2 Sunda Hamuleinid’a 26
26
Amul la ted’a hi Osiyas-sa
(Gol 2 Amul 14.21-22; 15.1-3)
1Oziyas Amasiya goroma bizamî dogo yam karagaya, suma Juda-na a manam a tinim amula balum abumu. 2Bugol matna habuma, ni mam ba, mi dur mi hlazì ma Elat-na, mi hulong minim akulo.
3Kid’a Oziyas mi kak amulid’a, bizamî dogo yam karagaya. Mi tamula avo Jerusalem bizad’a dok vahl yam mbà. Asum a yat ala Jekoliya ni d’a Jerusalem-mba. 4Oziyas mi le sun nda d’ingêra avok Ma didina pet d’igi abum Amasiya na.
Oziyas ni ma d’engzengâ. Mi mbut ma bei d’engzengâ
5Kid’a Zakari mi nga ki iramba, Oziyas mi tin hurum á hal Alona. Ni Zakari ba, mi had’am á le mandara Alona. Ata yima mi nga hal Ma didina Alonina, mi lum djivid’a mi. 6Mi nde abu á dur ayîna ki suma Filistê-na. Mi to gulumun ma Gat-na ki ma Japne-na ki ma Asdot-na kä woyo, mi min azì ma nglona kur ambas sa Asdot-ta, kur azì ma Filistê ma dingâ mi. 7Alona mi ndjunum mi dur ayîna ki suma Filistê-na ki suma Arap suma a nga kaka Gur-Bäl-lâ ki suma Mawon-na mi. 8Suma Amon-na a mbam ki he d’a hawad’a. Simiyêm mi nde yina ngola, gak mi i avun hagad’a hi Ezipte-d’a, kayam ad’eng mamba nga d’i i avogovok ngola. 9Oziyas mi min gong nga fiyak ka ndjola avo Jerusalem avun agrek ma gulumuna mi kong kuana, avun agrek ma kä kur horina, yam yima gulumuna mi kong kuana, mi minit ad’enga ngungu. 10Mi min gong nga fiyak ka ndjola abagei hur fulâ, mi ka golongeîna ablaud’a mi, kayam mam nga ki d’uwarâ ablaud’a kur andagad’a kä ata yima ligitimid’a, a nga abagei hur fulâ mi, mi nga ki suma zuma ablaud’a ki suma ngom guguzlud’a abagei yam ahina d’a Karmel-la mi, kayam mam mi sama hurum ve zuma heîna.
11Oziyas mi nga ki azigar suma a we durâ suma a i ki sed’em ata yima ayînina. A i nad’u adesâ adesâ, ni suma ma b’ir mbaktumba Jeyel ki ma le sunda hamulâ Mäseya a ndumuzi a hazi abo ma sunda hamulâ ma simiyêm ala Hananiya na. 12Ablaud’a ki suma nglo suma avok sum mazi suma a we durâ heîna a ni 2600. 13Azigar suma ad’u ad’eng mazid’ina a ni 307.500, ni azigar suma gangrang suma a we durâ suma a nga ndjun amulâ á dur ki mam suma djangûnina. 14Oziyas mi b’rawazi ahle suma dur ayîna pet, nala, mboriyona, asubiyona, djum mba kaweina, kongrongâ, yeûd’a ki mbiud’a mi. 15Mi tin masin ma sama d’alâ mi lum kur gong nga fiyak ka ndjol la a minit yam yima gulumuna kong kuana, kayam mi yet suma djangûna ki yeûd’a, mi duruzi kahina d’a nglod’a mi. Oziyas zlam nde yina ata yima deina, kayam Alona mi lahle suma atchapma ki sed’em gak ad’um b’al kä ad’enga ngingi.
16Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina. 17Ma ngol ma ngat buzuna Azariya mi kal ad’um kur gong nga kud’ora, zlapa ki suma ngat buzu suma dingâ hi Ma didinina dok klavandi; azi pet ni suma gangrangâ. 18A tchol avok amulâ Oziyas, a dum ala: Oziyas, nga ni zla manga á ngal dubang ma his djivid’ina mi Ma didina d’i. Ni sunda hi suma ngat buzuna andjafâ hi Aron-na. Ni azi ba, a tinizi irazi vazi á ngal dubang ma his djivid’ina. Ang nde woi ata yima a tinim iram vama, ang le i hî ni sun nda ata yat tuo d’a; ni sun nda Ma didina mba mi suburung kat tuo d’a!
19Kid’a Oziyas mi nga tchola ki vama ngal dubang ma mi his djivid’ina abomba, mi mbut ayîna. Ata yima hurum zal yam suma ngat buzunina, libina mi buzuk kei avorom kä ir suma ngat buzuna kur gong nga kud’ora hi Ma didinid’a go ki yima ngal dubang ma his djivid’ina. 20Ma ngol ma ngat buzuna Azariya zlapa ki suma ngat buzu suma dingâ pet, a mbut irazi a golomu, a we libina mi buzuk kei avoromu. Azi zud’um mbei abu atogo zak; mam tamba pî, mi b’at tam á nde woi abua, kayam Ma didina mi tumumu.
Amul la te d’a dabid’a hi Oziyas-sa
(Gol 2 Amul 15.5-7)
21Amulâ Oziyas mi arî sama libina gak mat mama. Kayam ndata, a walam mbei kaka kur azì ma dingâ woi vam bei mi fe lovota á hulong kur gong nga kud’ora hi Ma didinid’a ba. Goroma Jotam mi kak kur azì ma amula, nga mi te yam suma kur ambasina. 22Sunda hi Oziyas sa ara, d’a avoka ki d’a dananda, ma djok vun Alona Isai Amot goroma mi b’irit nga kä. 23Ata yima mi mitna, a tozom zlapa ki simiyêm ata yima a tos amuleina kuana, wani nga ni kur zul mazid’a d’i, kayam a dala mam mi sama libina. Goroma Jotam mi vrak tamula blangâmu.
Currently Selected:
2 Sunda Hamuleinid’a 26: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
2 Sunda Hamuleinid’a 26
26
Amul la ted’a hi Osiyas-sa
(Gol 2 Amul 14.21-22; 15.1-3)
1Oziyas Amasiya goroma bizamî dogo yam karagaya, suma Juda-na a manam a tinim amula balum abumu. 2Bugol matna habuma, ni mam ba, mi dur mi hlazì ma Elat-na, mi hulong minim akulo.
3Kid’a Oziyas mi kak amulid’a, bizamî dogo yam karagaya. Mi tamula avo Jerusalem bizad’a dok vahl yam mbà. Asum a yat ala Jekoliya ni d’a Jerusalem-mba. 4Oziyas mi le sun nda d’ingêra avok Ma didina pet d’igi abum Amasiya na.
Oziyas ni ma d’engzengâ. Mi mbut ma bei d’engzengâ
5Kid’a Zakari mi nga ki iramba, Oziyas mi tin hurum á hal Alona. Ni Zakari ba, mi had’am á le mandara Alona. Ata yima mi nga hal Ma didina Alonina, mi lum djivid’a mi. 6Mi nde abu á dur ayîna ki suma Filistê-na. Mi to gulumun ma Gat-na ki ma Japne-na ki ma Asdot-na kä woyo, mi min azì ma nglona kur ambas sa Asdot-ta, kur azì ma Filistê ma dingâ mi. 7Alona mi ndjunum mi dur ayîna ki suma Filistê-na ki suma Arap suma a nga kaka Gur-Bäl-lâ ki suma Mawon-na mi. 8Suma Amon-na a mbam ki he d’a hawad’a. Simiyêm mi nde yina ngola, gak mi i avun hagad’a hi Ezipte-d’a, kayam ad’eng mamba nga d’i i avogovok ngola. 9Oziyas mi min gong nga fiyak ka ndjola avo Jerusalem avun agrek ma gulumuna mi kong kuana, avun agrek ma kä kur horina, yam yima gulumuna mi kong kuana, mi minit ad’enga ngungu. 10Mi min gong nga fiyak ka ndjola abagei hur fulâ, mi ka golongeîna ablaud’a mi, kayam mam nga ki d’uwarâ ablaud’a kur andagad’a kä ata yima ligitimid’a, a nga abagei hur fulâ mi, mi nga ki suma zuma ablaud’a ki suma ngom guguzlud’a abagei yam ahina d’a Karmel-la mi, kayam mam mi sama hurum ve zuma heîna.
