Buzuk ka Abud’a 20
20
Vun ma he ma dogona
(Gol Gat Mb 5.6-21)
1Wana ni zla d’a Alona mi dat mi Israel-lîd’a:
2An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.
3Ar ang kud’or alo ma ding ngi.
4Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i. 5Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina. 6Suma a nga le kan suma a nga ngom vun ma he manina, an mba ni wazi hohowozi gak kur atchogoi d’a dubud’a.
7Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.
8Ar ang djib’er yam bur ma sabatna, ang tinim iram vam yam anu. 9Ar ang le sun manga gak burâ karagaya, ar ang dap sun manga kua pet. 10Wani bur ma kid’iziyana ni bur ma sabat ma ang tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, d’uwar mangâ d’oze angei ma nga kaka avo hatangâ. 11Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.
12Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.
13Ar ang tchi sa d’i.
14Ar ang le mizeuna d’i.
15Ar ang kul li.
16Ar ang le glangâs ma aboina yam ndrangâ d’i.
17Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.
18Israel-lâ pet a hum breîd’a halonid’a ki tchina hadifina, a we wiled’a kandos ma nga mi d’us yam ahinad’ina, a nde zlaka abo ahle ndazina, a tchol sä woi hina dei. 19A de mi Moise ala: Ang tang dami zlad’a; ami mba humumiya. Wani ar Ma didina mi dami zlad’a ba ami bomi woi d’i.
20Moise mi de mi Israel-lâ ala: Agi lagi mandar ri, kayam ni vama kuka kagi ala Alona mi mba ni kayambala agi lum mandaram tala agi lagi tchod’a d’uo d’a.
21Israel-lâ a tchol sä woi hina dei, wani Moise mi hud’ï gen d’ugul la wura d’a i’îlik ka Alona mi nga kuad’a.
Gat ta yam yima ngal ahle suma ngat buzunid’a
22Ma didina mi de mi Moise ala: Ang i de mi Israel-lâ ala: Ma didina mi dala: Agi wagi ala an dagï zlad’a nakulo. 23Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i. 24Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi. 25Agi le minigi yima ngal ahle suma ngat buzuna kahinad’a ni, agi minim kahina d’a tcheta d’i, kayam le agi minim kahina d’a a tched’et ki drozlod’id’a ni, mba d’i mbud’um ndjendjed’a. 26Agi minigi yima ngal ahle suma ngat buzuna ki yima djak akulona tala sama djak akulona suma a wum gandila mamba d’uo d’a.
Currently Selected:
Buzuk ka Abud’a 20: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Buzuk ka Abud’a 20
20
Vun ma he ma dogona
(Gol Gat Mb 5.6-21)
1Wana ni zla d’a Alona mi dat mi Israel-lîd’a:
2An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.
3Ar ang kud’or alo ma ding ngi.
4Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i. 5Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina. 6Suma a nga le kan suma a nga ngom vun ma he manina, an mba ni wazi hohowozi gak kur atchogoi d’a dubud’a.
7Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.
8Ar ang djib’er yam bur ma sabatna, ang tinim iram vam yam anu. 9Ar ang le sun manga gak burâ karagaya, ar ang dap sun manga kua pet. 10Wani bur ma kid’iziyana ni bur ma sabat ma ang tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, d’uwar mangâ d’oze angei ma nga kaka avo hatangâ. 11Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.
12Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.
13Ar ang tchi sa d’i.
14Ar ang le mizeuna d’i.
15Ar ang kul li.
16Ar ang le glangâs ma aboina yam ndrangâ d’i.
17Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.
18Israel-lâ pet a hum breîd’a halonid’a ki tchina hadifina, a we wiled’a kandos ma nga mi d’us yam ahinad’ina, a nde zlaka abo ahle ndazina, a tchol sä woi hina dei. 19A de mi Moise ala: Ang tang dami zlad’a; ami mba humumiya. Wani ar Ma didina mi dami zlad’a ba ami bomi woi d’i.
20Moise mi de mi Israel-lâ ala: Agi lagi mandar ri, kayam ni vama kuka kagi ala Alona mi mba ni kayambala agi lum mandaram tala agi lagi tchod’a d’uo d’a.
21Israel-lâ a tchol sä woi hina dei, wani Moise mi hud’ï gen d’ugul la wura d’a i’îlik ka Alona mi nga kuad’a.
Gat ta yam yima ngal ahle suma ngat buzunid’a
22Ma didina mi de mi Moise ala: Ang i de mi Israel-lâ ala: Ma didina mi dala: Agi wagi ala an dagï zlad’a nakulo. 23Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i. 24Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi. 25Agi le minigi yima ngal ahle suma ngat buzuna kahinad’a ni, agi minim kahina d’a tcheta d’i, kayam le agi minim kahina d’a a tched’et ki drozlod’id’a ni, mba d’i mbud’um ndjendjed’a. 26Agi minigi yima ngal ahle suma ngat buzuna ki yima djak akulona tala sama djak akulona suma a wum gandila mamba d’uo d’a.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.