Ester 4
4
Mardose mi de mi Ester ala ti ndjunuziya
1Ata yima Mardose mi hum zla ndatina, mi haû baru ma atama woyo, mi tchuk baru d’a dodora atamu, mi ko butna kamu, mi i hur azì ma ngolâ, nga mi tchi tchi ma hat hurâ ki delem akulo. 2Mi mbaza avun agre’â hamulîna, mi tchola, kayam ni yima sa nga mi kal kua ki dodora atam mbuo na. 3Kur ambas sa lara d’a vun ma hed’a hamulîna ki gat mamba a i kuad’a, Juif-fâ a nga tchi tchi ma hohoud’a kur aziyaziya, a nga d’el tazi bei te te ma luna, a nga tchiya, a nga yor taziya; ablaud’a adigazi a tchuk baru d’a dodora ataziya, a nga bur kä aduk butna mi.
4Yuguneina hi Ester-râ ki mat suma ngom aropma a mba de zla Mardose mamula Ester. Ata yi máma djib’er mata b’lak ngola, ti sun baruna ala Mardose mi tchugum atamu, mi fok ma dodora woyo. Wani mam min ndi. 5Ata yi máma Ester ti yi Hatak ma aduk suma ngom aropma ma amulâ mi hattchi abotna, ti sunum gen Mardose á djobom yam zla ndata ala na ni ti tcholï ni lara ge? 6Hatak mi i gen Mardose kur atrang nga avun azì ma amulid’a. 7Mardose mi vum ad’ud’a yam ahlena pet suma a lena, yam bege d’a Haman mi hle vunam á hat kur gong nga ngom beged’a hamulîd’a tala a tchi Juif-fâ woyo d’a mi. 8Mi hum mbaktum mba a b’irit ki vun ma hed’a hamulâ ki gat mam mba a tchat walat tei kur azì ma ngol ma Sus-sâ ala: A tchi Juif-fâ woyo d’a. Mi dum kua ala: Ang i tak mbaktum ndata mi Ester. Mi vum ad’u zlad’a, mi dum kua ala: Ang i dat ala ti i gen amulâ, ti tchenem yam sum matna, mi wazi hohowoziya.
9Hatak mi i de Ester zlad’a hi Mardose-d’a. 10Ester ti he vuna mi Hatak, ti dum ala mi i de mi Mardose ala: 11Azungeîna hamulîna pet ki suma kur ambas mambina pet a wala gata nga yam nge nge pî, mandjufâ d’oze atchad’a, ma kal krovo avok amulâ bei yum ba na, a tchumî woyo. Gat ndata ni yam suma pet; ma aram bei tchid’ina ni ma amulâ mad’am yam totogo mam mba lorina hol. Wani an le kä ni tilâ sop bei yan krovo avok amulâ ba.
12Kid’a Mardose mi hum zlad’a hi Ester-rid’a, 13mi hulong dat ala: Ndak djib’er ala ndak tu ba mba sut tei aduk Juif-fâ kayambala ndak nga avo hamulâ d’a d’i. 14Ndak le de va d’uo ni, ndjunda ki suta a mba tcholï ata yima dingâ yam Juif-fâ, wani ndak ki suma avo habu’â a mba tchagi woyo. Wani ni nge mi we ge, dam ni yam zla d’a hina d’a ba, ndak mba ini avo hamulâ kla ni ge!
15Ester ti hulong de mi Mardose ala: 16Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu! 17Mardose mi ge tam mi i á lahlena pet suma Ester ti hum vuna kazina.
Currently Selected:
Ester 4: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ester 4
4
Mardose mi de mi Ester ala ti ndjunuziya
1Ata yima Mardose mi hum zla ndatina, mi haû baru ma atama woyo, mi tchuk baru d’a dodora atamu, mi ko butna kamu, mi i hur azì ma ngolâ, nga mi tchi tchi ma hat hurâ ki delem akulo. 2Mi mbaza avun agre’â hamulîna, mi tchola, kayam ni yima sa nga mi kal kua ki dodora atam mbuo na. 3Kur ambas sa lara d’a vun ma hed’a hamulîna ki gat mamba a i kuad’a, Juif-fâ a nga tchi tchi ma hohoud’a kur aziyaziya, a nga d’el tazi bei te te ma luna, a nga tchiya, a nga yor taziya; ablaud’a adigazi a tchuk baru d’a dodora ataziya, a nga bur kä aduk butna mi.
4Yuguneina hi Ester-râ ki mat suma ngom aropma a mba de zla Mardose mamula Ester. Ata yi máma djib’er mata b’lak ngola, ti sun baruna ala Mardose mi tchugum atamu, mi fok ma dodora woyo. Wani mam min ndi. 5Ata yi máma Ester ti yi Hatak ma aduk suma ngom aropma ma amulâ mi hattchi abotna, ti sunum gen Mardose á djobom yam zla ndata ala na ni ti tcholï ni lara ge? 6Hatak mi i gen Mardose kur atrang nga avun azì ma amulid’a. 7Mardose mi vum ad’ud’a yam ahlena pet suma a lena, yam bege d’a Haman mi hle vunam á hat kur gong nga ngom beged’a hamulîd’a tala a tchi Juif-fâ woyo d’a mi. 8Mi hum mbaktum mba a b’irit ki vun ma hed’a hamulâ ki gat mam mba a tchat walat tei kur azì ma ngol ma Sus-sâ ala: A tchi Juif-fâ woyo d’a. Mi dum kua ala: Ang i tak mbaktum ndata mi Ester. Mi vum ad’u zlad’a, mi dum kua ala: Ang i dat ala ti i gen amulâ, ti tchenem yam sum matna, mi wazi hohowoziya.
9Hatak mi i de Ester zlad’a hi Mardose-d’a. 10Ester ti he vuna mi Hatak, ti dum ala mi i de mi Mardose ala: 11Azungeîna hamulîna pet ki suma kur ambas mambina pet a wala gata nga yam nge nge pî, mandjufâ d’oze atchad’a, ma kal krovo avok amulâ bei yum ba na, a tchumî woyo. Gat ndata ni yam suma pet; ma aram bei tchid’ina ni ma amulâ mad’am yam totogo mam mba lorina hol. Wani an le kä ni tilâ sop bei yan krovo avok amulâ ba.
12Kid’a Mardose mi hum zlad’a hi Ester-rid’a, 13mi hulong dat ala: Ndak djib’er ala ndak tu ba mba sut tei aduk Juif-fâ kayambala ndak nga avo hamulâ d’a d’i. 14Ndak le de va d’uo ni, ndjunda ki suta a mba tcholï ata yima dingâ yam Juif-fâ, wani ndak ki suma avo habu’â a mba tchagi woyo. Wani ni nge mi we ge, dam ni yam zla d’a hina d’a ba, ndak mba ini avo hamulâ kla ni ge!
15Ester ti hulong de mi Mardose ala: 16Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu! 17Mardose mi ge tam mi i á lahlena pet suma Ester ti hum vuna kazina.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.