Gat ta a hat á mbàd’id’a 32
32
1Ndak akulod’a, ndak tin humak ndak hum zla d’a an nga ni data.
Ndak andagad’a, ndak hum zla d’a ndavunanda.
2Ar d’al ma an duma mi b’rau woi d’igi alo ma sed’a na.
Ar hat manda ti b’rau woi d’igi mbad’ïd’a na,
d’igi mbiyo ma kus sei yam asu ma mi deî awilina na,
d’igi mbiyo ma yak yam asu ma mi deî awilina na mi.
3Kayam an nga ni tchi wala ki simiyê Ma didina.
Agi Israel-lâ, agi hagi ngola mAlo meina!
4Ma didina nahina d’a ndjunid’a.
Sun mam mba led’a ndak memet,
nga hur mama pet ni ma iratna,
ni ma d’engzengâ burâ ki burâ,
ni Ma bei tchod’a ba na,
ni ma d’ingêrâ, ni ma gagazina mi.
5Agi suma tcho suma bei wad’ud’a,
agi tchilagi yam zlad’a hi Ma didinid’a,
agi mbud’ugi ni tagi zulona,
agi nga ni groma d’uo d’a!
6Agi suma lilid’a, agi suma bei wad’ud’a,
ni hina ba, agi tid’igi avok Ma didina zu?
Mi nga nabugi ma lagina d’uo zu?
Ni mam ba, mi lagi mi siragi mi d’uo zu?
7Agi djib’eregi yam bur ma adjeuna,
yam atchogoi d’a kal leid’a,
agi djobogi simiyêgi ki momorogei magina;
azi mba vagi ad’ud’a yam ahle suma kalâ.
8Kid’a Ma kal teglesâ
mi b’rau andagad’a mi sumid’a,
mi tin ir hagad’a handjaf sumid’a,
mi tin suma lara pî ata yazi
ngad’a yam andjafâ hi Jakob-ma.
9Wani b’raud’a hi Ma didinid’a ni Israel-lâ,
andjafâ hi Jakob-ma ni djo mama.
10Ma didina mi feï Israel-lâ nabagei hur fulâ,
aduk amburei suma tcho suma tchi mazina mbut suma mandarîna.
Mi gahlabam kaziya, mi ngomoziya,
mi ngomozi ni d’igi iram mba aduka na.
11Mi le ki sed’ezi ni d’igi agigilauna
nga mi gas groma kur aziyam na,
nga mi dal akulo kaziya,
nga mi tin gigingâm kä ad’uziya,
nga mi yozi mi i ki sed’ezi akulo.
12Gagazi, ni Ma didina tu ba, mi tin sum mama;
alo ma ding nga ki sed’em mbi.
13Mi djak ki sed’ezi akulo
yam ambas sa ata yima ndingîd’a,
mi hazi te ma abageina;
mi hazi mbul ayum ma aduk ahinad’ina,
mi hazi mbul ma aduk ahina d’a ad’engina mi.
14A te mbul ambir amuhla kambir aho’â
zlapa ki mbul tumiyôna
ki mbul gamlâ ma Basan-na ki ma hi mbekmberinina.
A tawu ma djivi ma kalâ,
a tche süm guguzlu d’a gurud’unga.
15Bugola, azi te, a hopa,
a d’or gugundulî.
Jesurun#32.15 Jesurun: Nala, Israel. mi ndjabom mbei aduk asuna,
mi ar Alo mam ma luma woyo,
mi gol ahina d’a sud’umba is.
16Azi djo Ma didina ki sun mazi d’a ndjendjed’a,
a zalam hurum ki kud’or
ra azi nga kud’or alo ma dingîd’a mi.
17Azi nga ngat buzuna mi muzuk ma tcho ma fileina,
malo mala nAlo ma gagazina d’uo na,
malo ma a wum nga d’uo na,
malo ma awili ma abuyozi ngolo
a wum nga d’uo na mi.
