Ziz 3
3
Salɩdɩdua 'kʋ 'la ‑laagɔnɩkplaa 'la ‑afluwa
1Zie Salɩdɩdua 'kʋ 'la -laagɔnɩkplaa 'la 'bhlaandleea* ɩya n 'clɔɔ lebhe: 'Lɩka 'saa ɔmɔa ‑ɔ ‑ka 'lɛ Laagɔ 'la 'wugwia ‑ngbɔɔsɔa ɩya ‑zɔlʋa ‑ngbɔɔsɔa na, ɔ nyɩtɛ 'lɛ na: N ‑ci ‑naa nʋnʋgbɩa. ‑Naa 'ŋlɩ mʋ lebhe ‑n ‑ja, ‑sakɛ 'bhlɩmɔɔn ‑n ‑kuo. 2Galɔ! Zʋ ɩmɩa ‑ɩ ‑to 'lɛ 'nyɩ ‑ɩ mʋ 'lɛ 'kukan na, 'tɛtɩɩn, sa n ya 'lɩ lebhe 'na Laagɔ 'ci 'ku, ‑naa nʋnʋgbɩa 'ta 'kʋglalɩɔ. 3Na, 'maa luoli ɩmɩa ma cɔɔ 'lɛ 'nyɩ ‑n 'nu 'lɛ na. 'Plɩlɩɩ 'kʋ ɩya ‑n calakwla! Sa ‑n 'ta galɔ na, n cɩ 'ka ci 'winyɔ 'bhisa ɩya ‑naa ka 'ŋwacɩa 'kʋa n cɩ 'kɔɔ 'lɛ ‑zɔnvukan ci na, cibhlili. 4'Bhlɩmɔɔn Salɩdɩdua nɩkplaan, ‑n ‑ka 'yɛpɩ ncɛlɩ ‑zlʋsaasa ‑ɔ 'ta 'lɛ mala nɩkplaanplalokua kpobho na. Ma cɩ 'ka loku 'pɔpʋ nɩkplaanpla ɩya ma kaan gɩlɩ sa ma ‑yɩɩsɩ ‑fata na. 5Ɔmɔa ‑ɔ ‑cɩ ka 'lɛ ‑sɩa na, ‑sa ɔ cɩ 'ka 'lɛ loku 'pɔpʋ nɩkplaanpla. N cɩ 'ta ɔla 'ŋlɩa jabhʋa 'la ‑afluwaa nɩkplaan ‑sa ɩya n To ɩya ɔla 'bhlaandleecɩa 'ci 'ku, n 'ka cibhlili lebhe ɔ ‑glɩ 'naanɔ. 6Ɔmɔa ‑ɔ ‑ka 'lɛ 'nyukwli na, 'naa ‑ɔ 'nu ɩmɩa 'Wugoa solu 'lɛ -laagɔnɩkplaa 'la -kandia na.
Filadɛlɩfidua 'kʋ 'la ‑laagɔnɩkplaa 'la ‑afluwa
7Zie Filadɛlɩfidua 'kʋ 'la -laagɔnɩkplaa 'la 'bhlaandleea* ɩya ‑n 'clɔɔ lebhe: 'Lɩka 'saa ‑Kplɔkplɔnyɔa, ɔmɔa ‑ɔ ‑glɩ 'lɛ 'Titia, ‑ɔ ‑ka 'lɛ Daviti 'la 'safɛa, ‑ɔ ‑ka 'lɛ kalɩ 'nyɩ nclɔɔ bhlogbɩɩ kpaslɩlɩ 'ta 'lɛ, ‑ɔ ‑ka 'lɛ kpaslɩlɩ 'nyɩ nclɔɔ bhlogbɩɩ mino 'ta 'lɛ kalɩlɩɛ na, nyɩtɛ 'lɛ na: 8N ‑ci ‑naa nʋnʋgbɩa. 'Lɩka, n yɔɔ gbinea nclɔɔ bhlogbɩɩ cɩ 'ta 'lɛ kpaslɩlɩlɩɛ mino na, 'kʋklʋʋn kalɩ. ‑Naa 'tɛtɩa 'ta ‑zu, ‑ma 'bhlɩmɔɔn, ‑n ya 'na wɔɔnyɩtʋa 'kʋ 'plɩlɩ 'nyɩ ‑n 'ta 'na 'ŋlɩa ‑blɔ. 9'Lɩka, n nyɩɔ Sataan* 'la ‑kandinyaa nɩkplaan 'la ncɛlɩ, maa ‑ɔ la 'lɛ macɩ Zifʋnya* 'nyɩ ‑ɔ 'ta 'lɛ maa ‑glɩ ‑ma na, ‑ofi lebhe ma ‑glɩ yodizʋnya na. 