Ebl 9
9
‑Godogodogʋgwlɛa
1Na, ‑bɛka -mɛnʋa 'la gʋgwlɛa ‑kaa ɛla saa ma nʋnʋnʋa 'mɛɛ 'lɛ, ɩya gʋgwlapalʋa ‑zɔan ma nʋnʋa 'mɛɛ 'lɛ ‑wɔlʋ ‑dʋdʋa 'kʋ na. 2Ma ya ‑paaplu 'sla, ma yʋʋ nɩkplaan 'dɩ, 'nyɩ ma ya 'lɛ ‑bɛka klea ‑kplɔkplɔda la, 'yɛpɩ ‑buziigɩlʋʋa, 'tlɔnblɩa ɩya 'flawua ma vaa 'lɛ Laagɔ na ‑kʋa 'lɛ. 3'Nyɩ gbazɩa ma la 'lɛ ‑kplɔkplɔdɩa 'la ‑kplɔkplɔdaa na, ɩ ‑kʋa 'lɛ ‑mɔsɔ ‑slalaa leen. 4'Yɛpɩ ‑asɩkɛgbaatʋa 'kʋa ma sielia 'lɛ donyia na ɩya mɛnʋlakaa, ma ‑mɛɛa 'lɛ ala ‑lɩɩbhuoa ‑asɩkɛ cɩ na, ‑kʋa 'lɛ. Ama nɩkplaan ma ‑zʋa 'lɛ ‑asɩkɛdakɔa nɩkplaan lililɩɩa* ‑ɩ 'wlʋlʋ 'lɛ ‑laagɔɔn na ‑kʋa 'lɛ na, ɩya Awlɔɔn 'la ‑kpamaa ‑a ‑la 'lɛ 'takpɩa na, ɩya cɔkʋpaakpɩa 'kʋa mɛnʋa 'la ‑jlɩmaa ‑zieoa 'lɛ na. 5Tɛlɩtɛlɩlɩɩ ‑mɔsɔ, ‑ɩ ‑kʋ 'lɛ le 'bhlaandleecɩ*, 'nyɩ ‑ɩ palalɩ 'lɛ Laagɔ 'la 'klʋagba na, ‑gbɛ 'lakaa 'kʋ, 'nyɩ ɩla ‑papua 'la ‑zuzua ‑gblio 'lɛ ala 'kʋgblilʋʋa 'kʋ. ‑Ma ‑a cɩ 'ta ‑da ‑pɔtɔnʋ lʋʋ lʋʋ 'la cɩa wɔlɩ ylɛɛylɛɛ nyɩtɛ.
6Na, ‑tɛtɛa 'fɩan ‑glalɩɔnɩ 'lɛ ‑sa 'kʋ na, ‑teyiyinyaa 'ka 'lɛ mala lobholia nʋ na, ‑paaplua 'la ‑bɛka klea nɩkplaan ma ble 'lɛ clɩɩa 'fɩan. 7‑Ma ‑mɔsɔ klea nɩkplaan, ‑teyiyinyɔ ‑kpasaa bhlogbɩɩ ‑tɛɛ ‑ɔ ble 'lɛ 'yɛpɩ lio nɩkplaan, ‑bluu bhlogbɩɩ. 'Nyɩ, ɔ 'ta ‑awlɛ ‑dolu bhɛɛ le ɔ 'kʋʋ Laagɔ va, ɔmɔ 'titi 'la nyinyia ɩya 'lɔlʋa 'nɩa 'la gbʋ na, 'ɔ ble 'ta 'yɛpɩ. 8Ka ‑Kplɔkplɔ ‑Wugoa* ‑wa 'lɛ ʋ 'ka ‑sa pala lebhe ‑bɛka ‑paaplua ‑kʋ ka 'lɛ na, ‑kplɔkplɔdaa 'titi 'la ‑gugwiea 'ta ka ka ‑sɔɔ. 9‑Anɩ ‑naa ‑glɩ 'bhlɛsʋ ‑naa 'la palalɩda. Ɩ sa ‑zɔn lebhe lɩɩa ɩya ‑teyiyimlaa ma va 'lɛ Laagɔ na, 'ɩ mino 'ta ɩya ɩ 'ka ɔmɔa ‑ɔ nʋ 'lɛ 'dɛ 'la gʋgwlɛa na 'la pɔlɛa ‑kplɔ. 10Nyalilie, nʋmlanɩɛ ɩya cɩwɔlʋlɩɛ 'la wɔlɩ ɩ ‑glɩ 'lɛ. Ncaanʋnʋgbɩ bhlobhlo ɩ ‑glɩ 'lɛ, ma cɩ 'ka 'lɛ kalɩ ‑aan ɩya lɩɩa ‑tɛtɛa 'la kacidaa 'kaa 'lɛ ŋeni na.
