1 Samuel 15
15
Saul mi dur suma Amale’â
1Samuel mi de mi Saul ala: Ni an ba, Ma didina mi sununï kambei á manang á tining amula yam sum mama Israel-lâ. Kayam ndata, ang huma; an nga ni dang zla mamba. 2Wana ni zla d’a ded’a hi Ma didin ma ad’engêm kal petnid’a: Mi dala: An djib’er yam vama suma Amale’â a lum ki Israel-lâ kid’a a d’el lovota avorozi ata yima azi buzugï woi kur Ezipte-d’ina. 3Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.
4Saul mi yi azigarâ mi ndumuzi avo Telaim. Azigar suma mayâd’a a ni 200.000; suma Juda-na a ni 10.000. 5Saul mi i ki sed’ezi avo Amalek; azi ngei tazi kä kur toliyon nda sod’a. 6Bugola, mi de mi suma Ken-na ala: Agi kagagi aduk suma Amale’â d’i; agi walagi woi ki sed’eziya; an min tchagi zlapa ki azi d’i, kayam agi lagi djivid’a mi Israel-lâ kid’a azi buzugï woi Ezipte-d’a. Suma Ken-na a wal lei ki suma Amale’â.
7Ata yi máma Saul mi dur Amale’â, tinï ad’ud’a Havila dei gak a mba Sur abo ma yorogona hi Ezipte-na. 8Mi vamul mazina Agak ariya, mi tchi sum mama woi pet. 9Wani Saul ki azigar mama a ar Agak bei tchid’a kahlena pet suma djivina aduk d’uwarâ, nala, amuzleina, tumiyôna kahok suma gangrangâ, gro tumiyôna kahlena pet suma djivina; azi b’la’î ahle suma tcho suma zlazi nga d’uo na woi hol.
Alona mi noî Saul leyo
10Ata yi máma Ma didina mi de mi Samuel ala: 11An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola. 12Ki yorogo tcholola mi i á ngaf ki Saul. Mi hum ala Saul mi i wa Karmel, mi pahinad’a á yï simiyêmu, mi tchol mi i Gilgal. 13Kid’a Samuel mi mbaza gevemba, Saul mi dum ala: Ar Ma didina mi b’e vunam kangû; an le wa vama Ma didina mi han vuna kama.
14Samuel mi dum ala: Le ni na ni, tchina haho’â ki ma hamuzleina ma an nga ni humum wana ni ma me d’ei ge?
15Saul mi hulong dum ala: Azigarâ a yozï nabo suma Amale’â; azi ar ahok suma djivina kamuzlei suma djivina á ngad’azi buzuna mi Ma didina Alo mangâ. Ad’uzi d’a ara ami b’lagazi woi pepet.
16Samuel mi de mi Saul ala: Ang bä! An nga ni dang vama Ma didina dandji kur andjege d’a kamid’ina.
Saul mi dum ala: Ang dë.
17Samuel mi dum ala: Adjeu d’a ang gol tangî va d’uo d’a ang mbut nga amulâ yam andjafâ hi Israel-lîna d’uo zu? Ni Ma didina ba, mi tining amulâ yam Israel-lâ d’uo zu? 18Wani Ma didina mi tagang lovot ta ang tit kuad’a, mi sunung ala ang b’lak Amalek suma tchona woyo, ang duruzi ayîna gak ang b’lagazi woi kakaf. 19Ni kayam me ba, ang hum vun Ma didina d’uo ge? Ni kayam me ba, ang nde yam ahlena hurumba, ang le vama le Ma didina tam djivid’a d’uo na ge?
20Saul mi hulong de mi Samuel ala: An le sunda yam vun ma he ma Ma didina handjina gagazi, an tit kur lovot ta mam tagandjid’a, an tchi suma Amale’â woi pet, an arî amul mazina Agak hol, an mba ki sed’em ka hî. 21Wani azigar mana a yoï ahle suma djivina aduk aho’â kamuzleina d’igi he d’a hawa d’a ngad’a yam ahle suma avok suma b’lagazi woina na á ngad’azi buzuna mi Ma didina Alo mangâ ka hî avo Gilgal.
22Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina. 23So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.
