Idi Ufa 43
43
Asaqi moosaa oonu maru fasiqana innaaru.
1Anutu ani ufa sia iri mariasa qini rafaaqa fidaqa,
anee qini dadaaqinaqa qifairi mariasa ufa
urinnaaqarama saanaqa qiniara andeeqara oosana faqaafee qiaqa.
Ueeqee mariasa faqa mandoosana faqaasa faqa nisaukukinaana qini maraquqisaa.
2Oo Anutu anee qini titaqimaqee marianafa mariananoo.
Nanaree qini minniqiseenanee.
Nanaree qini namuqaa aupurarana qimi mariafaqee oonuree aniree iqa nidee.
3Oo Anutu anee aneenna kaaqa qarana faqa anoona ufa qirana faqa niqiqainaqa qini aana muquniaqa.
Mi irira qanda qini mareeqee Sioona ani naaquqara
aaqanasaa, mari amaana maqanaki anee mariannaqoo quqaqisaaqa.
4Qinee miqoo maridaqa Anutuna qaidara mariqoo mina amooqirara fuanaura.
Kaaqa asasirana faqa kaaqa nariara didirana faqa qimimari Yaaweefa miqoo maridanoo.
Oo Anutu qini Anutufa qinee piripuna aridaqa ani amooqianaura.
5Nanaree qinee kaaqa doori runusee maridee.
Qinee Yaaweenasaa kai irirana mundusee kaifaa mina amooqianaura.
Mifa qini asumu maree marifa faqa qini Anutufa faqa marinara mina amooqianaura.
Currently Selected:
Idi Ufa 43: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