18Gagazi, agi Israel-lâ,
agi maragi woi yam ahina d’a ndjunugid’a,
agi maragi woi yam ma tchugugina,
agi gologi Alo ma hagi arid’ina is mi.
19Ata yima Ma didina mi we grom suma andjofâ
ki grom suma aropma a nga lazama,
mi noyôzi woi mi.
20Mi dala:
An mba ni ngei tan ndei avoroziya!
An mba ni we vama mba mi mba kazina!
Kayam azi ni suma tchona,
ni gro suma ang tin hurung kazi d’i.
21Azi nga tinin á le yungôra yam alo ma ka zlad’a,
a nga djon ki filei ma tuwala.
An tan mba ni tinizi á le yungôra
yam suma ala nandjaf ma gagazi d’uo na,
an mba ni djozi kandjaf ma bei ned’a mi.
22Kayam ayî mana mba mi fo d’igi akud’a na,
mba mi ngal gak mi i kä ata yima azuleina,
mba mi ngal andagad’a kahle suma katna woyo,
mba mi ngal ahinad’a kad’ut ta kä d’a woi mi.
23An mba ni togozi ndaka kaziya,
an mba ni yed’ezi ki yeû manda.
24Azi mba it abo meid’a,
tazi mba d’i kumuruziya,
tugud’ei d’a tchod’a mba d’i mba kaziya;
an mba ni sunï amburei suma ayîna
ki guguyo suma ayîna atazi mi.
25A mba tchazi ki mbigeu d’a fiyaka ir palumba;
a mba bo avo hur azina abo mandarâ.
Matna mba mi tchi suma pet,
azungeîna, yuguneina, momorogeina,
ki kem mba tchapona mi.
26An djib’er kurun ala
an mba ni dabazi woi pet,
an mba ni mbud’uzi suma sa mba mi
djib’er kazi yam andagad’a d’uo na.
27Wani an nga ki mandarâ
ala mazi suma djangûna a mba lazanu,
a mba djib’er ala ni azi ba
a le sun nda ndandal ndata,
a mba djib’er ala ni an ba ni lat tuo.
28Israel-lâ ni suma bei wäd’u zlad’a,
azi ni suma bei d’alâ ba na mi.
29Ladjï azi ni suma ned’a ni,
a mba wäd’u ahle ndazina,
a mba djib’er yam ahle suma a mba mba kazina.
30Ladjï an Ahina mazi d’a suta ni guzuzi woi
abo mazi suma djangûna d’uo,
an Ma didina ni hazi
abo mazi suma djangûna d’uo ni,
ni nana ba, sama tuna,
mi dik suma dubuna ge,
ni nana ba, suma mbàna,
a dik suma dudubu dogona ge?
31Kayam ahina mazi d’a ndjunda nga
d’igi an Ahina d’a ndjunda hi Israel-lîd’a na d’i,
mazi suma djangû tazid’a pî, a we na mi.
32Wani guguzlu mazid’a
nandjaf guguzlu d’a Sodom-mba,
asine mazina
nandjaf andaga d’a Gomor-ra.
Vut guguzlu mazid’a
ni d’igi kuma ma tchona na,
ades guguzlu mazid’a
nades guguzlu d’a aglara.
33Süm guguzlu mazi d’a ayîna
ni d’igi ayî guguyona na,
ni d’igi ayî mageid’a na mi.
34Ahle ndazina pet a nga ni ngeid’a abo an nduo zu?
An nga ni ngomozi kur gong man nda ngom ahlena mi d’uo zu?
35Atchugul la sad’a ni manda;
ni an ba mba ni sad’azi
yam sun mazi d’a led’a,
kur bur ma asezi mi ka azlard’eid’ina.
Kayam bur ma ndaka mba kazina mi ar go,
dabi mazid’a mba d’i mba kazi atogo zak mi.
