Ebl 6
6
1Na, ‑a tenɩ Klisi 'la wɔlɩa ma calɩ 'lɛ ‑anyɩ ‑bɛɛ na, ɩya ‑a mʋnɩ ɩmɩa ma cɩ 'lɛ maa ɔ ‑ci 'lɛ wɔlɩ na ca na 'kʋ. ‑Ma ‑a 'la cɔlɔanɩ ‑bɛkawɔlɩa ‑ɩ ‑glɩ 'lɛ nʋnʋgbɩa ‑ɩ lamʋ 'lɛ 'kwɩ na 'la bɩkʋwlʋlɩɛ, pɔɔtɛtɛ Laagɔ 'kʋ zʋlɩɛ, 2'nyuwluzʋlɩɛ, sɩwlugbɛlɩɛ, 'kwɩɩnkʋbhue ɩya leenbhɩalɩtɩtɩa 'la wɔlɩa ma ca 'lɛ ‑anyɩ na 'kʋ. 3Laagɔ ‑ka ŋonu na, 'lɩka ɩmɩ ‑a ‑cɩ kanɩ 'lɛ nʋ na.
4Maa zezezelia ya 'lɛ ‑bɛkada kla, ‑ɔ ya 'lɛ ‑laagɔɔn 'la 'nyɩnyɩlʋʋa neencla, ‑ɔ ya 'lɛ ‑Kplɔkplɔ ‑Wugoa* 'lɩ, 5maa ‑ɔ ya 'lɛ 'lɩ lebhe Laagɔ 'la wɔɔnyɩtʋa nanɩ, ‑ɔ ya 'lɛ ‑laagɔzɔan ‑ɩ ci 'lɛ 'yɛpɩ na 'la 'tɛtɩa cibhlili, 6'nyɩ ‑sakɛ 'bhlɩmɔɔn ‑ɔ ya ‑awlɛ 'lɛ bhli na, maa cɩ 'tanɩ ‑mɔsɔda kwlacalalɩɛ mino. Sa, ka maa 'titi bhonɩ 'lɛ Laagɔ 'la 'Cʋa dabhlalɩsua 'ciin 'nyɩ ma zʋɔ 'lɛ ncɛlɩ neen le ma 'kɔɔ vla.
7Gbazɩ ‑dʋdʋ ‑ka 'nyua ‑ʋ bhlalɩ ‑azlʋʋ 'lɛ 'kʋ na 'mla, ʋla 'kʋa gologololɩɩa ‑ka 'wlʋ, ɩ ‑ka nama 'nyɩ ɩ ‑ka maa 'la gbʋa ɩ ‑goloo 'lɛ na 'nyɩ na, ka Laagɔ palɩʋ 'nyu. 8‑Ma gbazɩ 'ŋu ɩya ‑piti ‑nyinyi ‑kʋʋ 'kʋ 'wlʋ na, ʋ 'ta ‑dʋdʋ 'nanʋ ‑glɩ, ka Laagɔ cɩ 'kʋʋ 'lɛ gbalʋ 'pa ɩya bhɩalɩdaa, ʋ 'ka 'lɛ ‑kosu ‑zʋɔ.
9‑Ala ‑wawanyanyɩ, ‑a nyɩtɛ ‑saa 'bhlɩmɔɔn, ‑ma ‑a ‑ci lebhe ‑ɔ ‑glɩ 'lɛ anyɩ na, a ‑kʋ ‑gugonanɛa 'kʋ, ‑ɛ ‑glɩ 'lɛ gbʋʋnsalɩɛ 'la ‑gugwiea na. 10Laagɔ 'ta 'nyisasʋ ‑ka. Ɔ cɩ 'ta ala lobholia ɩya ala ‑walʋa a pala 'lɛ ɔla 'ŋlɩa 'la gbʋ na 'kʋbolu. ‑Walʋ ‑naa 'la gbʋa a lobhoa 'lɛ ‑kplɔkplɔnya 'nyɩ a lobho ka ‑azla 'lɛ maa na. 11‑Ma ka ‑a ‑wa 'lɛ lebhe nclɔɔ nclɔɔ kalɩ 'tɛtɩa bhlogbɩɩ ‑aan, ɩya bhɩalɩclɩɩa 'kʋ, ala pɔlɛkʋtɛlɔa 'ka 'kʋglalɩ. 12A 'la babhaa, ‑ma a dɩbalɩ maa, pɔɔtɛtɛ ɩya pɔɔklalɩɛ nɩkplaan, ‑ɔ lɩ 'lɛ 'nanɩa Laagɔ talɩ 'lɛ ‑ndanyɩ 'kʋ na.
