Gat ta a hat á mbàd’id’a 1
1
ZLA D’A DED’A HI MOISE SA AVOK KIKIDJID’A
(1.1—4.43)
1Wana ni zla d’a Moise mi dat mi Israel-lâ pet kid’a mam nga avun alum ma Jurdê-na abagei hur ful ma kikid’i’â go ki Suf aduk Paran, Tofel, Laban, Haserot ki Di-Zahap-pa. 2A tcholï Horep, a hle lovot ta yam ahina d’a Seir-ra gak a mba Kades-Barneya, a le burâ ni dogo yam tu. 3Kur biza d’a dok fid’id’a, kur bur ma avo’â hi til ma dogo yam tunina, Moise mi dahlena pet mi Israel-lâ d’igi Ma didina mi hum vuna á dazizi na. 4Ni bugol la mi dur Sihon amul ma Amor ma nga kaka Hesbon-na ki Ok amul ma Basan ma nga kaka Astarot ki Edrei-nid’a.
5Sä nabo alum ma Jurdê-na woi hî yam ambas sa Mowap-pa ba, Moise mi nde väd’u gat ndata.
Alona mi he vuna mi Israel-lâ á id’a
6Moise mi de mi Israel-lâ ala: Ma didina Alo meina mi dei zlad’a sä Horep ala: Agi kagagi burâ ablaud’a yam ahina d’a wanda. 7Agi hulongôgi igi yam ahina d’a Amor-ra ki yima nguyutna, hur fulâ yam ahinad’a, kur hora abo ma sutna, avun alum ma ngol ma Mediterane-na, yam ambasa hi suma Kanan-nid’a ki d’a hi suma Liban-nid’a gak avun alum ma ngolâ, nala, alum ma Efrat-na. 8Agi gologiya! An tinigi ambasa avorogi wana. Agi i hlagi ambas sa an Ma didina ni gun tan kat mabuyogi ngolod’a, nala, Abraham, Isak ki Jakob, á hazizi kandjavazi ma mba blogozina mi d’a.
Moise mi tin suma ka sariyad’a
9Moise mi de kua ala: Kur bur máma an dagi ala: An ndak á zigi van tu d’i. 10Ma didina Alo magina mi zulugiya wa. Agi zulugi ini ablaud’a d’igi tchitchiu d’a akulod’a na. 11Ar Ma didina Alona habuyogi ngolona, mi zulugi avogovok kam kua dudubu, mi b’e vunam kagi d’igi mi hlagi vunam na. 12Ni nana ba, an mba ni zi anek magid’a ki zla magid’a ki yal magina van tu ge? 13Agi yogi suma ned’a suma d’alâ ad’u andjavagi suma suma a wazina, an tinizi avorogiya. 14Agi hulongôn ded’a ala: Zla d’a ang data ni zla d’a djivid’a.
15Ata yi máma an yo suma avok andjavagi suma ned’a ki suma suma a wazina, an tinizi yam suma dudubuna, yam suma kikisâ, yam suma dok vahl dok vahlâ, yam suma dodogona; ni suma kad’enga yam ades maginina mi. 16Kur bur máma tamba an he vuna mi magi suma ka sariyad’a ala: Agi humugi b’oziyogina, agi kagi sariyad’a mi nge nge pî aduk tam ki wiyema, d’oze kangeina. 17Ar agi wagi hohowa sa kur sariya d’a kad’a d’i, agi humugi gogorâ d’igi ma ngolâ na, ar agi lagi mandara sa tu d’i, kayam Alona ni ma ka sariyad’a. Ata yima agi fagi sariya d’a ad’engina, agi mbeyendji avoronu, an humut ki sed’egiya. 18Nata yi máma ba, an tagagi ahlena pet suma agi ndak á lazina.
So vuna hi Israel-lâ avun haga d’a Kanan-nda
19Moise mi de mi Israel-lâ kua ala: Bugol ahle ndazina, ei tcholei Horep, ei tid’i hur ful ma tcho ma duwa’â d’igi agi tagi wagizi na, ei hlei lovot ta yam ahina d’a Amor-ra d’igi Ma didina Alo meina mi hei vuna na, ei mbei Kades-Barneya. 20An dagi ala: Ei mbei wa yam ahina d’a Amor ra Ma didina Alo meina mi heizid’a. 21Gola! Ma didina Alo magina, mi tinigi ambasa avorogi wana. Agi i hlagizi d’igi Ma didina Alona habuyogi ngolona mi de na, agi lagi mandar ruo mi na, agi zlagagi d’uo mi.
