Salmos 41
41
Salmo 41
Sukan kakan‑ta'vi o nuu Su'si ma ja na sakanu ini ña'a ya te ndasava'a ña'a ya kue'e ndó'o o ma
1Ja vava'a kúu ñayii kúnda'vi ini ñayii kúnda'vi kúkee ma
chi Iya Tátnuni ma chi sa'a ya ja kaku i
kivi kenda tnundo'o tnuneni nuu i ma.
2Te ko koto va'a ña'a Iya Tátnuni ma,
te sa'a ya ja koteku i te sii ini xeen koo i nuu ñuu ñayivi a,
te másu kua'a ya tnu'u ja sa'a ndeva'a ña'a
ñayii ñatuu kúnimani nuu i ma.
3Te Iya Tátnuni ma chi ndakua'a ya tnu'u ndee tnu'u ndatnu
kivi u'vi i ja ku'u i ma,
te kue'e ndo'o i ma chi sa'a ya ja nduva'a i.
4Vaa saña chi ni jiña'a sa ya:
“Iya Tátnuni, kunda'vi ini ña'a ni, te sakanu ini ña'a ni,
te ndasava'a ña'a ni, vaa nuu maa ni ni jiso kuechi sa”,
kúu sa jiña'a sa ya.
5Te ñayii ka kuni u'vi nuu sa ma
chi ka kuni i ja ka'vi‑ka ndo'o neni sa,
te ka ndatnu'u i:
“¿Na kivi kûu de sukan‑va'a na ya'a‑ni cuentu de?”,
ka kuu i ka ka'an i.
6Te nú ve koo i ve koto ña'a i ma,
te másu inundija i ja ka ka'an i ma
chi ja ka nduku i kúu ja naxe jin ka'an i tnu'u sa.
Sani te ka nde koo i ke'e ma,
te ka ndaka'an i tnu'u sa nuu in‑ka ñayii ma.
7Te ndaka ñayii ñatuu ka kunimani nuu sa ma,
ka ndututu i, te ka ka'an ndeva'a i ja kuu sa,
vaa ndimaa ja u'vi ka ñu'u ini i ja ko ndo'o ko tna'a sa,
te ka ka'an i:
8“Nuu tachi ma vee kue'e ndó'o kue'e tná'a de ma,
te másu ndakoo‑ka de”,
ka kuu i ka ka'an i.
9Te onde ñayii kétna'a ini ji'in sa ma,
ñayii ni yo kukanu ini sa ma,
ñayii ni yo jaa kaa ji'in sa xita ma,
ni ndakuni u'vi i nuu sa.
10Kovaa maa ni, vi Iya Tátnuni, kunda'vi ini ña'a ni,
te ndone'e ña'a ni, te ndakoo sa,
te konde'ya sa sukan jin ndo'o tna i ma.
11Te sukan, te kuni sa ja játna ini ni ja sa'a sa a,
te ñatuu ko ka'an ñayii ñatuu kúnimani nuu sa a:
“Jâ ni kundee o nuu de.”
12Te sukan ni‑yu'u ni‑ini sa kúkanu ini ña'a sa a,
te maa ni chindee chituu ña'a,
te maa ni sa'a ja koo sa nuu ni a ni‑kani ni‑jika, vi Su'si.
13Ja vii ja va'a kúu Su'si iya tátnuni ñuu Israel ma,
te sukan jín ka'an o ni‑kani ni‑jika.
Te sukan kó kuu.
Currently Selected:
Salmos 41: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
