Idi Ufa 129
129
Isaraee maqannaasa nariqa namuqaauqa mandaikamma nimaqaani fee innaaru qiqau.
1Innee Isaraee maqannaasa innee kumaaraasaa maruqooqari inni namuqaa ummaara nimi maree ani marianara qima qimiaqa.
2Qinee kumaaraa mariafannaqooqari qini namuqaauqa niranaqee marufaqa qini mandaikamma qimaqee mariqau.
Miqidaqa sia qini uridaaqaree mariqau.
3Maqarumasee afuqaki oora ateekee mariandee iqa namuqaauqa qini kaakadi qitaufaka runna oorara foora meemai uqanna ateekee mariqau.
4Miqi marufanoo Yaaweefa andeeqarafa maridanoo rumbaranakinaana iduku qisanau.
5Aiqama Sioonna maqusara fidiaqaa imariasa rafaaqa fusaifaqa anirandeeqa sandeefarannoo.
6Misa maaqasaa ururee mari andanda fara foora urureenoo aadana usidanoo.
7Sia moo fannoo mina suqu moodaanaki quqaidaqa sia rumbamaree fidaqa.
8Aiqaree fimariasakiqari sia moo fannoo Yaaweefa amiqi amiqimma amaqaanifee qifaranoo.
Maasa Yaaweena auqusaa amiqi amiqimma amaqaidee qidaqa.
Currently Selected:
Idi Ufa 129: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