'Lɩka, n cɩ 'ka gba ma 'kɔɔ ‑deliin ‑kukoonkplii saslakaan ci ɩya ma 'ka cibhlili lebhe n yɔɔ wabha. 10Sa ‑n ya 'lɛ pɔlɛ kla 'nyɩ ‑n ya 'lɛ 'na wɔɔnyɩtʋa 'kʋ 'plɩlɩ na, ‑amʋ ‑ma ‑n cɩ 'kɔɔ 'kwlɩbhɩɛa ‑ɛ cɩ 'ka 'lɛ ‑laagɔzɔn bhuoa ŋeni ɩya ɛ ka ‑dʋdʋa 'kʋ 'la ncɛlɩa nɩkplaancla na, 'la 'ŋwacɩa 'kʋ 'klʋlɩ. 11N cɩ 'ka clɩɩklipɛ nɩkplaan cɔlɔ. Ɩmɩa ‑n ‑ka 'lɛ na, kalɩ kpaan ɩya nclɔɔ bhlogbɩɩ 'la kɔɔ ‑naa dluuplʋlɩɛa ‑salɩ. 12Ɔmɔa ‑ɔ ‑cɩ ka 'lɛ ‑sɩa na, n cɩ 'kɔɔ 'na Laagɔ 'la gʋgwla palʋa ‑zɔn 'la ‑bhlɔlʋ ple, ma cɩ 'ta kɩnɩɔ ‑zɔnwla. N cɩ 'kɔɔ 'na Laagɔ 'la 'ŋlɩa ɩya 'na Laagɔ 'la 'dua ‑ʋ ‑glɩ 'lɛ Zolizalɛmʋdu ‑lelua ‑ʋ 'wlʋlʋ 'lɛ ‑laagɔɔn, 'na Laagɔ cɩ 'nyɩ ‑ʋ kwli 'lɛ na, ʋla 'ŋlɩa ɩya ‑amʋ ‑ma 'na 'ŋlɩ ‑lelia cɩ zie. 13Ɔmɔa ‑ɔ ‑ka 'lɛ 'nyukwli na, 'naa ‑ɔ 'nu ɩmɩa 'Wugoa solu 'lɛ laagɔnɩkplaa 'la -kandia na.
Laodiseedua 'kʋ 'la ‑laagɔnɩkplaa 'la ‑afluwa
14Zie Laodiseedua 'kʋ 'la laagɔnɩkplaa 'la 'bhlaandleea* ɩya ‑n 'clɔɔ lebhe: 'Lɩka saa, ɔmɔa ma la 'lɛ Ɩ kʋ sɛɛ, ‑nʋawlɛdanʋfʋɛlɩnyɔa ma cɩ 'lɛ ‑delikʋtɛbhalɩ na, ‑ɔ ‑glɩ 'lɛ 'Titia, 'nyɩ Laagɔ 'la nʋnʋlɩɩa ‑tɛtɛa 'slalɩɔ 'lɛ 'kʋ na, nyɩtɛ 'lɛ na: 15N ‑ci ‑naa nʋnʋgbɩ. ‑N 'ta ‑wɔtɔ naa, ‑n 'ta ‑su. Ka ‑n kaa ‑wɔtɔ ‑aana ka ‑n kaa ‑su 'bhebhe na! 16‑Ma sa ‑n ‑kʋ 'lɛ kpookpoo, 'nyɩ ‑n 'ta 'lɛ ‑wɔtɔ ‑aana ‑n 'ta 'lɛ ‑su na, n cɩ 'kɔɔ gɔzɩɛ. 17‑N nabhe: «N ‑lio 'bhɛlɩ! N ‑ka 'nanɩ ‑bhutukpa, n 'ta lʋʋ ‑ylɛylɛ ‑mie.» ‑Ma ‑n 'ta sɛɛ ‑ci lebhe ‑n ‑glɩ ŋaazɩnyɔ, ‑n ka ŋaazɩ, 'yalɛ bhlɔɔ, ‑n ‑kʋ 'citutuun ɩya ‑abaan. 18Na, n clɔɔ lebhe ‑n ‑pɩalɩɩn wɔlʋwɔlʋ ‑asɩkɛ wlɩɩn ɩya ‑n ka 'bhɛlɩ li, nɩkplaanplaloku 'pɔpʋ ɩya ‑naa kanɩ ‑abaan kʋ ɩya ‑zo 'la kanɩɔ 'bhla, ɩya 'ciinpalɩlɩɩ, ‑n ka 'ciintɔlʋ ɩya ‑n ka salɩ.
