Gal 5
5
Klisi ‑sa 'lɛ ‑anyɩ geyliin
1Ka Klisi ‑sa 'lɛ ‑anyɩ geyliin, le ‑a kanɩ ‑ncɩkalɩnya 'titi 'plɩ. Na, a kla kpaan ɩya a 'la 'talɩa acɩ 'ciin ɩya ma 'la cala anyɩ geyliin. 2‑Amʋ Pɔlʋ, n cla anyɩ lebhe: Ɩ ‑ka ‑kʋ lebhe a ‑ka gba 'nyɩ ma ‑ka anyɩ 'kʋdɩ na, 'dɛndlana, ɩmɩa Klisi nʋnʋ 'lɛ anyɩ kpʋkpʋʋn na, cɩ 'tanɩ anyɩ lʋʋ ‑ylɛylɛ ‑lalɩ. 3'Nyɩ n cla ‑awlɛ ncaatʋtʋʋntʋa ‑ɔ gba 'lɛ 'nyɩ ma ‑dɩɔ 'lɛ 'kʋ na lebhe ɩ ‑fata lebhe ɔ 'plɩlɩnɩ ‑jlɩmaa ‑tɛtɛa 'kʋ. 4Ɩ ‑ka ‑kʋ lebhe a ‑ka ala 'kʋnylugolulɩɛa ‑jlɩmaa 'la 'kʋplɩlɩlɩɛ nɩkplaan zʋ na, a -ya Klisi ya cɩsasalɩ. Laagɔ 'la 'nanɩa 'tanɩ anɩ ‑glɩ. 5Ma ‑ɔ ‑glɩ 'lɛ ‑anyɩ na, 'Wugoa 'la 'tɛtɩa nɩkplaan, ‑a ‑bɛlɩ 'lɛ pɔlɛkʋtɛlɔ nɩkplaan le kʋnylugolilɩɛa, pɔɔtɛtɛ gba 'lɛ 'nyɩ ‑a lɩ 'lɛ na, 'ka 'kʋglalɩ. 6Sa, ɔmɔa ‑ɔ ‑kʋ 'lɛ Zozi Klisi nɩkplaan na, ‑ka ɔ 'dɩɔ 'kʋ ‑aana ka ɔ 'ta 'kʋ ‑dɩɔo na, ɩ 'ta wɔlɩ ‑ylɛylɛ ‑glɩ: Ɩmɩa ‑ɩ ‑glɩ 'lɛ wɔlɩ na, ɩmɩ ‑glɩ 'lɛ pɔɔtɛtɛa ɛla nʋnʋgbɩa 'slalɩɔ 'lɛ ‑walʋ 'kʋ na.
7A yaa 'nanɩ bhɔ! Na, ncaasaa ‑ɔ 'dɩa 'lɛ anyɩ ‑gugwieen le a 'la kanɩ ‑nʋawlɛa gɩlɩlɩɛ mino bha? 8Ɩmɩ ‑naa, 'ta ɔmɔa ‑ɔ la 'lɛ anyɩ na, 'la nʋnʋgbɩ ‑glɩ. 9'Zɩ* 'pɛ 'nyɩ ‑falia flu 'lɛ. 10Amʋ, n ‑ka ala pɔɔtɛtɛ ‑Kwlenyɔa 'ŋlɩa nɩkplaan lebhe a cɩ 'ta ‑buunsa gugu. ‑Ma ɔmɔa ‑ɔ gblogblolu 'lɛ anyɩ na, saa 'fɩan ɔ cɩ 'lɛ ‑kʋkʋlʋ na, ɔ cɩ 'ka ɩla gbaylɩsalɩɛa 'lɩ. 11Bholiecɩnyɩ, ɔ ‑glɩ 'lɛ ‑amʋ na, ɩ ‑ka ‑kʋ lebhe n plici ka 'kʋdɩlɩɛ na, 'lɩsaa 'la gbʋ n lɩnɩa ‑awlɛ 'lɛ gbaylɩsalɩɛ bha? N ‑kaa 'kʋdɩlɩɛ plici na, dabhlalɩsua 'ciin 'la wɔlɩa cɩ 'tanɩa ncɛlɩ 'wlu kokolu. 12Na, maa ‑ɔ gblogblolu 'lɛ anyɩ na, 'naa ma mʋ ‑aan ɩya ma bhɔtʋa maa 'titi macɩ.