22Agi pet mbagi geven dan ala: Ei suni suma avorei á d’u ambasa á vei ad’ud’a yam lovot ta ei mba hlat á i kur azì ma nglo ma ei mba mbeiza kuana.
23Zla ndata lan tan djivid’a, an yo suma ad’u andjafâ gagang dogo yam mbà. 24Azi i djak yam ahinad’a gak a mbaza kur hor ra Eskol-la, a d’uï ambasa. 25A yoï vud’agu ma yam ambas ndatina aboziya, a mba tageiziya, a dei ala: Ambas sa Ma didina Alo meina nga mi heizid’a nambas sa djivid’a! 26Wani agi minigi nga á igi kua d’i, agi tchilagi yam vun ma hed’a hi Ma didina Alo maginina. 27Agi guruyôgi kur zlub’u magid’a, agi dagi ala: Ni kayamba Ma didina hurum vei nga d’uo ba, mi buzugi woi avo Ezipte á hei abo suma Amor-râ á tchi woi wana.
28Agi dagi ala: Ei i ni lara ge? B’oziyoina a tchugi tei susub’ok ala: Suma kur ambas ndatina a ad’enga kaleya, a fuyogeid’a kalei mi. Azì mazi ma nglona nazì ma ki gulumun ma ad’eng ma ngunguna gak i akulo hur alonina. Ami wami Anak groma ki irami mi.
29An nga ni dagiya: Agi zlagagi avorozi d’uo mi na, agi lazi mandarazi d’uo mi. 30Ma didina Alo magi ma nga mi tit avorogina, mba mi dur kagi d’igi mi le ki Ezipte-na kä iragi na. 31Agi tagi wagiya, abagei hur fulâ mi zigi d’igi sana mi zi goroma na, kur tit magi d’a fiyaka gak mi mbagi ata yima ka hina.
32Hina pet pî, agi tinigi nga hurugi yam Ma didina Alo magi 33ma nga mi tit avorogi á halagi yima ve kangîna d’i. Andjege nga mi tit avorogi aduk aku d’a tchola gongzonga á tagagi lovot ta agi tid’igi kuad’a, falei nga mi tit avorogi kur d’ugul la tchola gongzonga mi.
34Ma didina mi hum zla magid’a, hurum zala, mi gun tam ala: 35Agi suma tcho suma kur atchogoi d’a wandina sa tu pî mba mi kal kur azì ma djivi ma an gun tan á hum mabuyozi ngolona d’i. 36Ni Kalep Jefune goroma hol ba, mba mi wad’u, ni mam ki groma ba, an mba ni hum ambas sa mam tid’ï kata, kayam mi tit kur lovot manda memet.
37Ni kagi agi ba, Ma didina hurum mi zal kan mi dala: Ang mba kal kur ambas ndata d’uo mi. 38Josue Nun goroma, azong mangâ, mba mi kal kuru. Ang hum ad’enga, kayam ni mam ba, mba mi hambas ndata djona mi Israel-lâ.
39Mi de kua ala: Ni grogi suma gurei suma agi dagi kazi ala a mba yozi magomba na, grogi suma a we nga djivid’a ki tchod’a ini d’uo na, ni azi ba, a mba kal kuru; ni azi ba, an mba ni haziziya; ni azi ba, a mba tat djona. 40Wani agi hulongôgi kazigagiya, agi igi iragi hur fulâ abona halum ma ngol ma Tchereuna.
41Ata yi máma agi hulong dan ala: Ami lami tchod’a avok Ma didina, ami mba i durumi ayîna d’igi Ma didina Alo mamina mi hami vuna na. Agi nge nge pî mi yo ahle mam suma sïna abomu, agi djib’eregi ala ni vama afefetna á djak yam ahinad’a.
42Ma didina mi dan ala: Ang dazi ala: Alona mi dala: Agi igi durâ d’i, kayam an nga adigagi d’i. Ar agi mbud’ugi tagi amblad’a avok magi suma djangûna d’i.
43An dagiya, wani agi humugi nga d’i. Agi tchilagi yam vun ma hed’a hi Ma didinina, agi djagagi akulo yam ahinad’a ki subur tad’a. 44Ata yi máma suma Amor suma a nga kaka yam ahina ndatina a buzuk atagiya, a durugi yam ahina d’a Seir-ra, a digigi d’igi ayuma mi dik suma na gak a tchugugi sä Horma. 45Kur hulong magid’a agi tchigi avok Ma didina. Wani mi hum nga tchi magina d’uo mi na, mi tin nga humam kagi d’uo mi. 46Agi kagagi Kades-Barneya kua. Nata yi máma ba, agi kalagi yina kua ngola.