36Ma didina mba mi ka sariyad’a yam sum mama,
wani mba mi we hohowa azungeî mama
ata yima mi wazi ad’engêzi d’i nga d’uo na,
ata yima sama mi vazi kä
d’oze mi tchuguzi akulona nga d’uo na mi.
37Ma didina mba mi dazi ala:
Alo magi ma hawa yak máma,
mi nga ni lara ge?
Ahina magi d’a hawa yak
ka agi ring á ngei tagi atat ndata,
ti nga ni lara ge?
38Alo magi ma hawa yak
ma agi hum ahle suma ngat buzu suma mbulâ
zlapa ki süm guguzlu d’a he d’a hawad’ina,
mi nga ni lara ge?
Ar mi tchol mi ndjunugiya,
ar mi ngomogiya.
39Ki tchetchemba, agi wagi woi ala
ni an tu ba nAlona.
Alo ma ding nga ki sed’en ndi.
Ni an ba ni tchi sana;
ni an ba ni ar sana karid’a;
ni an ba ni ka sana mbilâ;
ni an ba ni tchilim mbilim mi.
Sama ndak á prut sana woi abona nga d’i.
40An hlabon akulo hur alona,
an gun tan ala:
An ni ma nga kaka ki iran gak didina!
41An nga ni gur mbigeu man nda fiyaka,
ni ligid’et siyat mi ngal wiwilik.
An hlabon akulo á ka sariyad’a,
an mba ni hlatchugulun ki man suma djangûna,
an mba ni wurak suma a noyôna mi.
42Yeû manda mba d’i tchor buzuna,
mbigeu man nda fiyaka mba d’i b’lak hliwa suma woyo.
Suma nglo suma avok suma dur ayînina,
sa mba mi sut tu d’i.
Suma a duruzi mbuleinina
d’oze suma a yozi magombina,
an mba ni tchazi woi pet.
43Ar andjaf suma pet a le furîd’a yam sum mama!
Kayam Ma didina nga mi hlatchugula matna hazungeî mamina,
nga mi hlatchugulum ki mam suma djangûna,
nga mi mbut ambas mamba yed’et ki sum mama mi.
44Moise azi ki Josue Nun goroma a mba a ndum sawal ndata ki zla tat pet kayam suma a humud’u.
45Ata yima Moise mi dap sawal ndata ndumba avok Israel-lâ petna, 46mi dazi ala: Agi vagi vun ma he ma an hagizi inina abogi ped’et, agi djogom mi grogina kayambala azi ngom zla d’a pet ta a b’irit kur gat ndatid’a, a tit kat mi d’a. 47Kayam vun ma he máma ni vama hawa ya’â kagi d’i. Ni ari magid’a. Ni kayam mam ba, agi mba tagi tatâ yam ambas sa agi nga djagagi alum ma Jurdê-na á hlat wanda.
Alona mi de woi yam matna hi Moise-sâ
48Kur bur máma tamba Ma didina mi de Moise ala: 49Ang i djak akulo yam ahina d’a Abarim-mba, yam ahina d’a Nebo d’a yam ambas sa Mowap pa ngagad’a yam Jeriko d’ara, ang gol ambas sa Kanan nda an nga ni hat mi Israel-lîd’a. 50Ang mba mit akulo yam ahina d’a ang i djak kat wanda, ang mba i azulei kä ad’u abuyong ngolo d’igi wiyengâ Aron mi mit akulo yam ahina d’a Hor-ra, mi i azulei kä ad’u abuyom ngolo na mi. 51Kayam agi lagi tchod’a ngola avoron avok Israel-lâ avun mbiyo ma Meriba ma Kades ma hur ful ma Tisin-nina, agi tagan nga subur manda woi aduk Israel-lâ d’i. 52Kayam ndata, ang mba gol ambas sa an nga ni hat mi Israel-lîd’a sä woi avorong hina dei, wani ang tanga mba kal kur ri.
