2 Amuleina 22
22
JOSIYAS MI TAMULA
(2.1—23.30)
Josiyas mi tamula yam Jude-na
(Gol 2 Sun hAm 34.1-2)
1Kid’a Josiyas mi kak amulid’a, bizamî klavandi. Mi tamula avo Jerusalem bizad’a dok hindi yam tu. Asum a yat ala Jedida ni Adaya goromba ni d’a Boskat-ta. 2Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.
Ma ngol ma ngat buzuna mi fe Mbaktum mba Gata
(Gol 2 Sun hAm 34.8-18)
3Kur biza d’a dogo yam klavandi d’a Josiyas nga mi tamulid’a, mi sun mam ma b’ir mbaktumba Safan Asaliya goroma Mesulam gorom ngolona kur gong nga kud’ora hi Ma didinid’a. 4Mi dum ala: Ang fe ma ngol ma ngat buzuna Hilkiya, ang dum ala mi ndum bege d’a suma ngat buzu suma a nga ngom vun gonga a nga vat abo suma yam gong nga kud’ora hi Ma didinid’ina. 5Mi hat abo suma sun suma a tinizi á min gonga hi Ma didinid’ina, azi wurak ki suma sun suma a nga min gong ndata yat ma b’lak keina akulo, 6nala, suma tchet aguna, suma min gongîyona ki suma tchet ahinad’a á gus aguna kahina d’a tcheta kahlena pet suma ndak á min ki gong nga kud’ora yat ma b’lak keina akulo. 7Wani a hal nga ad’u suma a hazi beged’a a wurak ki suma sundina d’i, kayam azi le sun mazid’a nata yat memet.
8Kid’a Safan mi mbazid’a, ma ngol ma ngat buzuna Hilkiya mi dum ala: An fe Mbaktum mba Gata kur gong nga kud’ora hi Ma didinid’a. Hilkiya mi he mbaktum ndata mi Safan, mam ndumud’u.
9Bugola, Safan mi hulong gen amulâ, mi dum ala: Azungeî mangâ a yo bege d’a kur gong nga kud’ora hi Ma didinid’a, a hat mi suma sun suma a tinizi á min gonga yat ma b’lak keina akulo.
10Safan mi dum kua ala: Ma ngat buzuna Hilkiya mi han mbaktumba tu. Ata yi máma mi ndumut kä avok amulâ.
Josiyas mi djop pa djok vun Alona Hulda
(Gol 2 Sun hAm 34.19-28)
11Ata yima Josiyas mi hum zla d’a kur Mbaktum mba Gatid’a, mi haû baru mama woi atamu. 12Amulâ mi he vuna mi ma ngol ma ngat buzuna Hilkiya ki Ahikam Safan goroma ki Akbor Mise goroma ki Safan mam ma b’ir mbaktumba ki Asaya mam ma sunda, mi dazi ala: 13Agi i djobogi Ma didina kan an ki suma Juda-na pet yam zla d’a kur mbaktum mba a fat wanda. Kayam Ma didina hurum mi zal kei ngola ni kayambala abuyoi ngolo a ngom nga zla d’a kur mbaktum mba wanda d’i, a le nga sunda yam zla d’a pet ta a b’irit kä keid’a d’uo mi d’a.
14 Ma ngol ma ngat buzuna Hilkiya ki Ahikam ki Akbor ki Safan ki Asaya a i avo hi d’a djok vun Alona Hulda d’a nga kaka avo Jerusalem kur kartiye d’a awilid’id’a. Natchad’a hi Salum ma Tikva gorom ma Harhas gorom ngolonina, ni ma ngom baru ma nga kur gong nga kud’orina. Azi vat ad’u zla d’a azi mba kata.
15Ata yi máma Hulda ti hulong dazi ala: Agi i dagi mi sama mi sunugi gevena ala: Wana ni zla d’a ded’a hi Ma didina Alona hi Israel-lînid’a: 16Mi dala: Gola! An Ma didina mba ni mba ki ndaka yam yima wana ki suma a nga kaka kuruma d’igi zla d’a amul ma Juda-na mi ndumut kur mbaktumbid’a na. 17Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.
18Wani agi i dagi amul ma Juda ma mi sunugï á djobona ala: Zla d’a an Ma didina Alona hi Israel-lîna ni dat yam zla d’a ang humuta ba wana: 19Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na. 20Ni kayam ndata ba, an mba ni arang ang mit ki halasa, a mba tozong kur zul manga bei ang we ndak ka an mba ni mbat yam azì ma Jerusalem-mid’a ba.
Ngol ma ngat buzuna ki ndrom suma a sunuzina a mba de zla ndata mamulâ hina.