19‑Amʋ, maa 'fɩan n ‑wa 'lɛ na, ka n sa 'lɛ maa 'bɩ. Na, 'maa nʋ waawaa ɩya ‑n calakwla. 20'Lɩka, n 'nylugo gbinea 'kʋ, n bhutia. Nclɔɔ ‑ka 'na ‑blɩɩzɔan 'nu 'nyɩ ɔ ‑ka gbinea kalɩ na, n cɩ ɔ 'bhisleen ble 'nyɩ n ‑yɔɔsɔ cɩ dabhlo lili. 21Ɔmɔa ‑ɔ ‑cɩ ka 'lɛ ‑sɩa na, n cɩ 'kɔɔ ‑jioli 'nyɩ lebhe ɔ kʋʋn cɩ sa 'na nyɩbhɛlɩkpoa 'kʋ, saa ‑tɛɛa ‑amʋ ‑ma n ‑sɩa 'lɛ 'nyɩ n ya 'lɛ n To cɩ sakʋkan mʋ ɔla nyɩbhɛlɩkpoa 'kʋ na. 22Ɔmɔa ‑ɔ ‑ka 'lɛ 'nyukwli na, 'naa ɔ 'nu ɩmɩa 'Wugoa solu 'lɛ laagɔnɩkplaa 'la -kandia na.
Currently Selected:
Ziz 3: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 3
3
Salɩdɩdua 'kʋ 'la ‑laagɔnɩkplaa 'la ‑afluwa
1Zie Salɩdɩdua 'kʋ 'la -laagɔnɩkplaa 'la 'bhlaandleea* ɩya n 'clɔɔ lebhe: 'Lɩka 'saa ɔmɔa ‑ɔ ‑ka 'lɛ Laagɔ 'la 'wugwia ‑ngbɔɔsɔa ɩya ‑zɔlʋa ‑ngbɔɔsɔa na, ɔ nyɩtɛ 'lɛ na: N ‑ci ‑naa nʋnʋgbɩa. ‑Naa 'ŋlɩ mʋ lebhe ‑n ‑ja, ‑sakɛ 'bhlɩmɔɔn ‑n ‑kuo. 2Galɔ! Zʋ ɩmɩa ‑ɩ ‑to 'lɛ 'nyɩ ‑ɩ mʋ 'lɛ 'kukan na, 'tɛtɩɩn, sa n ya 'lɩ lebhe 'na Laagɔ 'ci 'ku, ‑naa nʋnʋgbɩa 'ta 'kʋglalɩɔ. 3Na, 'maa luoli ɩmɩa ma cɔɔ 'lɛ 'nyɩ ‑n 'nu 'lɛ na. 'Plɩlɩɩ 'kʋ ɩya ‑n calakwla! Sa ‑n 'ta galɔ na, n cɩ 'ka ci 'winyɔ 'bhisa ɩya ‑naa ka 'ŋwacɩa 'kʋa n cɩ 'kɔɔ 'lɛ ‑zɔnvukan ci na, cibhlili. 4'Bhlɩmɔɔn Salɩdɩdua nɩkplaan, ‑n ‑ka 'yɛpɩ ncɛlɩ ‑zlʋsaasa ‑ɔ 'ta 'lɛ mala nɩkplaanplalokua kpobho na. Ma cɩ 'ka loku 'pɔpʋ nɩkplaanpla ɩya ma kaan gɩlɩ sa ma ‑yɩɩsɩ ‑fata na. 5Ɔmɔa ‑ɔ ‑cɩ ka 'lɛ ‑sɩa na, ‑sa ɔ cɩ 'ka 'lɛ loku 'pɔpʋ nɩkplaanpla. N cɩ 'ta ɔla 'ŋlɩa jabhʋa 'la ‑afluwaa nɩkplaan ‑sa ɩya n To ɩya ɔla 'bhlaandleecɩa 'ci 'ku, n 'ka cibhlili lebhe ɔ ‑glɩ 'naanɔ. 6Ɔmɔa ‑ɔ ‑ka 'lɛ 'nyukwli na, 'naa ‑ɔ 'nu ɩmɩa 'Wugoa solu 'lɛ -laagɔnɩkplaa 'la -kandia na.