Currently Selected:
Gat ta a hat á mbàd’id’a 32: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Gat ta a hat á mbàd’id’a 32
32
1Ndak akulod’a, ndak tin humak ndak hum zla d’a an nga ni data.
Ndak andagad’a, ndak hum zla d’a ndavunanda.
2Ar d’al ma an duma mi b’rau woi d’igi alo ma sed’a na.
Ar hat manda ti b’rau woi d’igi mbad’ïd’a na,
d’igi mbiyo ma kus sei yam asu ma mi deî awilina na,
d’igi mbiyo ma yak yam asu ma mi deî awilina na mi.
3Kayam an nga ni tchi wala ki simiyê Ma didina.
Agi Israel-lâ, agi hagi ngola mAlo meina!
4Ma didina nahina d’a ndjunid’a.
Sun mam mba led’a ndak memet,
nga hur mama pet ni ma iratna,
ni ma d’engzengâ burâ ki burâ,
ni Ma bei tchod’a ba na,
ni ma d’ingêrâ, ni ma gagazina mi.
5Agi suma tcho suma bei wad’ud’a,
agi tchilagi yam zlad’a hi Ma didinid’a,
agi mbud’ugi ni tagi zulona,
agi nga ni groma d’uo d’a!
6Agi suma lilid’a, agi suma bei wad’ud’a,
ni hina ba, agi tid’igi avok Ma didina zu?
Mi nga nabugi ma lagina d’uo zu?
Ni mam ba, mi lagi mi siragi mi d’uo zu?
7Agi djib’eregi yam bur ma adjeuna,
yam atchogoi d’a kal leid’a,
agi djobogi simiyêgi ki momorogei magina;
azi mba vagi ad’ud’a yam ahle suma kalâ.
8Kid’a Ma kal teglesâ
mi b’rau andagad’a mi sumid’a,
mi tin ir hagad’a handjaf sumid’a,
mi tin suma lara pî ata yazi
ngad’a yam andjafâ hi Jakob-ma.
9Wani b’raud’a hi Ma didinid’a ni Israel-lâ,
andjafâ hi Jakob-ma ni djo mama.
10Ma didina mi feï Israel-lâ nabagei hur fulâ,
aduk amburei suma tcho suma tchi mazina mbut suma mandarîna.
Mi gahlabam kaziya, mi ngomoziya,
mi ngomozi ni d’igi iram mba aduka na.
11Mi le ki sed’ezi ni d’igi agigilauna
nga mi gas groma kur aziyam na,
nga mi dal akulo kaziya,
nga mi tin gigingâm kä ad’uziya,
nga mi yozi mi i ki sed’ezi akulo.
12Gagazi, ni Ma didina tu ba, mi tin sum mama;
alo ma ding nga ki sed’em mbi.
13Mi djak ki sed’ezi akulo
yam ambas sa ata yima ndingîd’a,
mi hazi te ma abageina;
mi hazi mbul ayum ma aduk ahinad’ina,
mi hazi mbul ma aduk ahina d’a ad’engina mi.
14A te mbul ambir amuhla kambir aho’â
zlapa ki mbul tumiyôna
ki mbul gamlâ ma Basan-na ki ma hi mbekmberinina.
A tawu ma djivi ma kalâ,
a tche süm guguzlu d’a gurud’unga.
15Bugola, azi te, a hopa,
a d’or gugundulî.
Jesurun#32.15 Jesurun: Nala, Israel. mi ndjabom mbei aduk asuna,
mi ar Alo mam ma luma woyo,
mi gol ahina d’a sud’umba is.
16Azi djo Ma didina ki sun mazi d’a ndjendjed’a,
a zalam hurum ki kud’or
ra azi nga kud’or alo ma dingîd’a mi.
17Azi nga ngat buzuna mi muzuk ma tcho ma fileina,
malo mala nAlo ma gagazina d’uo na,
malo ma a wum nga d’uo na,
malo ma awili ma abuyozi ngolo
a wum nga d’uo na mi.
