Gat ta a hat á mbàd’id’a 17
17
1Ar agi hagi amuhlâ d’oze timi ma daka d’oze ma tam djivi d’uo na vama ngat buzuna mi Ma didina Alo magina d’i. Kayam ni vama ndjendjed’a avok Ma didina Alo magina.
2Dam kur azì ma ngol ma Ma didina Alo magina mba mi hagizina, atchad’a d’oze mandjufâ mba mi le vama tchona avok Ma didina Alo magina á but vun mam ma djin ma mi djinim ki sed’egina woi 3á kud’or alo ma tetengâ á grif kä avoromu, avok afata, d’oze avok tilâ, d’oze avok ahle suma lara ge suma sä kur akulod’a suma an hagi nga vuna kazi d’uo na kla ni, 4ata yima agi humugi zla ndatina, agi halagi ad’u zla ndata djiviya, ahle ndazina ni gagazi zu? Na ni a nga gagazi zu? Le sun nda ndjendje ndata laduk Israel-lâ gagazi ni, 5ata yi máma agi mbagi ki sa máma, atchad’a d’oze mandjuf ma mi le sun nda tcho ndatina woi abu avun azina, agi durum kahinad’a gak agi tchum mbeyo.
6Sama a tchugum zlad’a kama a mba tchumî yam glangâsâ hi suma mbà d’oze suma hindina tua; glangâsâ hi sama tuna, mi ndak nga á tchum mbi. 7Suma glangâsâ a yo abozi akulo avok kikidji á tchumî aziya, ablau d’a peta ti yo abot ni bugolo. Hina wani, agi mba d’elegi tcho d’a led’a woi adigagiya.
Zlad’a ndak á kat irat ata yima a tinim iram vama
8Moise mi de kua ala: Le zlad’a tchol hur aziyagi yam mat ma tchid’a, d’oze kal la kal yam sanid’a, d’oze dak ka sana mi dak wiyemid’a, le zla ndata agi ndak á kat irat tuo ni, agi igi ki zla ndata ata yima Ma didina Alo magina mba mi manama. 9Agi igi gen suma ngat buzuna suma hi Levi-na ki ma ka sariya ma nga mi le sunda ata yi mámina, agi djobogiziya; azi mba dagi yam sariya d’a ka ndata. 10Agi mba kagagi ni yam zla d’a azi dagizi ata yima Ma didina mba mi manamid’a, agi mba tid’igi ni yam zla d’a azi dagizid’a memet. 11Agi tid’igi ni yam gat ta azi mba had’agizid’a ki sariya d’a azi mba dagizid’a, agi d’ezegi woi yam zla d’a azi mba dagizid’a á igi abo mandjuf foze abo ma gula d’uo mi. 12Le sama le yam mba ad’enga, le mi hum nga zlad’a hi ma ngat buzu ma nga mi le sunda avok Ma didina ki ma ka sariyad’a d’uo ni, ar agi tchagi sa máma woyo. Hina wani, agi mba d’elegi tcho d’a led’a aduk Israel-lâ. 13Hina wani, ablaud’a pet mba d’i le mandarâ, sa mba mi le yam mba ad’eng nga hina d’a bugol luo d’a.
Gat ta yam zlad’a hamulid’a
14Moise mi de kua ala: Fata agi kalagi yam ambas sa Ma didina Alo magina mba mi hagizid’a, ata yima agi hlat agi kagagi katna, dam agi mba dagi ala: Ami minimi amulâ kami d’igi andjaf ma ding ma nguyumina na kla ni, 15agi tinigi ni sama Ma didina Alo magina tamba mi manama. Agi tinigi ni wiyegi ma Israel-lâ, agi tinigi andjaf ma ding kagi d’i. 16Ni sama mi kakulumeina ablaud’ina d’i, ni sama mi sun suma á i Ezipte á guzï akulumeina ablaud’ina d’uo mi, kayam Ma didina mi dagi ala ar agi hulongôgi kur ambas ndata d’i. 17Nga ni sama vik aropma ablaud’a á walam mbei kAlonina d’i, nga ni sama tok bege d’a hapa ki lora ngolina d’uo mi.
18Le mi kak yam zlam mam mba amula ni, mi b’ir mbaktum mba gat ta nga ged’a kä avok suma ngat buzu suma hi Levi-nid’a, yam mam tamba. 19Mi gat kä gevem ata yima mam nga ki irama, mi ndumut burâ ki burâ, kayam mi hat á le mandara Ma didina Alo mama, á ngom zlad’a pet ta nga kur gat ndatid’a ki vun ma he ma teteng ma nga kur gat ndatina, á tit kam mi. 20Hina wani, mam mba mi hle yam akulo yam b’oziyom á wal lei ki vun ma he máma á i abo mandjuf foze abo ma gula d’uo mi, kayambala mam kandjavam a te leud’a yam Israel-lâ gak didinu d’a.