24Saul mi de mi Samuel ala: An le tchod’a, an tchila yam vun ma hed’a hi Ma didinina ki gat manga, kayam an le mandara azigarâ, an hum zla mazid’a. 25Ki tchetchemba, an nga ni tchenengû, ang vat hurung ngei kan yam tcho ndata, ang mbei i ki sed’enu, kayam an i ni kud’or Ma didina ka hî.
26Samuel mi hulong dum ala: An nga ni i ki sed’eng ngi! Kayam ang ge vun ma hed’a hi Ma didinina woyo, Ma didina mi gang wa woi mi, kayam ang kak amula yam Israel-lâ d’uo d’a.
27Ata yima Samuel mi mbut iram á id’ina, Saul mi vum vun baru mam mba ngola; ti hawâ. 28Ata yi máma Samuel mi dum ala: Ma didina mi haû wa ini leu manga woi aduk Israel-lâ, mi hat wa mi sama djivi ma kalang angâ. 29Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.
30Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ. 31Samuel mi hulong mi i ki sed’emu; Saul mi kud’or Ma didina.
32Bugola, Samuel mi dazi ala: Agi mbanï Agak amul ma Amale’â. Agak mi mba gevem ki furîd’a#15.32 mba gevem ki furîd’a: Kur mbut ta dinga ala: mba atamu, nga mi zlak ki mandarâ., nga mi djib’er ala: Gagazi, aglara hi matnid’a kal lei da’#15.32 Gagazi, aglara hi matnid’a kal lei da’: Kur mbut ta dinga ala: Gagazi, matna ni vama aglarâ!!
33Samuel mi dum ala: D’igi mbugiyo mang suma fuyogeina a ar aropma bei grona na, asung mba d’i ar bei gorâ na mi. Samuel mi ngat Agak kä woi avok Ma didina avo Gilgal.
34Samuel mi hulong Rama, wani Saul mi hulong Gibeya avo hatamu. 35Samuel mi mit ni bei mi hulong gen Saul ba, kayam hurum b’lak yam Saul heî. Ma didina mi mbut hurum hata kayamba mam tin Saul amula yam Israel-lîd’a.
Currently Selected:
1 Samuel 15: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
1 Samuel 15
15
Saul mi dur suma Amale’â
1Samuel mi de mi Saul ala: Ni an ba, Ma didina mi sununï kambei á manang á tining amula yam sum mama Israel-lâ. Kayam ndata, ang huma; an nga ni dang zla mamba. 2Wana ni zla d’a ded’a hi Ma didin ma ad’engêm kal petnid’a: Mi dala: An djib’er yam vama suma Amale’â a lum ki Israel-lâ kid’a a d’el lovota avorozi ata yima azi buzugï woi kur Ezipte-d’ina. 3Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.
4Saul mi yi azigarâ mi ndumuzi avo Telaim. Azigar suma mayâd’a a ni 200.000; suma Juda-na a ni 10.000. 5Saul mi i ki sed’ezi avo Amalek; azi ngei tazi kä kur toliyon nda sod’a. 6Bugola, mi de mi suma Ken-na ala: Agi kagagi aduk suma Amale’â d’i; agi walagi woi ki sed’eziya; an min tchagi zlapa ki azi d’i, kayam agi lagi djivid’a mi Israel-lâ kid’a azi buzugï woi Ezipte-d’a. Suma Ken-na a wal lei ki suma Amale’â.
7Ata yi máma Saul mi dur Amale’â, tinï ad’ud’a Havila dei gak a mba Sur abo ma yorogona hi Ezipte-na. 8Mi vamul mazina Agak ariya, mi tchi sum mama woi pet. 9Wani Saul ki azigar mama a ar Agak bei tchid’a kahlena pet suma djivina aduk d’uwarâ, nala, amuzleina, tumiyôna kahok suma gangrangâ, gro tumiyôna kahlena pet suma djivina; azi b’la’î ahle suma tcho suma zlazi nga d’uo na woi hol.
Alona mi noî Saul leyo
10Ata yi máma Ma didina mi de mi Samuel ala: 11An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola. 12Ki yorogo tcholola mi i á ngaf ki Saul. Mi hum ala Saul mi i wa Karmel, mi pahinad’a á yï simiyêmu, mi tchol mi i Gilgal. 13Kid’a Samuel mi mbaza gevemba, Saul mi dum ala: Ar Ma didina mi b’e vunam kangû; an le wa vama Ma didina mi han vuna kama.
