2 Samuel 21
21
DAVID MI DAP SUN MAM MBA AMULA
(21—24)
Suma Gabawon-na a hlatchuguluzi ki Saul
1Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.
2Amulâ David mi yï suma Gabawon-na á dazi zlad’a. Suma Gabawon-na a nga nandjafâ hi Israel-lîna d’i; ni suma Amor suma a ar kaka adigazina. Wani Israel-lâ a djin vunazi ki sed’ezi adjeu ala a lazi va d’i. Wani Saul mi min á tchazi woi yam zlezleû d’a kurum mba yam Israel-lâ ki Juda-nid’a.
3David mi de mi suma Gabawon-na ala: An lagi ni me ba, agi mba vad’agi hurugi woi á b’agi vunagi woi yam suma hi Ma didinina ge?
4Suma Gabawon-na a hulong dum ala: Zla d’a adigami ki Saul ki sum mamid’a wani, ti ndak á minda ki bege d’a hap poze lor roze tchi sa tu aduk Israel-lâ d’uo mi.
Amulâ mi dazi ala: Vama agi dagizina an mba ni lagiziya.
5A hulong de mamulâ ala: Sa máma mi tchami woi mi tin hurum ala mi b’lagami woi mi dabami woi kur ambas sa Israel-la ped’u. 6Kayam ndata, ang hami grom suma andjofâ kid’iziya, ami gabazi akulo avok Ma didina avo Gibeya avo hi Saul amul ma Ma didina mi manama.
Amulâ mi dazi ala: An mba ni hagiziya.
7Amulâ David mi keng Mefibäl Jonatan gorom ma Saul gorom ngolonina woyo, kayam gun nda azi gun tazi avok Ma didina ki Jonatan ma Saul goromina.
8Wani amulâ mi yoï Rispa d’a Aya gorombid’a grot suma ti vud’uzi mi Saul-lâ mbà, nala, Armoni azi ki Mefibäl. Mi yoï Merap pa Saul gorombid’a grot suma ti vud’uzi mi Adriyel Barzilai ma Mehola-na goromina vahl mi. 9Amulâ mi hazi mi suma Gabawon-na; a gabazi akulo ata aguna yam ahinad’a avok Ma didina. Azi ki zlazi d’a kid’iziyad’a pet a bo nabo tazi tu. A tchazi ni kur bur ma avok kikidjina hi bur ma a fet awunina; ni bur ma a tin ad’ud’a á dut awu orsîna.
10Rispa Aya goromba ti yo saka, ti barat kä yam ahinad’a á bur kad’u, tinï ad’ud’a ata yima dut awuna dei gak alona mi tchuk sinam kä, ti nga d’i dik aluweina woi faleya, ti nga d’i dik ambureina woi andjege mi, kayam a tazi d’i.
11A mba de mi David yam vama Rispa Aya gorom mba atcha d’a gora hi Saul-la nga d’i luma. 12David mi i yoï asoga Saul kasoga goroma Jonatan abo suma Jabes sa Galät-tina. Ni Jabes suma a kuluzï Bet-San ata yima Filistê-na a b’alazi kua kur bur ma Filistê-na a tchi Saul sä Gilbowa-na. 13David mi yoï asoga Saul kasoga goroma Jonatan, mi yoï asoga suma a gabazi akulo ndazina mi. 14A tos asoga Saul ki asoga goroma Jonatan kasoga suma a gabazi akulo ndazina kur ambas sa Benjamin-nda avo Sela, kur zula hi Saul abum Kis-sa. A lahlena pet suma amulâ mi he vuna kazina. Ni hina tua ba, Alona hurum vat tei yam suma kur ambasina.
Filistê-na azi ki Israel-lâ a dur taziya
(Gol 1 Sun hAm 20.4-8)
15Suma Filistê-na a tchol dur ayîna ki Israel-lâ kua d’ei. David ki azigar mama a i dur Filistê-na. David mi seyâ. 16Jisbi-Benop gor ma Rafa-na, mi min á tchi David. Asap mamba aneget kal kilona hi kawei ma hleunina hindi, mi djin mbigeu d’a fiyak ka awilid’a furum mi. 17Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.
18Bugol ahle ndazina, ayîna mi tchol tchol la dinga ki Filistê-na avo Gop. Ata yi máma Sibekai ma Husa-na mi tchi Saf gor ma Rafa ma dingâ. 19Ayîna mi tchol tchol la dinga ki Filistê-na avo Gop kua d’ei. Elanan Järe-Oregim ma Betelehem-ma goroma mi tchi Goliyat ma Gat-na. Asap mamba aguwat ni d’igi gor zuzuna na. 20Ayî ma dingâ mi tchol kua avo Gat. Sama fiya’â mi nga kua, tchitchit ta abomba ki d’a asemba ni karagaya karagaya. Tchitchid’am pet ni dok mbà yam fid’i; ni gor ma Rafa ma dingâ mi. 21Mi ngul Israel-lâ. Jonatan Samma ma David wiyemina goroma mi tchumu.
22Suma fid’i ndazina ni suma ad’u andjafâ hi Rafa ma Gat-nina. David azi ki azigar mama a tchazi pet.
