Ziz 14
14
Ma wo 'bhlabhlɩcoa ‑evli
1Na, n ya kope 'nyɩ 'lɩka 'bhlabhlɩcoa, ɛ 'nylugoa Siyɔɔnkikea 'kʋ, ɛya ncaatabhlia ‑gwlɩɩa ‑ngbɔɔsɔa ɩya ‑nmɔɔna ɛla 'ŋlɩa ɩya ɛ To 'la 'ŋlɩa ‑zieo 'lɛ 'kʋtaan na. 2'Nyɩ n ya ‑blɩɩzɔn bhlo 'nu, ʋ 'wlʋlʋa ‑laagɔɔn, ʋ ‑kʋa le ge 'la gbɛtɛlɩɛ ɩya ‑laagɔzadlɛ 'la gbalɩɛ. ‑Blɩɩzɔan n 'nu 'lɛ na, ʋ ‑kʋa le saa ‑dʋpɩbhlolinya bholia 'lɛ mala gbagbalɩɩa na. 3Ncaatabhlia ‑gwlɩɩa ‑ngbɔɔsɔa ɩya ‑nmɔɔnaa 'nylugoa nyɩbhɛlɩkpoa ‑deliin, mlaa ‑nmɔɔnaa ɩya ncaakpasɩa 'ci 'kʋ 'nyɩ ma bhlɩa lalelu. 'Nyɩ nclɔɔ ‑ylɛylɛ mino 'taa lʋʋ ‑naa calɩɛ, ‑n 'ta le maa ‑naa 'bhlabhlɩcoa 'kplɩ 'lɛ nɩkplaan ‑dʋdʋa 'kʋ na ‑tɛɛ na. 4Maya 'ŋwlɛ 'ta macɩ plʋ ‑pla, sa ma 'ta 'ŋlɔ cibhlili na. Ka ma gɩlɩ 'lɛ 'bhlabhlɩcoa daa ‑tɛtɛa ɛ plɩ 'lɛ na. Ka 'bhlabhlicoa 'kplɩ 'lɛ maa nɩkplaan, ncɛlɩa 'fɩan sidiin, le ma 'ka ɛya Laagɔ 'la ‑bɛka ncɛlɩ 'plɩ. 5Yodi ‑ylɛylɛ 'ta maa neen 'wlʋlʋ: Ma 'ta 'gesalɩda ‑ka.
'Bhlaandleecɩ sa 'tɩtɩplalɩɛa 'la 'dɩa
6'Nyɩ n ya ‑buun -bhlaandlee* bhlo 'lɩ, ɔ 'plɩlɩa ‑taatea nɩkplaan 'koonko. Ɔ ‑kaa Dɩnanɩ bhlo, ‑ɩ ‑kʋ 'lɛ 'lʋkʋlʋkʋ ɩya 'lʋkʋlʋkʋ na le ɔ 'kaa 'mɩɩ ‑dʋdʋa 'kʋ 'la ncɛlɩa ‑sa: 'Bhlɩ 'bhlɩ 'kʋ 'la ncɛlɩ, 'lɔkpʋa ‑tɛtɛa, ‑gojia ‑tɛtɛa ɩya 'lɔlɩa ‑tɛtɛa. 7Ɔ ‑gaa nɩkplaan 'nyɩ ɔ claa lebhe: «A kalɩ Laagɔ 'la zʋlɩɛ ɩya a 'nyɩɔ 'klʋagba, sa ɔla 'tɩtɩplaclɩɩa ya ŋeni. A gʋgwla ɔmɔa ‑ɔ nʋ 'lɛ ‑laagɔɔn, ‑dʋdʋ, ge ɩya 'nyukobhia na.»
8Na, ‑buun ‑bhlaandlee bhlo yɔɔ gɩlɩ 'nyɩ ɔ claa lebhe: «Ʋ ya bhli, ʋ ya bhli, Babilɔnʋdu 'kadiea. Duu ‑naa, ‑ʋ ya 'lɛ 'bhlɩ 'bhlɩ 'kʋ 'la ncɛlɩ ʋla ‑badaaglu 'kadʋa 'la ‑diinvɛɛan tɩa na.» 9'Nyɩ ‑buun ‑bhlaandlee bhlo, ‑mɔta ‑naanɔ ya maa gɩlɩ. Ɔ ya nɩkplaan ‑gaa 'nyɩ ɔ ya 'cla lebhe: «Gbazɩ nclɔɔ ‑ka mlɛa ɩya ɛla palalɩlʋʋa gʋgwla 'nyɩ ɔ ‑ka ɛla 'ylɩa 'kʋtaan ‑aana ‑kɔgbʋtaan ‑ka na, 10ɔmɔ ‑ma, ɔ cɩ 'ka Laagɔ 'la dɔgbɛ 'kadiea 'la ‑diinvɛɛan ‑ɛ 'ta 'lɛ 'cakalɩɔ 'nyɩ ma 'kɔsɔ 'lɛ ɔla dɔgbɛa 'la ‑kɔbhɛa nɩkplaan na 'mla ɩya ɔ 'ka ‑kosua ɩya gbacʋ sloa nɩkplaan gbaylɩsalɩɛ 'lɩlɩ, ‑kplɔkplɔ ‑bhlaandleecɩa ɩya 'bhlabhlɩcoa 'ci 'kʋ. 11Maa ‑ɔ gʋgwla 'lɛ mlɛa ɩya ɛla palalɩlʋʋa, ɩya ncaatʋtʋʋntʋa ‑ɔ ‑ka 'lɛ ɛla 'ŋlɩa 'la 'ylɩa cɩ na, mala gbaylɩsalɩɛa 'la gbacʋa cɩ 'ka 'kʋbho 'lʋkʋlʋkʋ ɩya 'lʋkʋlʋkʋ ɩya ma 'la ka zezezeliin ɩya bhlilbhliylʋʋn nyɔkwɛ kalɩ.»
12'Ŋwacɩa ya ŋeni, ɩya Laagɔ 'la ncɛlɩa ‑ɔ 'plɩlɩ 'lɛ ɔla ‑jlɩmaa 'kʋ 'nyɩ ‑ɔ ‑ka 'lɛ Zozii 'la pɔɔtɛtɛ na, 'kanɩ pɔlɛ kla. 13'Nyɩ n ‑ya ‑blɩɩzɔn bhlo 'nu, ʋ 'wlʋlʋa ‑laagɔɔn 'nyɩ ʋ claa lebhe: «Zie lebhe: Ma ‑kʋnɩ ‑pɔtɔnʋ 'nanɩ, maa ‑ɔ 'kulu 'lɛ ‑Kwlenyɔ nɩkplaan na!» ‑Ghɛɛ, 'Wugoa nabhe: «'Naa ma 'lɩnɩ lobholia ‑tɛtɛa ma nʋ 'lɛ na 'la nyɔkwɛa, sa mala nʋnʋgbɩa gɩlɩ maa na.»
Laagɔ pla ‑laagɔzɔan 'tɩtɩ
14N ya kope, 'nyɩ 'lɩka 'nyukplu, ʋ ‑glɩa ‑lɩɩ 'pɔpʋ. 'Nyɩ 'nyukplua 'kʋ, nclɔɔ ‑kʋa 'dɛ sa le nclɔɔ 'la 'cʋ. Ɔ ‑zʋa ‑asɩkɛkpoonkpo 'wlu 'nyɩ ɔ ‑kaa 'lɛ 'nɛnɛ ‑lɛtɛ wlɩɩn. 15'Nyɩ ‑buun ‑bhlaandlee* bhlo ya Laagɔpaakadiea* ‑zɔn 'wlʋ, ɔ ya 'lɛ nɩkplaan ‑gaa 'nyɩ ɔ ya 'lɛ ɔmɔa ‑ɔ ‑kʋa 'lɛ 'nyukplua 'kʋ sa na, 'cla lebhe: «'Ma ‑naa lɛtɛa ɩya ‑n 'dɩ! 'Dɩdaa ya ŋeni, sa ‑dʋdʋa 'kʋ 'la gologololɩɩa ya zalɩ na.» 16Na, ɔmɔa ‑ɔ ‑kʋa 'lɛ 'nyukplua 'kʋ sa na, ya ɔla lɛtɛa ‑dʋdʋa 'kʋ pleli 'nyɩ gologololɩɩa ya ‑dɩɔ.