14Samuel mi dum ala: Le ni na ni, tchina haho’â ki ma hamuzleina ma an nga ni humum wana ni ma me d’ei ge?
15Saul mi hulong dum ala: Azigarâ a yozï nabo suma Amale’â; azi ar ahok suma djivina kamuzlei suma djivina á ngad’azi buzuna mi Ma didina Alo mangâ. Ad’uzi d’a ara ami b’lagazi woi pepet.
16Samuel mi de mi Saul ala: Ang bä! An nga ni dang vama Ma didina dandji kur andjege d’a kamid’ina.
Saul mi dum ala: Ang dë.
17Samuel mi dum ala: Adjeu d’a ang gol tangî va d’uo d’a ang mbut nga amulâ yam andjafâ hi Israel-lîna d’uo zu? Ni Ma didina ba, mi tining amulâ yam Israel-lâ d’uo zu? 18Wani Ma didina mi tagang lovot ta ang tit kuad’a, mi sunung ala ang b’lak Amalek suma tchona woyo, ang duruzi ayîna gak ang b’lagazi woi kakaf. 19Ni kayam me ba, ang hum vun Ma didina d’uo ge? Ni kayam me ba, ang nde yam ahlena hurumba, ang le vama le Ma didina tam djivid’a d’uo na ge?
20Saul mi hulong de mi Samuel ala: An le sunda yam vun ma he ma Ma didina handjina gagazi, an tit kur lovot ta mam tagandjid’a, an tchi suma Amale’â woi pet, an arî amul mazina Agak hol, an mba ki sed’em ka hî. 21Wani azigar mana a yoï ahle suma djivina aduk aho’â kamuzleina d’igi he d’a hawa d’a ngad’a yam ahle suma avok suma b’lagazi woina na á ngad’azi buzuna mi Ma didina Alo mangâ ka hî avo Gilgal.
22Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina. 23So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.
24Saul mi de mi Samuel ala: An le tchod’a, an tchila yam vun ma hed’a hi Ma didinina ki gat manga, kayam an le mandara azigarâ, an hum zla mazid’a. 25Ki tchetchemba, an nga ni tchenengû, ang vat hurung ngei kan yam tcho ndata, ang mbei i ki sed’enu, kayam an i ni kud’or Ma didina ka hî.
26Samuel mi hulong dum ala: An nga ni i ki sed’eng ngi! Kayam ang ge vun ma hed’a hi Ma didinina woyo, Ma didina mi gang wa woi mi, kayam ang kak amula yam Israel-lâ d’uo d’a.
27Ata yima Samuel mi mbut iram á id’ina, Saul mi vum vun baru mam mba ngola; ti hawâ. 28Ata yi máma Samuel mi dum ala: Ma didina mi haû wa ini leu manga woi aduk Israel-lâ, mi hat wa mi sama djivi ma kalang angâ. 29Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.
30Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ. 31Samuel mi hulong mi i ki sed’emu; Saul mi kud’or Ma didina.
32Bugola, Samuel mi dazi ala: Agi mbanï Agak amul ma Amale’â. Agak mi mba gevem ki furîd’a#15.32 mba gevem ki furîd’a: Kur mbut ta dinga ala: mba atamu, nga mi zlak ki mandarâ., nga mi djib’er ala: Gagazi, aglara hi matnid’a kal lei da’#15.32 Gagazi, aglara hi matnid’a kal lei da’: Kur mbut ta dinga ala: Gagazi, matna ni vama aglarâ!!
33Samuel mi dum ala: D’igi mbugiyo mang suma fuyogeina a ar aropma bei grona na, asung mba d’i ar bei gorâ na mi. Samuel mi ngat Agak kä woi avok Ma didina avo Gilgal.
34Samuel mi hulong Rama, wani Saul mi hulong Gibeya avo hatamu. 35Samuel mi mit ni bei mi hulong gen Saul ba, kayam hurum b’lak yam Saul heî. Ma didina mi mbut hurum hata kayamba mam tin Saul amula yam Israel-lîd’a.
Azumeina Bible © Alliance Biblique du Tchad, 1999.