbut ta an mbud’uk djifâ ndak nga d’i ngal wiwilika. An Salad’a Ma didina ni de na.
Jerusalem ti mbut gaulangâ
15Ma didina mi de kua ala: Wani ndak tin huru’î yam djif ma’â, ndak mbut tak gaulangâ yam simiyêk ma nde yinina, ndak nga le gaulangâ ki sama lara ma nga mi kalâ, ndak hum tak mi. 16Ndak yo baru mak ma nga kandjaf d’udjod’a teteng atama, ndak minim akulo yam yima ndingâ ndak le gaulangâ kamu. Wani vama hina mi le nga avok yam tu d’i, vama hina mba mi mba bugol luo mi. 17Ndak yo aduk ahle mak suma djifâ, ndak yo lora ki kawei ma hap ma an haksina, ndak minizi anguza andjofâ, ndak le gaulangâ ki sed’ezi mi. 18Ndak yo baru mak ka djif fa d’udjod’a, ndak zlubuzizi kaziya, ndak hle mbul mana ki dubang man ma his djivid’ina, ndak lazizi ataziya. 19Avungô ma an haksina, afut ta adiged’id’a, mbulâ ki mbul ayuma suma an wuluk ki na, ndak hazizi d’igi ahle suma ngat buzu suma his suma afufuîna na. Wana nahle suma a lena. An Salad’a Ma didina ni de na.
20Ndak yo grok suma andjofâ ki grok suma arop suma ndak vud’undjina, ndak hazizi ahle suma ngat buzuna á ngalazi woyo. Wana ndagak nga yam gaulang ma’â d’uo tua zu? 21Ndak ngat grona, ndak haziziya, a tchuguzi aduk akud’a, a ngalazi woi á subur ki taziya! 22Ndak kur ndjendje maka hina pet, kur gaulang ma’â, ndak djib’er nga yam yima ndak ki gogorok ata yima ndak nga gandilad’a kezigineû ndak nga d’i bulul kä aduk buzuwa’â d’i.
23Salad’a Ma didina mi de kua ala: Bugol sun mak ka asa’ata hina pet wani, ni zla d’a hohoud’a kagu. Gagazi, ni zla d’a hohoud’a kagu! 24Ndak min azì ma gaulangâ, ndak min yima ndingâ ata yina pet. 25Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo. 26Ndak le gaulangâ ki ndrok suma Ezipte suma e’eûd’a, ndak nga i ki gaulang ma’â avogovok á zalan ki hurunu. 27Gola! An nga ni hlabon kan akulo á feyêk ahle suma ndak nga ki na woyo, an hak wa abo mak suma djangûna gro arop suma Filistê suma a nga le zulona yam tit mak ka tchod’ina. 28Ndak le gaulangâ ki suma Asiri-na, kayam d’od’ok maka dap nga d’i, ndak le gaulangâ ki sed’ezi hina pet pî, ndagak nga d’uo tua. 29Ndak zul gaulang ma’â kur ambasa hi suma mbut abozina avo Babilon hina pet pî, ndagak nga d’uo tua.
30Salad’a Ma didina mi de kua ala: Ndak namangeyâ me na ba, ndak lahle ndazina hina pet, ndak mbut tak gaulang ma kalâ na ge? 31Ata yima lara ma ndak min azì mak ma gaulangâ avun lovot ta lara ge ndak min yima ndingâ ata yima lara ge pet mi na, ndak nga d’i ve bege d’a wuraka d’igi atcha d’a gaulang nga hawad’a na d’i. 32Nda’î d’igi atcha d’a mizeu d’a ar zla d’a ti bur ki ndjuvuta woi ta, ti i burî ki suma dingîd’a na. 33Gaulangâ pet mi ve ni wuraka abo suma, wani ndak he he mak ka hawad’a ni mi buniyô’â, ndak nga d’i wuragazi á tanazi atak ata yima lara ge pet kur gaulang ma’â. 34Wani gaulang ma’â nga d’igi arop suma gaulang suma dingâ na d’i. Sa nga mi i á halak ki, wani ni ndak ba, nga d’i wurak beged’a, ndak nga hulong fe va kua d’i. Ndak zla maka ni wala ki ndrok arop suma dingâ mi.