11Oziyas mi nga ki azigar suma a we durâ suma a i ki sed’em ata yima ayînina. A i nad’u adesâ adesâ, ni suma ma b’ir mbaktumba Jeyel ki ma le sunda hamulâ Mäseya a ndumuzi a hazi abo ma sunda hamulâ ma simiyêm ala Hananiya na. 12Ablaud’a ki suma nglo suma avok sum mazi suma a we durâ heîna a ni 2600. 13Azigar suma ad’u ad’eng mazid’ina a ni 307.500, ni azigar suma gangrang suma a we durâ suma a nga ndjun amulâ á dur ki mam suma djangûnina. 14Oziyas mi b’rawazi ahle suma dur ayîna pet, nala, mboriyona, asubiyona, djum mba kaweina, kongrongâ, yeûd’a ki mbiud’a mi. 15Mi tin masin ma sama d’alâ mi lum kur gong nga fiyak ka ndjol la a minit yam yima gulumuna kong kuana, kayam mi yet suma djangûna ki yeûd’a, mi duruzi kahina d’a nglod’a mi. Oziyas zlam nde yina ata yima deina, kayam Alona mi lahle suma atchapma ki sed’em gak ad’um b’al kä ad’enga ngingi.
16Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina. 17Ma ngol ma ngat buzuna Azariya mi kal ad’um kur gong nga kud’ora, zlapa ki suma ngat buzu suma dingâ hi Ma didinina dok klavandi; azi pet ni suma gangrangâ. 18A tchol avok amulâ Oziyas, a dum ala: Oziyas, nga ni zla manga á ngal dubang ma his djivid’ina mi Ma didina d’i. Ni sunda hi suma ngat buzuna andjafâ hi Aron-na. Ni azi ba, a tinizi irazi vazi á ngal dubang ma his djivid’ina. Ang nde woi ata yima a tinim iram vama, ang le i hî ni sun nda ata yat tuo d’a; ni sun nda Ma didina mba mi suburung kat tuo d’a!
19Kid’a Oziyas mi nga tchola ki vama ngal dubang ma mi his djivid’ina abomba, mi mbut ayîna. Ata yima hurum zal yam suma ngat buzunina, libina mi buzuk kei avorom kä ir suma ngat buzuna kur gong nga kud’ora hi Ma didinid’a go ki yima ngal dubang ma his djivid’ina. 20Ma ngol ma ngat buzuna Azariya zlapa ki suma ngat buzu suma dingâ pet, a mbut irazi a golomu, a we libina mi buzuk kei avoromu. Azi zud’um mbei abu atogo zak; mam tamba pî, mi b’at tam á nde woi abua, kayam Ma didina mi tumumu.
Amul la te d’a dabid’a hi Oziyas-sa
(Gol 2 Amul 15.5-7)
21Amulâ Oziyas mi arî sama libina gak mat mama. Kayam ndata, a walam mbei kaka kur azì ma dingâ woi vam bei mi fe lovota á hulong kur gong nga kud’ora hi Ma didinid’a ba. Goroma Jotam mi kak kur azì ma amula, nga mi te yam suma kur ambasina. 22Sunda hi Oziyas sa ara, d’a avoka ki d’a dananda, ma djok vun Alona Isai Amot goroma mi b’irit nga kä. 23Ata yima mi mitna, a tozom zlapa ki simiyêm ata yima a tos amuleina kuana, wani nga ni kur zul mazid’a d’i, kayam a dala mam mi sama libina. Goroma Jotam mi vrak tamula blangâmu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.