1 Sunda Hamuleinid’a 29
29
Suma a he he d’a hawad’a yam suna gonga hAlonid’a
1Amulâ David mi de mablaud’a suma pet suma a nga ata yi mámina ala: Ni gorona Salomon ba, Alona mi manamu, wani mi ni gogorâ tua, mi ne nga d’uo tua mi, wani sun ndata ti kal ngola heî. Kayam gong nga djif fa a mba minit ndata nga ni mi sa d’i, wani ni mi Ma didina Alona. 2An he tan kad’engên pet á min ahlena yam gong nga kud’ora hAlo manid’a, nala, lora ngad’a yam ahle suma a mba lazi ki lorina, kawei ma hapma ngad’a yam ahle suma a mba lazi ki kawei ma hapmina, kawei ma hleuna ngad’a yam ahle suma a mba lazi ki kawei ma hleunina, kawei ma wurana ngad’a yam ahle suma a mba lazi ki kawei ma wuranina, aguna ngad’a yam ahle suma a mba lazi kagunina kahina onisa kahina d’a a dugut yat kä kahlenid’a kahina d’a ngal wiwilika kahina d’a d’udjo mata tetenga kahina d’a guzut kal tegles sa tetenga kahina d’a a yat ala marbre d’a hapa ablaud’a mi. 3Wani yam hat hur man ma yam gong nga kud’ora hAlo manid’a, an he lora ki kawei ma hapma suma an ni nga ki na, bei ndum ahlena pet suma an minizi yam yima a tinim iram vama ba. 4An he lor ra Ofir-ra tonna kis ki kawei ma hap ma a yoroma tonna kikisa mbà yam dok fid’i á gulut huyok gong nga kud’ora. 5Lora ni ngad’a yam ahle suma a mba lazi ki lorina, kawei ma hapma ni ngad’a yam ahle suma a mba lazi ki kawei ma hapmina tala suma d’alâ a mba le ki sun nda teteng nga lara ge ped’u d’a.
Ki tchetchemba, ni nge ba, adigagi kur min mamba mi he tam á he he d’a hawad’a mi Ma didina ge?
6Ata yi máma suma avok andjafâ hi Israel-lîna, azigar suma nglo suma avok azigar suma dudubuna, suma avok azigar suma kikisâ ki suma avok suma a le sunda kamulîna, a he he d’a hawad’a ki hur ma djivina 7yam suna gong nga kud’ora hAlonid’a. A he lora tonna kis kam dok kid’iziya, bege d’a lora dubu, kawei ma hapma tonna kikisa hindi, kawei ma hleuna go ki tonna kikisa karagaya ki kawei ma wurana tonna dudubud’a hindi mi. 8Suma a nga kahina d’a guzut kal teglesina, a hat abo Jehiyel ma ad’u andjafâ hi Gerson-na á tchugut kur yima ngom ahlena kur gong nga kud’ora hi Ma didinid’a. 9Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.
Tchenda hi David-ta
10David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin. 11Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna. 12Ndjondjoîd’a ki subura a tcholï natangû. Angî ma te yam ahlena petna; ad’enga ki sib’ika azi ni mangâ. Ni ang ba, he ngola mi suma; ni ang ba, nga hazi ad’enga mi. 13Ki tchetchemba, Alo mamina, ami nga gilengû, ami nga suburung simiyêng Ma kal teglesâ. 14An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana! 15Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i. 16Ma didina Alo mamina, ni ang ba, hami ahle suma ndjondjoî suma ami minizi á mining gonga ki simiyêng ma bei tchod’ina pet ni angû. A tcholï natang angû, ahlena pet ni mangâ mi. 17Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi. 18Ma didina Alona habuyomi ngolo Abraham, Isak ki Jakob-ma, ang ar djib’er ndata ti kak kur sum mangâ burâ ki burâ, ang ar ti kak hina ngingring kang ang mi. 19Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.
20Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.