Klisi ‑glɩ 'lɛ ‑teyiyilʋʋa
11‑Ma Klisi ya ci, ɔmɔ ‑ɔ ‑glɩ 'lɛ ‑ala ‑teyiyinyɔ ‑kpasa, 'nanɩa ‑ɩ ‑bɛ 'lɛ ‑anyɩ na, ɩla gbʋ. Ɔ ya ‑paaplua ‑ʋ 'ghli 'lɛ 'nyɩ ‑ʋ ‑glalɩɔ 'lɛ 'kʋ na nɩkplaan 'plɩlɩ. ‑Paaplu ‑naa 'ta ncɛlɩ 'la 'slasla -naanʋ ‑glɩ, ɩ sa ‑zɔn lebhe ʋ 'ta ‑laagɔzɔn ‑naa 'nʋ ‑glɩ. 12‑N 'ta 'bhɔɔnbhʋ ɩya bhliicuo 'la ‑dolu ɔ 'ta 'lɛ 'ma, ‑ma ɔmɔ 'titi ɔla ‑dolua ɔ 'ma 'lɛ, ɔ ya 'lɛ ‑kplɔkplɔdaa ble, 'nyɩ ɔ ya 'lɛ ‑anyɩ geyliin ‑sa 'kplookʋ. 13'Nyɩ ɩ ‑ka ‑kʋ lebhe 'bhɔɔnbhʋa ɩya bliiŋodiea 'la ‑dolua ɩya bhliiŋlɔa ma sie 'lɛ na 'la 'tɩtɔa, ma moni 'lɛ ncɛlɩa nyinyi ya 'lɛ kpobho na 'kʋ na, ‑ka maa mala nyinyia cɩ wɔlʋ 'nyɩ ma ‑ka ‑kplɔ na, 14'nsasa Klisi 'la ‑dolua cɩ 'taa 'lɛ ‑ala wɔɔgugwiea nʋnʋgbɩa ‑ɩ lamʋ 'lɛ 'kwɩ na cɩ wɔlʋ ɩya ʋ 'kɩɩ 'kʋ zi ɩya a kanɩ ‑JajaLaagɔa lobholɩɛ mino bha? Ɔmɔ ‑ɔ ‑sa 'lɛ ɔcɩ, 'Wugoa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'la 'tɛtɩa nɩkplaan, 'nyɩ ɔ ya 'lɛ ɔcɩ Laagɔ va, ‑teyiyimlɛa ‑ɛ 'ta 'lɛ 'bhlɛ cɩ ‑ka na 'bhisa.
Klisi 'la ‑dolua 'kʋ menʋa 'slalɩ 'lɛ
15Na, 'lɩka wɔlɩa 'la gbʋa ɔ ‑glɩ 'lɛ menʋ ‑lelua ‑aya Laagɔ li 'lɛ na, ʋla 'menisita na, le ‑ala 'ŋlɩ 'ka ʋla ‑afluwaa nɩkplaan kʋmʋ. Ɔ ya 'lɛ 'ku le nyinyia ‑ɩ ‑nʋnʋɔ 'lɛ ‑bɛka -mɛnʋa nɩkplaan na, ɩ 'ka nɩkplaankplɩlɩɛ 'lɩ na, maa Laagɔ la 'lɛ na, cɩnɩ mino 'nyɩ ma cɩnɩ ‑ajaa ɔ talɩ 'lɛ ‑ndanyɩ 'kʋ na li. 16'Nyɩ daa ‑ajaalifluwa ‑kʋ 'lɛ na, ɩ ‑fata lebhe ma 'lɩ lebhe nclɔɔa ‑ɔ nʋa 'lɛ na, ɔ 'tanɩ ‑kʋ. 17‑Masa, ‑ajaalifluwa 'la nʋnyɔa ‑ka 'ku na, dɛ a kalɩ 'lɛ 'tɛtɩ. Ɔ 'ta ka 'ku na, a 'ta 'tɛtɩ ‑ka. 18'Sɛtɛɛ bhlogbɩɩ ‑bɛka -mɛnʋa 'titi ‑ma, ʋ ka 'lɛ bhɔ na, ‑dolu 'kɔsɔ 'lɛ sa. 