‑Ndanyɩa Laagɔ 'ta 'lɛ na
13Daa Laagɔ taa 'lɛ Ablaamʋ ‑ndanyɩa na, nclɔɔa ‑ɔ zio 'lɛ 'kʋ, 'taa 'lɛ ‑kʋ ɩya ɔ 'kaa 'mɔɔ 'lɛ 'ŋlɩ sla ɩya ɔ 'kaa ta na, ɔmɔ 'titi ɔcɩ ɔ sla 'lɛ 'ŋlɩ, 14'nyɩ ɔ ya 'lɛ 'cla lebhe:
N ta le n cɩ 'kɔɔ 'nyupalɩ,
n cɩ 'ka ‑naa 'lɔlʋa 'ghlibholi.
15Na, Ablaamʋ ya pɔlɛ kla 'nyɩ ɔ ya ‑ndanyɩa 'lɩ, ɩ ya 'kʋglalɩ. 16Ncɛlɩ ‑ka tada ‑kʋ na, ɔmɔa ‑ɔ zi 'lɛ maa 'kʋ na, ɔla 'ŋlɩa 'kʋ ma talɩ 'lɛ 'nyɩ ‑ndanyɩa plɩ 'lɛ ‑awobhaa ‑a dɩ 'lɛ wɔlɩa nɩkplaan na. 17'Sɛtɛɛ bhlogbɩɩ, Laagɔ 'ka 'lɛ maa ‑ɔ ‑cɩ ka 'lɛ ‑ndanyɩa ‑aja 'kʋ lili na, pala lebhe wɔlɩa ɔ zʋ 'lɛ kpo 'kʋ na, 'ɩ cɩ 'ta 'dɛ 'wlʋ na, dɛ ɔ gbɩɩ 'lɛ talɩɛ 'kʋ. 18Na, ‑ndanyɩa ɩya talɩɛa ‑ɩ gbɩɩ 'lɛ 'kʋ na, ɩ ‑glɩ wɔɔcia ‑mɔsɔa ‑ɩ cɩ 'ta 'lɛ 'dɛ 'wlʋ 'nyɩ Laagɔ cɩ 'ta 'lɛ yodi nɩkplaan zʋlʋ na. Ɩ zʋ ‑anyɩ 'tɛtɩɩn 'kadieda, ‑anyɩa ‑ɔ ya 'lɛ ‑tɛtɛa 'fɩan 'cintalɩ le ‑a ka pɔlɛkʋtɛlɔa 'kʋa ɔ la 'lɛ ‑anyɩ na kpaan kla na. 19Pɔlɛkʋtɛlɔ ‑naa, ʋ ‑glɩ ‑ala da 'ligewua 'kʋa ‑ala 'pʋpʋakʋ 'slalɩɔ 'lɛ na. Ʋ 'nylugo kpaan 'nyɩ ʋ bleli ‑aslalaa nɩkplaan, 20'yɛpɩ, ‑ala gbʋ, Zozii pʋ 'lɛ 'kʋklʋʋn ɔ ya 'lɛ ble 'nyɩ Mɛlɩkɩzedɛkɩ 'bhisa, ɔ ya 'lɛ ‑teyiyinyɔ ‑kpasaa ‑ɔ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'plɩ.
