Idi Ufa 26
26
Andeeqara fasiqa innaaru qirufa.
1Oo Yaawee qinee andeeqara oosana maree marunnanara faqa firaaqoo ani saqariki
marunnanara faqa iriseenana qiniara aaqarana siai fee qinaqa iriaqa.
2Oo Yaawee, anee qini diuqummasee qimanammasee qafaa.
Qini didirana faqa qini irirana faqa rainasee iria.
3Ani aiqama kari mari amuqusirafa qini indaarunnikamma qimaqaidanoo.
Aniki mapukusee marira oosana fannoo qini dadaaqidanoo.
4Qinee sia fifau aatata nimariasa saimbaqa nidaqa.
Qinee sia qaaraiki mariasa faqa moodaanaki kianaura.
5Qinee aaqee mariasa faqa moodaanaki nirara fidiaqaammidanoo.
Manda oosana auqee mariasa finnaaqa raidaqa.
6Qinee qeeqa qisauku nammari uqusee qeeqara aaqarana siaisee qidaqa.
Miqimmasee qinee ani aidara fiqu fiqu idaqa ani amooqidaqa.
7Qinee aniara dufi dufi qira idi raidaqa anee firaa ainaina auqoonnanara qimannimidaqa.
8Oo Yaawee qinee anee marianna maaqanara firaaqoo dididanoo.
Ani qareenarafa mariqoora firaaqoo dididanoo.
9Sia aaqee mariasa namufaqa qini kuridi qimaqaa.
Faiqí nári mariasa darirana kinaana qini mara kaqinni quqaqisaa.
10Miqi mariasa aiqama kari manda oosana faqa umeeramaisaanifee munnimma maqee maqee maree mariasa faqa nariranakinaana qini mara kaqinni quqaqisaa.
11Qinee qeeqaraa andeeqara oosana auqaidaqa.
Anee qiniara qimudaoo qimasee qini asumu mara quqaqisaa.
12Qinee aiqama manda ainainakiqari kaqinni maridaqa.
Qinee Yaaweena faiqí anaasee suqiranaki mina amooqidaqa.
Currently Selected:
Idi Ufa 26: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
