Buzuk ka Abud’a 23
23
Gat ta bei ndjun sa yima sariyad’id’a
1Ma didina mi de kua ala: Agi tid’igi avun suma ki zlad’a aboina d’i, agi ndjagagi vunagi ki sama asa’atna á le glangâs ma aboina á ndjunum mbi. 2Ar agi zlabagi tagi ki suma ablauna á le tchod’a d’i, agi zlabagi tagi ki suma ablauna á b’lak sariya d’a d’ingêra woi d’i, 3ar agi wagi sama houd’a hohowom ata yima ka sariyad’a d’uo mi.
4Le agi wagi amuhl hloze korona hi magi ma djangûnina mi vit teyo ni, agi vum humziya. 5Le agi wagi korona hi magi ma djangûnina, mi puk nga kä abo aneka ni, agi golom tä d’i, agi hlumzi akulo.
6Le sama houd’a mi mba ki sariya mamba avorogiya ni, agi kamzi tchod’a d’i. 7Agi walagi woi ki zla d’a kad’a, ar agi kagi sariya d’a matna yam sama bei zlad’a kama d’oze yam sama d’ingêrâ d’i, kayam an mba ni ar bei ka sariyad’a yam sama ka sariya d’a matna yam sa mámina d’i. 8Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma wäd’u zlad’ina woyo, nga d’i b’lak zlad’a hi suma d’ingêrîd’a woi mi.
9Agi lagi angeina ndaka d’i, kayam agi tagi pî wagi kaka hangeinid’a, kayam agi tagi kagagï angoyogeina yam ambas sa Ezipte-d’a mi.
Gat ta yam yima tuk tad’id’a
10Ma didina mi de kua ala: Agi zumugi awuna yam andaga magid’a, agi dud’ugizi mi, gak bizad’a karagaya. 11Wani kur biza d’a kid’iziyad’a agi arat bei zuma. Magi suma houd’a a mba te kua, azurei suma abageina a mba te ad’um mba ara mi. Agi lagi hina ki guguzlu magid’a ki olif magina mi.
12Agi lagi sunda burâ karagaya, wani kur bur ma kid’iziyana agi tugugi tagiya, kayam amuzlei magina ki koro magina a tuk taziya, kayam yugunei magina grozina kangoyogei suma adigagina a tuk tazi mi.
13Agi ngomogi ahle suma an dagizina pet. Ar agi yagi simiyê alo ma ding ngi, ar a humum simiyêm avunagi d’uo mi.
Vun til ma Israel-lâ a nga ngomoma
(Gol Bzuk 34.18-26; Gat Mb 16.1-17)
14Ma didina mi de kua ala: Kur biza d’a lara pî agi lagi vun til ma han ngolina yagi hindi.
15Agi ngomogi vun til ma a lum kavungô ma bei angufina, agi lum gak burâ kid’iziya kur til ma Abip-ma d’igi an hagi vuna na. Kayam ni kur til máma ba, agi buzugugï woi avo Ezipte. Ar sa mi mba avoron abom hawa d’i.
16Agi ngomogi vun til ma yam awu ma ne avok kur asine maginina, kahle suma agi mba zaragizi kur asine maginina mi.
Agi ngomogi vun til ma dut awuna kur dabid’a hi bizad’a ata yima agi togogi awu ma kur asinena avo petna.
17Kur biza d’a lara pî andjuvei magina a mba avoron an Salad’a Ma didina yazi hindi.
18Ar agi mban avungô ma a lum kangufina zlapa ki vama ngat buzuna tu d’i, agi aragi mbul vama agi ngad’andji ata yima vun tilîna gak tcha yorogo d’i. 19Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.
Alona mi hle vunam yam kal la avo Kanan-nda
20Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima. 21Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu. 22Wani le agi humum vunamu, le agi lagi ahlena pet suma an dagi kazina ni, an arî ma djangûna hi suma djangû maginina, an mba ni noî suma a noyôgina mi.