Currently Selected:
Gat ta a hat á mbàd’id’a 1: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Gat ta a hat á mbàd’id’a 1
1
ZLA D’A DED’A HI MOISE SA AVOK KIKIDJID’A
(1.1—4.43)
1Wana ni zla d’a Moise mi dat mi Israel-lâ pet kid’a mam nga avun alum ma Jurdê-na abagei hur ful ma kikid’i’â go ki Suf aduk Paran, Tofel, Laban, Haserot ki Di-Zahap-pa. 2A tcholï Horep, a hle lovot ta yam ahina d’a Seir-ra gak a mba Kades-Barneya, a le burâ ni dogo yam tu. 3Kur biza d’a dok fid’id’a, kur bur ma avo’â hi til ma dogo yam tunina, Moise mi dahlena pet mi Israel-lâ d’igi Ma didina mi hum vuna á dazizi na. 4Ni bugol la mi dur Sihon amul ma Amor ma nga kaka Hesbon-na ki Ok amul ma Basan ma nga kaka Astarot ki Edrei-nid’a.
5Sä nabo alum ma Jurdê-na woi hî yam ambas sa Mowap-pa ba, Moise mi nde väd’u gat ndata.
Alona mi he vuna mi Israel-lâ á id’a
6Moise mi de mi Israel-lâ ala: Ma didina Alo meina mi dei zlad’a sä Horep ala: Agi kagagi burâ ablaud’a yam ahina d’a wanda. 7Agi hulongôgi igi yam ahina d’a Amor-ra ki yima nguyutna, hur fulâ yam ahinad’a, kur hora abo ma sutna, avun alum ma ngol ma Mediterane-na, yam ambasa hi suma Kanan-nid’a ki d’a hi suma Liban-nid’a gak avun alum ma ngolâ, nala, alum ma Efrat-na. 8Agi gologiya! An tinigi ambasa avorogi wana. Agi i hlagi ambas sa an Ma didina ni gun tan kat mabuyogi ngolod’a, nala, Abraham, Isak ki Jakob, á hazizi kandjavazi ma mba blogozina mi d’a.
Moise mi tin suma ka sariyad’a
9Moise mi de kua ala: Kur bur máma an dagi ala: An ndak á zigi van tu d’i. 10Ma didina Alo magina mi zulugiya wa. Agi zulugi ini ablaud’a d’igi tchitchiu d’a akulod’a na. 11Ar Ma didina Alona habuyogi ngolona, mi zulugi avogovok kam kua dudubu, mi b’e vunam kagi d’igi mi hlagi vunam na. 12Ni nana ba, an mba ni zi anek magid’a ki zla magid’a ki yal magina van tu ge? 13Agi yogi suma ned’a suma d’alâ ad’u andjavagi suma suma a wazina, an tinizi avorogiya. 14Agi hulongôn ded’a ala: Zla d’a ang data ni zla d’a djivid’a.
15Ata yi máma an yo suma avok andjavagi suma ned’a ki suma suma a wazina, an tinizi yam suma dudubuna, yam suma kikisâ, yam suma dok vahl dok vahlâ, yam suma dodogona; ni suma kad’enga yam ades maginina mi. 16Kur bur máma tamba an he vuna mi magi suma ka sariyad’a ala: Agi humugi b’oziyogina, agi kagi sariyad’a mi nge nge pî aduk tam ki wiyema, d’oze kangeina. 17Ar agi wagi hohowa sa kur sariya d’a kad’a d’i, agi humugi gogorâ d’igi ma ngolâ na, ar agi lagi mandara sa tu d’i, kayam Alona ni ma ka sariyad’a. Ata yima agi fagi sariya d’a ad’engina, agi mbeyendji avoronu, an humut ki sed’egiya. 18Nata yi máma ba, an tagagi ahlena pet suma agi ndak á lazina.
So vuna hi Israel-lâ avun haga d’a Kanan-nda
19Moise mi de mi Israel-lâ kua ala: Bugol ahle ndazina, ei tcholei Horep, ei tid’i hur ful ma tcho ma duwa’â d’igi agi tagi wagizi na, ei hlei lovot ta yam ahina d’a Amor-ra d’igi Ma didina Alo meina mi hei vuna na, ei mbei Kades-Barneya. 20An dagi ala: Ei mbei wa yam ahina d’a Amor ra Ma didina Alo meina mi heizid’a. 21Gola! Ma didina Alo magina, mi tinigi ambasa avorogi wana. Agi i hlagizi d’igi Ma didina Alona habuyogi ngolona mi de na, agi lagi mandar ruo mi na, agi zlagagi d’uo mi.