19Na, daa Moyizi zɛlɩ 'lɛ wɔlɩa ‑jlɩmaa bhli 'lɛ 'kʋ, 'nyɩ ɔ solu 'lɛ 'lɔlʋa ‑tɛtɛa na, ɔ ya bhliicuo ɩya 'bhɔɔnbhʋ 'la ‑dolu ɩya 'nyu 'cakalɩ, ɔ ya lokupɛlʋ ‑zalʋ sua ma la ‑izɔpʋ na 'la 'labhʋ 'ciin gʋalɩ, 'nyɩ ɔ ya 'lɛ ‑afluwaa ɩya 'lɔlʋa ‑tɛtɛa 'kʋ 'moni. 20Ɔ ya 'cla lebhe: ‑Anʋ ‑naa ‑glɩ mɛnʋa Laagɔ zʋ 'lɛ a ‑yɔɔsɔ ‑gbaaglɩɩn na ʋla ‑dolua. 21Ɩla leen, ɔ ya ‑paaplua, ɩya gʋgwladakwɩa ‑tɛtɛa ‑masɛɛ ‑dolu 'kʋ 'moni. 22‑Awlɛ, ‑jlɩmaa cla lebhe ‑dolu ‑kplɔ 'lɛ ‑tɛtɛa 'fɩan, 'nyɩ ‑dolua 'ta sakɔsɔ na, valɩɛ 'ta ‑kʋ. 23Na, nʋnʋgbɩ ‑naa ‑ka ‑laagɔɔn 'la palalɩpalalɩlɩɩa ‑kplɔ na, 'dɛndlana, ɩ ‑fata lebhe ‑laagɔɔn 'la lɩɩa 'titi 'la ‑kplɔlɩɛa 'plɩlɩ ‑teyiyilɩɛa ‑ɩ zi 'lɛ ‑anɩ ‑naa 'kʋ na nɩkplaan.
Klisi ya ‑ala nyinyia 'dɛ ‑sa
24‑Masa, ‑n 'ta ‑kplɔkplɔdaa ncɛlɩ 'sla 'lɛ, 'nyɩ ɩ palalɩ 'lɛ ‑kplɔkplɔdaa 'titi na, Klisi 'ta 'lɛ ble, ‑ma 'yɛpɩ ‑laagɔɔn 'titi ɔ ble 'lɛ, 'nyɩ ɔ 'nylugonɩ 'lɛ Laagɔ deliin ‑ala gbʋ. 25'Nyɩ ‑n 'ta ka ɔ 'ta 'lɛ 'yɛpɩ ‑kʋ le ɔ 'ka ɔcɩ dɩ ‑bhutukpa ‑salɩ le saa lio ‑ka ‑azla 'lɛ ŋeni 'nyɩ ‑teyiyinyɔ ‑kpasaa ma 'lɛ ‑dolua ʋ 'ta 'lɛ ɔ 'nʋ ‑glɩ na, 'nyɩ ɔ ble ‑kplɔkplɔdaa na. 26Sɛɛ ɩ ‑kaa ‑kʋa na, ‑laagɔzɔan 'la bhɔdaa tooto, ɔ yaanɩa dɩ ‑bhutukpa sɛlɩ. ‑Ma ‑bluu bhlogbɩɩ ɔ pala 'lɛ ɔcɩ bhɩalɩclɩɩ ‑naa nɩkplaan, le ɔ 'ka 'dɛ nyinyi ‑sa ɔmɔ 'titi ɔla ‑teyiyilɩɛa nɩkplaan.
27Na, saa ‑tɛɛa ɩ ‑nyɩɔ ncɛlɩ le ma 'kulu ‑bluu bhlogbɩɩ, 'nyɩ ɩla leen, 'tɩtɩaplalɩɛa ci 'lɛ na, 28'sɛtɛɛ bhlogbɩɩ Klisi ‑sa 'lɛ ɔcɩ ‑bluu bhlogbɩɩ, le ɔ 'ka ncaabhutukpa 'la nyinyi 'dɛ ‑sa. 'Nyɩ ɔ cɩ 'ka ‑mɔsɔda ci, ‑n tanɩ nyinyi 'la gbʋʋ, ‑ma maa ‑ɔ ‑bɛɔ 'lɛ na, mala gbʋʋnsalɩɛ 'la gbʋ.
