2 Sunda Hamuleinid’a 23
23
A tin Jowas iram vam á tamula
(Gol 2 Amul 11.4-20)
1Kur biza d’a kid’iziyad’a, ma ngat buzuna Jehojada mi ve tam ad’enga, mi djin vunam ki azigar suma nglo suma avok azigar suma kikisâ, nala, Azariya Jeroham goroma, Ismael Johanan goroma, Azariya Obed goroma, Mäseya Adaya goroma ki Elisafat Zikri goroma mi. 2A nde nguid’a kur azì ma Juda-na, a togï suma hi Levi-na kur azì ma nglo ma Juda-na pet zlapa ki suma avok andjafâ hi Israel-lîna pet mi, a mbazi Jerusalem. 3Ablau suma a togïna a djin vunazi kamulâ kur gong nga kud’ora hAlonid’a. Jehojada mi dazi ala: Amulâ goroma Jowas wana! Mba mi tamula d’igi Ma didina mi hle vunam yam andjafâ hi David-na na. 4Mi dazi kua ala: Vama agi mba luma ba wana: Aduk magi suma ngat buzuna ki suma hi Levi suma a nga ve sunda kur bur ma sabatnina, ades ma avo’â mi tchol ndjola avun gong nga kud’ora hAlonid’a, 5ades ma mbàna mi tchol ndjola kur gong nga amula, ades ma hindina mi tchol ndjola avun agrek ma a yum ala Jesot-na. Ablau suma petna a tchol kur gulumuna hi gong nga kud’ora hi Ma didinid’a. 6Ar sa mi kal kua d’i. Suma ngat buzuna ki suma hi Levi suma le sundina hol ba, a kalî aziya, kayam azi ni suma a tinizi irazi vazina. Ablau d’a pet wanda ti kak ndjola d’igi Ma didina mi de na. 7Suma hi Levi-na a yo ahle suma sïna aboziya, a ngui amulâ kä; sama lara ma mi min kal kur gongina, agi tchum mbeyo. Agi gologi amulâ ped’et ata yima mi ndabuna, ata yima mi kal avona mi.
8Suma hi Levi-na ki suma Juda-na pet a lahle suma ma ngat buzuna Jehojada mi hazi vuna kazina. Azi nge nge pî, mi yo sum mama, suma a kal á le sunda kur bur ma sabatnina ki suma sun mazid’a dap kur bur ma sabatnina mi, kayam ma ngat buzuna Jehojada mi he nga vuna mades tu á tuk tam mbi. 9Ma ngat buzuna Jehojada mi he asubiyona ki mboriyo suma nglona ki mboriyo suma gurei suma amulâ David mi tchuguzi kur gong nga kud’ora hAlonid’ina abo azigar suma nglo ndazina. 10Mi tin nge nge pî kahle mam suma sïna abomu, tin ad’ud’a ata gonga abot ma ndjufâ gak mba ata gonga abot ma gulana go ki yima ngal ahle suma ngat buzuna go ki gong nga kud’ora, a ngui amulâ kä d’uhl. 11Mi ndeï kamulâ goroma Jowas sei abua, mi kulubum djum mba amula kamu, mi ndeï ki vama glangâsâ woi kam mi. A tinim amula. Jehojada azi ki groma a vom mbulâ kamu. Suma a tchaboziya, a dala: Amulâ, ar va mi lang ngi!
12Ata yima Atali ti hum del suma a nga siwel á gile amulîd’ina, 13ti mbeï gen suma kur gong nga kud’ora hi Ma didinid’ina, ti gola. Ti wamulâ mi nga tchola ata yima nding ma avun agre’îna, suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina, suma hle sawala a nga kahle suma bud’a aboziya, a nga tak lovota á hle sawal la giled’a. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!
14Jehojada mi dala: A tchat kur gong nga kud’ora hi Ma didinid’a d’i. Kayam ndata, mi he vuna mi azigar suma nglo suma a he vuna mi azigarîna ala: Agi ndattcha woi abu adigagi kur ndjar magid’a. Le sa mi ge tam ad’ud’u ni, agi tchum mbeyo!
15A tanat tei kur azì ma amula, a mbattcha avun agre’â hakulumeinina, a tchad’u.
16Jehojada mi djin vunam kablau d’a peta kamula, mi ala, ar azi ka’î suma hi Ma didinina. 17Ata yi máma ablaud’a pet ti tchuk kur gong nga kud’ora halo ma a yum ala Bäl-lâ, a pleyêt teyo, a to yima teteng ma ngal ahle suma ngat buzuna ki filei mazi ma teteng ma nga tchola kuana woyo. A tchi Matan ma ngat buzuna hi Bäl-lâ kä woi avok yima ngal ahle suma ngat buzu tetengâ mi. 18Jehojada mi he sun nda kur gonga hi Ma didinid’id’a abo suma hi Levi suma ngat buzuna d’igi David mi tinizi adesâ adesâ á hahle suma ngala mi Ma didina ki furîd’a ki sawala, d’igi a b’ir kur gata hi Moise-sa na. 19Mi tin suma ndjola avun gonga hi Ma didinid’a ala ar sama ndjendjed’a mi kal kur ri.
20Jehojada mi yo azigar suma nglona ki suma nglona ki suma te yam suma kur ambasina kablau d’a peta á tcholï kamulâ kur gong nga kud’ora hi Ma didinid’a á tinim avo kur azì ma amula. A hle lovot ta avun agrek ma akulo ndingâ, a i kur gong nga amula, a tin amulâ Jowas yam zlam mba amula mi. 21Suma kur ambasina pet a le furîd’a.
Suma kur azì ma ngolîna a kak ki halasa, kayamba a tchi Atali woi dad’a.
