1 Pierre Wana ni modo zla d’a kuruta
Wana ni modo zla d’a kuruta
Pierre mi b’ir mbaktum mam mba avoka ni mi kretiyê suma b’rau woi kur ambas sa Pong, Galat, Kapados, Asi ki d’a Bitini-d’ina (1.1). Ni Paul azi ki ndrom suma sunda ba a tin ad’u Tok ka teteng ndata. Pierre mi b’ir mbaktum ndata ni kur Babilon (5.13). Suma a djib’er ala Babilon ndata ni Rom. Suma bei wAlona a golozi is, a nga tchuguzi zla d’a kad’a kaziya, a nga lazi ndaka mi. Kayam ndata, Pierre mi min zud’uzi akulo, mi min ala suma a tin irazi yam Jesus Christ ma azi nga fe ndaka kama.
Bugol zla d’a avoka (1.1-2), Pierre mi had’azi ala Alona mi sud’uzi mi hazi ari d’a awilid’a, kayam Jesus Christ mi mit akulo mi tchol akulo aduk matna. Mam mi ma ari ma ei tini huri kama (1.3-12). Pierre mi zud’uzi á kak ndjola, á tit kur lovot ta d’ingêra, á le darigïd’a ki Christ mi (1.13–2.10). Mi had’azi ala tita hi Christ-sa ni vama simata yam lovot ta Alona mi min ala azi tit kuad’a mi. Kur tit mazid’a azi mba tak ala azi nga tit ad’u zlad’a hAlonid’a ata yima azi nga i avogovok kur ndaka ki kukina. Mi had’azi yam tit mazi d’a avok suma te yambid’a, yam magumeina avok suliyozina, yam darigïd’a aduk mandjufâ kamambid’a, yam he d’a hawad’a hAlonid’a, yam ndaka hi kretiyênid’a abo suma bei wAlona (2.11–4.19). Bugola, Pierre mi giget suma nglo suma gol Toka kazungeîna ki kretiyê suma dingâ pet mi. Mi min ala a ve tazi ad’enga kur ndaka, kayam a nga tin huruzi yam vun ma hled’a hAlonina mi (5.1-11). Bugola, mi ge suma depa (5.12-14).
Pierre mi nga yi kretiyêna á ve tazi ad’enga kur ndaka. Hina wani, ni glangâs mazi ma djivi ma avok suma duniyad’ina. Mbeî tit mazid’a pet ti ndak á tak sun nda djivid’a hAlonid’a woi avoroziya (2.9). Hina wani, suma duniyad’a a mba subur Alona yam sun mazi d’a djivid’a kur bur ma mam mba mi mba kuana (2.12). t Wana ni wal mata
Zla d’a avoka 1.1-2
Tin hur ma arina 1.3-12
Yid’a á tit tit ta d’ingêra 1.13–2.10
Tita hi kretiyênid’a kur ndakid’a 2.11–4.19
Lulumad’a ki sunda hi kretiyênid’a 5.1-11
Zla d’a dabid’a 5.12-14
Currently Selected:
1 Pierre Wana ni modo zla d’a kuruta: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
1 Pierre Wana ni modo zla d’a kuruta
Wana ni modo zla d’a kuruta
Pierre mi b’ir mbaktum mam mba avoka ni mi kretiyê suma b’rau woi kur ambas sa Pong, Galat, Kapados, Asi ki d’a Bitini-d’ina (1.1). Ni Paul azi ki ndrom suma sunda ba a tin ad’u Tok ka teteng ndata. Pierre mi b’ir mbaktum ndata ni kur Babilon (5.13). Suma a djib’er ala Babilon ndata ni Rom. Suma bei wAlona a golozi is, a nga tchuguzi zla d’a kad’a kaziya, a nga lazi ndaka mi. Kayam ndata, Pierre mi min zud’uzi akulo, mi min ala suma a tin irazi yam Jesus Christ ma azi nga fe ndaka kama.
Bugol zla d’a avoka (1.1-2), Pierre mi had’azi ala Alona mi sud’uzi mi hazi ari d’a awilid’a, kayam Jesus Christ mi mit akulo mi tchol akulo aduk matna. Mam mi ma ari ma ei tini huri kama (1.3-12). Pierre mi zud’uzi á kak ndjola, á tit kur lovot ta d’ingêra, á le darigïd’a ki Christ mi (1.13–2.10). Mi had’azi ala tita hi Christ-sa ni vama simata yam lovot ta Alona mi min ala azi tit kuad’a mi. Kur tit mazid’a azi mba tak ala azi nga tit ad’u zlad’a hAlonid’a ata yima azi nga i avogovok kur ndaka ki kukina. Mi had’azi yam tit mazi d’a avok suma te yambid’a, yam magumeina avok suliyozina, yam darigïd’a aduk mandjufâ kamambid’a, yam he d’a hawad’a hAlonid’a, yam ndaka hi kretiyênid’a abo suma bei wAlona (2.11–4.19). Bugola, Pierre mi giget suma nglo suma gol Toka kazungeîna ki kretiyê suma dingâ pet mi. Mi min ala a ve tazi ad’enga kur ndaka, kayam a nga tin huruzi yam vun ma hled’a hAlonina mi (5.1-11). Bugola, mi ge suma depa (5.12-14).
Pierre mi nga yi kretiyêna á ve tazi ad’enga kur ndaka. Hina wani, ni glangâs mazi ma djivi ma avok suma duniyad’ina. Mbeî tit mazid’a pet ti ndak á tak sun nda djivid’a hAlonid’a woi avoroziya (2.9). Hina wani, suma duniyad’a a mba subur Alona yam sun mazi d’a djivid’a kur bur ma mam mba mi mba kuana (2.12). t Wana ni wal mata
Zla d’a avoka 1.1-2
Tin hur ma arina 1.3-12
Yid’a á tit tit ta d’ingêra 1.13–2.10
Tita hi kretiyênid’a kur ndakid’a 2.11–4.19
Lulumad’a ki sunda hi kretiyênid’a 5.1-11
Zla d’a dabid’a 5.12-14
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.