Currently Selected:
Ebl 9: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ebl 9
9
‑Godogodogʋgwlɛa
1Na, ‑bɛka -mɛnʋa 'la gʋgwlɛa ‑kaa ɛla saa ma nʋnʋnʋa 'mɛɛ 'lɛ, ɩya gʋgwlapalʋa ‑zɔan ma nʋnʋa 'mɛɛ 'lɛ ‑wɔlʋ ‑dʋdʋa 'kʋ na. 2Ma ya ‑paaplu 'sla, ma yʋʋ nɩkplaan 'dɩ, 'nyɩ ma ya 'lɛ ‑bɛka klea ‑kplɔkplɔda la, 'yɛpɩ ‑buziigɩlʋʋa, 'tlɔnblɩa ɩya 'flawua ma vaa 'lɛ Laagɔ na ‑kʋa 'lɛ. 3'Nyɩ gbazɩa ma la 'lɛ ‑kplɔkplɔdɩa 'la ‑kplɔkplɔdaa na, ɩ ‑kʋa 'lɛ ‑mɔsɔ ‑slalaa leen. 4'Yɛpɩ ‑asɩkɛgbaatʋa 'kʋa ma sielia 'lɛ donyia na ɩya mɛnʋlakaa, ma ‑mɛɛa 'lɛ ala ‑lɩɩbhuoa ‑asɩkɛ cɩ na, ‑kʋa 'lɛ. Ama nɩkplaan ma ‑zʋa 'lɛ ‑asɩkɛdakɔa nɩkplaan lililɩɩa* ‑ɩ 'wlʋlʋ 'lɛ ‑laagɔɔn na ‑kʋa 'lɛ na, ɩya Awlɔɔn 'la ‑kpamaa ‑a ‑la 'lɛ 'takpɩa na, ɩya cɔkʋpaakpɩa 'kʋa mɛnʋa 'la ‑jlɩmaa ‑zieoa 'lɛ na. 5Tɛlɩtɛlɩlɩɩ ‑mɔsɔ, ‑ɩ ‑kʋ 'lɛ le 'bhlaandleecɩ*, 'nyɩ ‑ɩ palalɩ 'lɛ Laagɔ 'la 'klʋagba na, ‑gbɛ 'lakaa 'kʋ, 'nyɩ ɩla ‑papua 'la ‑zuzua ‑gblio 'lɛ ala 'kʋgblilʋʋa 'kʋ. ‑Ma ‑a cɩ 'ta ‑da ‑pɔtɔnʋ lʋʋ lʋʋ 'la cɩa wɔlɩ ylɛɛylɛɛ nyɩtɛ.
6Na, ‑tɛtɛa 'fɩan ‑glalɩɔnɩ 'lɛ ‑sa 'kʋ na, ‑teyiyinyaa 'ka 'lɛ mala lobholia nʋ na, ‑paaplua 'la ‑bɛka klea nɩkplaan ma ble 'lɛ clɩɩa 'fɩan. 7‑Ma ‑mɔsɔ klea nɩkplaan, ‑teyiyinyɔ ‑kpasaa bhlogbɩɩ ‑tɛɛ ‑ɔ ble 'lɛ 'yɛpɩ lio nɩkplaan, ‑bluu bhlogbɩɩ. 'Nyɩ, ɔ 'ta ‑awlɛ ‑dolu bhɛɛ le ɔ 'kʋʋ Laagɔ va, ɔmɔ 'titi 'la nyinyia ɩya 'lɔlʋa 'nɩa 'la gbʋ na, 'ɔ ble 'ta 'yɛpɩ. 8Ka ‑Kplɔkplɔ ‑Wugoa* ‑wa 'lɛ ʋ 'ka ‑sa pala lebhe ‑bɛka ‑paaplua ‑kʋ ka 'lɛ na, ‑kplɔkplɔdaa 'titi 'la ‑gugwiea 'ta ka ka ‑sɔɔ. 9‑Anɩ ‑naa ‑glɩ 'bhlɛsʋ ‑naa 'la palalɩda. Ɩ sa ‑zɔn lebhe lɩɩa ɩya ‑teyiyimlaa ma va 'lɛ Laagɔ na, 'ɩ mino 'ta ɩya ɩ 'ka ɔmɔa ‑ɔ nʋ 'lɛ 'dɛ 'la gʋgwlɛa na 'la pɔlɛa ‑kplɔ. 10Nyalilie, nʋmlanɩɛ ɩya cɩwɔlʋlɩɛ 'la wɔlɩ ɩ ‑glɩ 'lɛ. Ncaanʋnʋgbɩ bhlobhlo ɩ ‑glɩ 'lɛ, ma cɩ 'ka 'lɛ kalɩ ‑aan ɩya lɩɩa ‑tɛtɛa 'la kacidaa 'kaa 'lɛ ŋeni na.
