Buzuk ka Abud’a 9
9
Ndak ka vahla: Tugud’eid’a tchi d’uwarâ
1Ma didina mi de mi Moise ala: Ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu. 2Le ang arazi á id’a d’uo, ang le d’elezi kua d’eyu ni, 3an Ma didina mba ni tum d’uwar mang ma abageina ki tugud’ei d’a tchod’a. Akulumeina, korona, djambala, amuzleina, tumiyôna ki b’ogeina ablaud’a a mba bo. 4An Ma didina mba ni wal ir d’uwarâ hi Israel-lîna woi ki ma hi Ezipte-nina; d’uwarâ hi Israel-lîna pet mba mi mit tu d’i.
5Ma didina mi nga burâ, mi dala: Ndjivin an mba ni le na kur ambas sa wanda.
6Tcha ndjivinda, Ma didina mi le na. D’uwarâ hi Ezipte-nina pet mi dap bod’a, wani d’uwarâ hi Israel-lîna tu pî mi mit nga d’i. 7Faron mi tchuk sunda, mi djop yam ahle suma a lena. A hulong dum ala: D’uwarâ hi Israel-lîna tu pî mi mit nga d’i. Hina pî, Faron mi b’al hurum kiki, mi ar nga Israel-lâ á id’a d’i.
Ndak ka karagayad’a: Mbilâ
8Ma didina mi de mi Moise azi ki Aron ala: Agi yogi butna haku d’a kur fürîd’a abogiya, ang Moise ang yagam akulo avok Faron. 9Butna mba mi mbut guguma yam ambas sa Ezipte-d’a pet, mba mi rip yam ambas ndata pet mi. Mbilâ mba mi tchuk suma ki d’uwarâ, wulad’a mba d’i djang atazi kä zuzuk.
10Moise azi ki Aron a yo butna haku d’a kur fürîd’a, a i tchol avok Faron. Moise mi yagam akulo hur alona. Butna mi mbut mbilâ ata suma, ata d’uwarâ mi; wulad’a nga d’i djang atazi kä zuzuk. 11Suma kuma suma Ezipte-na a ndak á mba avok Moise suo kayam mbuleina nga atazi d’igi Ezipte suma petna na mi. 12Ma didina mi b’al hur Faron kiki, mi hum nga Moise azi ki Aron d’igi Ma didina mi dazi adjeu na d’i.
Ndak ka kid’iziyad’a: Mogoina
13Ma didina mi de mi Moise ala: Ang tchol yorogo tcholol, ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu. 14Ki tchetchemba, an nga ni sun ndak man nda tetenga kang ang tanga kazungeî mangâ ki sum mangâ mi, kayam ang wala kur duniyad’a pepet vama hle tam d’igi an na na nga d’i. 15Ki tchetchemba, ladjï an tumung ang ki sum mangâ ni ki tugud’ei d’a tcho d’a tchi matna ni, ang ki sum mangâ agi dabagiya wa woi yam andagad’a da’. 16Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.
17Le ang d’el sum mana, le ang arazi a i nga d’uo ni, 18an mba ni se mogoina avin aboina hina dedege. Ni mogoi ma tcho ma tinï ad’u ambas sa Ezipte-d’a dei gak ini mi se nga yam tu d’uo na. 19Ki tchetchemba, ang tok d’uwar mangâ kahle mangâ pet avo. Mogoina mba mi se yam suma pet ki d’uwarâ pet suma a mba ar sä woi abagei suma a yozi nga avo d’uo na; a mba bo woyo.
20Azungeîna hi Faron suma ding suma a le mandara Ma didinina a tok azungeî mazina ki d’uwar mazina avo atogo zak. 21Wani suma a tin nga humazi yam zlad’a hi Ma didinid’a d’uo na, a ar azungeî mazina ki d’uwar mazina sä woi abageya.
22Ma didina mi de mi Moise ala: Ang hlabong akulo hur alona, ar mogoina mi se yam ambas sa Ezipte-d’a pet, nala, yam suma, yam d’uwarâ, yam awu ma deî hur asinenina yam ambas sa Ezipte-d’a pet.