35Ndak atcha d’a gaulangâ, ndak hum zlad’a hi an Ma didinid’a. 36An Salad’a Ma didina nga ni dagu: Ndak b’rau wa ndjondjoî maka woyo, ndak ar wa tak gandilad’a á le gaulangâ ki buniyô’â, ndak tuwal wa filei ma ndjendjed’a, ndak hum wa gro’â vama ngat buzuna mi. 37Kayam ndata, an nga ni togï buniyôk suma ndak tak lak djivid’a kazina ki suma pet suma ndak huruk vazina ki suma pet suma ndak minizi d’uo na. An mba ni togozï ata yima lara ge pet á durugu, an mba ni fogok ahlena atak keyo, ndak mba d’i arî gandilad’a woi iraziya. Azi mba wak gandila maka woi pid’agi. 38An mba ni kak sariyad’a kak d’igi a ka sariyad’a yam arop suma mizeuna karop suma tchi matna na, an mba ni arak ndak bulul kä aduk buzuwak yam hur man ma zala ki yungôr mana. 39An mba ni hak aboziya. Azi mba pleyêk azì mak ma gaulangâ ki yi mak ma ndingâ woyo, azi mba fogok baru ma’â woyo, azi mba yok ahle mak suma djifâ, a mba arak gandilad’a kezigineû mi. 40A mba tok suma kak á durâ, a mba duruk kahinad’a, a mba kizagak kei ki mbigeu d’a fiyaka. 41Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a. 42An mba ni ar hur man ma zal ma ka’â, an mba ni ar yungôr man ma ka’â, an mba ni vat hurun ndeyo, an mba ni zal hurun nduo d’a. 43Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?
Tcho d’a Jerusalem-mba ti kal la hazì ma nglo ma dingîd’a
44Ma didina mi de kua ala: Gola! Suma a de zla d’a d’ogola kak ala: Gora ti hle ni zlad’a hasuta. 45Gagazi, nda’î gor ra asut ti gol ndjuvut ki grotna ni vama ndjendjed’id’a, nda’î d’igi b’oziyok suma arop suma a gol andjuvoyozi ki grozina ni vama ndjendjed’ina na mi, asu’î gor ra Het-ta, abu’î ma Amor-râ mi. 46Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi. 47Ndak tit nga ni kur lovot mazid’a kur sun mazi d’a ndjendjed’a hina go d’i. Kayam tcho mazid’a ni vama akid’eina iragu! Wani ndak le tchod’a ngola kalazi azi d’ö! 48An Salad’a Ma didin ma bei matna nga ni dagu: Wiyeka Sodom ki grot suma aropma a le nga tcho d’a ndak ki grok suma aropma lagizid’a d’i. 49Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i. 50Azi mbut suma yam mba ad’enga, a le sun nda ndjendjed’a avoronu. Ata yima an wazina, an blazazi woyo. 51Samari ti le nga nus tcho d’a ndak lata d’i. Wani tcho maka ablaud’a kal tcho mazid’a. Ndak mbut b’oziyok suma aropma d’igi arop suma bei zlad’a kazina na ki sun mak ka ndjendje d’a lara ge d’a ndak lata! 52Ndak ka ka sariyad’a adjeu yam b’oziyok suma aropmid’a, ki tchetchemba, ndak ve tak kur zulo ma’â, kayam tcho mak ka ndak lata ti mbud’uk ndjendjed’a kalaziya. Ata sun mak ka led’a, ndak tak kei ala azi narop suma d’ingêrâ kalagu. Ndak kak kur zulo ma’â, ndak ve tak kur zulo ma’â mi, kayam ndak mbut b’oziyok suma aropma d’igi azi narop suma d’ingêrâ na!
53An mba ni hulongî Sodom ki grot suma arop suma a yozi magombina, an mba ni hulongî Samari ki grot suma arop suma a yozi magombina ki grok suma a yozi magombina adigazi mi. 54Kayambala ndak ve tak kur zulo ma’â, ndak mbut zulona yam ahlena pet suma ndak lazina, ndak mbut ni vama b’leng hurâ kaziya d’a. 55Wiyeka Sodom ki grot suma aropma a mba hulong blangâzi ma adjeuna, Samari ki grot suma aropma a mba hulong blangâzi ma adjeuna, ndak Jerusalem ki grok suma aropma agi mba hulongôgi blangâgi ma adjeuna mi. 56-57Avok ka bei ad’u asa’at maka nde woi ata yima ndak subur ta’â, ndak gol wiyeka Sodom is. Ki tchetchemba, ndak mbut ni vama ngula abo gro arop suma Asiri-na ki suma pet suma a nguyuzina, abo gro arop suma Filistê suma a nga noyôk ata yima lara ge petna mi. 58Ndak hle aneka hi tcho maka ki sun mak ka ndjendjed’a kagu. An Ma didina ni de na.
59Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi. 60Hina pet pî, an mba ni djib’er yam vun man ma djin ma an djinim ki sed’ek ki gogorok deina, an mba ni djin vun ma djin ma didina ki sed’egu. 61Fata ndak fe b’oziyok suma arop suma nglona ki suma gureina mi d’a, ndak mba d’i djib’er yam tit maka, ndak mba d’i mbut zulona, an mba ni haksi d’igi grok suma aropma na, wani nga ni yam vun mak ma djinda d’i. 62Wani an mba ni hulong djin vunan ki sed’egu. Ndak mba d’i wala an ni Ma didina. 63Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.
Currently Selected:
Ezekiyel 16: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ezekiyel 16
16
Jerusalem ni gor ra a arat teid’a
1Ma didina mi dan ala: 2Ang gor sana, ang tak Jerusalem sun mat ta ndjendjed’a. 3Ang dat ala: An Salad’a Ma didina ni dala: Ndak Jerusalem, ad’u tin maka ki vut maka, nda’î ambas sa Kanan-nda. Abu’î ma Amor-râ, asu’î d’a Het-ta mi. 4Ata vut maka, kur bur ma a vud’u’â, a ngad’ak nga uvuk ki, sa mi mbuzuk nga ki mbina á mbud’uk yed’et ti, sa mi horok nga ndjuvuna atak ki, a d’ud’uk nga ki baru d’uo mi. 5Sa mi tin nga iram kak á wak hohowok á lak ahle ndazina d’i, á djib’er kak kuo mi, wani kur bur ma a vud’u’â a gak sä ni woi abageya, kayam a golo’î vama ndjendjed’a iraziya.
6An kal gevegu, an golok ndak nga bulula kä aduk buzuwagu, an dak ala: Ndak nga bulul kä aduk buzuwak wan pî, ar va mi lak ki. 7An d’uvuk d’igi asu ma deî abageina na. Ndak wula, ndak djengâ, ndak mbut djifâ. Apok mi deyâ, tumus sa kaka ti se mi. Wani nda’î gandilad’a kezigineû. 8An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.
9An go mbina, an mbuzuk buzu ma ata’â woi pet, an lak mbulâ atak mi. 10An tchuguk baru ma djifâ atagu, an tchuguk atuguru ma ba’â asegu, an djinik d’ik ma luluîna kuruk ki baru angsuwad’a atagu. 11An minik kahle suma djifâ, an tchuguk wulaka abogu, an tchuguk hed’euna kelek mi. 12An gak ngangama atchinagu, an tchuguk b’alangâ humagu, an d’ud’uk kadamula kak mi. 13Ni hina ba, an tchuguk lora ki kawei ma hapma, an tchuguk baru d’a luluîd’a atagu, ki baru angsuwad’a ki baru d’a d’udjod’a atak mi. Ndak tafut ta adiged’id’a, mbul ayuma ki mbulâ mi, ndak mbut djif ma kalâ, ndak ndak á te leud’a mi. 14Simiyêk mi nde yina aduk andjaf suma, kayam djif ma’â mi ndak memet, kayam mbut ta an mbud’uk djifâ ndak nga d’i ngal wiwilika. An Salad’a Ma didina ni de na.
Jerusalem ti mbut gaulangâ
15Ma didina mi de kua ala: Wani ndak tin huru’î yam djif ma’â, ndak mbut tak gaulangâ yam simiyêk ma nde yinina, ndak nga le gaulangâ ki sama lara ma nga mi kalâ, ndak hum tak mi. 16Ndak yo baru mak ma nga kandjaf d’udjod’a teteng atama, ndak minim akulo yam yima ndingâ ndak le gaulangâ kamu. Wani vama hina mi le nga avok yam tu d’i, vama hina mba mi mba bugol luo mi. 17Ndak yo aduk ahle mak suma djifâ, ndak yo lora ki kawei ma hap ma an haksina, ndak minizi anguza andjofâ, ndak le gaulangâ ki sed’ezi mi. 18Ndak yo baru mak ka djif fa d’udjod’a, ndak zlubuzizi kaziya, ndak hle mbul mana ki dubang man ma his djivid’ina, ndak lazizi ataziya. 19Avungô ma an haksina, afut ta adiged’id’a, mbulâ ki mbul ayuma suma an wuluk ki na, ndak hazizi d’igi ahle suma ngat buzu suma his suma afufuîna na. Wana nahle suma a lena. An Salad’a Ma didina ni de na.
