Idi Ufa 20
20
Rakiranaki uriqarara innaaru.
1Anee ummaaraki maridana Yaaweenara innaaru qinanoo ani dadaaqiani.
Yakooboona Anutufa ani itita amaqaani.
2Mifa Sioonna aaqanasaa narí naaquqara amaana maqakiqari ani dadaaqiani.
3Mifa anee aminna ainainara eedoo qimasee ani aiqama aandau tatufiranara faqa asasiani.
4Anutufa ani aidimari ainainna amiani.
Anee oonu mafi irinna ainainafa anoona kambiqaani.
5Anee rakiranaki urinnaaqaraannanara asasida faaqa ruanaura.
Anee rakiranaki urinnaaqaraannanara maasa qeeqa Anutuna idi raidaqa amooqianaura.
Anee aiqama ainainara irainnana Yaaweefa iriani.
6Doo maqee qinee iridaqa Yaaweefa rakirana
uriqarara afeeka narí utaaqamaqai karaambaiqana qini Dafidisa qiminoo.
Mifa narí amiqira maqusa innaarunaindari qini innaaru qirana irinoo.
Yaaweena afeeka fannoo firaa rakiranaki uriqarara afeeka qiminoo.
7Rakiranaki akaqausa nári qoosa rarisee mari karana saqarikidaqa, akaqausa nári qoosa saqarikidaqa.
Miqi mariafaqa maasa Yaaweena maasa Anutuna mina afeeka saqarikidaqa.
8Maasa namuqaa mi rakira ainainausa saqariki
mariasa niku amaki saamurifaqa maasa kaqi afeekaikammasee kikiqiqa marianaura.
9Oo Yaawee anee rakiranaki uriqarara afeeka qini Dafidisa qimia.
Maasa ani aaraanana maasa dadaaqia.
Currently Selected:
Idi Ufa 20: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
