Salmos 54
54
Salmo 54
Sukan kakan‑ta'vi o nuu Su'si ma ja na chindee ña'a ya te kaku o nuu ñayii ñatuu kúnimani nuu o ma
1Su'si Iya Tátnuni, ja maa ni,
te sa'a ni ja na kaku sa nuu ja u'vi ma,
te ja maa tnu'u ndee tnu'u ndatnu ni a, te chindee ña'a ni.
2Su'si maa sa, koniniso'o ni ja jikan‑ta'vi sa nuu ni a,
ndaka ja ká'an sa ji'in yu'u sa ya.
3Vaa ñayii ñatuu jini tna'a ji'in sa ma,
ji'in ñayii ka kiti ini nuu sa ma
chi ka kuni i ja jin ka'ni ña'a i saña,
te ñatuu ka yu'u ña'a i maa ni, vi Su'si.
4Kovaa vitna, te jin kuni i ja maa ni kúu iya chíndee ña'a
te maa ni iyo ji'in ñayii ka chindee ña'a ma.
5Vaa maa Su'si ma kúu iya ndakone'e ja u'vi
ja jin ndatna'a maa ñayii ñatuu ka kunimani nuu sa ma.
Su'si, ja maa tnu'u ndaa tnu'u ndija ká'an ni a, te xnaa ni i.
6Te ja kúu ini maa sa kúu ja kata sa nuu ni,
te ndachiñu'u ña'a sa, vi Su'si Iya Tátnuni,
vaa maa ni chi va'a xeen ini ni.
7Vaa maa ni kúu iya ni chindee ña'a
nuu ndaka tnundo'o tnuneni ni tna'a sa ma,
te ni jini sa ji'in nuu sa
sukan ni xnaa ni ñayii ñatuu ka kunimani nuu sa ma.
Currently Selected:
Salmos 54: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