18Gagazi, agi Israel-lâ,
agi maragi woi yam ahina d’a ndjunugid’a,
agi maragi woi yam ma tchugugina,
agi gologi Alo ma hagi arid’ina is mi.
19Ata yima Ma didina mi we grom suma andjofâ
ki grom suma aropma a nga lazama,
mi noyôzi woi mi.
20Mi dala:
An mba ni ngei tan ndei avoroziya!
An mba ni we vama mba mi mba kazina!
Kayam azi ni suma tchona,
ni gro suma ang tin hurung kazi d’i.
21Azi nga tinin á le yungôra yam alo ma ka zlad’a,
a nga djon ki filei ma tuwala.
An tan mba ni tinizi á le yungôra
yam suma ala nandjaf ma gagazi d’uo na,
an mba ni djozi kandjaf ma bei ned’a mi.
22Kayam ayî mana mba mi fo d’igi akud’a na,
mba mi ngal gak mi i kä ata yima azuleina,
mba mi ngal andagad’a kahle suma katna woyo,
mba mi ngal ahinad’a kad’ut ta kä d’a woi mi.
23An mba ni togozi ndaka kaziya,
an mba ni yed’ezi ki yeû manda.
24Azi mba it abo meid’a,
tazi mba d’i kumuruziya,
tugud’ei d’a tchod’a mba d’i mba kaziya;
an mba ni sunï amburei suma ayîna
ki guguyo suma ayîna atazi mi.
25A mba tchazi ki mbigeu d’a fiyaka ir palumba;
a mba bo avo hur azina abo mandarâ.
Matna mba mi tchi suma pet,
azungeîna, yuguneina, momorogeina,
ki kem mba tchapona mi.
26An djib’er kurun ala
an mba ni dabazi woi pet,
an mba ni mbud’uzi suma sa mba mi
djib’er kazi yam andagad’a d’uo na.
27Wani an nga ki mandarâ
ala mazi suma djangûna a mba lazanu,
a mba djib’er ala ni azi ba
a le sun nda ndandal ndata,
a mba djib’er ala ni an ba ni lat tuo.
28Israel-lâ ni suma bei wäd’u zlad’a,
azi ni suma bei d’alâ ba na mi.
29Ladjï azi ni suma ned’a ni,
a mba wäd’u ahle ndazina,
a mba djib’er yam ahle suma a mba mba kazina.
30Ladjï an Ahina mazi d’a suta ni guzuzi woi
abo mazi suma djangûna d’uo,
an Ma didina ni hazi
abo mazi suma djangûna d’uo ni,
ni nana ba, sama tuna,
mi dik suma dubuna ge,
ni nana ba, suma mbàna,
a dik suma dudubu dogona ge?
31Kayam ahina mazi d’a ndjunda nga
d’igi an Ahina d’a ndjunda hi Israel-lîd’a na d’i,
mazi suma djangû tazid’a pî, a we na mi.
32Wani guguzlu mazid’a
nandjaf guguzlu d’a Sodom-mba,
asine mazina
nandjaf andaga d’a Gomor-ra.
Vut guguzlu mazid’a
ni d’igi kuma ma tchona na,
ades guguzlu mazid’a
nades guguzlu d’a aglara.
33Süm guguzlu mazi d’a ayîna
ni d’igi ayî guguyona na,
ni d’igi ayî mageid’a na mi.
34Ahle ndazina pet a nga ni ngeid’a abo an nduo zu?
An nga ni ngomozi kur gong man nda ngom ahlena mi d’uo zu?
35Atchugul la sad’a ni manda;
ni an ba mba ni sad’azi
yam sun mazi d’a led’a,
kur bur ma asezi mi ka azlard’eid’ina.
Kayam bur ma ndaka mba kazina mi ar go,
dabi mazid’a mba d’i mba kazi atogo zak mi.
