Ziz 10
10
‑Afluwucoa 'bhlaandleea ‑ka 'lɛ wlɩɩn na
1Na, n ya ‑daa 'tɛtɩkalɩ -bhlaandlee* bhlo 'lɩ, ɔ 'wlʋlʋa ‑laagɔɔn 'nyɩ ɔ kwlia. 'Nyukplu ‑didioa 'mɔɔ 'nyɩ ‑laagɔzadlɛ ‑didioa 'lɛ ɔla 'wlua. Ɔla 'klʋa lea le 'ylʋbhuo 'nyɩ ɔla bhɩa ‑kʋa 'lɛ le ‑kosugbalɩ 'bhisa. 2Ɔ ‑kaa ‑afluwuco bhlo wlɩɩn, a ‑kalɩɔa. Ɔ ya ɔla 'lipasɔ bhoa gea 'kʋ ‑gbɛ 'nyɩ ɔ ya 'lɛ ɔla 'daba bhoa ‑dʋdʋa 'kʋ ‑gbɛ. 3Ɔ ya nɩkplaan ‑gaa ‑bhedi 'bhisa. 'Nyɩ daa ɔ ‑gaa 'lɛ nɩkplaan na, gude ya dɩ ‑ngbɔɔsɔ gbalɩ. 4Na, daa gudea gbalɩ 'lɛ dɩ ‑ngbɔɔsɔa na, n 'matɩa le n 'kanɩa zie 'nyɩ n ya 'lɛ ‑blɩɩzɔn bhlo 'nu, ‑ʋ 'wlʋlʋa ‑laagɔɔn 'nyɩ ʋ yaan 'lɛ 'cla lebhe: «Kʋlʋ gudea 'la dɩ ‑ngbɔɔsɔa gbalɩɛa 'la wɔlɩa 'kʋ, ‑ma ‑naa zii.» 5Na, 'bhlaandleea n 'lɩa 'lɛ gea ɩya ‑dʋdʋa 'kʋ 'nylugoda na, ya ɔla 'lipasɔ sɔa ‑laagɔɔn ‑tla. 6Ɔ ya ɔmɔa ‑ɔ ‑kʋ 'lɛ 'lʋkʋlʋkʋ ɩya 'lʋkʋlʋkʋ, ‑ɔ nʋ 'lɛ ‑laagɔɔn ɩya 'yɛpɩ 'la lɩɩa 'fɩan na, ‑dʋdʋ ɩya 'ʋ 'kʋ 'la lɩɩa 'fɩan na, ge ɩya ɛla nɩkplaan 'la lɩɩa 'fɩan na, 'la 'ŋlɩa 'kʋ talɩ 'nyɩ ɔ ya cla lebhe: «Clɩɩa 'tanɩ ‑zu.» 7‑Ma clɩɩa 'kʋa ‑ngbɔɔsɔ 'bhlaandleea cɩ 'ka 'lɛ ɔla lɛglɛa bholilɩɛ bhɔ ɩya ma 'ka 'lɛ ɛla gbalɩɛa 'nu na, Laagɔ 'la wɔlɩa ‑ɩ ‑zizieo 'lɛ na cɩ 'ka 'kʋglalɩ, saa ɔ solui 'lɛ ɔla lobhocuoa ‑ɔ ‑glɩ 'lɛ Laagɔnekʋnyɩtɛnya* na.
8Na, ‑blɩɩzɔan ‑ʋ 'wlʋlʋa 'lɛ ‑laagɔɔn 'nyɩ n 'nua 'lɛ na, ya ‑awlɛɛn solu 'nyɩ ʋ ya 'cla lebhe: «Mʋ ɩya ‑n 'ma ‑afluwucoa ‑a ‑kalɩɔ 'lɛ, 'nyɩ 'bhlaandleea ‑ɔ 'nylugo 'lɛ gea ɩya ‑dʋdʋa 'kʋ na, ‑ka 'lɛ wlɩɩn na.» 9N ya 'bhlaandleea 'bɩɩnmʋnʋ 'nyɩ n yɔɔ bhibhie le ɔ 'nyɩnɩɩn ‑afluwucoa. Ɔ yaan 'cla lebhe: «'Maa ɩya ‑n lia. A cɩ 'kɔɔ nɩkplaan ‑sie, ‑ma a cɩ 'kɔɔ neen mɛma le ‑nʋngʋ 'bhisa.» 10Na, n ya 'bhlaandleea ‑afluwucoa wlɩɩn 'ma 'nyɩ n yaa li. A mɛnɩa ‑amʋa neen le saa ‑nʋngʋ ‑kʋ 'lɛ na. ‑Ma daa n mlaa 'lɛ na, a yaan nɩkplaan ‑sie. 11'Nyɩ ma yaan 'cla lebhe: «Ɩ ‑fata lebhe n nyɩtɛ ‑awlɛ Laagɔ ne 'kʋ ɩya n solu 'lɔlɩ 'lɔlɩ, 'bhlɩ 'bhlɩ 'kʋ 'la ncɛlɩ, ‑goje ‑goje 'la nyɩtɛnya ɩya nyɩbhɛlɩ ‑bhutukpa.»