A tin Salomon amula
21Tcha ndjivinda, a hahle suma ngat buzu suma zlap darigïd’a kahle suma ngat buzu suma ngala mi Ma didina, a hamuzleina dubu, gamlâna dubu ki tumiyôna dubu, zlapa ki he mazi d’a hawa d’a süm guguzlud’a kahle suma ngat buzu suma dingâ ablaud’a yam Israel-lâ pet mi. 22Kur bur máma a te, a tche avok Ma didina ki furîd’a ngola, a tin Salomon David goroma amula yazi á mbàd’a, a vom mbulâ kam avok Ma didina kayam mi tak lovota mi Israel-lâ, a vo mbulâ yam Sadok kayam mi kak ma ngolâ hi suma ngat buzunina mi. 23Salomon mi kak amula yam zlam mba amul la Ma didina mi tinim kat balum abum David-ta. Sun mamba nga d’i le djivid’a; Israel-lâ pet a ge yazi kä ad’um mi. 24Nglo suma te yamba ki suma nglo suma dur ayîna kamulâ David groma pet a ge yazi kä ad’u amulâ Salomon. 25Ma didina mi hlum yam akulo avok Israel-lâ pet. Mi hum ad’enga á tamula. Leu mam mba ted’a ti kal suma a tamula avorom aduk Israel-lîna pet.
Matna hi David-na
26David Jesse goroma mi tamula yam Israel-lâ pet. 27Mi tamula bizad’a dok fid’i, bizad’a kid’iziya avo Hebron, bizad’a dok hindi yam hindi avo Jerusalem mi. 28David mi le bizad’a ablaud’a, mi djeng mamara kikra, mi mit ki furîd’a. Mi ni sama ndjondjoîna, ni sama suma a suburum heîna. Goroma Salomon mi vrak tamula blangâmu.
29Sunda hamulâ David ta avoka ki d’a dananda, a b’irit nga kä kur Mbaktumba hi Samuel ma mi wahle suma a nga mbana, kur Mbaktumba hi Natan ma djok vun Alonid’a ki D’a hi Gat ma djok vun Alonid’a mi, 30a b’ir leu mam mba ted’a ki sun mam mba ndandala kahle suma a kal lei kur atchogoi mamba aduk Israel-lîna d’oze kur leu d’a kur ambasa hi suma dingîd’a pet kä mi.
Currently Selected:
1 Sunda Hamuleinid’a 29: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
1 Sunda Hamuleinid’a 29
29
Suma a he he d’a hawad’a yam suna gonga hAlonid’a
1Amulâ David mi de mablaud’a suma pet suma a nga ata yi mámina ala: Ni gorona Salomon ba, Alona mi manamu, wani mi ni gogorâ tua, mi ne nga d’uo tua mi, wani sun ndata ti kal ngola heî. Kayam gong nga djif fa a mba minit ndata nga ni mi sa d’i, wani ni mi Ma didina Alona. 2An he tan kad’engên pet á min ahlena yam gong nga kud’ora hAlo manid’a, nala, lora ngad’a yam ahle suma a mba lazi ki lorina, kawei ma hapma ngad’a yam ahle suma a mba lazi ki kawei ma hapmina, kawei ma hleuna ngad’a yam ahle suma a mba lazi ki kawei ma hleunina, kawei ma wurana ngad’a yam ahle suma a mba lazi ki kawei ma wuranina, aguna ngad’a yam ahle suma a mba lazi kagunina kahina onisa kahina d’a a dugut yat kä kahlenid’a kahina d’a ngal wiwilika kahina d’a d’udjo mata tetenga kahina d’a guzut kal tegles sa tetenga kahina d’a a yat ala marbre d’a hapa ablaud’a mi. 3Wani yam hat hur man ma yam gong nga kud’ora hAlo manid’a, an he lora ki kawei ma hapma suma an ni nga ki na, bei ndum ahlena pet suma an minizi yam yima a tinim iram vama ba. 4An he lor ra Ofir-ra tonna kis ki kawei ma hap ma a yoroma tonna kikisa mbà yam dok fid’i á gulut huyok gong nga kud’ora. 5Lora ni ngad’a yam ahle suma a mba lazi ki lorina, kawei ma hapma ni ngad’a yam ahle suma a mba lazi ki kawei ma hapmina tala suma d’alâ a mba le ki sun nda teteng nga lara ge ped’u d’a.
Ki tchetchemba, ni nge ba, adigagi kur min mamba mi he tam á he he d’a hawad’a mi Ma didina ge?