Currently Selected:
Ebl 6: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ebl 6
6
1Na, ‑a tenɩ Klisi 'la wɔlɩa ma calɩ 'lɛ ‑anyɩ ‑bɛɛ na, ɩya ‑a mʋnɩ ɩmɩa ma cɩ 'lɛ maa ɔ ‑ci 'lɛ wɔlɩ na ca na 'kʋ. ‑Ma ‑a 'la cɔlɔanɩ ‑bɛkawɔlɩa ‑ɩ ‑glɩ 'lɛ nʋnʋgbɩa ‑ɩ lamʋ 'lɛ 'kwɩ na 'la bɩkʋwlʋlɩɛ, pɔɔtɛtɛ Laagɔ 'kʋ zʋlɩɛ, 2'nyuwluzʋlɩɛ, sɩwlugbɛlɩɛ, 'kwɩɩnkʋbhue ɩya leenbhɩalɩtɩtɩa 'la wɔlɩa ma ca 'lɛ ‑anyɩ na 'kʋ. 3Laagɔ ‑ka ŋonu na, 'lɩka ɩmɩ ‑a ‑cɩ kanɩ 'lɛ nʋ na.
4Maa zezezelia ya 'lɛ ‑bɛkada kla, ‑ɔ ya 'lɛ ‑laagɔɔn 'la 'nyɩnyɩlʋʋa neencla, ‑ɔ ya 'lɛ ‑Kplɔkplɔ ‑Wugoa* 'lɩ, 5maa ‑ɔ ya 'lɛ 'lɩ lebhe Laagɔ 'la wɔɔnyɩtʋa nanɩ, ‑ɔ ya 'lɛ ‑laagɔzɔan ‑ɩ ci 'lɛ 'yɛpɩ na 'la 'tɛtɩa cibhlili, 6'nyɩ ‑sakɛ 'bhlɩmɔɔn ‑ɔ ya ‑awlɛ 'lɛ bhli na, maa cɩ 'tanɩ ‑mɔsɔda kwlacalalɩɛ mino. Sa, ka maa 'titi bhonɩ 'lɛ Laagɔ 'la 'Cʋa dabhlalɩsua 'ciin 'nyɩ ma zʋɔ 'lɛ ncɛlɩ neen le ma 'kɔɔ vla.
7Gbazɩ ‑dʋdʋ ‑ka 'nyua ‑ʋ bhlalɩ ‑azlʋʋ 'lɛ 'kʋ na 'mla, ʋla 'kʋa gologololɩɩa ‑ka 'wlʋ, ɩ ‑ka nama 'nyɩ ɩ ‑ka maa 'la gbʋa ɩ ‑goloo 'lɛ na 'nyɩ na, ka Laagɔ palɩʋ 'nyu. 8‑Ma gbazɩ 'ŋu ɩya ‑piti ‑nyinyi ‑kʋʋ 'kʋ 'wlʋ na, ʋ 'ta ‑dʋdʋ 'nanʋ ‑glɩ, ka Laagɔ cɩ 'kʋʋ 'lɛ gbalʋ 'pa ɩya bhɩalɩdaa, ʋ 'ka 'lɛ ‑kosu ‑zʋɔ.
9‑Ala ‑wawanyanyɩ, ‑a nyɩtɛ ‑saa 'bhlɩmɔɔn, ‑ma ‑a ‑ci lebhe ‑ɔ ‑glɩ 'lɛ anyɩ na, a ‑kʋ ‑gugonanɛa 'kʋ, ‑ɛ ‑glɩ 'lɛ gbʋʋnsalɩɛ 'la ‑gugwiea na. 10Laagɔ 'ta 'nyisasʋ ‑ka. Ɔ cɩ 'ta ala lobholia ɩya ala ‑walʋa a pala 'lɛ ɔla 'ŋlɩa 'la gbʋ na 'kʋbolu. ‑Walʋ ‑naa 'la gbʋa a lobhoa 'lɛ ‑kplɔkplɔnya 'nyɩ a lobho ka ‑azla 'lɛ maa na. 11‑Ma ka ‑a ‑wa 'lɛ lebhe nclɔɔ nclɔɔ kalɩ 'tɛtɩa bhlogbɩɩ ‑aan, ɩya bhɩalɩclɩɩa 'kʋ, ala pɔlɛkʋtɛlɔa 'ka 'kʋglalɩ. 12A 'la babhaa, ‑ma a dɩbalɩ maa, pɔɔtɛtɛ ɩya pɔɔklalɩɛ nɩkplaan, ‑ɔ lɩ 'lɛ 'nanɩa Laagɔ talɩ 'lɛ ‑ndanyɩ 'kʋ na.
