Ziz 8
8
'Bhlabhlɩcoa ya ‑afluwaa 'la ‑ngbɔɔsɔ -buziinyuaa 'dɛ -sa
1Daa 'bhlabhlɩcoa sa 'lɛ 'dɛ ‑ngbɔɔsɔ -buziinyua na, ‑laagɔa nɩkplaan ya 'cɩɩ 'plɩ, 'ŋwacɩwlu kle ‑gbaaglɩɩn. 2'Nyɩ n ya 'lɛ 'bhlaandleecɩa* ‑ngbɔɔsɔa ‑ma 'nylugo 'lɛ Laagɔ ‑deliin na 'lɩ. Ma ya maa lɛglɩ ‑ngbɔɔsɔ 'nyɩ.
3‑Daa 'bhlaandlee bhlo ya ci 'nyɩ ɔ ya gʋgwlagbatɩa cɩ 'nylugo. Ɔ bhɛa ‑asɩkɛdakɔ, ma sieli 'lɛ donyi nɩkplaan na. Ma yɔɔ donyi ‑bhutukpa 'nyɩ le ɔ 'ka ɩya ‑kplɔkplɔnyaa 'fɩan 'la bhibhilia Laagɔ va, ‑asɩkɛ ‑gbatɩa ‑ɩ ‑kʋ 'lɛ nyɩbhɛlɩkpoa ‑deliin na 'kʋ. 4Na, donyia 'la gbacʋa ya 'bhlaandleea wlɩɩn 'wlʋlʋ 'nyɩ ʋya ‑kplɔkplɔnyaa 'la bhibhiea ya Laagɔ ‑deliin ‑gblaa. 5'Bhlaandleea ya donyisiedakɔa 'ma, ɔ yʋʋ ‑gbatɩa 'kʋ 'la ‑kosuunpɔa 'kʋyeli, 'nyɩ ɔ yʋʋ ‑dʋdʋa 'kʋ 'pa. Na, gude ya gbɛtɛ, 'kasɛ ya gba, ‑kosuzadlɛ ya 'plɩ 'nyɩ ‑dʋdʋa ya tɩtɛlɩ.
‑Bɛkalɛglɩa ‑ngbʋflʋa
6'Bhlaandleecɩa* ‑ngbɔɔsɔa, ‑ma ‑ka 'lɛ lɛglɩa ‑ngbɔɔsɔa na, ya bhɔsʋa le ma 'kɩɩ bholi.
7‑Bɛka -naanɔa ya ɔla lɛglɛa bholi. Na, 'nyuca 'kadɩ ɩya ‑kosu ‑ɩ 'cakalɩɔ 'lɛ ‑dolu na, ya ‑dʋdʋa 'kʋ 'kɔsɔ. ‑Dʋdʋa 'la ‑mɔtaklea ya si, sia 'la ‑mɔtaklea ya si 'nyɩ ‑piticalɩa ‑tɛtɛa ya 'lɛ si.
8‑Mɔsɔ ‑bhlaandleea ya ɔla lɛglɛa bholi. 'Nyɩ ɩ ‑kʋa le saa ma ya 'lɛ 'kikikadie ‑kosu zʋ 'nyɩ ma yaa 'lɛ gea nɩkplaan 'pa na. Na, gea 'la ‑mɔtaklea ya ‑dolu kaci. 9Gea nɩkplaan 'la ‑jajalɩɩa ‑tɛtɛa 'la ‑mɔtaklea ya 'ku 'nyɩ gɔlɩa ‑ɩ 'plɩlɩ 'lɛ ge 'kʋ na, 'la ‑mɔtaklea ya 'lɛ nyumo.
10‑Mɔta ‑bhlaandleea ya ɔla lɛglɛa bholi. Na, ‑zolie 'kadie ‑ɛ ŋamaa 'lɛ le ylʋ 'bhisa na, ya ‑laagɔɔn 'wlʋ 'nyɩ ɛ ya bhli. Ɛ ya 'nyidɔlɩa ɩya 'nyukobhia 'la ‑mɔta klea nɩkplaan bhlili. 11‑Zolie ‑naa, ɛmɛ ma laa 'lɛ Kalɔ. Na, 'nyudɔlɩa 'la ‑mɔta klea ya kabha 'nyɩ ncaabhutukpa ya 'ku, 'nyua ‑ʋ kabha 'lɛ 'la gbʋ.
12‑Nmɔɔna ‑bhlaandleea ya ɔla lɛglɛa bholi. Na, ma ya 'ylʋbhuoa, cabhuoa ɩya ‑zɔlʋa 'la ‑mɔta ‑klea 'sɛpɛ 'nyɩ ɩla leliea 'la 'kle bhlo ya mlɔ. Zezezelia ɩya bhlibhliylʋa 'la leliea 'la 'kle bhlo ya mlɔ.
13Na, n ya ‑awlɛ kope 'nyɩ n ya kɩkɛ 'lɩ. Ɛ 'plɩlɩa 'koonko ‑taatea nɩkplaan 'nyɩ ɛ ‑gaa nɩkplaan, ɛ claa lebhe: «‑Munzue! ‑Munzue! ‑Munzue ya ‑dʋdʋa 'kʋ 'la ncɛlɩa bho, 'bhlaandleecɩa ‑mɔtaa 'la lɛglɩa ‑ɩ ‑cɩ ka ‑awlɛ 'lɛ gba na, 'la gbʋ!»
