Kolos-sâ 2
2
1Kayam an min agi wagi ayî ma ngol ma an nga ni durum kagi ki suma avo Lawodise-na ki suma a nga bei wan irana pet, 2kayam huruzi b’lengâ, kayam huruzi tchuk tu á le od’a mi. Hina wani, azi mba we ki ne d’a zul heîd’a, a we zla d’a mudurid’a hAlonid’a, nala, Christ. 3Ne d’a tetenga ki wad’ud’a hAlonid’a pet a nga ngeid’a kur Christ.
4An nga ni dagi hina, kayam sa mi lobogi ki lem mamba d’i. 5Le an tan nga adigagi d’uo pî, an nga ni djib’er kagiya. An le furîd’a ata yima an wagi agi nga kak kä tchugot yam he gagazi magi d’a agi hat yam Christ-sina.
Ari d’a memet ta ei feizi yam Christ-sa
6D’igi agi vagi Jesus Christ Salad’a na, ar agi tid’igi zlapa tu ki mamu. 7Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.
8Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i. 9Kayam ndak ka memeta hAlonid’a tata ti nga nata Christ. 10Agi ndagagi wa memet ni yam mamu. Mam mi ma kal yam muzuk ma teteng ma te yamba ki muzuk ma teteng ma ad’engîna.
11A ngad’agi bayâgid’a á tinigi zlapa tu ki Christ. Nga ni bayâ d’a suma a ngad’ata d’i, wani ni ngat ta Christ mi ngad’agizid’a. Mi pad’agi woi kur ad’enga hi djib’er magi d’a tchod’id’a. 12Kayam a tozogi zlapa tu ki Christ kur batemba, kurut a tchologi zlapa tu ki mam mi, kayam agi hagi gagazid’a yam ad’eng nga Alona mi tagat tei ata yima mi tcholom akulo aduk suma matnina. 13Adjeu agi ni suma bogi woi kur tcho magid’ina, agi nandjaf suma bei wAlona suma bei ngat bayâd’ina. Wani ki tchetchemba, Alona mi mbud’ugi suma arina zlapa tu ki Christ, hurum vat tei yam tcho meid’a mi. 14Mi tchi b’ira hi gat ta vei ki zla d’a ti kak djangûna ki sed’eid’a woyo. Mi tchat tei ni ki b’al mam mba akulo ata agunid’a. 15Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.
16Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i. 17Ahle ndazina nangus ahle suma djivi suma a nga mbana, wani tazi tata ni Christ. 18Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina, 19kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.
Matna kari d’a zlapa tu ki Christ-sa
20Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala: 21Ang hle d’i, ang djuk ki, ang do d’uo mi d’a ge? 22Ahle ndazina pet, le sana nga laziya ni, mba mi ba woi ki sed’eziya. Ahle ndazina pet a ni gata ki hata hi sumid’a hol. 23Gagazi, abu ir suma gat ndata ki hat ndata nahle suma ned’a á zut suma á kud’or malaikana, á ge yazi kä luluma, á he tazi ndaka mi. Wani ahle ndazina ndak á d’el d’od’oka hi hliu tad’id’a d’i.
Currently Selected:
Kolos-sâ 2: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Kolos-sâ 2
2
1Kayam an min agi wagi ayî ma ngol ma an nga ni durum kagi ki suma avo Lawodise-na ki suma a nga bei wan irana pet, 2kayam huruzi b’lengâ, kayam huruzi tchuk tu á le od’a mi. Hina wani, azi mba we ki ne d’a zul heîd’a, a we zla d’a mudurid’a hAlonid’a, nala, Christ. 3Ne d’a tetenga ki wad’ud’a hAlonid’a pet a nga ngeid’a kur Christ.
4An nga ni dagi hina, kayam sa mi lobogi ki lem mamba d’i. 5Le an tan nga adigagi d’uo pî, an nga ni djib’er kagiya. An le furîd’a ata yima an wagi agi nga kak kä tchugot yam he gagazi magi d’a agi hat yam Christ-sina.
Ari d’a memet ta ei feizi yam Christ-sa
6D’igi agi vagi Jesus Christ Salad’a na, ar agi tid’igi zlapa tu ki mamu. 7Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.
8Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i. 9Kayam ndak ka memeta hAlonid’a tata ti nga nata Christ. 10Agi ndagagi wa memet ni yam mamu. Mam mi ma kal yam muzuk ma teteng ma te yamba ki muzuk ma teteng ma ad’engîna.
11A ngad’agi bayâgid’a á tinigi zlapa tu ki Christ. Nga ni bayâ d’a suma a ngad’ata d’i, wani ni ngat ta Christ mi ngad’agizid’a. Mi pad’agi woi kur ad’enga hi djib’er magi d’a tchod’id’a. 12Kayam a tozogi zlapa tu ki Christ kur batemba, kurut a tchologi zlapa tu ki mam mi, kayam agi hagi gagazid’a yam ad’eng nga Alona mi tagat tei ata yima mi tcholom akulo aduk suma matnina. 13Adjeu agi ni suma bogi woi kur tcho magid’ina, agi nandjaf suma bei wAlona suma bei ngat bayâd’ina. Wani ki tchetchemba, Alona mi mbud’ugi suma arina zlapa tu ki Christ, hurum vat tei yam tcho meid’a mi. 14Mi tchi b’ira hi gat ta vei ki zla d’a ti kak djangûna ki sed’eid’a woyo. Mi tchat tei ni ki b’al mam mba akulo ata agunid’a. 15Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.
16Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i. 17Ahle ndazina nangus ahle suma djivi suma a nga mbana, wani tazi tata ni Christ. 18Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina, 19kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.
Matna kari d’a zlapa tu ki Christ-sa
20Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala: 21Ang hle d’i, ang djuk ki, ang do d’uo mi d’a ge? 22Ahle ndazina pet, le sana nga laziya ni, mba mi ba woi ki sed’eziya. Ahle ndazina pet a ni gata ki hata hi sumid’a hol. 23Gagazi, abu ir suma gat ndata ki hat ndata nahle suma ned’a á zut suma á kud’or malaikana, á ge yazi kä luluma, á he tazi ndaka mi. Wani ahle ndazina ndak á d’el d’od’oka hi hliu tad’id’a d’i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.