23Malaika mana mba mi tit avorogiya, mba mi igi kur ambasa hi suma Amor-râ, hi suma Het-na, hi suma Peris-sâ, hi suma Kanan-na, hi suma Hef-fâ ki d’a hi suma Jebus-sîd’a; an mba ni dap sum ndazina woi avorogiya. 24Ata yi máma agi grivigi kä avok alo mazina á kud’urom mbi, agi lagi fileina d’igi azi nga le na d’uo mi. Wani agi b’lagagi alo mazina woyo, agi tozi filei mazi ma tcheta woi kakaf mi. 25Agi kud’urogi ni an Ma didina Alo magina tu. Hina wani, an mba ni b’e vunan yam te magina, yam mbiyo magi ma tched’a mi. An mba ni ar tugud’eid’a ti lagi d’i. 26Kur ambas magid’a atcha hurut mba mi nde woi d’i, atcha mba d’i b’al gendrege d’uo mi; an mba ni igi burugi fiyaka avok mi.
27An mba ni mbut suma mandarâ ngola avorogiya, an mba ni pleî suma agi mba kalagi avo hatazina woi yayak, an mba ni ar magi suma djangûna pet a mba ring avorogiya. 28An mba ni sun azlanguru ma ahlogahlo’â avorogiya; mba mi dik suma Hef-fâ, suma Kanan-na ki suma Het-na woi avorogiya. 29An mba ni digizi woi avorogi ni kur biza d’a tud’a tala ambasa mbut fula ba, amburei suma abageina a zul ba a vigigiya d’a d’i. 30An mba ni digizi woi avorogi nde nde gak agi zulugi ablaud’a ngola tua ba, agi hlagi ambasa. 31An mba ni tinï haga magid’a avun alum ma ngol ma Tchereuna dei gak mba avun alum ma ngol ma Mediterane-na, ei hur ful ma Sinai-na dei gak dap avun alum ma Efrat-na. Kayam an mba ni hagi suma a nga kaka kur ambas ndatina abogiya, agi mba digizi woi avorogi mi. 32Agi djinigi vunagi ki sed’ezi d’oze kalo mazina d’uo mi. 33Agi arazi a kak yam ambas magid’a tala agi mbud’ugi suma le tchod’a á kak djangûna ki an Alona d’a d’i. Le agi kud’urogi alo mazina ni, mam mba mi mbut ni dau ma vagina.
Currently Selected:
Buzuk ka Abud’a 23: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Buzuk ka Abud’a 23
23
Gat ta bei ndjun sa yima sariyad’id’a
1Ma didina mi de kua ala: Agi tid’igi avun suma ki zlad’a aboina d’i, agi ndjagagi vunagi ki sama asa’atna á le glangâs ma aboina á ndjunum mbi. 2Ar agi zlabagi tagi ki suma ablauna á le tchod’a d’i, agi zlabagi tagi ki suma ablauna á b’lak sariya d’a d’ingêra woi d’i, 3ar agi wagi sama houd’a hohowom ata yima ka sariyad’a d’uo mi.
4Le agi wagi amuhl hloze korona hi magi ma djangûnina mi vit teyo ni, agi vum humziya. 5Le agi wagi korona hi magi ma djangûnina, mi puk nga kä abo aneka ni, agi golom tä d’i, agi hlumzi akulo.
6Le sama houd’a mi mba ki sariya mamba avorogiya ni, agi kamzi tchod’a d’i. 7Agi walagi woi ki zla d’a kad’a, ar agi kagi sariya d’a matna yam sama bei zlad’a kama d’oze yam sama d’ingêrâ d’i, kayam an mba ni ar bei ka sariyad’a yam sama ka sariya d’a matna yam sa mámina d’i. 8Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma wäd’u zlad’ina woyo, nga d’i b’lak zlad’a hi suma d’ingêrîd’a woi mi.
9Agi lagi angeina ndaka d’i, kayam agi tagi pî wagi kaka hangeinid’a, kayam agi tagi kagagï angoyogeina yam ambas sa Ezipte-d’a mi.
Gat ta yam yima tuk tad’id’a
10Ma didina mi de kua ala: Agi zumugi awuna yam andaga magid’a, agi dud’ugizi mi, gak bizad’a karagaya. 11Wani kur biza d’a kid’iziyad’a agi arat bei zuma. Magi suma houd’a a mba te kua, azurei suma abageina a mba te ad’um mba ara mi. Agi lagi hina ki guguzlu magid’a ki olif magina mi.
