Idi Ufa 101
101
Karaambaiqa Dafidina qima afeekaikira ufa.
1Ani sia taikara amuqusira oosanara faqa amana amana kai nimira oosanara faqa idi raidaqa.
Oo Yaawee, ani idi rama amaqaidaqa.
2Qini marirafa andeeqasee ufa siaisa marianaura.
Miqiqa marianana oo Yaawee anee yairee fee qinee marunnannai qumuree dadaaqinnaree.
Qinee anukara marira qeeqa maaqaki marianaura.
3Sia qinee naaruara moo manda aaqara oosanara eedoo qianaura.
Anutuna ufara nimeesa uqimariasa oosanara qinee fidiaqaammidaqa.
Sia misa manda oosanaki kaqikaaqoo faqa keeqaanaura.
4Qinee unna oosana faqaasa futeeqa nianai auquanaura.
Qinee sia manda oosana maree mariana kaqikaaqoo faqa dadaaqianaura.
5Nári niqoonausara unnufa qimasaida nupiqnupita qimaria fasiqa anaaseesa qinee misa taika nimaqaanaura.
Nári noori uqeeree mariasa faqa aanoo masee nári iriranamau fimariasa faqa sia qini daaqa marifara nianasaa futeeqa aquanaura.
6Anutuna ufasaa nifu mundusee fimariasa qinee misara didiannoo.
Misa qini faqa qini maaqaki marifaranoo.
Aaqarana siaisa andeeqara mau kai fimariasa misa qini ainainira fasiqa anaasee marifaranoo.
7Unna ufa qimariasa sia uqanna qinee marunnanaki marifaranoo.
Qaara iriramau fimariasa faqa sia qini qifusaa marifaranoo.
8Qini maqa maaqaki aaqara oosana maree mariasa qinee aiqama kari randasee misa taika nimaqaanaura.
Anutuna maqusaki manda oosana maree mariasa qinee niqiqaanaura.
Currently Selected:
Idi Ufa 101: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