Currently Selected:
Ziz 10: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 10
10
‑Afluwucoa 'bhlaandleea ‑ka 'lɛ wlɩɩn na
1Na, n ya ‑daa 'tɛtɩkalɩ -bhlaandlee* bhlo 'lɩ, ɔ 'wlʋlʋa ‑laagɔɔn 'nyɩ ɔ kwlia. 'Nyukplu ‑didioa 'mɔɔ 'nyɩ ‑laagɔzadlɛ ‑didioa 'lɛ ɔla 'wlua. Ɔla 'klʋa lea le 'ylʋbhuo 'nyɩ ɔla bhɩa ‑kʋa 'lɛ le ‑kosugbalɩ 'bhisa. 2Ɔ ‑kaa ‑afluwuco bhlo wlɩɩn, a ‑kalɩɔa. Ɔ ya ɔla 'lipasɔ bhoa gea 'kʋ ‑gbɛ 'nyɩ ɔ ya 'lɛ ɔla 'daba bhoa ‑dʋdʋa 'kʋ ‑gbɛ. 3Ɔ ya nɩkplaan ‑gaa ‑bhedi 'bhisa. 'Nyɩ daa ɔ ‑gaa 'lɛ nɩkplaan na, gude ya dɩ ‑ngbɔɔsɔ gbalɩ. 4Na, daa gudea gbalɩ 'lɛ dɩ ‑ngbɔɔsɔa na, n 'matɩa le n 'kanɩa zie 'nyɩ n ya 'lɛ ‑blɩɩzɔn bhlo 'nu, ‑ʋ 'wlʋlʋa ‑laagɔɔn 'nyɩ ʋ yaan 'lɛ 'cla lebhe: «Kʋlʋ gudea 'la dɩ ‑ngbɔɔsɔa gbalɩɛa 'la wɔlɩa 'kʋ, ‑ma ‑naa zii.» 5Na, 'bhlaandleea n 'lɩa 'lɛ gea ɩya ‑dʋdʋa 'kʋ 'nylugoda na, ya ɔla 'lipasɔ sɔa ‑laagɔɔn ‑tla. 6Ɔ ya ɔmɔa ‑ɔ ‑kʋ 'lɛ 'lʋkʋlʋkʋ ɩya 'lʋkʋlʋkʋ, ‑ɔ nʋ 'lɛ ‑laagɔɔn ɩya 'yɛpɩ 'la lɩɩa 'fɩan na, ‑dʋdʋ ɩya 'ʋ 'kʋ 'la lɩɩa 'fɩan na, ge ɩya ɛla nɩkplaan 'la lɩɩa 'fɩan na, 'la 'ŋlɩa 'kʋ talɩ 'nyɩ ɔ ya cla lebhe: «Clɩɩa 'tanɩ ‑zu.» 7‑Ma clɩɩa 'kʋa ‑ngbɔɔsɔ 'bhlaandleea cɩ 'ka 'lɛ ɔla lɛglɛa bholilɩɛ bhɔ ɩya ma 'ka 'lɛ ɛla gbalɩɛa 'nu na, Laagɔ 'la wɔlɩa ‑ɩ ‑zizieo 'lɛ na cɩ 'ka 'kʋglalɩ, saa ɔ solui 'lɛ ɔla lobhocuoa ‑ɔ ‑glɩ 'lɛ Laagɔnekʋnyɩtɛnya* na.
8Na, ‑blɩɩzɔan ‑ʋ 'wlʋlʋa 'lɛ ‑laagɔɔn 'nyɩ n 'nua 'lɛ na, ya ‑awlɛɛn solu 'nyɩ ʋ ya 'cla lebhe: «Mʋ ɩya ‑n 'ma ‑afluwucoa ‑a ‑kalɩɔ 'lɛ, 'nyɩ 'bhlaandleea ‑ɔ 'nylugo 'lɛ gea ɩya ‑dʋdʋa 'kʋ na, ‑ka 'lɛ wlɩɩn na.» 9N ya 'bhlaandleea 'bɩɩnmʋnʋ 'nyɩ n yɔɔ bhibhie le ɔ 'nyɩnɩɩn ‑afluwucoa. Ɔ yaan 'cla lebhe: «'Maa ɩya ‑n lia. A cɩ 'kɔɔ nɩkplaan ‑sie, ‑ma a cɩ 'kɔɔ neen mɛma le ‑nʋngʋ 'bhisa.» 10Na, n ya 'bhlaandleea ‑afluwucoa wlɩɩn 'ma 'nyɩ n yaa li. A mɛnɩa ‑amʋa neen le saa ‑nʋngʋ ‑kʋ 'lɛ na. ‑Ma daa n mlaa 'lɛ na, a yaan nɩkplaan ‑sie. 11'Nyɩ ma yaan 'cla lebhe: «Ɩ ‑fata lebhe n nyɩtɛ ‑awlɛ Laagɔ ne 'kʋ ɩya n solu 'lɔlɩ 'lɔlɩ, 'bhlɩ 'bhlɩ 'kʋ 'la ncɛlɩ, ‑goje ‑goje 'la nyɩtɛnya ɩya nyɩbhɛlɩ ‑bhutukpa.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.