Filadɛlɩfidua 'kʋ 'la ‑laagɔnɩkplaa 'la ‑afluwa
7Zie Filadɛlɩfidua 'kʋ 'la -laagɔnɩkplaa 'la 'bhlaandleea* ɩya ‑n 'clɔɔ lebhe: 'Lɩka 'saa ‑Kplɔkplɔnyɔa, ɔmɔa ‑ɔ ‑glɩ 'lɛ 'Titia, ‑ɔ ‑ka 'lɛ Daviti 'la 'safɛa, ‑ɔ ‑ka 'lɛ kalɩ 'nyɩ nclɔɔ bhlogbɩɩ kpaslɩlɩ 'ta 'lɛ, ‑ɔ ‑ka 'lɛ kpaslɩlɩ 'nyɩ nclɔɔ bhlogbɩɩ mino 'ta 'lɛ kalɩlɩɛ na, nyɩtɛ 'lɛ na: 8N ‑ci ‑naa nʋnʋgbɩa. 'Lɩka, n yɔɔ gbinea nclɔɔ bhlogbɩɩ cɩ 'ta 'lɛ kpaslɩlɩlɩɛ mino na, 'kʋklʋʋn kalɩ. ‑Naa 'tɛtɩa 'ta ‑zu, ‑ma 'bhlɩmɔɔn, ‑n ya 'na wɔɔnyɩtʋa 'kʋ 'plɩlɩ 'nyɩ ‑n 'ta 'na 'ŋlɩa ‑blɔ. 9'Lɩka, n nyɩɔ Sataan* 'la ‑kandinyaa nɩkplaan 'la ncɛlɩ, maa ‑ɔ la 'lɛ macɩ Zifʋnya* 'nyɩ ‑ɔ 'ta 'lɛ maa ‑glɩ ‑ma na, ‑ofi lebhe ma ‑glɩ yodizʋnya na. 'Lɩka, n cɩ 'ka gba ma 'kɔɔ ‑deliin ‑kukoonkplii saslakaan ci ɩya ma 'ka cibhlili lebhe n yɔɔ wabha. 10Sa ‑n ya 'lɛ pɔlɛ kla 'nyɩ ‑n ya 'lɛ 'na wɔɔnyɩtʋa 'kʋ 'plɩlɩ na, ‑amʋ ‑ma ‑n cɩ 'kɔɔ 'kwlɩbhɩɛa ‑ɛ cɩ 'ka 'lɛ ‑laagɔzɔn bhuoa ŋeni ɩya ɛ ka ‑dʋdʋa 'kʋ 'la ncɛlɩa nɩkplaancla na, 'la 'ŋwacɩa 'kʋ 'klʋlɩ. 11N cɩ 'ka clɩɩklipɛ nɩkplaan cɔlɔ. Ɩmɩa ‑n ‑ka 'lɛ na, kalɩ kpaan ɩya nclɔɔ bhlogbɩɩ 'la kɔɔ ‑naa dluuplʋlɩɛa ‑salɩ. 12Ɔmɔa ‑ɔ ‑cɩ ka 'lɛ ‑sɩa na, n cɩ 'kɔɔ 'na Laagɔ 'la gʋgwla palʋa ‑zɔn 'la ‑bhlɔlʋ ple, ma cɩ 'ta kɩnɩɔ ‑zɔnwla. N cɩ 'kɔɔ 'na Laagɔ 'la 'ŋlɩa ɩya 'na Laagɔ 'la 'dua ‑ʋ ‑glɩ 'lɛ Zolizalɛmʋdu ‑lelua ‑ʋ 'wlʋlʋ 'lɛ ‑laagɔɔn, 'na Laagɔ cɩ 'nyɩ ‑ʋ kwli 'lɛ na, ʋla 'ŋlɩa ɩya ‑amʋ ‑ma 'na 'ŋlɩ ‑lelia cɩ zie. 13Ɔmɔa ‑ɔ ‑ka 'lɛ 'nyukwli na, 'naa ‑ɔ 'nu ɩmɩa 'Wugoa solu 'lɛ laagɔnɩkplaa 'la -kandia na.