Currently Selected:
Gat ta a hat á mbàd’id’a 17: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Gat ta a hat á mbàd’id’a 17
17
1Ar agi hagi amuhlâ d’oze timi ma daka d’oze ma tam djivi d’uo na vama ngat buzuna mi Ma didina Alo magina d’i. Kayam ni vama ndjendjed’a avok Ma didina Alo magina.
2Dam kur azì ma ngol ma Ma didina Alo magina mba mi hagizina, atchad’a d’oze mandjufâ mba mi le vama tchona avok Ma didina Alo magina á but vun mam ma djin ma mi djinim ki sed’egina woi 3á kud’or alo ma tetengâ á grif kä avoromu, avok afata, d’oze avok tilâ, d’oze avok ahle suma lara ge suma sä kur akulod’a suma an hagi nga vuna kazi d’uo na kla ni, 4ata yima agi humugi zla ndatina, agi halagi ad’u zla ndata djiviya, ahle ndazina ni gagazi zu? Na ni a nga gagazi zu? Le sun nda ndjendje ndata laduk Israel-lâ gagazi ni, 5ata yi máma agi mbagi ki sa máma, atchad’a d’oze mandjuf ma mi le sun nda tcho ndatina woi abu avun azina, agi durum kahinad’a gak agi tchum mbeyo.
6Sama a tchugum zlad’a kama a mba tchumî yam glangâsâ hi suma mbà d’oze suma hindina tua; glangâsâ hi sama tuna, mi ndak nga á tchum mbi. 7Suma glangâsâ a yo abozi akulo avok kikidji á tchumî aziya, ablau d’a peta ti yo abot ni bugolo. Hina wani, agi mba d’elegi tcho d’a led’a woi adigagiya.
Zlad’a ndak á kat irat ata yima a tinim iram vama
8Moise mi de kua ala: Le zlad’a tchol hur aziyagi yam mat ma tchid’a, d’oze kal la kal yam sanid’a, d’oze dak ka sana mi dak wiyemid’a, le zla ndata agi ndak á kat irat tuo ni, agi igi ki zla ndata ata yima Ma didina Alo magina mba mi manama. 9Agi igi gen suma ngat buzuna suma hi Levi-na ki ma ka sariya ma nga mi le sunda ata yi mámina, agi djobogiziya; azi mba dagi yam sariya d’a ka ndata. 10Agi mba kagagi ni yam zla d’a azi dagizi ata yima Ma didina mba mi manamid’a, agi mba tid’igi ni yam zla d’a azi dagizid’a memet. 11Agi tid’igi ni yam gat ta azi mba had’agizid’a ki sariya d’a azi mba dagizid’a, agi d’ezegi woi yam zla d’a azi mba dagizid’a á igi abo mandjuf foze abo ma gula d’uo mi. 12Le sama le yam mba ad’enga, le mi hum nga zlad’a hi ma ngat buzu ma nga mi le sunda avok Ma didina ki ma ka sariyad’a d’uo ni, ar agi tchagi sa máma woyo. Hina wani, agi mba d’elegi tcho d’a led’a aduk Israel-lâ. 13Hina wani, ablaud’a pet mba d’i le mandarâ, sa mba mi le yam mba ad’eng nga hina d’a bugol luo d’a.
Gat ta yam zlad’a hamulid’a
14Moise mi de kua ala: Fata agi kalagi yam ambas sa Ma didina Alo magina mba mi hagizid’a, ata yima agi hlat agi kagagi katna, dam agi mba dagi ala: Ami minimi amulâ kami d’igi andjaf ma ding ma nguyumina na kla ni, 15agi tinigi ni sama Ma didina Alo magina tamba mi manama. Agi tinigi ni wiyegi ma Israel-lâ, agi tinigi andjaf ma ding kagi d’i. 16Ni sama mi kakulumeina ablaud’ina d’i, ni sama mi sun suma á i Ezipte á guzï akulumeina ablaud’ina d’uo mi, kayam Ma didina mi dagi ala ar agi hulongôgi kur ambas ndata d’i. 17Nga ni sama vik aropma ablaud’a á walam mbei kAlonina d’i, nga ni sama tok bege d’a hapa ki lora ngolina d’uo mi.
18Le mi kak yam zlam mam mba amula ni, mi b’ir mbaktum mba gat ta nga ged’a kä avok suma ngat buzu suma hi Levi-nid’a, yam mam tamba. 19Mi gat kä gevem ata yima mam nga ki irama, mi ndumut burâ ki burâ, kayam mi hat á le mandara Ma didina Alo mama, á ngom zlad’a pet ta nga kur gat ndatid’a ki vun ma he ma teteng ma nga kur gat ndatina, á tit kam mi. 20Hina wani, mam mba mi hle yam akulo yam b’oziyom á wal lei ki vun ma he máma á i abo mandjuf foze abo ma gula d’uo mi, kayambala mam kandjavam a te leud’a yam Israel-lâ gak didinu d’a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.