17'Nyɩ ‑buun ‑bhlaandlee bhlo ya ‑laagɔɔn 'la Laagɔpaakadiea ‑zɔn 'wlʋ. Ɔmɔ ‑ma, ɔ ‑kaa 'nɛnɛ ‑lɛtɛ wlɩɩn. 18‑Buun -naanɔ bhlo ya gʋgwlagbatɩa cɩ 'wlʋlʋ. Ɔ ‑kalɩa ‑kosu ‑jioli 'kʋ. Ɔ yaan ‑gaa 'nyɩ ɔ ya ɔmɔa ‑ɔ ‑kaa 'lɛ 'nɛnɛ ‑lɛtɛa wlɩɩn na, 'cla lebhe: «'Ma ‑naa 'nɛnɛ ‑lɛtɛa ɩya ‑n 'dɩ ‑dʋdʋa 'kʋ 'la ‑ghlɛzɛɛan 'la 'walɩa, sa ɩla 'caa ya zalɩ na.» 19Na, 'bhlaandleea ya ɔla lɛtɛa ‑dʋdʋa 'kʋ pleli, ɔ ya ‑ghlɛzɛɛnwalɩa 'dɩ 'nyɩ ɔ yɩɩ 'lɛ Laagɔ 'la dɔgbɛa 'la 'anbhlukadiea nɩkplaan 'kɔsɔ. 20Ma ya 'anbhlua nɩkplaan 'la ‑ghlɛzɛɛan 'dua 'la glɔa leen 'ylili. ‑Dolu ya 'anbhlua nɩkplaan 'wlʋ, ʋ ŋenia ‑kpangwɩa nimli 'kʋ. Ʋ ya kɔlɔ 'nyɩ ʋla ‑tɔkpaa ya mʋ ‑aan ‑kilo ‑gwlɩɩ 'kʋgba ‑ngbi (300).
Currently Selected:
Ziz 14: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 14
14
Ma wo 'bhlabhlɩcoa ‑evli
1Na, n ya kope 'nyɩ 'lɩka 'bhlabhlɩcoa, ɛ 'nylugoa Siyɔɔnkikea 'kʋ, ɛya ncaatabhlia ‑gwlɩɩa ‑ngbɔɔsɔa ɩya ‑nmɔɔna ɛla 'ŋlɩa ɩya ɛ To 'la 'ŋlɩa ‑zieo 'lɛ 'kʋtaan na. 2'Nyɩ n ya ‑blɩɩzɔn bhlo 'nu, ʋ 'wlʋlʋa ‑laagɔɔn, ʋ ‑kʋa le ge 'la gbɛtɛlɩɛ ɩya ‑laagɔzadlɛ 'la gbalɩɛ. ‑Blɩɩzɔan n 'nu 'lɛ na, ʋ ‑kʋa le saa ‑dʋpɩbhlolinya bholia 'lɛ mala gbagbalɩɩa na. 3Ncaatabhlia ‑gwlɩɩa ‑ngbɔɔsɔa ɩya ‑nmɔɔnaa 'nylugoa nyɩbhɛlɩkpoa ‑deliin, mlaa ‑nmɔɔnaa ɩya ncaakpasɩa 'ci 'kʋ 'nyɩ ma bhlɩa lalelu. 'Nyɩ nclɔɔ ‑ylɛylɛ mino 'taa lʋʋ ‑naa calɩɛ, ‑n 'ta le maa ‑naa 'bhlabhlɩcoa 'kplɩ 'lɛ nɩkplaan ‑dʋdʋa 'kʋ na ‑tɛɛ na. 4Maya 'ŋwlɛ 'ta macɩ plʋ ‑pla, sa ma 'ta 'ŋlɔ cibhlili na. Ka ma gɩlɩ 'lɛ 'bhlabhlɩcoa daa ‑tɛtɛa ɛ plɩ 'lɛ na. Ka 'bhlabhlicoa 'kplɩ 'lɛ maa nɩkplaan, ncɛlɩa 'fɩan sidiin, le ma 'ka ɛya Laagɔ 'la ‑bɛka ncɛlɩ 'plɩ. 5Yodi ‑ylɛylɛ 'ta maa neen 'wlʋlʋ: Ma 'ta 'gesalɩda ‑ka.