Laodiseedua 'kʋ 'la ‑laagɔnɩkplaa 'la ‑afluwa
14Zie Laodiseedua 'kʋ 'la laagɔnɩkplaa 'la 'bhlaandleea* ɩya ‑n 'clɔɔ lebhe: 'Lɩka saa, ɔmɔa ma la 'lɛ Ɩ kʋ sɛɛ, ‑nʋawlɛdanʋfʋɛlɩnyɔa ma cɩ 'lɛ ‑delikʋtɛbhalɩ na, ‑ɔ ‑glɩ 'lɛ 'Titia, 'nyɩ Laagɔ 'la nʋnʋlɩɩa ‑tɛtɛa 'slalɩɔ 'lɛ 'kʋ na, nyɩtɛ 'lɛ na: 15N ‑ci ‑naa nʋnʋgbɩ. ‑N 'ta ‑wɔtɔ naa, ‑n 'ta ‑su. Ka ‑n kaa ‑wɔtɔ ‑aana ka ‑n kaa ‑su 'bhebhe na! 16‑Ma sa ‑n ‑kʋ 'lɛ kpookpoo, 'nyɩ ‑n 'ta 'lɛ ‑wɔtɔ ‑aana ‑n 'ta 'lɛ ‑su na, n cɩ 'kɔɔ gɔzɩɛ. 17‑N nabhe: «N ‑lio 'bhɛlɩ! N ‑ka 'nanɩ ‑bhutukpa, n 'ta lʋʋ ‑ylɛylɛ ‑mie.» ‑Ma ‑n 'ta sɛɛ ‑ci lebhe ‑n ‑glɩ ŋaazɩnyɔ, ‑n ka ŋaazɩ, 'yalɛ bhlɔɔ, ‑n ‑kʋ 'citutuun ɩya ‑abaan. 18Na, n clɔɔ lebhe ‑n ‑pɩalɩɩn wɔlʋwɔlʋ ‑asɩkɛ wlɩɩn ɩya ‑n ka 'bhɛlɩ li, nɩkplaanplaloku 'pɔpʋ ɩya ‑naa kanɩ ‑abaan kʋ ɩya ‑zo 'la kanɩɔ 'bhla, ɩya 'ciinpalɩlɩɩ, ‑n ka 'ciintɔlʋ ɩya ‑n ka salɩ.
19‑Amʋ, maa 'fɩan n ‑wa 'lɛ na, ka n sa 'lɛ maa 'bɩ. Na, 'maa nʋ waawaa ɩya ‑n calakwla. 20'Lɩka, n 'nylugo gbinea 'kʋ, n bhutia. Nclɔɔ ‑ka 'na ‑blɩɩzɔan 'nu 'nyɩ ɔ ‑ka gbinea kalɩ na, n cɩ ɔ 'bhisleen ble 'nyɩ n ‑yɔɔsɔ cɩ dabhlo lili. 21Ɔmɔa ‑ɔ ‑cɩ ka 'lɛ ‑sɩa na, n cɩ 'kɔɔ ‑jioli 'nyɩ lebhe ɔ kʋʋn cɩ sa 'na nyɩbhɛlɩkpoa 'kʋ, saa ‑tɛɛa ‑amʋ ‑ma n ‑sɩa 'lɛ 'nyɩ n ya 'lɛ n To cɩ sakʋkan mʋ ɔla nyɩbhɛlɩkpoa 'kʋ na. 22Ɔmɔa ‑ɔ ‑ka 'lɛ 'nyukwli na, 'naa ɔ 'nu ɩmɩa 'Wugoa solu 'lɛ laagɔnɩkplaa 'la -kandia na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.