Klisi ‑glɩ 'lɛ ‑teyiyilʋʋa
11‑Ma Klisi ya ci, ɔmɔ ‑ɔ ‑glɩ 'lɛ ‑ala ‑teyiyinyɔ ‑kpasa, 'nanɩa ‑ɩ ‑bɛ 'lɛ ‑anyɩ na, ɩla gbʋ. Ɔ ya ‑paaplua ‑ʋ 'ghli 'lɛ 'nyɩ ‑ʋ ‑glalɩɔ 'lɛ 'kʋ na nɩkplaan 'plɩlɩ. ‑Paaplu ‑naa 'ta ncɛlɩ 'la 'slasla -naanʋ ‑glɩ, ɩ sa ‑zɔn lebhe ʋ 'ta ‑laagɔzɔn ‑naa 'nʋ ‑glɩ. 12‑N 'ta 'bhɔɔnbhʋ ɩya bhliicuo 'la ‑dolu ɔ 'ta 'lɛ 'ma, ‑ma ɔmɔ 'titi ɔla ‑dolua ɔ 'ma 'lɛ, ɔ ya 'lɛ ‑kplɔkplɔdaa ble, 'nyɩ ɔ ya 'lɛ ‑anyɩ geyliin ‑sa 'kplookʋ. 13'Nyɩ ɩ ‑ka ‑kʋ lebhe 'bhɔɔnbhʋa ɩya bliiŋodiea 'la ‑dolua ɩya bhliiŋlɔa ma sie 'lɛ na 'la 'tɩtɔa, ma moni 'lɛ ncɛlɩa nyinyi ya 'lɛ kpobho na 'kʋ na, ‑ka maa mala nyinyia cɩ wɔlʋ 'nyɩ ma ‑ka ‑kplɔ na, 14'nsasa Klisi 'la ‑dolua cɩ 'taa 'lɛ ‑ala wɔɔgugwiea nʋnʋgbɩa ‑ɩ lamʋ 'lɛ 'kwɩ na cɩ wɔlʋ ɩya ʋ 'kɩɩ 'kʋ zi ɩya a kanɩ ‑JajaLaagɔa lobholɩɛ mino bha? Ɔmɔ ‑ɔ ‑sa 'lɛ ɔcɩ, 'Wugoa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'la 'tɛtɩa nɩkplaan, 'nyɩ ɔ ya 'lɛ ɔcɩ Laagɔ va, ‑teyiyimlɛa ‑ɛ 'ta 'lɛ 'bhlɛ cɩ ‑ka na 'bhisa.
Klisi 'la ‑dolua 'kʋ menʋa 'slalɩ 'lɛ
15Na, 'lɩka wɔlɩa 'la gbʋa ɔ ‑glɩ 'lɛ menʋ ‑lelua ‑aya Laagɔ li 'lɛ na, ʋla 'menisita na, le ‑ala 'ŋlɩ 'ka ʋla ‑afluwaa nɩkplaan kʋmʋ. Ɔ ya 'lɛ 'ku le nyinyia ‑ɩ ‑nʋnʋɔ 'lɛ ‑bɛka -mɛnʋa nɩkplaan na, ɩ 'ka nɩkplaankplɩlɩɛ 'lɩ na, maa Laagɔ la 'lɛ na, cɩnɩ mino 'nyɩ ma cɩnɩ ‑ajaa ɔ talɩ 'lɛ ‑ndanyɩ 'kʋ na li. 16'Nyɩ daa ‑ajaalifluwa ‑kʋ 'lɛ na, ɩ ‑fata lebhe ma 'lɩ lebhe nclɔɔa ‑ɔ nʋa 'lɛ na, ɔ 'tanɩ ‑kʋ. 17‑Masa, ‑ajaalifluwa 'la nʋnyɔa ‑ka 'ku na, dɛ a kalɩ 'lɛ 'tɛtɩ. Ɔ 'ta ka 'ku na, a 'ta 'tɛtɩ ‑ka. 18'Sɛtɛɛ bhlogbɩɩ ‑bɛka -mɛnʋa 'titi ‑ma, ʋ ka 'lɛ bhɔ na, ‑dolu 'kɔsɔ 'lɛ sa. 19Na, daa Moyizi zɛlɩ 'lɛ wɔlɩa ‑jlɩmaa bhli 'lɛ 'kʋ, 'nyɩ ɔ solu 'lɛ 'lɔlʋa ‑tɛtɛa na, ɔ ya bhliicuo ɩya 'bhɔɔnbhʋ 'la ‑dolu ɩya 'nyu 'cakalɩ, ɔ ya lokupɛlʋ ‑zalʋ sua ma la ‑izɔpʋ na 'la 'labhʋ 'ciin gʋalɩ, 'nyɩ ɔ ya 'lɛ ‑afluwaa ɩya 'lɔlʋa ‑tɛtɛa 'kʋ 'moni. 20Ɔ ya 'cla lebhe: ‑Anʋ ‑naa ‑glɩ mɛnʋa Laagɔ zʋ 'lɛ a ‑yɔɔsɔ ‑gbaaglɩɩn na ʋla ‑dolua. 21Ɩla leen, ɔ ya ‑paaplua, ɩya gʋgwladakwɩa ‑tɛtɛa ‑masɛɛ ‑dolu 'kʋ 'moni. 22‑Awlɛ, ‑jlɩmaa cla lebhe ‑dolu ‑kplɔ 'lɛ ‑tɛtɛa 'fɩan, 'nyɩ ‑dolua 'ta sakɔsɔ na, valɩɛ 'ta ‑kʋ. 23Na, nʋnʋgbɩ ‑naa ‑ka ‑laagɔɔn 'la palalɩpalalɩlɩɩa ‑kplɔ na, 'dɛndlana, ɩ ‑fata lebhe ‑laagɔɔn 'la lɩɩa 'titi 'la ‑kplɔlɩɛa 'plɩlɩ ‑teyiyilɩɛa ‑ɩ zi 'lɛ ‑anɩ ‑naa 'kʋ na nɩkplaan.
Klisi ya ‑ala nyinyia 'dɛ ‑sa
24‑Masa, ‑n 'ta ‑kplɔkplɔdaa ncɛlɩ 'sla 'lɛ, 'nyɩ ɩ palalɩ 'lɛ ‑kplɔkplɔdaa 'titi na, Klisi 'ta 'lɛ ble, ‑ma 'yɛpɩ ‑laagɔɔn 'titi ɔ ble 'lɛ, 'nyɩ ɔ 'nylugonɩ 'lɛ Laagɔ deliin ‑ala gbʋ. 25'Nyɩ ‑n 'ta ka ɔ 'ta 'lɛ 'yɛpɩ ‑kʋ le ɔ 'ka ɔcɩ dɩ ‑bhutukpa ‑salɩ le saa lio ‑ka ‑azla 'lɛ ŋeni 'nyɩ ‑teyiyinyɔ ‑kpasaa ma 'lɛ ‑dolua ʋ 'ta 'lɛ ɔ 'nʋ ‑glɩ na, 'nyɩ ɔ ble ‑kplɔkplɔdaa na. 26Sɛɛ ɩ ‑kaa ‑kʋa na, ‑laagɔzɔan 'la bhɔdaa tooto, ɔ yaanɩa dɩ ‑bhutukpa sɛlɩ. ‑Ma ‑bluu bhlogbɩɩ ɔ pala 'lɛ ɔcɩ bhɩalɩclɩɩ ‑naa nɩkplaan, le ɔ 'ka 'dɛ nyinyi ‑sa ɔmɔ 'titi ɔla ‑teyiyilɩɛa nɩkplaan.
27Na, saa ‑tɛɛa ɩ ‑nyɩɔ ncɛlɩ le ma 'kulu ‑bluu bhlogbɩɩ, 'nyɩ ɩla leen, 'tɩtɩaplalɩɛa ci 'lɛ na, 28'sɛtɛɛ bhlogbɩɩ Klisi ‑sa 'lɛ ɔcɩ ‑bluu bhlogbɩɩ, le ɔ 'ka ncaabhutukpa 'la nyinyi 'dɛ ‑sa. 'Nyɩ ɔ cɩ 'ka ‑mɔsɔda ci, ‑n tanɩ nyinyi 'la gbʋʋ, ‑ma maa ‑ɔ ‑bɛɔ 'lɛ na, mala gbʋʋnsalɩɛ 'la gbʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.