Idi Ufa 149
149
Anutuna amooqira idi.
1Yaaweena amooqia.
Yaaweena fuka idi ramamaqaaqa.
Mina ufa mau fimariasa ufa suqiranaki mina amooqimamaqaaqa.
2Isaraee maqannaasa inni auqu nisoonara irisee asasiaqa.
Sioona maqusaki mariasa inneeqa karaambaiqara susumma amaqaaqa.
3Innee idi raida niqoori raqaranannai faqa dukaanaannai faqa piripunnannai faqa mina auqu amooqiaqa.
4Yaaweefa narí faiqí aanaaseera asasidanoo.
Nári mara maree qumimariasa rakirana uriqararanannai amiqimma nimaqaidanoo.
5Yaaweena faiqí anaasee nariqa rakiranara qufoonaridaqa asasira idi eendaki raqa fifi iaqaaqa.
6Misa firaaqoo faaq rumasee Anutuna amooqiaqa.
Misa nisaukuki dinni dinni raiqarana rakira paipana kaqi marinaqa mina namu faqa amooqiaqa.
7Kaqi marifaqa misa minannai aanaamuru rafaaqa firara uaqee idaqa.
Anaamuru fasiqa anaasee narirara uaqee idaqa.
8Misa karaambaiqauqa sainandannai rumbarana uaqee idaqa.
Misa karaambaiqauqa qainna sainandannai rumbarara uaqee idaqa.
9Anutufa naamuaqundee iqa moo maqannaasa narirara uaqee idaqa.
Anutuna faiqí anaasee rakirana uriqararafa miqimminoo maridanoo.
Yaaweena amooqia.
Currently Selected:
Idi Ufa 149: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
