1 Pierre 4
4
Christ mi mbut lovota hi sum mamid’a
1Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a. 2Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a. 3Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi. 4Ki tchetchemba, suma bei wAlona a nga le atchap kayamba agi nga zlapa ki sed’ezi kur sun mazi d’a ndjendje d’a batranga d’uo d’a. Kayam ndata, a nga ngulugiya. 5Wani azi mba hulong zla mazi d’a ded’a mAlo ma nga mi min tam á ka sariyad’a yam suma arina ki suma matna mi na. 6Kayam ndata, a tchi wa wal Zla d’a Djivid’a mi suma matna mi, kayam le a kazi sariyad’a kazi d’igi suma kur hliunina na pî, azi mba kak karid’a kur muzugazi d’igi Alona na mi.
Ma d’engzeng ma yam he d’a hawad’a hAlonid’ina
7Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona. 8Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a. 9Agi lagi akoina bei gureîd’a. 10Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na. 11Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!
Ndaka hi kretiyênid’a
12Buniyôn suma od’a, ar agi lagi atchap yam kuk ka ad’eng nga nga d’i kugugid’a d’i. Agi gologizi ni d’igi vama atchapma na d’uo mi. 13Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala. 14Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya. 15Ar sa adigagi mi fe ndaka d’igi sama tchi matna d’oze ma kula d’oze ma le tchod’a d’oze ma hak tam aduk zlad’a hi suma dingîd’a na d’i. 16Wani le sana nga mi fe ndaka kayamba mam mi kretiyêna ni, ar mi le zulona d’i, wani mi le ni mersi mAlona ki simiyê Christ.
17Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge? 18D’igi mbaktumba hAlonid’a ti de na ala:
Le nad’enga ki suma d’ingêrâ á fe suta ni,
suma bei d’ingêra ki suma tchona a mba le ni nana ge?
19Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.
Currently Selected:
1 Pierre 4: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
1 Pierre 4
4
Christ mi mbut lovota hi sum mamid’a
1Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a. 2Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a. 3Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi. 4Ki tchetchemba, suma bei wAlona a nga le atchap kayamba agi nga zlapa ki sed’ezi kur sun mazi d’a ndjendje d’a batranga d’uo d’a. Kayam ndata, a nga ngulugiya. 5Wani azi mba hulong zla mazi d’a ded’a mAlo ma nga mi min tam á ka sariyad’a yam suma arina ki suma matna mi na. 6Kayam ndata, a tchi wa wal Zla d’a Djivid’a mi suma matna mi, kayam le a kazi sariyad’a kazi d’igi suma kur hliunina na pî, azi mba kak karid’a kur muzugazi d’igi Alona na mi.
Ma d’engzeng ma yam he d’a hawad’a hAlonid’ina
7Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona. 8Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a. 9Agi lagi akoina bei gureîd’a. 10Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na. 11Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!
Ndaka hi kretiyênid’a
12Buniyôn suma od’a, ar agi lagi atchap yam kuk ka ad’eng nga nga d’i kugugid’a d’i. Agi gologizi ni d’igi vama atchapma na d’uo mi. 13Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala. 14Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya. 15Ar sa adigagi mi fe ndaka d’igi sama tchi matna d’oze ma kula d’oze ma le tchod’a d’oze ma hak tam aduk zlad’a hi suma dingîd’a na d’i. 16Wani le sana nga mi fe ndaka kayamba mam mi kretiyêna ni, ar mi le zulona d’i, wani mi le ni mersi mAlona ki simiyê Christ.
17Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge? 18D’igi mbaktumba hAlonid’a ti de na ala:
Le nad’enga ki suma d’ingêrâ á fe suta ni,
suma bei d’ingêra ki suma tchona a mba le ni nana ge?
19Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.