12Agi lagi sunda burâ karagaya, wani kur bur ma kid’iziyana agi tugugi tagiya, kayam amuzlei magina ki koro magina a tuk taziya, kayam yugunei magina grozina kangoyogei suma adigagina a tuk tazi mi.
13Agi ngomogi ahle suma an dagizina pet. Ar agi yagi simiyê alo ma ding ngi, ar a humum simiyêm avunagi d’uo mi.
Vun til ma Israel-lâ a nga ngomoma
(Gol Bzuk 34.18-26; Gat Mb 16.1-17)
14Ma didina mi de kua ala: Kur biza d’a lara pî agi lagi vun til ma han ngolina yagi hindi.
15Agi ngomogi vun til ma a lum kavungô ma bei angufina, agi lum gak burâ kid’iziya kur til ma Abip-ma d’igi an hagi vuna na. Kayam ni kur til máma ba, agi buzugugï woi avo Ezipte. Ar sa mi mba avoron abom hawa d’i.
16Agi ngomogi vun til ma yam awu ma ne avok kur asine maginina, kahle suma agi mba zaragizi kur asine maginina mi.
Agi ngomogi vun til ma dut awuna kur dabid’a hi bizad’a ata yima agi togogi awu ma kur asinena avo petna.
17Kur biza d’a lara pî andjuvei magina a mba avoron an Salad’a Ma didina yazi hindi.
18Ar agi mban avungô ma a lum kangufina zlapa ki vama ngat buzuna tu d’i, agi aragi mbul vama agi ngad’andji ata yima vun tilîna gak tcha yorogo d’i. 19Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.
Alona mi hle vunam yam kal la avo Kanan-nda
20Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima. 21Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu. 22Wani le agi humum vunamu, le agi lagi ahlena pet suma an dagi kazina ni, an arî ma djangûna hi suma djangû maginina, an mba ni noî suma a noyôgina mi.
23Malaika mana mba mi tit avorogiya, mba mi igi kur ambasa hi suma Amor-râ, hi suma Het-na, hi suma Peris-sâ, hi suma Kanan-na, hi suma Hef-fâ ki d’a hi suma Jebus-sîd’a; an mba ni dap sum ndazina woi avorogiya. 24Ata yi máma agi grivigi kä avok alo mazina á kud’urom mbi, agi lagi fileina d’igi azi nga le na d’uo mi. Wani agi b’lagagi alo mazina woyo, agi tozi filei mazi ma tcheta woi kakaf mi. 25Agi kud’urogi ni an Ma didina Alo magina tu. Hina wani, an mba ni b’e vunan yam te magina, yam mbiyo magi ma tched’a mi. An mba ni ar tugud’eid’a ti lagi d’i. 26Kur ambas magid’a atcha hurut mba mi nde woi d’i, atcha mba d’i b’al gendrege d’uo mi; an mba ni igi burugi fiyaka avok mi.
27An mba ni mbut suma mandarâ ngola avorogiya, an mba ni pleî suma agi mba kalagi avo hatazina woi yayak, an mba ni ar magi suma djangûna pet a mba ring avorogiya. 28An mba ni sun azlanguru ma ahlogahlo’â avorogiya; mba mi dik suma Hef-fâ, suma Kanan-na ki suma Het-na woi avorogiya. 29An mba ni digizi woi avorogi ni kur biza d’a tud’a tala ambasa mbut fula ba, amburei suma abageina a zul ba a vigigiya d’a d’i. 30An mba ni digizi woi avorogi nde nde gak agi zulugi ablaud’a ngola tua ba, agi hlagi ambasa. 31An mba ni tinï haga magid’a avun alum ma ngol ma Tchereuna dei gak mba avun alum ma ngol ma Mediterane-na, ei hur ful ma Sinai-na dei gak dap avun alum ma Efrat-na. Kayam an mba ni hagi suma a nga kaka kur ambas ndatina abogiya, agi mba digizi woi avorogi mi. 32Agi djinigi vunagi ki sed’ezi d’oze kalo mazina d’uo mi. 33Agi arazi a kak yam ambas magid’a tala agi mbud’ugi suma le tchod’a á kak djangûna ki an Alona d’a d’i. Le agi kud’urogi alo mazina ni, mam mba mi mbut ni dau ma vagina.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.