Currently Selected:
2 Samuel 21: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
2 Samuel 21
21
DAVID MI DAP SUN MAM MBA AMULA
(21—24)
Suma Gabawon-na a hlatchuguluzi ki Saul
1Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.
2Amulâ David mi yï suma Gabawon-na á dazi zlad’a. Suma Gabawon-na a nga nandjafâ hi Israel-lîna d’i; ni suma Amor suma a ar kaka adigazina. Wani Israel-lâ a djin vunazi ki sed’ezi adjeu ala a lazi va d’i. Wani Saul mi min á tchazi woi yam zlezleû d’a kurum mba yam Israel-lâ ki Juda-nid’a.
3David mi de mi suma Gabawon-na ala: An lagi ni me ba, agi mba vad’agi hurugi woi á b’agi vunagi woi yam suma hi Ma didinina ge?
4Suma Gabawon-na a hulong dum ala: Zla d’a adigami ki Saul ki sum mamid’a wani, ti ndak á minda ki bege d’a hap poze lor roze tchi sa tu aduk Israel-lâ d’uo mi.
Amulâ mi dazi ala: Vama agi dagizina an mba ni lagiziya.
5A hulong de mamulâ ala: Sa máma mi tchami woi mi tin hurum ala mi b’lagami woi mi dabami woi kur ambas sa Israel-la ped’u. 6Kayam ndata, ang hami grom suma andjofâ kid’iziya, ami gabazi akulo avok Ma didina avo Gibeya avo hi Saul amul ma Ma didina mi manama.
Amulâ mi dazi ala: An mba ni hagiziya.
7Amulâ David mi keng Mefibäl Jonatan gorom ma Saul gorom ngolonina woyo, kayam gun nda azi gun tazi avok Ma didina ki Jonatan ma Saul goromina.
8Wani amulâ mi yoï Rispa d’a Aya gorombid’a grot suma ti vud’uzi mi Saul-lâ mbà, nala, Armoni azi ki Mefibäl. Mi yoï Merap pa Saul gorombid’a grot suma ti vud’uzi mi Adriyel Barzilai ma Mehola-na goromina vahl mi. 9Amulâ mi hazi mi suma Gabawon-na; a gabazi akulo ata aguna yam ahinad’a avok Ma didina. Azi ki zlazi d’a kid’iziyad’a pet a bo nabo tazi tu. A tchazi ni kur bur ma avok kikidjina hi bur ma a fet awunina; ni bur ma a tin ad’ud’a á dut awu orsîna.
10Rispa Aya goromba ti yo saka, ti barat kä yam ahinad’a á bur kad’u, tinï ad’ud’a ata yima dut awuna dei gak alona mi tchuk sinam kä, ti nga d’i dik aluweina woi faleya, ti nga d’i dik ambureina woi andjege mi, kayam a tazi d’i.
11A mba de mi David yam vama Rispa Aya gorom mba atcha d’a gora hi Saul-la nga d’i luma. 12David mi i yoï asoga Saul kasoga goroma Jonatan abo suma Jabes sa Galät-tina. Ni Jabes suma a kuluzï Bet-San ata yima Filistê-na a b’alazi kua kur bur ma Filistê-na a tchi Saul sä Gilbowa-na. 13David mi yoï asoga Saul kasoga goroma Jonatan, mi yoï asoga suma a gabazi akulo ndazina mi. 14A tos asoga Saul ki asoga goroma Jonatan kasoga suma a gabazi akulo ndazina kur ambas sa Benjamin-nda avo Sela, kur zula hi Saul abum Kis-sa. A lahlena pet suma amulâ mi he vuna kazina. Ni hina tua ba, Alona hurum vat tei yam suma kur ambasina.
Filistê-na azi ki Israel-lâ a dur taziya
(Gol 1 Sun hAm 20.4-8)
15Suma Filistê-na a tchol dur ayîna ki Israel-lâ kua d’ei. David ki azigar mama a i dur Filistê-na. David mi seyâ. 16Jisbi-Benop gor ma Rafa-na, mi min á tchi David. Asap mamba aneget kal kilona hi kawei ma hleunina hindi, mi djin mbigeu d’a fiyak ka awilid’a furum mi. 17Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.
18Bugol ahle ndazina, ayîna mi tchol tchol la dinga ki Filistê-na avo Gop. Ata yi máma Sibekai ma Husa-na mi tchi Saf gor ma Rafa ma dingâ. 19Ayîna mi tchol tchol la dinga ki Filistê-na avo Gop kua d’ei. Elanan Järe-Oregim ma Betelehem-ma goroma mi tchi Goliyat ma Gat-na. Asap mamba aguwat ni d’igi gor zuzuna na. 20Ayî ma dingâ mi tchol kua avo Gat. Sama fiya’â mi nga kua, tchitchit ta abomba ki d’a asemba ni karagaya karagaya. Tchitchid’am pet ni dok mbà yam fid’i; ni gor ma Rafa ma dingâ mi. 21Mi ngul Israel-lâ. Jonatan Samma ma David wiyemina goroma mi tchumu.
22Suma fid’i ndazina ni suma ad’u andjafâ hi Rafa ma Gat-nina. David azi ki azigar mama a tchazi pet.
Azumeina Bible © Alliance Biblique du Tchad, 1999.