'Nyɛkɛa ɩya 'Wugoa
13Anyɩ, bholiecɩnyɩ, ka Laagɔ la 'lɛ anyɩ le a 'ka ‑ncɩkalɩɛ 'lɩ. Ka ‑tɛɛ, ‑ncɩkalɩɛ ‑naa 'la 'nyɩa 'nyɛkɛa 'la nʋnʋgbɩa ‑jioli. ‑Ma, ‑walʋ nɩkplaan nclɔɔ nclɔɔ 'plɩ ɔ 'yu 'la geyu. 14Sa, wɔɔnyɩtʋ ‑naa bhlogbɩɩ nɩkplaan ‑jlɩmaa ‑tɛtɛa kolu 'lɛ 'wlu: Wabha ‑n 'yʋ le saa ‑n ‑wa 'lɛ ‑ncɩ na. 15‑Ma ɩ ‑ka ‑kʋ lebhe a 'ka mlimlini ɩya a ‑ka acɩ 'bhlabhlalɩ na, a zʋlʋ pɔlɛ 'kʋ: Ka anyɩ bhlobhlo cɩ 'ka 'lɛ nyumonyumonu. 16N nabhe: A namʋnʋ 'Wugoa 'la 'tɛtɩa nɩkplaan ɩya a 'la 'ka lɩɩa 'la 'tʋa ‑ʋ bhla 'lɛ 'nyɛkɛa na, nʋ. 17Sa 'nyɛkɛa 'la lɩɩa ‑ɩ ‑kɛɛ 'lɛ 'tʋ na mʋnʋ 'Wugoa 'nɩa gbatlɩ 'nyɩ 'Wugoa 'la lɩɩa ‑ɩ 'kʋʋ 'lɛ 'tʋ na, mʋnʋ 'lɛ 'nyɛkɛa 'nɩa gbatlɩ. 'Ɩ ‑mɔsɔa 'plɩ 'ta bhlo. Na, a mino 'ta ɩya a 'ka ala 'wluuan wɔlɩ nʋ. 18‑Ma 'Wugoa ‑ka anyɩ kpa na, a 'tanɩ ‑jlɩmaa ‑zɔn ‑kʋ. 19'Nyɛkɛa 'la nʋnʋgbɩa, ‑a ‑jlɩɩ wɩaan: 'Wɩwɩ, ‑badaaglu, 20‑zliigʋgwlɛ, gɔzɛ, ‑zɔbhɛlɩzʋ, neenkɛkɛlɩlɩɛ, woze, dɔgbɛ, ncɩkʋtɩtɔlʋlɩɛ, nɩkplaandolɩɛ, 'tɩtʋɛ, 21'cizagbɛ, nʋmlalɩɛ, pɔɔbhlagbɩ ɩya 'sɛ 'la ‑buun nʋnʋgbɩa 'fɩan. Saa n bhlia 'lɛ 'k tooto na, n bho anyɩ ɩla ‑kɔkɔ lebhe ɩla nʋnyaa cɩ 'ta ‑laagɔɔn 'la Nyɩbhɛlɩdua* ‑aja 'kʋ lili. 22‑Ma 'lɩka 'Wugoa 'la 'caa ʋ tlʋ 'lɛ na: ‑Walʋ, pɔlɛkʋmɛnɔ, pupue, pɔlɛsaslalɩɛ, gbɩnanɔ, 'nanɩnʋlɩɛ, ‑delikʋtɛlɔ 23pɔɔwɔtɛ, ncɩkʋklalɩɛ. ‑Jlɩmaa ‑ylɛylɛ mʋnʋ 'ta ‑anɩ ‑naa gbatlɩ. 24Maa ‑ɔ ‑glɩ 'lɛ Klisi 'nʋa na, ma ya 'nyɛkɛa ‑ya ɛla ‑wawalɩɩa dabhlalɩsua 'ciinbho. 25N, ɩ ‑ka ‑kʋ lebhe 'Wugoa 'nyɩ 'lɛ ‑anyɩ jabhʋa na, 'naa ‑aya namʋnʋ 'Wugoa namʋnʋ cɩ. 26‑Ma -a 'la kpolia gbɩɩn, ‑a 'la 'matɩmatɩlɩa gbɩ 'kʋ ɩya ‑a 'la ‑plalɩplalɩa woze 'kʋ.