20Ndak yo grok suma andjofâ ki grok suma arop suma ndak vud’undjina, ndak hazizi ahle suma ngat buzuna á ngalazi woyo. Wana ndagak nga yam gaulang ma’â d’uo tua zu? 21Ndak ngat grona, ndak haziziya, a tchuguzi aduk akud’a, a ngalazi woi á subur ki taziya! 22Ndak kur ndjendje maka hina pet, kur gaulang ma’â, ndak djib’er nga yam yima ndak ki gogorok ata yima ndak nga gandilad’a kezigineû ndak nga d’i bulul kä aduk buzuwa’â d’i.
23Salad’a Ma didina mi de kua ala: Bugol sun mak ka asa’ata hina pet wani, ni zla d’a hohoud’a kagu. Gagazi, ni zla d’a hohoud’a kagu! 24Ndak min azì ma gaulangâ, ndak min yima ndingâ ata yina pet. 25Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo. 26Ndak le gaulangâ ki ndrok suma Ezipte suma e’eûd’a, ndak nga i ki gaulang ma’â avogovok á zalan ki hurunu. 27Gola! An nga ni hlabon kan akulo á feyêk ahle suma ndak nga ki na woyo, an hak wa abo mak suma djangûna gro arop suma Filistê suma a nga le zulona yam tit mak ka tchod’ina. 28Ndak le gaulangâ ki suma Asiri-na, kayam d’od’ok maka dap nga d’i, ndak le gaulangâ ki sed’ezi hina pet pî, ndagak nga d’uo tua. 29Ndak zul gaulang ma’â kur ambasa hi suma mbut abozina avo Babilon hina pet pî, ndagak nga d’uo tua.
30Salad’a Ma didina mi de kua ala: Ndak namangeyâ me na ba, ndak lahle ndazina hina pet, ndak mbut tak gaulang ma kalâ na ge? 31Ata yima lara ma ndak min azì mak ma gaulangâ avun lovot ta lara ge ndak min yima ndingâ ata yima lara ge pet mi na, ndak nga d’i ve bege d’a wuraka d’igi atcha d’a gaulang nga hawad’a na d’i. 32Nda’î d’igi atcha d’a mizeu d’a ar zla d’a ti bur ki ndjuvuta woi ta, ti i burî ki suma dingîd’a na. 33Gaulangâ pet mi ve ni wuraka abo suma, wani ndak he he mak ka hawad’a ni mi buniyô’â, ndak nga d’i wuragazi á tanazi atak ata yima lara ge pet kur gaulang ma’â. 34Wani gaulang ma’â nga d’igi arop suma gaulang suma dingâ na d’i. Sa nga mi i á halak ki, wani ni ndak ba, nga d’i wurak beged’a, ndak nga hulong fe va kua d’i. Ndak zla maka ni wala ki ndrok arop suma dingâ mi.
35Ndak atcha d’a gaulangâ, ndak hum zlad’a hi an Ma didinid’a. 36An Salad’a Ma didina nga ni dagu: Ndak b’rau wa ndjondjoî maka woyo, ndak ar wa tak gandilad’a á le gaulangâ ki buniyô’â, ndak tuwal wa filei ma ndjendjed’a, ndak hum wa gro’â vama ngat buzuna mi. 37Kayam ndata, an nga ni togï buniyôk suma ndak tak lak djivid’a kazina ki suma pet suma ndak huruk vazina ki suma pet suma ndak minizi d’uo na. An mba ni togozï ata yima lara ge pet á durugu, an mba ni fogok ahlena atak keyo, ndak mba d’i arî gandilad’a woi iraziya. Azi mba wak gandila maka woi pid’agi. 38An mba ni kak sariyad’a kak d’igi a ka sariyad’a yam arop suma mizeuna karop suma tchi matna na, an mba ni arak ndak bulul kä aduk buzuwak yam hur man ma zala ki yungôr mana. 39An mba ni hak aboziya. Azi mba pleyêk azì mak ma gaulangâ ki yi mak ma ndingâ woyo, azi mba fogok baru ma’â woyo, azi mba yok ahle mak suma djifâ, a mba arak gandilad’a kezigineû mi. 40A mba tok suma kak á durâ, a mba duruk kahinad’a, a mba kizagak kei ki mbigeu d’a fiyaka. 41Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a. 42An mba ni ar hur man ma zal ma ka’â, an mba ni ar yungôr man ma ka’â, an mba ni vat hurun ndeyo, an mba ni zal hurun nduo d’a. 43Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?
