Buzuk ka Abud’a 15
15
Sawal la bangâna hi Israel-lîd’a
1Ata yi máma Moise azi ki Israel-lâ a hle sawal la wanda mi Ma didina, a dala:
An mba ni hle sawala á gile Ma didina,
kayam me mi tak ad’eng mam mba kal teglesa woi abua.
Mi tchuk akulumeina ki suliyozina kä kur alum ma ngolâ.
2Ma didina nad’eng manda; ni mam ba, an ni gilemu.
Ni ma sud’una;
NAlo mana, an mba ni suburumu.
Mam mi Alona habuna,
an mba ni hum ngola.
3Ma didina ni ma gangrang ma dur ayîna,
simiyêm Ma didina mi ndaga.
4Mi tchuk pus ma dur ayîna hi Faron-nina
ki azigar mama kä kur alum ma ngolâ.
Mam suma gangrang suma dur ayîna,
alum ma ngol ma Tchereuna mi hlubuzi kä.
5Abilâ mi hlubuzi kä,
azi sir kä kur galileina d’igi ahinad’a na.
6Ma didina, abong ma ndjufâ mi tak ad’eng manga woyo.
Ma didina, abong ma ndjufâ mi hahl mang suma djangûna woyo.
7Yam ngol mang nga kal teglesa,
ang nga zut suma a kak djangûna ki sed’engâ kä;
ang ar ayî mang ma bibiliuna nga mi ngalazi
d’igi akud’a nga d’i ngal kuzad’a na.
8Ki muzuk ka atchinanga, mbina mi tok akulo yam tamu;
mbiyo ma d’id’ilima mi tchol akulo woi d’igi gulumuna na,
abilâ mi b’al ad’enga ngingi kä kur aluma.
9Mami suma djangûna a dala:
Ei mba digiziya, ei mba faziya,
ei mba b’rawei ahle suma ei hurumuzina,
ei mba hobei kiya,
ei mba pad’ei mbigeu d’a fiyaka,
ei mba tchaziya.
10Ma didina, ang fo simet ma avunangâ;
alum ma ngolâ mi hlubuzi kä!
Azi sir kä d’igi lomba na
aduk mbiyo ma d’id’ilima.
11Ma didina, ni nge ba, aduk alo ma tetengâ d’igi ang na ge?
Ni nge ba, ma kal papa ma yed’et ma kal tegles ma ndak á hud’a
ma lahle suma ndandalâ d’igi ang na na ni nge ge?
12Ang hlabong ma ndjufâ akulo;
andagad’a ti ligiziya.
13Yam we hohou manga,
ang tin mang suma ang prud’uzi woina;
yam ad’eng manga,
ang nga izi ata yi mang ma ang tinim iram vama.
14Andjaf suma dingâ a huma, a nga zlaga;
mandarâ mi ve suma Filistê-na mi.
15Amulei suma Edom-ma, mandarâ mi vazi ngola;
suma gangrang suma dur ayî suma Mowap-ma a nga zlaga.
Suma Kanan-na pet a tchuk susub’ok.
16Vunadigazi mba d’i pat fek,
mandarâ mba mi lazi ngola.
Yam ad’eng mang nga ang tagat teid’a,
azi mba ngel lei d’igi ahinad’a na
gak sum mangâ a mba kal tua,
gak suma ang prud’uzi woina a kal tua mi.
17Ma didina, ang mba i ki sed’ezi á tinizi
yam ahina mang nga ang mba tat djonid’a,
yam yima ang min á kaka kuana,
yam yima ang tanga gäd’u yima a mba kud’urong kuanina.
18Ma didina, ang mba tamula bei dabid’a gak didin!
19Kayam akulumeina hi Faron-na ki pus mam ma dur ayîna ki mam suma djang akulumeina a tchuk kä hur alum ma ngolâ. Ma didina, ang kus mbiyo alum ma ngolâ kä kaziya, wani Israel-lâ a tit aduk alum ma ngolâ kasezi sod’a tchitching.
20Miriyam mba djok vun Alona Aron wiyemba, ti hleï daliyâd’a abod’u; aropma pet a buzuk blogot ki daliyâ mazid’a, a nga lü ndjongâ.
21Miriyam ti hulong dazi ala:
Agi hlagi sawala á gilegi Ma didina,
kayam me mi tak ad’eng mam mba kal teglesa woi abua,
mi tchuk akulumeina ki suliyozina kä kur alum ma ngolâ.
ISRAEL-LÂ A NGA TIT ABAGEI HUR FULÂ
(15.22—18.27)
Mbiyo ma Mara-na
22Moise mi tchol ki Israel-lâ avun alum ma ngol ma Tchereuna. A hle lovot ta i abo ma hur ful ma Sur-rîd’a, a tit abagei hur fulâ burâ hindi bei fe mbiyo ma tched’a. 23Azi mbaza Mara, wani azi ndak á tche mbiyo ma Mara-na d’i, kayam ma aglara. Ni kayam ndata ba, a yum ala Mara ni na. 24Ablau suma a nde gureî yam Moise, a nga dala: Ei mba tchei hî ni me ge?
25Moise mi nde tchina yam Ma didina; Ma didina mi tagam agu ma dingâ tu. Moise mi gum kä aduk mbina; mbiyo máma mi mbut adjib’eta.
Ni kua ba, Ma didina mi hazi gata ki vun ma hed’a; ni kua ba, mi kuguziya. 26Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.
27Israel-lâ a mba Elim, a kak kolâ go ki mbina, kayam ata yi máma golongeî suma laud’a a nga kua dogo yam mbà kamulongeîna dok kid’iziya mi.