22Agi pet mbagi geven dan ala: Ei suni suma avorei á d’u ambasa á vei ad’ud’a yam lovot ta ei mba hlat á i kur azì ma nglo ma ei mba mbeiza kuana.
23Zla ndata lan tan djivid’a, an yo suma ad’u andjafâ gagang dogo yam mbà. 24Azi i djak yam ahinad’a gak a mbaza kur hor ra Eskol-la, a d’uï ambasa. 25A yoï vud’agu ma yam ambas ndatina aboziya, a mba tageiziya, a dei ala: Ambas sa Ma didina Alo meina nga mi heizid’a nambas sa djivid’a! 26Wani agi minigi nga á igi kua d’i, agi tchilagi yam vun ma hed’a hi Ma didina Alo maginina. 27Agi guruyôgi kur zlub’u magid’a, agi dagi ala: Ni kayamba Ma didina hurum vei nga d’uo ba, mi buzugi woi avo Ezipte á hei abo suma Amor-râ á tchi woi wana.
28Agi dagi ala: Ei i ni lara ge? B’oziyoina a tchugi tei susub’ok ala: Suma kur ambas ndatina a ad’enga kaleya, a fuyogeid’a kalei mi. Azì mazi ma nglona nazì ma ki gulumun ma ad’eng ma ngunguna gak i akulo hur alonina. Ami wami Anak groma ki irami mi.
29An nga ni dagiya: Agi zlagagi avorozi d’uo mi na, agi lazi mandarazi d’uo mi. 30Ma didina Alo magi ma nga mi tit avorogina, mba mi dur kagi d’igi mi le ki Ezipte-na kä iragi na. 31Agi tagi wagiya, abagei hur fulâ mi zigi d’igi sana mi zi goroma na, kur tit magi d’a fiyaka gak mi mbagi ata yima ka hina.
32Hina pet pî, agi tinigi nga hurugi yam Ma didina Alo magi 33ma nga mi tit avorogi á halagi yima ve kangîna d’i. Andjege nga mi tit avorogi aduk aku d’a tchola gongzonga á tagagi lovot ta agi tid’igi kuad’a, falei nga mi tit avorogi kur d’ugul la tchola gongzonga mi.
34Ma didina mi hum zla magid’a, hurum zala, mi gun tam ala: 35Agi suma tcho suma kur atchogoi d’a wandina sa tu pî mba mi kal kur azì ma djivi ma an gun tan á hum mabuyozi ngolona d’i. 36Ni Kalep Jefune goroma hol ba, mba mi wad’u, ni mam ki groma ba, an mba ni hum ambas sa mam tid’ï kata, kayam mi tit kur lovot manda memet.
37Ni kagi agi ba, Ma didina hurum mi zal kan mi dala: Ang mba kal kur ambas ndata d’uo mi. 38Josue Nun goroma, azong mangâ, mba mi kal kuru. Ang hum ad’enga, kayam ni mam ba, mba mi hambas ndata djona mi Israel-lâ.
39Mi de kua ala: Ni grogi suma gurei suma agi dagi kazi ala a mba yozi magomba na, grogi suma a we nga djivid’a ki tchod’a ini d’uo na, ni azi ba, a mba kal kuru; ni azi ba, an mba ni haziziya; ni azi ba, a mba tat djona. 40Wani agi hulongôgi kazigagiya, agi igi iragi hur fulâ abona halum ma ngol ma Tchereuna.
41Ata yi máma agi hulong dan ala: Ami lami tchod’a avok Ma didina, ami mba i durumi ayîna d’igi Ma didina Alo mamina mi hami vuna na. Agi nge nge pî mi yo ahle mam suma sïna abomu, agi djib’eregi ala ni vama afefetna á djak yam ahinad’a.
42Ma didina mi dan ala: Ang dazi ala: Alona mi dala: Agi igi durâ d’i, kayam an nga adigagi d’i. Ar agi mbud’ugi tagi amblad’a avok magi suma djangûna d’i.
43An dagiya, wani agi humugi nga d’i. Agi tchilagi yam vun ma hed’a hi Ma didinina, agi djagagi akulo yam ahinad’a ki subur tad’a. 44Ata yi máma suma Amor suma a nga kaka yam ahina ndatina a buzuk atagiya, a durugi yam ahina d’a Seir-ra, a digigi d’igi ayuma mi dik suma na gak a tchugugi sä Horma. 45Kur hulong magid’a agi tchigi avok Ma didina. Wani mi hum nga tchi magina d’uo mi na, mi tin nga humam kagi d’uo mi. 46Agi kagagi Kades-Barneya kua. Nata yi máma ba, agi kalagi yina kua ngola.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.