Tcho d’a Jerusalem-mba ti kal la hazì ma nglo ma dingîd’a
44Ma didina mi de kua ala: Gola! Suma a de zla d’a d’ogola kak ala: Gora ti hle ni zlad’a hasuta. 45Gagazi, nda’î gor ra asut ti gol ndjuvut ki grotna ni vama ndjendjed’id’a, nda’î d’igi b’oziyok suma arop suma a gol andjuvoyozi ki grozina ni vama ndjendjed’ina na mi, asu’î gor ra Het-ta, abu’î ma Amor-râ mi. 46Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi. 47Ndak tit nga ni kur lovot mazid’a kur sun mazi d’a ndjendjed’a hina go d’i. Kayam tcho mazid’a ni vama akid’eina iragu! Wani ndak le tchod’a ngola kalazi azi d’ö! 48An Salad’a Ma didin ma bei matna nga ni dagu: Wiyeka Sodom ki grot suma aropma a le nga tcho d’a ndak ki grok suma aropma lagizid’a d’i. 49Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i. 50Azi mbut suma yam mba ad’enga, a le sun nda ndjendjed’a avoronu. Ata yima an wazina, an blazazi woyo. 51Samari ti le nga nus tcho d’a ndak lata d’i. Wani tcho maka ablaud’a kal tcho mazid’a. Ndak mbut b’oziyok suma aropma d’igi arop suma bei zlad’a kazina na ki sun mak ka ndjendje d’a lara ge d’a ndak lata! 52Ndak ka ka sariyad’a adjeu yam b’oziyok suma aropmid’a, ki tchetchemba, ndak ve tak kur zulo ma’â, kayam tcho mak ka ndak lata ti mbud’uk ndjendjed’a kalaziya. Ata sun mak ka led’a, ndak tak kei ala azi narop suma d’ingêrâ kalagu. Ndak kak kur zulo ma’â, ndak ve tak kur zulo ma’â mi, kayam ndak mbut b’oziyok suma aropma d’igi azi narop suma d’ingêrâ na!
53An mba ni hulongî Sodom ki grot suma arop suma a yozi magombina, an mba ni hulongî Samari ki grot suma arop suma a yozi magombina ki grok suma a yozi magombina adigazi mi. 54Kayambala ndak ve tak kur zulo ma’â, ndak mbut zulona yam ahlena pet suma ndak lazina, ndak mbut ni vama b’leng hurâ kaziya d’a. 55Wiyeka Sodom ki grot suma aropma a mba hulong blangâzi ma adjeuna, Samari ki grot suma aropma a mba hulong blangâzi ma adjeuna, ndak Jerusalem ki grok suma aropma agi mba hulongôgi blangâgi ma adjeuna mi. 56-57Avok ka bei ad’u asa’at maka nde woi ata yima ndak subur ta’â, ndak gol wiyeka Sodom is. Ki tchetchemba, ndak mbut ni vama ngula abo gro arop suma Asiri-na ki suma pet suma a nguyuzina, abo gro arop suma Filistê suma a nga noyôk ata yima lara ge petna mi. 58Ndak hle aneka hi tcho maka ki sun mak ka ndjendjed’a kagu. An Ma didina ni de na.
59Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi. 60Hina pet pî, an mba ni djib’er yam vun man ma djin ma an djinim ki sed’ek ki gogorok deina, an mba ni djin vun ma djin ma didina ki sed’egu. 61Fata ndak fe b’oziyok suma arop suma nglona ki suma gureina mi d’a, ndak mba d’i djib’er yam tit maka, ndak mba d’i mbut zulona, an mba ni haksi d’igi grok suma aropma na, wani nga ni yam vun mak ma djinda d’i. 62Wani an mba ni hulong djin vunan ki sed’egu. Ndak mba d’i wala an ni Ma didina. 63Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.