Currently Selected:
Gal 5: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Gal 5
5
Klisi ‑sa 'lɛ ‑anyɩ geyliin
1Ka Klisi ‑sa 'lɛ ‑anyɩ geyliin, le ‑a kanɩ ‑ncɩkalɩnya 'titi 'plɩ. Na, a kla kpaan ɩya a 'la 'talɩa acɩ 'ciin ɩya ma 'la cala anyɩ geyliin. 2‑Amʋ Pɔlʋ, n cla anyɩ lebhe: Ɩ ‑ka ‑kʋ lebhe a ‑ka gba 'nyɩ ma ‑ka anyɩ 'kʋdɩ na, 'dɛndlana, ɩmɩa Klisi nʋnʋ 'lɛ anyɩ kpʋkpʋʋn na, cɩ 'tanɩ anyɩ lʋʋ ‑ylɛylɛ ‑lalɩ. 3'Nyɩ n cla ‑awlɛ ncaatʋtʋʋntʋa ‑ɔ gba 'lɛ 'nyɩ ma ‑dɩɔ 'lɛ 'kʋ na lebhe ɩ ‑fata lebhe ɔ 'plɩlɩnɩ ‑jlɩmaa ‑tɛtɛa 'kʋ. 4Ɩ ‑ka ‑kʋ lebhe a ‑ka ala 'kʋnylugolulɩɛa ‑jlɩmaa 'la 'kʋplɩlɩlɩɛ nɩkplaan zʋ na, a -ya Klisi ya cɩsasalɩ. Laagɔ 'la 'nanɩa 'tanɩ anɩ ‑glɩ. 5Ma ‑ɔ ‑glɩ 'lɛ ‑anyɩ na, 'Wugoa 'la 'tɛtɩa nɩkplaan, ‑a ‑bɛlɩ 'lɛ pɔlɛkʋtɛlɔ nɩkplaan le kʋnylugolilɩɛa, pɔɔtɛtɛ gba 'lɛ 'nyɩ ‑a lɩ 'lɛ na, 'ka 'kʋglalɩ. 6Sa, ɔmɔa ‑ɔ ‑kʋ 'lɛ Zozi Klisi nɩkplaan na, ‑ka ɔ 'dɩɔ 'kʋ ‑aana ka ɔ 'ta 'kʋ ‑dɩɔo na, ɩ 'ta wɔlɩ ‑ylɛylɛ ‑glɩ: Ɩmɩa ‑ɩ ‑glɩ 'lɛ wɔlɩ na, ɩmɩ ‑glɩ 'lɛ pɔɔtɛtɛa ɛla nʋnʋgbɩa 'slalɩɔ 'lɛ ‑walʋ 'kʋ na.
7A yaa 'nanɩ bhɔ! Na, ncaasaa ‑ɔ 'dɩa 'lɛ anyɩ ‑gugwieen le a 'la kanɩ ‑nʋawlɛa gɩlɩlɩɛ mino bha? 8Ɩmɩ ‑naa, 'ta ɔmɔa ‑ɔ la 'lɛ anyɩ na, 'la nʋnʋgbɩ ‑glɩ. 9'Zɩ* 'pɛ 'nyɩ ‑falia flu 'lɛ. 10Amʋ, n ‑ka ala pɔɔtɛtɛ ‑Kwlenyɔa 'ŋlɩa nɩkplaan lebhe a cɩ 'ta ‑buunsa gugu. ‑Ma ɔmɔa ‑ɔ gblogblolu 'lɛ anyɩ na, saa 'fɩan ɔ cɩ 'lɛ ‑kʋkʋlʋ na, ɔ cɩ 'ka ɩla gbaylɩsalɩɛa 'lɩ. 11Bholiecɩnyɩ, ɔ ‑glɩ 'lɛ ‑amʋ na, ɩ ‑ka ‑kʋ lebhe n plici ka 'kʋdɩlɩɛ na, 'lɩsaa 'la gbʋ n lɩnɩa ‑awlɛ 'lɛ gbaylɩsalɩɛ bha? N ‑kaa 'kʋdɩlɩɛ plici na, dabhlalɩsua 'ciin 'la wɔlɩa cɩ 'tanɩa ncɛlɩ 'wlu kokolu. 12Na, maa ‑ɔ gblogblolu 'lɛ anyɩ na, 'naa ma mʋ ‑aan ɩya ma bhɔtʋa maa 'titi macɩ.