'Bhlaandleecɩ sa 'tɩtɩplalɩɛa 'la 'dɩa
6'Nyɩ n ya ‑buun -bhlaandlee* bhlo 'lɩ, ɔ 'plɩlɩa ‑taatea nɩkplaan 'koonko. Ɔ ‑kaa Dɩnanɩ bhlo, ‑ɩ ‑kʋ 'lɛ 'lʋkʋlʋkʋ ɩya 'lʋkʋlʋkʋ na le ɔ 'kaa 'mɩɩ ‑dʋdʋa 'kʋ 'la ncɛlɩa ‑sa: 'Bhlɩ 'bhlɩ 'kʋ 'la ncɛlɩ, 'lɔkpʋa ‑tɛtɛa, ‑gojia ‑tɛtɛa ɩya 'lɔlɩa ‑tɛtɛa. 7Ɔ ‑gaa nɩkplaan 'nyɩ ɔ claa lebhe: «A kalɩ Laagɔ 'la zʋlɩɛ ɩya a 'nyɩɔ 'klʋagba, sa ɔla 'tɩtɩplaclɩɩa ya ŋeni. A gʋgwla ɔmɔa ‑ɔ nʋ 'lɛ ‑laagɔɔn, ‑dʋdʋ, ge ɩya 'nyukobhia na.»
8Na, ‑buun ‑bhlaandlee bhlo yɔɔ gɩlɩ 'nyɩ ɔ claa lebhe: «Ʋ ya bhli, ʋ ya bhli, Babilɔnʋdu 'kadiea. Duu ‑naa, ‑ʋ ya 'lɛ 'bhlɩ 'bhlɩ 'kʋ 'la ncɛlɩ ʋla ‑badaaglu 'kadʋa 'la ‑diinvɛɛan tɩa na.» 9'Nyɩ ‑buun ‑bhlaandlee bhlo, ‑mɔta ‑naanɔ ya maa gɩlɩ. Ɔ ya nɩkplaan ‑gaa 'nyɩ ɔ ya 'cla lebhe: «Gbazɩ nclɔɔ ‑ka mlɛa ɩya ɛla palalɩlʋʋa gʋgwla 'nyɩ ɔ ‑ka ɛla 'ylɩa 'kʋtaan ‑aana ‑kɔgbʋtaan ‑ka na, 10ɔmɔ ‑ma, ɔ cɩ 'ka Laagɔ 'la dɔgbɛ 'kadiea 'la ‑diinvɛɛan ‑ɛ 'ta 'lɛ 'cakalɩɔ 'nyɩ ma 'kɔsɔ 'lɛ ɔla dɔgbɛa 'la ‑kɔbhɛa nɩkplaan na 'mla ɩya ɔ 'ka ‑kosua ɩya gbacʋ sloa nɩkplaan gbaylɩsalɩɛ 'lɩlɩ, ‑kplɔkplɔ ‑bhlaandleecɩa ɩya 'bhlabhlɩcoa 'ci 'kʋ. 11Maa ‑ɔ gʋgwla 'lɛ mlɛa ɩya ɛla palalɩlʋʋa, ɩya ncaatʋtʋʋntʋa ‑ɔ ‑ka 'lɛ ɛla 'ŋlɩa 'la 'ylɩa cɩ na, mala gbaylɩsalɩɛa 'la gbacʋa cɩ 'ka 'kʋbho 'lʋkʋlʋkʋ ɩya 'lʋkʋlʋkʋ ɩya ma 'la ka zezezeliin ɩya bhlilbhliylʋʋn nyɔkwɛ kalɩ.»