Currently Selected:
2 Sunda Hamuleinid’a 23: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
2 Sunda Hamuleinid’a 23
23
A tin Jowas iram vam á tamula
(Gol 2 Amul 11.4-20)
1Kur biza d’a kid’iziyad’a, ma ngat buzuna Jehojada mi ve tam ad’enga, mi djin vunam ki azigar suma nglo suma avok azigar suma kikisâ, nala, Azariya Jeroham goroma, Ismael Johanan goroma, Azariya Obed goroma, Mäseya Adaya goroma ki Elisafat Zikri goroma mi. 2A nde nguid’a kur azì ma Juda-na, a togï suma hi Levi-na kur azì ma nglo ma Juda-na pet zlapa ki suma avok andjafâ hi Israel-lîna pet mi, a mbazi Jerusalem. 3Ablau suma a togïna a djin vunazi kamulâ kur gong nga kud’ora hAlonid’a. Jehojada mi dazi ala: Amulâ goroma Jowas wana! Mba mi tamula d’igi Ma didina mi hle vunam yam andjafâ hi David-na na. 4Mi dazi kua ala: Vama agi mba luma ba wana: Aduk magi suma ngat buzuna ki suma hi Levi suma a nga ve sunda kur bur ma sabatnina, ades ma avo’â mi tchol ndjola avun gong nga kud’ora hAlonid’a, 5ades ma mbàna mi tchol ndjola kur gong nga amula, ades ma hindina mi tchol ndjola avun agrek ma a yum ala Jesot-na. Ablau suma petna a tchol kur gulumuna hi gong nga kud’ora hi Ma didinid’a. 6Ar sa mi kal kua d’i. Suma ngat buzuna ki suma hi Levi suma le sundina hol ba, a kalî aziya, kayam azi ni suma a tinizi irazi vazina. Ablau d’a pet wanda ti kak ndjola d’igi Ma didina mi de na. 7Suma hi Levi-na a yo ahle suma sïna aboziya, a ngui amulâ kä; sama lara ma mi min kal kur gongina, agi tchum mbeyo. Agi gologi amulâ ped’et ata yima mi ndabuna, ata yima mi kal avona mi.
8Suma hi Levi-na ki suma Juda-na pet a lahle suma ma ngat buzuna Jehojada mi hazi vuna kazina. Azi nge nge pî, mi yo sum mama, suma a kal á le sunda kur bur ma sabatnina ki suma sun mazid’a dap kur bur ma sabatnina mi, kayam ma ngat buzuna Jehojada mi he nga vuna mades tu á tuk tam mbi. 9Ma ngat buzuna Jehojada mi he asubiyona ki mboriyo suma nglona ki mboriyo suma gurei suma amulâ David mi tchuguzi kur gong nga kud’ora hAlonid’ina abo azigar suma nglo ndazina. 10Mi tin nge nge pî kahle mam suma sïna abomu, tin ad’ud’a ata gonga abot ma ndjufâ gak mba ata gonga abot ma gulana go ki yima ngal ahle suma ngat buzuna go ki gong nga kud’ora, a ngui amulâ kä d’uhl. 11Mi ndeï kamulâ goroma Jowas sei abua, mi kulubum djum mba amula kamu, mi ndeï ki vama glangâsâ woi kam mi. A tinim amula. Jehojada azi ki groma a vom mbulâ kamu. Suma a tchaboziya, a dala: Amulâ, ar va mi lang ngi!
12Ata yima Atali ti hum del suma a nga siwel á gile amulîd’ina, 13ti mbeï gen suma kur gong nga kud’ora hi Ma didinid’ina, ti gola. Ti wamulâ mi nga tchola ata yima nding ma avun agre’îna, suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina, suma hle sawala a nga kahle suma bud’a aboziya, a nga tak lovota á hle sawal la giled’a. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!
14Jehojada mi dala: A tchat kur gong nga kud’ora hi Ma didinid’a d’i. Kayam ndata, mi he vuna mi azigar suma nglo suma a he vuna mi azigarîna ala: Agi ndattcha woi abu adigagi kur ndjar magid’a. Le sa mi ge tam ad’ud’u ni, agi tchum mbeyo!
15A tanat tei kur azì ma amula, a mbattcha avun agre’â hakulumeinina, a tchad’u.
16Jehojada mi djin vunam kablau d’a peta kamula, mi ala, ar azi ka’î suma hi Ma didinina. 17Ata yi máma ablaud’a pet ti tchuk kur gong nga kud’ora halo ma a yum ala Bäl-lâ, a pleyêt teyo, a to yima teteng ma ngal ahle suma ngat buzuna ki filei mazi ma teteng ma nga tchola kuana woyo. A tchi Matan ma ngat buzuna hi Bäl-lâ kä woi avok yima ngal ahle suma ngat buzu tetengâ mi. 18Jehojada mi he sun nda kur gonga hi Ma didinid’id’a abo suma hi Levi suma ngat buzuna d’igi David mi tinizi adesâ adesâ á hahle suma ngala mi Ma didina ki furîd’a ki sawala, d’igi a b’ir kur gata hi Moise-sa na. 19Mi tin suma ndjola avun gonga hi Ma didinid’a ala ar sama ndjendjed’a mi kal kur ri.
20Jehojada mi yo azigar suma nglona ki suma nglona ki suma te yam suma kur ambasina kablau d’a peta á tcholï kamulâ kur gong nga kud’ora hi Ma didinid’a á tinim avo kur azì ma amula. A hle lovot ta avun agrek ma akulo ndingâ, a i kur gong nga amula, a tin amulâ Jowas yam zlam mba amula mi. 21Suma kur ambasina pet a le furîd’a.
Suma kur azì ma ngolîna a kak ki halasa, kayamba a tchi Atali woi dad’a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.