Idi Ufa 112
112
Andeeqara fasiqa anaasee asasirafa.
1Yaaweena amooqiaqa.
Yaaweenara eerairammasee mina ufamau fimarifa faqa mina sandufara asasammasee afaqee marifa faqa asasiranaki maridanoo.
2Andeeqara fasiqa faiqi namu nariqa maqa maaqaki nimudaanai qimarinausa marifaranoo.
Minasaa aruakinausa amiqi amiqiranaki marifaranoo.
3Mi andeeqara fasiqana faiqi namu ainaina faqaasa arifaranoo.
Mina ainaina faqa naaruara rairaammida mariannoo.
4Andeeqarausa faqa nifauee mariasa faqa qimudaoo qimariasa faqa asukunaki kaaqa qaranakiara foora miqi mariasa maridaqa.
5Eedoo qimasee ufaasu munnimma nimimarifa faqa narí bisinisa kuqaa qira irirana mau kai auqee mari fasiqafa faqa asasiranaki maridanoo.
6Andeeqee marifa sia kuridiannoo.
Faiqí anaasee minara naaruara irifaranoo.
7Mi andeeqara fasiqafa manda ufauqaindi irinoo sia rufiannoo.
Mifa Yaaweena saqarikirafa afeekaikinoo marinara sia rufiaannoo.
8Miqi marifa sia kaaqa amuqusifanoo rufiaidanoo.
Mifa mariinoo narí namuqaa rafaaqafu nimaqainnana qafaannoo.
9Mi andeeqara fasiqafa afaaridanoo sarauimariasa nimidanoo.
Mina qimudaoo qirafa sia taikaannoo mi fasiqafa afeeka faqaafa marinaqa mina ufa ameemaanai keeqee faranoo.
10Miqi marifaqa manda oosana maree mariasa mina qafaafanoo niranaqaidanoo.
Misa noori kandamasee fidiaqaamma amaqasee quqasee fidaqa.
Manda oosana maree mariasa misa mi andeeqara fasiqana andaikamma amaqarara tipundarimariafa naaruara taikafuannoo.
Currently Selected:
Idi Ufa 112: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
