Idi Ufa 2
2
Anutufa utaaqamaqoo karaambaiqafa.
1Nanaree aiqama maqannaasa fifau suqufiqa manda
oosanara tipundaarammasee aanoo qidee.
Nanaree faiqí anaasee anoona siai ainainara
tipundaaridee.
2Misa karaambaiqauqa faqa misa rakisi nimaqee
mariasa faqa Yaaweefa rakisi nimaqee marinakiqari quqasee kaqinni firara tipundaaridaqa.
Yaaweefa utaaqamaqai rakisirana rakisi nimaqaranakiqari faqa quqasee kaqinni firaree qimasee tipundaaridaqa.
3Misa maaqi qidaqa anifaqa maasa misa rakisi nimaqaranakiqari qeeqa qifaaqa idukua.
Anifaqa misa qimaqimira ufa aqusaanee qidaqa.
4Yaaweefa innaarunai marifa naanaidara qimasee misa oosana siai tipundaariranara ataasa ataasa qimannimaqaidanoo.
5Miqimmaseenoo narí aanooqiranakiqari aauqima nimaqasee narí idara fooira aanooqirana kiqari rufiarana nimidanoo.
6Mifa maaqi qidanoo qinee Yaaweesa inni karaambaiqa marianinnana qeeqa naaquqara aaqana Sioona aaqanasaa quqeeqa.
7Maqasaa karaambaiqa maaqi qinau, qinee Yaaweefa qima qimu ufana kooroo ianauree qinau.
Mifa qiniara maaqi qinau.
Anee qini qimaaku mariananoo maqee faasaana ani akausaikammiqa.
8Anee qini iramirinaqa qinee aiqama maqannaasa ani amianaura.
Aiqama maqa maaqa anindi kai mariannoo.
9Anee qainna samu misa narusee nimudaani itairi nimaqeennaranoo.
Anee qafeera foora misa rukamusee andaana rumaseennaranoo.
10Innee maa maqanasaa karaambaiqauqa maa aauqira ufana iriaqa.
Maa maqa maaqanakinaa rakisirausa maa irirana maaqimmasee iriaqa.
11Innee naaquqee marinaqa Yaaweena ainaina mamaqaaqa.
12Naindiri ree marinaqa mina oorinni niqoori saunu araaqa.
Innee sia miqifanoo mifa aanoo qinaqa innee kuqifaranoo.
Mifa itita qimaqaanifee qimasee mifinnai fimariasa asasi mariasa maridaqa.
Currently Selected:
Idi Ufa 2: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