23Moise mi hle totogo mamba akulo hur alona. Ma didina mi he vuna, alona mi breyâ, mi se ki mogoina, akud’a ndeï kä yam andagad’a mi. Ma didina mi sun mogoina mi se yam ambas sa Ezipte-d’a. 24Mogoina kakud’a gizeîd’a a se yam ambas sa Ezipte-d’a pet. Mi se ngola heî. Käd’u tinda hi Ezipte-d’a dei, mi se nga hina yam tu d’i.
25Kur ambas sa Ezipte-d’a pet, mogoina mi se yam ahlena pet suma a nga abageina, tin ad’ud’a yam suma gak mba yam d’uwarâ; mogoina mi rubat awu ma deî hur asinenina woi pet, mi kus aguna kä woi ndjondjom mi. 26Ni yam ambas sa Gosen nda Israel-lâ a nga kaka kuad’a go ba, mogoina mi se nga kat ti.
27 Faron mi yï Moise azi ki Aron, mi dazi ala: Ki tchetchem mba wanda, an le tchod’a! Ma didina ni ma d’ingêrâ; an ki sum mana, ami lami tchod’a! 28Agi i tchenegi Ma didina tala breîd’a ki mogoina a le d’uo d’a. An mba ni aragi agi igiya, an mba ni d’elegi d’uo d’a.
29Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina. 30Wani an wala ang kazungeî mangâ, agi mba lagi mandara Ma didina Alona d’uo d’ei.
31Baru d’a mayanga kawu orsâ a b’lak keyo, kayam awu orsâ mi tchuk yam mbeyo, barud’a ti b’o ni b’ö tua mi. 32Gemena kawu ma a yum ala epotrena a b’lak nga d’i, kayam azi ni suma a ne bugolâ.
33Moise mi nde woi avo hi Faron bugol azina, mi yo abom akulo avok Ma didina. Alona mi ar bei breîd’a, mogoina ad’um ka, alona mi yo woi mi.
34Ata yima Faron mi wala alona mi ar bei breîd’a mogoina ad’um ka mi na, nga mi i avogovok ki tcho mamba, mi b’al hurum kazungeî mama kiki. 35Faron mi b’al hurum kiki, mi ar nga Israel-lâ á id’a d’igi Ma didina mi dum zlad’a avun Moise na d’i.
Currently Selected:
Buzuk ka Abud’a 9: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Buzuk ka Abud’a 9
9
Ndak ka vahla: Tugud’eid’a tchi d’uwarâ
1Ma didina mi de mi Moise ala: Ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu. 2Le ang arazi á id’a d’uo, ang le d’elezi kua d’eyu ni, 3an Ma didina mba ni tum d’uwar mang ma abageina ki tugud’ei d’a tchod’a. Akulumeina, korona, djambala, amuzleina, tumiyôna ki b’ogeina ablaud’a a mba bo. 4An Ma didina mba ni wal ir d’uwarâ hi Israel-lîna woi ki ma hi Ezipte-nina; d’uwarâ hi Israel-lîna pet mba mi mit tu d’i.
5Ma didina mi nga burâ, mi dala: Ndjivin an mba ni le na kur ambas sa wanda.
6Tcha ndjivinda, Ma didina mi le na. D’uwarâ hi Ezipte-nina pet mi dap bod’a, wani d’uwarâ hi Israel-lîna tu pî mi mit nga d’i. 7Faron mi tchuk sunda, mi djop yam ahle suma a lena. A hulong dum ala: D’uwarâ hi Israel-lîna tu pî mi mit nga d’i. Hina pî, Faron mi b’al hurum kiki, mi ar nga Israel-lâ á id’a d’i.
Ndak ka karagayad’a: Mbilâ
8Ma didina mi de mi Moise azi ki Aron ala: Agi yogi butna haku d’a kur fürîd’a abogiya, ang Moise ang yagam akulo avok Faron. 9Butna mba mi mbut guguma yam ambas sa Ezipte-d’a pet, mba mi rip yam ambas ndata pet mi. Mbilâ mba mi tchuk suma ki d’uwarâ, wulad’a mba d’i djang atazi kä zuzuk.
10Moise azi ki Aron a yo butna haku d’a kur fürîd’a, a i tchol avok Faron. Moise mi yagam akulo hur alona. Butna mi mbut mbilâ ata suma, ata d’uwarâ mi; wulad’a nga d’i djang atazi kä zuzuk. 11Suma kuma suma Ezipte-na a ndak á mba avok Moise suo kayam mbuleina nga atazi d’igi Ezipte suma petna na mi. 12Ma didina mi b’al hur Faron kiki, mi hum nga Moise azi ki Aron d’igi Ma didina mi dazi adjeu na d’i.