6Ata yi máma suma avok andjafâ hi Israel-lîna, azigar suma nglo suma avok azigar suma dudubuna, suma avok azigar suma kikisâ ki suma avok suma a le sunda kamulîna, a he he d’a hawad’a ki hur ma djivina 7yam suna gong nga kud’ora hAlonid’a. A he lora tonna kis kam dok kid’iziya, bege d’a lora dubu, kawei ma hapma tonna kikisa hindi, kawei ma hleuna go ki tonna kikisa karagaya ki kawei ma wurana tonna dudubud’a hindi mi. 8Suma a nga kahina d’a guzut kal teglesina, a hat abo Jehiyel ma ad’u andjafâ hi Gerson-na á tchugut kur yima ngom ahlena kur gong nga kud’ora hi Ma didinid’a. 9Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.
Tchenda hi David-ta
10David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin. 11Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna. 12Ndjondjoîd’a ki subura a tcholï natangû. Angî ma te yam ahlena petna; ad’enga ki sib’ika azi ni mangâ. Ni ang ba, he ngola mi suma; ni ang ba, nga hazi ad’enga mi. 13Ki tchetchemba, Alo mamina, ami nga gilengû, ami nga suburung simiyêng Ma kal teglesâ. 14An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana! 15Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i. 16Ma didina Alo mamina, ni ang ba, hami ahle suma ndjondjoî suma ami minizi á mining gonga ki simiyêng ma bei tchod’ina pet ni angû. A tcholï natang angû, ahlena pet ni mangâ mi. 17Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi. 18Ma didina Alona habuyomi ngolo Abraham, Isak ki Jakob-ma, ang ar djib’er ndata ti kak kur sum mangâ burâ ki burâ, ang ar ti kak hina ngingring kang ang mi. 19Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.
20Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.
A tin Salomon amula
21Tcha ndjivinda, a hahle suma ngat buzu suma zlap darigïd’a kahle suma ngat buzu suma ngala mi Ma didina, a hamuzleina dubu, gamlâna dubu ki tumiyôna dubu, zlapa ki he mazi d’a hawa d’a süm guguzlud’a kahle suma ngat buzu suma dingâ ablaud’a yam Israel-lâ pet mi. 22Kur bur máma a te, a tche avok Ma didina ki furîd’a ngola, a tin Salomon David goroma amula yazi á mbàd’a, a vom mbulâ kam avok Ma didina kayam mi tak lovota mi Israel-lâ, a vo mbulâ yam Sadok kayam mi kak ma ngolâ hi suma ngat buzunina mi. 23Salomon mi kak amula yam zlam mba amul la Ma didina mi tinim kat balum abum David-ta. Sun mamba nga d’i le djivid’a; Israel-lâ pet a ge yazi kä ad’um mi. 24Nglo suma te yamba ki suma nglo suma dur ayîna kamulâ David groma pet a ge yazi kä ad’u amulâ Salomon. 25Ma didina mi hlum yam akulo avok Israel-lâ pet. Mi hum ad’enga á tamula. Leu mam mba ted’a ti kal suma a tamula avorom aduk Israel-lîna pet.
Matna hi David-na
26David Jesse goroma mi tamula yam Israel-lâ pet. 27Mi tamula bizad’a dok fid’i, bizad’a kid’iziya avo Hebron, bizad’a dok hindi yam hindi avo Jerusalem mi. 28David mi le bizad’a ablaud’a, mi djeng mamara kikra, mi mit ki furîd’a. Mi ni sama ndjondjoîna, ni sama suma a suburum heîna. Goroma Salomon mi vrak tamula blangâmu.
29Sunda hamulâ David ta avoka ki d’a dananda, a b’irit nga kä kur Mbaktumba hi Samuel ma mi wahle suma a nga mbana, kur Mbaktumba hi Natan ma djok vun Alonid’a ki D’a hi Gat ma djok vun Alonid’a mi, 30a b’ir leu mam mba ted’a ki sun mam mba ndandala kahle suma a kal lei kur atchogoi mamba aduk Israel-lîna d’oze kur leu d’a kur ambasa hi suma dingîd’a pet kä mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.