‑Ndanyɩa Laagɔ 'ta 'lɛ na
13Daa Laagɔ taa 'lɛ Ablaamʋ ‑ndanyɩa na, nclɔɔa ‑ɔ zio 'lɛ 'kʋ, 'taa 'lɛ ‑kʋ ɩya ɔ 'kaa 'mɔɔ 'lɛ 'ŋlɩ sla ɩya ɔ 'kaa ta na, ɔmɔ 'titi ɔcɩ ɔ sla 'lɛ 'ŋlɩ, 14'nyɩ ɔ ya 'lɛ 'cla lebhe:
N ta le n cɩ 'kɔɔ 'nyupalɩ,
n cɩ 'ka ‑naa 'lɔlʋa 'ghlibholi.
15Na, Ablaamʋ ya pɔlɛ kla 'nyɩ ɔ ya ‑ndanyɩa 'lɩ, ɩ ya 'kʋglalɩ. 16Ncɛlɩ ‑ka tada ‑kʋ na, ɔmɔa ‑ɔ zi 'lɛ maa 'kʋ na, ɔla 'ŋlɩa 'kʋ ma talɩ 'lɛ 'nyɩ ‑ndanyɩa plɩ 'lɛ ‑awobhaa ‑a dɩ 'lɛ wɔlɩa nɩkplaan na. 17'Sɛtɛɛ bhlogbɩɩ, Laagɔ 'ka 'lɛ maa ‑ɔ ‑cɩ ka 'lɛ ‑ndanyɩa ‑aja 'kʋ lili na, pala lebhe wɔlɩa ɔ zʋ 'lɛ kpo 'kʋ na, 'ɩ cɩ 'ta 'dɛ 'wlʋ na, dɛ ɔ gbɩɩ 'lɛ talɩɛ 'kʋ. 18Na, ‑ndanyɩa ɩya talɩɛa ‑ɩ gbɩɩ 'lɛ 'kʋ na, ɩ ‑glɩ wɔɔcia ‑mɔsɔa ‑ɩ cɩ 'ta 'lɛ 'dɛ 'wlʋ 'nyɩ Laagɔ cɩ 'ta 'lɛ yodi nɩkplaan zʋlʋ na. Ɩ zʋ ‑anyɩ 'tɛtɩɩn 'kadieda, ‑anyɩa ‑ɔ ya 'lɛ ‑tɛtɛa 'fɩan 'cintalɩ le ‑a ka pɔlɛkʋtɛlɔa 'kʋa ɔ la 'lɛ ‑anyɩ na kpaan kla na. 19Pɔlɛkʋtɛlɔ ‑naa, ʋ ‑glɩ ‑ala da 'ligewua 'kʋa ‑ala 'pʋpʋakʋ 'slalɩɔ 'lɛ na. Ʋ 'nylugo kpaan 'nyɩ ʋ bleli ‑aslalaa nɩkplaan, 20'yɛpɩ, ‑ala gbʋ, Zozii pʋ 'lɛ 'kʋklʋʋn ɔ ya 'lɛ ble 'nyɩ Mɛlɩkɩzedɛkɩ 'bhisa, ɔ ya 'lɛ ‑teyiyinyɔ ‑kpasaa ‑ɔ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'plɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.