Currently Selected:
Buzuk ka Abud’a 15: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Buzuk ka Abud’a 15
15
Sawal la bangâna hi Israel-lîd’a
1Ata yi máma Moise azi ki Israel-lâ a hle sawal la wanda mi Ma didina, a dala:
An mba ni hle sawala á gile Ma didina,
kayam me mi tak ad’eng mam mba kal teglesa woi abua.
Mi tchuk akulumeina ki suliyozina kä kur alum ma ngolâ.
2Ma didina nad’eng manda; ni mam ba, an ni gilemu.
Ni ma sud’una;
NAlo mana, an mba ni suburumu.
Mam mi Alona habuna,
an mba ni hum ngola.
3Ma didina ni ma gangrang ma dur ayîna,
simiyêm Ma didina mi ndaga.
4Mi tchuk pus ma dur ayîna hi Faron-nina
ki azigar mama kä kur alum ma ngolâ.
Mam suma gangrang suma dur ayîna,
alum ma ngol ma Tchereuna mi hlubuzi kä.
5Abilâ mi hlubuzi kä,
azi sir kä kur galileina d’igi ahinad’a na.
6Ma didina, abong ma ndjufâ mi tak ad’eng manga woyo.
Ma didina, abong ma ndjufâ mi hahl mang suma djangûna woyo.
7Yam ngol mang nga kal teglesa,
ang nga zut suma a kak djangûna ki sed’engâ kä;
ang ar ayî mang ma bibiliuna nga mi ngalazi
d’igi akud’a nga d’i ngal kuzad’a na.
8Ki muzuk ka atchinanga, mbina mi tok akulo yam tamu;
mbiyo ma d’id’ilima mi tchol akulo woi d’igi gulumuna na,
abilâ mi b’al ad’enga ngingi kä kur aluma.
9Mami suma djangûna a dala:
Ei mba digiziya, ei mba faziya,
ei mba b’rawei ahle suma ei hurumuzina,
ei mba hobei kiya,
ei mba pad’ei mbigeu d’a fiyaka,
ei mba tchaziya.
10Ma didina, ang fo simet ma avunangâ;
alum ma ngolâ mi hlubuzi kä!
Azi sir kä d’igi lomba na
aduk mbiyo ma d’id’ilima.
11Ma didina, ni nge ba, aduk alo ma tetengâ d’igi ang na ge?
Ni nge ba, ma kal papa ma yed’et ma kal tegles ma ndak á hud’a
ma lahle suma ndandalâ d’igi ang na na ni nge ge?
12Ang hlabong ma ndjufâ akulo;
andagad’a ti ligiziya.
13Yam we hohou manga,
ang tin mang suma ang prud’uzi woina;
yam ad’eng manga,
ang nga izi ata yi mang ma ang tinim iram vama.
14Andjaf suma dingâ a huma, a nga zlaga;
mandarâ mi ve suma Filistê-na mi.
15Amulei suma Edom-ma, mandarâ mi vazi ngola;
suma gangrang suma dur ayî suma Mowap-ma a nga zlaga.
Suma Kanan-na pet a tchuk susub’ok.
16Vunadigazi mba d’i pat fek,
mandarâ mba mi lazi ngola.
Yam ad’eng mang nga ang tagat teid’a,
azi mba ngel lei d’igi ahinad’a na
gak sum mangâ a mba kal tua,
gak suma ang prud’uzi woina a kal tua mi.
17Ma didina, ang mba i ki sed’ezi á tinizi
yam ahina mang nga ang mba tat djonid’a,
yam yima ang min á kaka kuana,
yam yima ang tanga gäd’u yima a mba kud’urong kuanina.
18Ma didina, ang mba tamula bei dabid’a gak didin!
19Kayam akulumeina hi Faron-na ki pus mam ma dur ayîna ki mam suma djang akulumeina a tchuk kä hur alum ma ngolâ. Ma didina, ang kus mbiyo alum ma ngolâ kä kaziya, wani Israel-lâ a tit aduk alum ma ngolâ kasezi sod’a tchitching.
20Miriyam mba djok vun Alona Aron wiyemba, ti hleï daliyâd’a abod’u; aropma pet a buzuk blogot ki daliyâ mazid’a, a nga lü ndjongâ.
21Miriyam ti hulong dazi ala:
Agi hlagi sawala á gilegi Ma didina,
kayam me mi tak ad’eng mam mba kal teglesa woi abua,
mi tchuk akulumeina ki suliyozina kä kur alum ma ngolâ.
ISRAEL-LÂ A NGA TIT ABAGEI HUR FULÂ
(15.22—18.27)
Mbiyo ma Mara-na
22Moise mi tchol ki Israel-lâ avun alum ma ngol ma Tchereuna. A hle lovot ta i abo ma hur ful ma Sur-rîd’a, a tit abagei hur fulâ burâ hindi bei fe mbiyo ma tched’a. 23Azi mbaza Mara, wani azi ndak á tche mbiyo ma Mara-na d’i, kayam ma aglara. Ni kayam ndata ba, a yum ala Mara ni na. 24Ablau suma a nde gureî yam Moise, a nga dala: Ei mba tchei hî ni me ge?
25Moise mi nde tchina yam Ma didina; Ma didina mi tagam agu ma dingâ tu. Moise mi gum kä aduk mbina; mbiyo máma mi mbut adjib’eta.
Ni kua ba, Ma didina mi hazi gata ki vun ma hed’a; ni kua ba, mi kuguziya. 26Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.
27Israel-lâ a mba Elim, a kak kolâ go ki mbina, kayam ata yi máma golongeî suma laud’a a nga kua dogo yam mbà kamulongeîna dok kid’iziya mi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.