2 Sunda Hamuleinid’a 14
14
1Asa mi le sun nda djivi d’a d’ingêra avok Ma didina Alo mama. 2Mi to yima teteng ma ngal ahle suma ngat buzuna malona hi suma dingîna ki yam ma nding ma tetengâ woyo, mi to gongîyo suma a minizi mi fileinina kagu ma murguli ma a puma woi mi. 3Mi he vuna mi suma Juda-na ala a kud’orî Ma didina Alona habuyozi ngolona, a tit yam gat mamba ki vun mam ma hed’a mi. 4Mi to yima nding ma a ngal ahle suma ngat buzuna malo ma dingîna ki yima a ngal mbul ma his ma afufuîna kuana woi kur azì ma Juda-na pet. Kayam ndata, leu mamba ti kak ki halasa. 5Mi min azì ma nglo ma ad’eng ma ngungu ma Juda-na, kayam ambasa ti kak ki halasa, sama durum ayîna kur biza ndatina nga d’uo mi, kayam Ma didina mi hum lovota á tuk tamu.
6Mi de mi suma Juda-na ala: Ei mini azì ma nglo máma, ei nguyum ki gulumuna ki gongîyo suma fuyogei suma ndjola, ei dugi bapma avun ki kawei ma murgulina, kayam ambasa ti nga aboi tua. Ei ni suma d’engzengâ avok Alo meina. Ni kayam d’engzeng ndata ba, mi hei tuk tad’a ata yina pet wana!
A min azì ma nglo máma akulo ki djivid’a.
7Azigar suma hi Asa suma Juda suma a dur ki mbarei d’a nglod’a kasapina a ni 300.000. Azigar suma Benjamin suma a dur ki mbarei d’a gureid’a ki yeûd’ina a ni 280.000. Azi pet ni grang suma dur ayîna.
8Zera amul ma Etiyopi-na mi mba atazi durâ ki azigarâ 1.000.000 ki pus ma dur ayîna 300, a mbeï gak Maresa. 9Asa ki azigar mama a buzuk kei á ngavamu. Azi a ndjar tazi kur hor ra Sefata d’a go ki Maresa-d’a. 10Asa mi tchen Ma didina Alo mama ala: Ma didina, ang ndak á ndjun sama ad’engâ d’oze ma amangeîna. Ma didina Alo mamina, ang mbeï ndjunumiya, kayam ami dengêmi tami natangû. Ni yam simiyêng ba, ami mbami durâ ata suma mimiyâk suma wana wana. Ma didina, angî Alo mamina. Ar sana mi kus ayîna kang ngi.
11Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ. 12Asa ki sum mama a digizi gak a mbaza Gerar, a tchi suma Etiyopi-na kakaf. Sa mi sut nga tu d’i, kayam a b’rau woi avok Ma didina ki azigar mama yayak. Asa ki sum mama a kus kazi kus sa ngola, a hurumï ahle mazina ngola mi. 13A tchi suma kur azì ma ngui Gerar-râ woi pet, kayam mandarâ hi Ma didinina mi ve suma kur azì mámina, a hurum ahle suma kur azì mámina pet, kayam azi nga kahlena ngola. 14A pleî zlub’ud’a hi suma a nga ngom d’uwarîna woyo, a yoï tumiyôna ki djambala ablaud’a. Bugola, a hulong avo Jerusalem.
Currently Selected:
2 Sunda Hamuleinid’a 14: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
2 Sunda Hamuleinid’a 14
14
1Asa mi le sun nda djivi d’a d’ingêra avok Ma didina Alo mama. 2Mi to yima teteng ma ngal ahle suma ngat buzuna malona hi suma dingîna ki yam ma nding ma tetengâ woyo, mi to gongîyo suma a minizi mi fileinina kagu ma murguli ma a puma woi mi. 3Mi he vuna mi suma Juda-na ala a kud’orî Ma didina Alona habuyozi ngolona, a tit yam gat mamba ki vun mam ma hed’a mi. 4Mi to yima nding ma a ngal ahle suma ngat buzuna malo ma dingîna ki yima a ngal mbul ma his ma afufuîna kuana woi kur azì ma Juda-na pet. Kayam ndata, leu mamba ti kak ki halasa. 5Mi min azì ma nglo ma ad’eng ma ngungu ma Juda-na, kayam ambasa ti kak ki halasa, sama durum ayîna kur biza ndatina nga d’uo mi, kayam Ma didina mi hum lovota á tuk tamu.
6Mi de mi suma Juda-na ala: Ei mini azì ma nglo máma, ei nguyum ki gulumuna ki gongîyo suma fuyogei suma ndjola, ei dugi bapma avun ki kawei ma murgulina, kayam ambasa ti nga aboi tua. Ei ni suma d’engzengâ avok Alo meina. Ni kayam d’engzeng ndata ba, mi hei tuk tad’a ata yina pet wana!
A min azì ma nglo máma akulo ki djivid’a.
7Azigar suma hi Asa suma Juda suma a dur ki mbarei d’a nglod’a kasapina a ni 300.000. Azigar suma Benjamin suma a dur ki mbarei d’a gureid’a ki yeûd’ina a ni 280.000. Azi pet ni grang suma dur ayîna.
8Zera amul ma Etiyopi-na mi mba atazi durâ ki azigarâ 1.000.000 ki pus ma dur ayîna 300, a mbeï gak Maresa. 9Asa ki azigar mama a buzuk kei á ngavamu. Azi a ndjar tazi kur hor ra Sefata d’a go ki Maresa-d’a. 10Asa mi tchen Ma didina Alo mama ala: Ma didina, ang ndak á ndjun sama ad’engâ d’oze ma amangeîna. Ma didina Alo mamina, ang mbeï ndjunumiya, kayam ami dengêmi tami natangû. Ni yam simiyêng ba, ami mbami durâ ata suma mimiyâk suma wana wana. Ma didina, angî Alo mamina. Ar sana mi kus ayîna kang ngi.
11Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ. 12Asa ki sum mama a digizi gak a mbaza Gerar, a tchi suma Etiyopi-na kakaf. Sa mi sut nga tu d’i, kayam a b’rau woi avok Ma didina ki azigar mama yayak. Asa ki sum mama a kus kazi kus sa ngola, a hurumï ahle mazina ngola mi. 13A tchi suma kur azì ma ngui Gerar-râ woi pet, kayam mandarâ hi Ma didinina mi ve suma kur azì mámina, a hurum ahle suma kur azì mámina pet, kayam azi nga kahlena ngola. 14A pleî zlub’ud’a hi suma a nga ngom d’uwarîna woyo, a yoï tumiyôna ki djambala ablaud’a. Bugola, a hulong avo Jerusalem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.