Currently Selected:
Ziz 8: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 8
8
'Bhlabhlɩcoa ya ‑afluwaa 'la ‑ngbɔɔsɔ -buziinyuaa 'dɛ -sa
1Daa 'bhlabhlɩcoa sa 'lɛ 'dɛ ‑ngbɔɔsɔ -buziinyua na, ‑laagɔa nɩkplaan ya 'cɩɩ 'plɩ, 'ŋwacɩwlu kle ‑gbaaglɩɩn. 2'Nyɩ n ya 'lɛ 'bhlaandleecɩa* ‑ngbɔɔsɔa ‑ma 'nylugo 'lɛ Laagɔ ‑deliin na 'lɩ. Ma ya maa lɛglɩ ‑ngbɔɔsɔ 'nyɩ.
3‑Daa 'bhlaandlee bhlo ya ci 'nyɩ ɔ ya gʋgwlagbatɩa cɩ 'nylugo. Ɔ bhɛa ‑asɩkɛdakɔ, ma sieli 'lɛ donyi nɩkplaan na. Ma yɔɔ donyi ‑bhutukpa 'nyɩ le ɔ 'ka ɩya ‑kplɔkplɔnyaa 'fɩan 'la bhibhilia Laagɔ va, ‑asɩkɛ ‑gbatɩa ‑ɩ ‑kʋ 'lɛ nyɩbhɛlɩkpoa ‑deliin na 'kʋ. 4Na, donyia 'la gbacʋa ya 'bhlaandleea wlɩɩn 'wlʋlʋ 'nyɩ ʋya ‑kplɔkplɔnyaa 'la bhibhiea ya Laagɔ ‑deliin ‑gblaa. 5'Bhlaandleea ya donyisiedakɔa 'ma, ɔ yʋʋ ‑gbatɩa 'kʋ 'la ‑kosuunpɔa 'kʋyeli, 'nyɩ ɔ yʋʋ ‑dʋdʋa 'kʋ 'pa. Na, gude ya gbɛtɛ, 'kasɛ ya gba, ‑kosuzadlɛ ya 'plɩ 'nyɩ ‑dʋdʋa ya tɩtɛlɩ.
‑Bɛkalɛglɩa ‑ngbʋflʋa
6'Bhlaandleecɩa* ‑ngbɔɔsɔa, ‑ma ‑ka 'lɛ lɛglɩa ‑ngbɔɔsɔa na, ya bhɔsʋa le ma 'kɩɩ bholi.
7‑Bɛka -naanɔa ya ɔla lɛglɛa bholi. Na, 'nyuca 'kadɩ ɩya ‑kosu ‑ɩ 'cakalɩɔ 'lɛ ‑dolu na, ya ‑dʋdʋa 'kʋ 'kɔsɔ. ‑Dʋdʋa 'la ‑mɔtaklea ya si, sia 'la ‑mɔtaklea ya si 'nyɩ ‑piticalɩa ‑tɛtɛa ya 'lɛ si.
8‑Mɔsɔ ‑bhlaandleea ya ɔla lɛglɛa bholi. 'Nyɩ ɩ ‑kʋa le saa ma ya 'lɛ 'kikikadie ‑kosu zʋ 'nyɩ ma yaa 'lɛ gea nɩkplaan 'pa na. Na, gea 'la ‑mɔtaklea ya ‑dolu kaci. 9Gea nɩkplaan 'la ‑jajalɩɩa ‑tɛtɛa 'la ‑mɔtaklea ya 'ku 'nyɩ gɔlɩa ‑ɩ 'plɩlɩ 'lɛ ge 'kʋ na, 'la ‑mɔtaklea ya 'lɛ nyumo.
10‑Mɔta ‑bhlaandleea ya ɔla lɛglɛa bholi. Na, ‑zolie 'kadie ‑ɛ ŋamaa 'lɛ le ylʋ 'bhisa na, ya ‑laagɔɔn 'wlʋ 'nyɩ ɛ ya bhli. Ɛ ya 'nyidɔlɩa ɩya 'nyukobhia 'la ‑mɔta klea nɩkplaan bhlili. 11‑Zolie ‑naa, ɛmɛ ma laa 'lɛ Kalɔ. Na, 'nyudɔlɩa 'la ‑mɔta klea ya kabha 'nyɩ ncaabhutukpa ya 'ku, 'nyua ‑ʋ kabha 'lɛ 'la gbʋ.
12‑Nmɔɔna ‑bhlaandleea ya ɔla lɛglɛa bholi. Na, ma ya 'ylʋbhuoa, cabhuoa ɩya ‑zɔlʋa 'la ‑mɔta ‑klea 'sɛpɛ 'nyɩ ɩla leliea 'la 'kle bhlo ya mlɔ. Zezezelia ɩya bhlibhliylʋa 'la leliea 'la 'kle bhlo ya mlɔ.
13Na, n ya ‑awlɛ kope 'nyɩ n ya kɩkɛ 'lɩ. Ɛ 'plɩlɩa 'koonko ‑taatea nɩkplaan 'nyɩ ɛ ‑gaa nɩkplaan, ɛ claa lebhe: «‑Munzue! ‑Munzue! ‑Munzue ya ‑dʋdʋa 'kʋ 'la ncɛlɩa bho, 'bhlaandleecɩa ‑mɔtaa 'la lɛglɩa ‑ɩ ‑cɩ ka ‑awlɛ 'lɛ gba na, 'la gbʋ!»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.