'Nyɛkɛa ɩya 'Wugoa
13Anyɩ, bholiecɩnyɩ, ka Laagɔ la 'lɛ anyɩ le a 'ka ‑ncɩkalɩɛ 'lɩ. Ka ‑tɛɛ, ‑ncɩkalɩɛ ‑naa 'la 'nyɩa 'nyɛkɛa 'la nʋnʋgbɩa ‑jioli. ‑Ma, ‑walʋ nɩkplaan nclɔɔ nclɔɔ 'plɩ ɔ 'yu 'la geyu. 14Sa, wɔɔnyɩtʋ ‑naa bhlogbɩɩ nɩkplaan ‑jlɩmaa ‑tɛtɛa kolu 'lɛ 'wlu: Wabha ‑n 'yʋ le saa ‑n ‑wa 'lɛ ‑ncɩ na. 15‑Ma ɩ ‑ka ‑kʋ lebhe a 'ka mlimlini ɩya a ‑ka acɩ 'bhlabhlalɩ na, a zʋlʋ pɔlɛ 'kʋ: Ka anyɩ bhlobhlo cɩ 'ka 'lɛ nyumonyumonu. 16N nabhe: A namʋnʋ 'Wugoa 'la 'tɛtɩa nɩkplaan ɩya a 'la 'ka lɩɩa 'la 'tʋa ‑ʋ bhla 'lɛ 'nyɛkɛa na, nʋ. 17Sa 'nyɛkɛa 'la lɩɩa ‑ɩ ‑kɛɛ 'lɛ 'tʋ na mʋnʋ 'Wugoa 'nɩa gbatlɩ 'nyɩ 'Wugoa 'la lɩɩa ‑ɩ 'kʋʋ 'lɛ 'tʋ na, mʋnʋ 'lɛ 'nyɛkɛa 'nɩa gbatlɩ. 'Ɩ ‑mɔsɔa 'plɩ 'ta bhlo. Na, a mino 'ta ɩya a 'ka ala 'wluuan wɔlɩ nʋ. 18‑Ma 'Wugoa ‑ka anyɩ kpa na, a 'tanɩ ‑jlɩmaa ‑zɔn ‑kʋ. 19'Nyɛkɛa 'la nʋnʋgbɩa, ‑a ‑jlɩɩ wɩaan: 'Wɩwɩ, ‑badaaglu, 20‑zliigʋgwlɛ, gɔzɛ, ‑zɔbhɛlɩzʋ, neenkɛkɛlɩlɩɛ, woze, dɔgbɛ, ncɩkʋtɩtɔlʋlɩɛ, nɩkplaandolɩɛ, 'tɩtʋɛ, 21'cizagbɛ, nʋmlalɩɛ, pɔɔbhlagbɩ ɩya 'sɛ 'la ‑buun nʋnʋgbɩa 'fɩan. Saa n bhlia 'lɛ 'k tooto na, n bho anyɩ ɩla ‑kɔkɔ lebhe ɩla nʋnyaa cɩ 'ta ‑laagɔɔn 'la Nyɩbhɛlɩdua* ‑aja 'kʋ lili. 22‑Ma 'lɩka 'Wugoa 'la 'caa ʋ tlʋ 'lɛ na: ‑Walʋ, pɔlɛkʋmɛnɔ, pupue, pɔlɛsaslalɩɛ, gbɩnanɔ, 'nanɩnʋlɩɛ, ‑delikʋtɛlɔ 23pɔɔwɔtɛ, ncɩkʋklalɩɛ. ‑Jlɩmaa ‑ylɛylɛ mʋnʋ 'ta ‑anɩ ‑naa gbatlɩ. 24Maa ‑ɔ ‑glɩ 'lɛ Klisi 'nʋa na, ma ya 'nyɛkɛa ‑ya ɛla ‑wawalɩɩa dabhlalɩsua 'ciinbho. 25N, ɩ ‑ka ‑kʋ lebhe 'Wugoa 'nyɩ 'lɛ ‑anyɩ jabhʋa na, 'naa ‑aya namʋnʋ 'Wugoa namʋnʋ cɩ. 26‑Ma -a 'la kpolia gbɩɩn, ‑a 'la 'matɩmatɩlɩa gbɩ 'kʋ ɩya ‑a 'la ‑plalɩplalɩa woze 'kʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.