Idi Ufa 24
24
Uriqarara karaambaiqa.
1Maa maqa maaqafa faqa aiqama minakinaa ainaina faqa Yaaweenaindi kai maridanoo.
Maqa faqa minasaa maria fasiqa aanaaseesa faqa minaindi kai maridaqa.
2Mifa maa maqana ameemaanai maru nammarina amuaaqa auqu quqanau.
Quqaseenoo mina faakanauqa maqa ameemaanaindaraa nammariki rakiqanau.
3Yafee amana Yaaweena aaqanasaa oorufuannoo fee.
Yafee amana mina naaquqara amaana maqaki keeqaannoo fee.
4Andeeqara oosana auqee marifa faqa amiqira amuqusa faqaafa faqa sia unna anutusa nimooqi mariasa
faqa sia unna qimasee nimana aiqee mariasa kai minaki keeqeefaranoo.
5Yaaweefa misa asumu mara quqasee amiqi amiqimma nimaqaannoo.
Miqimmaseenoo Anutufa misara aaqarana siaisee qiannoo.
6Miqira fasiqauqa Anutufinnai anidaqa.
Misa Yakooboona Anutuna oorinni fidaqa.
7Innee faandaamura kooqiuqa firaaqoo atua aquaqa.
Innee ooqeennaa amaana maqa kooqiuqa faqa atuasaifanoo uriqarara karaambaiqa keeqaani.
8Yafee mi uriqarara karaambaiqafa maridanoo fee.
Mifa Yaaweefa afeeka faqa eeraara faqa faqaafa maridanoo.
Mifa Yaaweefa aiqama rakiranaki uriqaree marifa maridanoo.
9Innee faandaamura kooqiuqa firaaqoo atua aquaqa.
Innee ooqeennaa amaana maqa kooqiuqa faqa atuasaifanoo uriqarara karaambaiqa keeqaani.
10Yafee mi afeeka karaambaiqafa maridanoo fee.
Yaaweefa aiqama maqannaa uriqarara afeeka faqaafa, afeeka karaambaiqa maridanoo.
Currently Selected:
Idi Ufa 24: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