36Ma didina mba mi ka sariyad’a yam sum mama,
wani mba mi we hohowa azungeî mama
ata yima mi wazi ad’engêzi d’i nga d’uo na,
ata yima sama mi vazi kä
d’oze mi tchuguzi akulona nga d’uo na mi.
37Ma didina mba mi dazi ala:
Alo magi ma hawa yak máma,
mi nga ni lara ge?
Ahina magi d’a hawa yak
ka agi ring á ngei tagi atat ndata,
ti nga ni lara ge?
38Alo magi ma hawa yak
ma agi hum ahle suma ngat buzu suma mbulâ
zlapa ki süm guguzlu d’a he d’a hawad’ina,
mi nga ni lara ge?
Ar mi tchol mi ndjunugiya,
ar mi ngomogiya.
39Ki tchetchemba, agi wagi woi ala
ni an tu ba nAlona.
Alo ma ding nga ki sed’en ndi.
Ni an ba ni tchi sana;
ni an ba ni ar sana karid’a;
ni an ba ni ka sana mbilâ;
ni an ba ni tchilim mbilim mi.
Sama ndak á prut sana woi abona nga d’i.
40An hlabon akulo hur alona,
an gun tan ala:
An ni ma nga kaka ki iran gak didina!
41An nga ni gur mbigeu man nda fiyaka,
ni ligid’et siyat mi ngal wiwilik.
An hlabon akulo á ka sariyad’a,
an mba ni hlatchugulun ki man suma djangûna,
an mba ni wurak suma a noyôna mi.
42Yeû manda mba d’i tchor buzuna,
mbigeu man nda fiyaka mba d’i b’lak hliwa suma woyo.
Suma nglo suma avok suma dur ayînina,
sa mba mi sut tu d’i.
Suma a duruzi mbuleinina
d’oze suma a yozi magombina,
an mba ni tchazi woi pet.
43Ar andjaf suma pet a le furîd’a yam sum mama!
Kayam Ma didina nga mi hlatchugula matna hazungeî mamina,
nga mi hlatchugulum ki mam suma djangûna,
nga mi mbut ambas mamba yed’et ki sum mama mi.
44Moise azi ki Josue Nun goroma a mba a ndum sawal ndata ki zla tat pet kayam suma a humud’u.
45Ata yima Moise mi dap sawal ndata ndumba avok Israel-lâ petna, 46mi dazi ala: Agi vagi vun ma he ma an hagizi inina abogi ped’et, agi djogom mi grogina kayambala azi ngom zla d’a pet ta a b’irit kur gat ndatid’a, a tit kat mi d’a. 47Kayam vun ma he máma ni vama hawa ya’â kagi d’i. Ni ari magid’a. Ni kayam mam ba, agi mba tagi tatâ yam ambas sa agi nga djagagi alum ma Jurdê-na á hlat wanda.
Alona mi de woi yam matna hi Moise-sâ
48Kur bur máma tamba Ma didina mi de Moise ala: 49Ang i djak akulo yam ahina d’a Abarim-mba, yam ahina d’a Nebo d’a yam ambas sa Mowap pa ngagad’a yam Jeriko d’ara, ang gol ambas sa Kanan nda an nga ni hat mi Israel-lîd’a. 50Ang mba mit akulo yam ahina d’a ang i djak kat wanda, ang mba i azulei kä ad’u abuyong ngolo d’igi wiyengâ Aron mi mit akulo yam ahina d’a Hor-ra, mi i azulei kä ad’u abuyom ngolo na mi. 51Kayam agi lagi tchod’a ngola avoron avok Israel-lâ avun mbiyo ma Meriba ma Kades ma hur ful ma Tisin-nina, agi tagan nga subur manda woi aduk Israel-lâ d’i. 52Kayam ndata, ang mba gol ambas sa an nga ni hat mi Israel-lîd’a sä woi avorong hina dei, wani ang tanga mba kal kur ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.