Idi Ufa 86
86
Dadaaqiani fee innaaru.
1Oo Yaawee, qinee afeeka siaisa, dadaaqirana siaisa marunnanara anee qini innaaru qirana irisee dadaaqinnanara anoona ufa qimaqimia.
2Qinee qifu mundusee ani ufamau kai fimarunausa marunnanara kuqiranakinaana mara kaqinni quqaqisaa.
Qinee ani ainainira faiqi ani saqariki marunnanara qini asumu mara quqaqisaa.
3Anee qini Anutufa mariananoo, anee qini qifauama qimaqaa.
Qinee faasaambaasaana aniara innaaru qimamaqaidaqa.
4Qini innaaru qirafa anee iannannai kai oorufi marinara oo Yaawee, aneenna ainainira faiqi qini asasirana qimia.
5Oo Yaawee, anee maasa amiqimma qisaseenana maasa numoo minni qisee mariananoo.
Aniara innaaru qimariasara ani misara amuqusirafa firaafa maridanoo.
6Oo Yaawee, qini innaaru qirana iria.
Dadaaqianeera nammeera qimarunnana irisee dadaaqia.
7Anee qini innaaru iri mariannanara qinee ummaaraki maridaqa ani aaraidaqa.
8Anaamuruki unna anutusa moomoosa maridaqa sia moo fannoo misa qambaanai ani fooqaafa uriqararafa maridanoo.
Sia moo unnaqira anutufa anee auqoonna ainainausa auqaannoo.
9Oo Yaawee, aiqama maqannaasa anee auqu quqoonna maqannaasa, aiqamausa aniree ani afusaa niqoori saunu arafi ani amooqifaranoo.
Misa ani auqu qareenarana amooqifaranoo.
10Anee kai firaa afeeka faqaafa mariananoo naaquqara ainaina auqee marianafa mariananoo.
Aneennaraa kai Anutufa mariananoo.
11Oo Yawee, anee qiniara auqaannee qimarianna ainainna qima qimia. Miqimma sainaqa qinee ani ufamau mapukusee fua.
Qini daamua qinaqa kaaqa andeeqasee ani ainainiranaki maria.
12Oo Yaawee, qini Anutufa, qinee qeeqa qimuqusa aiqamannai ani amooqianaura.
Qinee naaru naaru ani auqu qareenarana amianaura.
13Anee qiniara amuqusirafa firaafa maridanoo.
Anee qini maqa ameemaanai faiqí madikakinaanara foora marunnana mareeqee kaqi mariranaki quqaqisaananoo.
14Oo Anutu, ramooramaa imariasa qini dariraridaqa.
Kaaqa fidika ruqiee mariasa suqufifaqa qini kuqa darirara randaidaqa.
Miqi mariasa sia ani Anutunara iridaqa.
15Oo Yaawee, anee kaaqa amuqusi marianna Anutufa faqa kaaqa afaari marianafa faqa mariananoo.
Anee sia dauni aanoo qimarianafa mariananoo. Ani maasara amuqusirafa faqa aniki mapukusee marirafa faqa fiqaranoo maridanoo.
16Oo Anutu, qinee unannai quandafi qifauarana qimia.
Qini qinoofa iundee kai iqa qinee faqa ani ainainira faiqi marunnanara aneenna afeeka faqa asumu marirana faqa qimia.
17Oo Yaawee, anee qini amiqi amiqimma qimaqee mariannanara moo ainaina auqainnanannai uqaqifiqainaqa qafaa.
Anee qini amiqi amiqirana faqa dadaaqirana faqa qiminaqa qiniara fidiaqaa imariasa nisaurifaranoo.
Currently Selected:
Idi Ufa 86: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