Ndak ka kid’iziyad’a: Mogoina
13Ma didina mi de mi Moise ala: Ang tchol yorogo tcholol, ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu. 14Ki tchetchemba, an nga ni sun ndak man nda tetenga kang ang tanga kazungeî mangâ ki sum mangâ mi, kayam ang wala kur duniyad’a pepet vama hle tam d’igi an na na nga d’i. 15Ki tchetchemba, ladjï an tumung ang ki sum mangâ ni ki tugud’ei d’a tcho d’a tchi matna ni, ang ki sum mangâ agi dabagiya wa woi yam andagad’a da’. 16Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.
17Le ang d’el sum mana, le ang arazi a i nga d’uo ni, 18an mba ni se mogoina avin aboina hina dedege. Ni mogoi ma tcho ma tinï ad’u ambas sa Ezipte-d’a dei gak ini mi se nga yam tu d’uo na. 19Ki tchetchemba, ang tok d’uwar mangâ kahle mangâ pet avo. Mogoina mba mi se yam suma pet ki d’uwarâ pet suma a mba ar sä woi abagei suma a yozi nga avo d’uo na; a mba bo woyo.
20Azungeîna hi Faron suma ding suma a le mandara Ma didinina a tok azungeî mazina ki d’uwar mazina avo atogo zak. 21Wani suma a tin nga humazi yam zlad’a hi Ma didinid’a d’uo na, a ar azungeî mazina ki d’uwar mazina sä woi abageya.
22Ma didina mi de mi Moise ala: Ang hlabong akulo hur alona, ar mogoina mi se yam ambas sa Ezipte-d’a pet, nala, yam suma, yam d’uwarâ, yam awu ma deî hur asinenina yam ambas sa Ezipte-d’a pet.
23Moise mi hle totogo mamba akulo hur alona. Ma didina mi he vuna, alona mi breyâ, mi se ki mogoina, akud’a ndeï kä yam andagad’a mi. Ma didina mi sun mogoina mi se yam ambas sa Ezipte-d’a. 24Mogoina kakud’a gizeîd’a a se yam ambas sa Ezipte-d’a pet. Mi se ngola heî. Käd’u tinda hi Ezipte-d’a dei, mi se nga hina yam tu d’i.
25Kur ambas sa Ezipte-d’a pet, mogoina mi se yam ahlena pet suma a nga abageina, tin ad’ud’a yam suma gak mba yam d’uwarâ; mogoina mi rubat awu ma deî hur asinenina woi pet, mi kus aguna kä woi ndjondjom mi. 26Ni yam ambas sa Gosen nda Israel-lâ a nga kaka kuad’a go ba, mogoina mi se nga kat ti.
27 Faron mi yï Moise azi ki Aron, mi dazi ala: Ki tchetchem mba wanda, an le tchod’a! Ma didina ni ma d’ingêrâ; an ki sum mana, ami lami tchod’a! 28Agi i tchenegi Ma didina tala breîd’a ki mogoina a le d’uo d’a. An mba ni aragi agi igiya, an mba ni d’elegi d’uo d’a.
29Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina. 30Wani an wala ang kazungeî mangâ, agi mba lagi mandara Ma didina Alona d’uo d’ei.
31Baru d’a mayanga kawu orsâ a b’lak keyo, kayam awu orsâ mi tchuk yam mbeyo, barud’a ti b’o ni b’ö tua mi. 32Gemena kawu ma a yum ala epotrena a b’lak nga d’i, kayam azi ni suma a ne bugolâ.
33Moise mi nde woi avo hi Faron bugol azina, mi yo abom akulo avok Ma didina. Alona mi ar bei breîd’a, mogoina ad’um ka, alona mi yo woi mi.
34Ata yima Faron mi wala alona mi ar bei breîd’a mogoina ad’um ka mi na, nga mi i avogovok ki tcho mamba, mi b’al hurum kazungeî mama kiki. 35Faron mi b’al hurum kiki, mi ar nga Israel-lâ á id’a d’igi Ma didina mi dum zlad’a avun Moise na d’i.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.