12'Ŋwacɩa ya ŋeni, ɩya Laagɔ 'la ncɛlɩa ‑ɔ 'plɩlɩ 'lɛ ɔla ‑jlɩmaa 'kʋ 'nyɩ ‑ɔ ‑ka 'lɛ Zozii 'la pɔɔtɛtɛ na, 'kanɩ pɔlɛ kla. 13'Nyɩ n ‑ya ‑blɩɩzɔn bhlo 'nu, ʋ 'wlʋlʋa ‑laagɔɔn 'nyɩ ʋ claa lebhe: «Zie lebhe: Ma ‑kʋnɩ ‑pɔtɔnʋ 'nanɩ, maa ‑ɔ 'kulu 'lɛ ‑Kwlenyɔ nɩkplaan na!» ‑Ghɛɛ, 'Wugoa nabhe: «'Naa ma 'lɩnɩ lobholia ‑tɛtɛa ma nʋ 'lɛ na 'la nyɔkwɛa, sa mala nʋnʋgbɩa gɩlɩ maa na.»
Laagɔ pla ‑laagɔzɔan 'tɩtɩ
14N ya kope, 'nyɩ 'lɩka 'nyukplu, ʋ ‑glɩa ‑lɩɩ 'pɔpʋ. 'Nyɩ 'nyukplua 'kʋ, nclɔɔ ‑kʋa 'dɛ sa le nclɔɔ 'la 'cʋ. Ɔ ‑zʋa ‑asɩkɛkpoonkpo 'wlu 'nyɩ ɔ ‑kaa 'lɛ 'nɛnɛ ‑lɛtɛ wlɩɩn. 15'Nyɩ ‑buun ‑bhlaandlee* bhlo ya Laagɔpaakadiea* ‑zɔn 'wlʋ, ɔ ya 'lɛ nɩkplaan ‑gaa 'nyɩ ɔ ya 'lɛ ɔmɔa ‑ɔ ‑kʋa 'lɛ 'nyukplua 'kʋ sa na, 'cla lebhe: «'Ma ‑naa lɛtɛa ɩya ‑n 'dɩ! 'Dɩdaa ya ŋeni, sa ‑dʋdʋa 'kʋ 'la gologololɩɩa ya zalɩ na.» 16Na, ɔmɔa ‑ɔ ‑kʋa 'lɛ 'nyukplua 'kʋ sa na, ya ɔla lɛtɛa ‑dʋdʋa 'kʋ pleli 'nyɩ gologololɩɩa ya ‑dɩɔ.
17'Nyɩ ‑buun ‑bhlaandlee bhlo ya ‑laagɔɔn 'la Laagɔpaakadiea ‑zɔn 'wlʋ. Ɔmɔ ‑ma, ɔ ‑kaa 'nɛnɛ ‑lɛtɛ wlɩɩn. 18‑Buun -naanɔ bhlo ya gʋgwlagbatɩa cɩ 'wlʋlʋ. Ɔ ‑kalɩa ‑kosu ‑jioli 'kʋ. Ɔ yaan ‑gaa 'nyɩ ɔ ya ɔmɔa ‑ɔ ‑kaa 'lɛ 'nɛnɛ ‑lɛtɛa wlɩɩn na, 'cla lebhe: «'Ma ‑naa 'nɛnɛ ‑lɛtɛa ɩya ‑n 'dɩ ‑dʋdʋa 'kʋ 'la ‑ghlɛzɛɛan 'la 'walɩa, sa ɩla 'caa ya zalɩ na.» 19Na, 'bhlaandleea ya ɔla lɛtɛa ‑dʋdʋa 'kʋ pleli, ɔ ya ‑ghlɛzɛɛnwalɩa 'dɩ 'nyɩ ɔ yɩɩ 'lɛ Laagɔ 'la dɔgbɛa 'la 'anbhlukadiea nɩkplaan 'kɔsɔ. 20Ma ya 'anbhlua nɩkplaan 'la ‑ghlɛzɛɛan 'dua 'la glɔa leen 'ylili. ‑Dolu ya 'anbhlua nɩkplaan 'wlʋ, ʋ ŋenia ‑kpangwɩa nimli 'kʋ. Ʋ ya kɔlɔ 'nyɩ ʋla ‑tɔkpaa ya mʋ ‑aan ‑kilo ‑gwlɩɩ 'kʋgba ‑ngbi (300).
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.