Currently Selected:
2 Amuleina 22: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
2 Amuleina 22
22
JOSIYAS MI TAMULA
(2.1—23.30)
Josiyas mi tamula yam Jude-na
(Gol 2 Sun hAm 34.1-2)
1Kid’a Josiyas mi kak amulid’a, bizamî klavandi. Mi tamula avo Jerusalem bizad’a dok hindi yam tu. Asum a yat ala Jedida ni Adaya goromba ni d’a Boskat-ta. 2Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.
Ma ngol ma ngat buzuna mi fe Mbaktum mba Gata
(Gol 2 Sun hAm 34.8-18)
3Kur biza d’a dogo yam klavandi d’a Josiyas nga mi tamulid’a, mi sun mam ma b’ir mbaktumba Safan Asaliya goroma Mesulam gorom ngolona kur gong nga kud’ora hi Ma didinid’a. 4Mi dum ala: Ang fe ma ngol ma ngat buzuna Hilkiya, ang dum ala mi ndum bege d’a suma ngat buzu suma a nga ngom vun gonga a nga vat abo suma yam gong nga kud’ora hi Ma didinid’ina. 5Mi hat abo suma sun suma a tinizi á min gonga hi Ma didinid’ina, azi wurak ki suma sun suma a nga min gong ndata yat ma b’lak keina akulo, 6nala, suma tchet aguna, suma min gongîyona ki suma tchet ahinad’a á gus aguna kahina d’a tcheta kahlena pet suma ndak á min ki gong nga kud’ora yat ma b’lak keina akulo. 7Wani a hal nga ad’u suma a hazi beged’a a wurak ki suma sundina d’i, kayam azi le sun mazid’a nata yat memet.
8Kid’a Safan mi mbazid’a, ma ngol ma ngat buzuna Hilkiya mi dum ala: An fe Mbaktum mba Gata kur gong nga kud’ora hi Ma didinid’a. Hilkiya mi he mbaktum ndata mi Safan, mam ndumud’u.
9Bugola, Safan mi hulong gen amulâ, mi dum ala: Azungeî mangâ a yo bege d’a kur gong nga kud’ora hi Ma didinid’a, a hat mi suma sun suma a tinizi á min gonga yat ma b’lak keina akulo.
10Safan mi dum kua ala: Ma ngat buzuna Hilkiya mi han mbaktumba tu. Ata yi máma mi ndumut kä avok amulâ.
Josiyas mi djop pa djok vun Alona Hulda
(Gol 2 Sun hAm 34.19-28)
11Ata yima Josiyas mi hum zla d’a kur Mbaktum mba Gatid’a, mi haû baru mama woi atamu. 12Amulâ mi he vuna mi ma ngol ma ngat buzuna Hilkiya ki Ahikam Safan goroma ki Akbor Mise goroma ki Safan mam ma b’ir mbaktumba ki Asaya mam ma sunda, mi dazi ala: 13Agi i djobogi Ma didina kan an ki suma Juda-na pet yam zla d’a kur mbaktum mba a fat wanda. Kayam Ma didina hurum mi zal kei ngola ni kayambala abuyoi ngolo a ngom nga zla d’a kur mbaktum mba wanda d’i, a le nga sunda yam zla d’a pet ta a b’irit kä keid’a d’uo mi d’a.
14 Ma ngol ma ngat buzuna Hilkiya ki Ahikam ki Akbor ki Safan ki Asaya a i avo hi d’a djok vun Alona Hulda d’a nga kaka avo Jerusalem kur kartiye d’a awilid’id’a. Natchad’a hi Salum ma Tikva gorom ma Harhas gorom ngolonina, ni ma ngom baru ma nga kur gong nga kud’orina. Azi vat ad’u zla d’a azi mba kata.
15Ata yi máma Hulda ti hulong dazi ala: Agi i dagi mi sama mi sunugi gevena ala: Wana ni zla d’a ded’a hi Ma didina Alona hi Israel-lînid’a: 16Mi dala: Gola! An Ma didina mba ni mba ki ndaka yam yima wana ki suma a nga kaka kuruma d’igi zla d’a amul ma Juda-na mi ndumut kur mbaktumbid’a na. 17Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.
18Wani agi i dagi amul ma Juda ma mi sunugï á djobona ala: Zla d’a an Ma didina Alona hi Israel-lîna ni dat yam zla d’a ang humuta ba wana: 19Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na. 20Ni kayam ndata ba, an mba ni arang ang mit ki halasa, a mba tozong kur zul manga bei ang we ndak ka an mba ni mbat yam azì ma Jerusalem-mid’a ba.
Ngol ma ngat buzuna ki ndrom suma a sunuzina a mba de zla ndata mamulâ hina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.