Efz 6
6
'Cuo ɩya mala valɩnya ‑gbaaglɩɩn 'la wɔlɩ
1'Cuonyɩ, a zʋ ala valɩnya, ‑Kwlenyɔ nɩkplaan, sa ɩ ‑gɩlɩɔ 'ciin na. 2'Nyɩ ‑n 'nɔ ɩya ‑n to 'klʋ, ɩ ‑glɩ ‑bɛka ‑jlɩmaa ‑ndanyɩtalɩɛ ‑gbɛ 'lɛ 'kʋ na, 3ɩya ‑n ka 'nanɩ kʋ ɩya ‑n ka ‑dʋdʋa 'kʋ ‑gwlɛlɩ. 4'Cuotocɩnyɩ, a 'la zʋa a 'la 'cuoa dɔgbɛɛn, ‑ma a lolulu maa dɩgalɩcalɩɛ ɩya 'bɩsalɩɛa ‑ɩ 'wlʋlʋ 'lɛ ‑Kwlenyɔ wlɩɩn na nɩkplaan.
Geye ɩya mala kalɩnya ‑gbaaglɩɩn 'la wɔlɩ
5Anyɩ geyea, a zʋ ala ‑dʋdʋ 'kʋ 'la kalɩnyaa, cɩtɩtɛlɩlɩɛ ɩya pɔɔnanɛ nɩkplaan, le saa a zʋ 'lɛ Klisi na. 6A 'la ‑bɛa le nclɔɔ 'la 'ci 'ka anyɩ 'kʋ kʋ 'fɩɔn, le saa a 'matɩa 'lɛ lebhe a 'ka ncɛlɩ 'tʋpla na, ‑ma le Klisi 'la geye, ‑ɔ vi 'lɛ ‑nwɔ le ‑ɔ ka Laagɔ 'la pɔɔsa nʋ na 'bhisa. 7A vi ‑nwɔ ɩya a lobho maa le saa a lobhoa 'lɛ Klwenyɔa na, ‑ma ɩ 'la 'plɩa le saa a lobhoa 'lɛ ncɛlɩ na 'bhisa. 8Ɩya a cibhlili lebhe nclɔɔ nclɔɔ cɩ 'ka 'nanɩa ɔ ya 'lɛ nʋ na, ɩla dluuplʋlɩɛa ‑Kwlenyɔ cɩ 'lɩlɩ, -ɔ 'plɩmʋ geyu ‑aana ‑ncɩkalɩnyɔ.
9Anyɩ geye 'la kalɩnyaa ‑ma, a nʋmʋ maa sɛɛ bhlogbɩɩ. A 'la zalalɩa maa 'ci, ‑ma a cibhlili lebhe aya maasɔ 'la kalɩnyɔa kʋ ‑laagɔɔn 'nyɩ 'ɔ gbazlɩlɩ 'ta nɩkplaan.
Pɔɔtɛtɛ 'la tavʋlɩɛ
10Na, n 'ka 'lɛ 'wluko na, n cla anyɩ lebhe a 'manɩ 'tɛtɩ ‑Kwlenyɔ 'la 'tɛtɩ 'kadɩa nɩkplaan. 11A zʋ tavʋlɩɩa 'fɩan Laagɔ nyɩ 'lɛ na cɩ, ɩya a 'ka mino, a 'ka 'nyuglo kpaan, gɔzɛ 'la ‑kplakpla -nʋnʋgbɩa 'kʋklʋʋn. 12Sa ‑n 'ta ‑aya ‑dolu ɩya 'nyɛkɛa 'tɩtɔ 'ta 'lɛ, ‑ma 'tɛtɩa ‑ɩ ‑ka 'lɛ ‑jioli ɩya ‑kwleliea na, ‑aya 'tɛtɩa ‑ɩ ‑kwle 'lɛ 'tutua ɩya devlowugwi ‑ɩ ‑kʋ 'lɛ ‑laagɔa nɩkplaan na, ‑ayɩɩsɩ 'tɩtɔ 'lɛ. 13Ɩla gbʋ na, a 'ma Laagɔ 'la tavʋlɩɩa, ɩya clɩɩ ‑nyinyia nɩkplaan, a 'ka mino a 'ka 'tɩtɔ ɩya ‑tɛtɛa 'fɩan ‑ka 'wluko na, a 'ka 'nylugo kpaan.
14Na, a 'nylugo kpaan! A gʋalɩ ‑nʋawlɛ acɩ cɩ 'bɛtʋ 'bhisa, a 'ma 'kʋnylugolulɩɛ, a wɔlɩ ala dinia 'kʋ 15ɩya Dɩnanɩa* ‑ɩ ‑lamʋ 'lɛ pupue na, a zʋ ɩla ‑salɩɛa 'la 'tʋa kpliin le ‑gbanbʋɩ 'bhisa. 16A ‑gbɛ ɩmɩ ‑naa ‑tɛtɛa 'fɩan 'kʋ pɔɔtɛtɛ 'la ‑jɩpɛa. Ɛmɛ ‑ɛ -cɩ ka 'lɛ gba ɩya a 'ka gɔzɛ 'la 'papalɩɩa ‑tɛtɛa ‑ɩ bhu 'lɛ na ŋomu. 17A zʋ gbʋʋnsalɩɛ 'la tavʋkpoonkpoa ɩya a 'ma 'Wugoa 'la tavʋlɛtɛa, ɩ sa ‑zɔn le Laagɔ 'la wɔɔnyɩtʋa.
18Na, ‑tɛtɛa 'fɩan nɩkplaan, a bhibhie ɩya a 'clalɩ. A bhibhieli clɩɩa ‑tɛtɛa 'Wugoa 'la klalɩlɩɛa nɩkplaan. Ɩla gbʋ na, a gblɩbhalɩ, a vi ‑nwɔ, a bhibhie ‑kplɔkplɔnyaa ‑tɛtɛa 'la da. 19A bhibhie ‑amʋ ‑ma 'na da, ɩya Laagɔ 'kaan wɔɔnyɩtʋa neen zʋ ɩya ‑delikʋtɛlɔ nɩkplaan, n 'ka gba ɩya ncɛlɩ 'ka Dɩnanɩa 'la wɔlɩa ‑ɩ ‑zizieo 'lɛ na, cibhlili. 20N ‑glɩ Dɩnanɩa 'la fanyɔa ‑ɔ ‑gʋɔ 'lɛ na. Na, a bhibhie ɩya n 'ka Dɩnanɩ ‑naa nɩkplaan ‑delikʋtɛlɔa ɩ ‑fata 'lɛ lebhe n kalɩ na 'lɩlɩ, ɩya n 'ka saa ɩ ‑fata 'lɛ lebhe n nyɩtɛ ɩla cɩa wɔlɩa na nyɩtɛ.
Bhɩalɩ ‑ayopalɩɛ
21Na, anyɩ ‑ma, a 'ka 'lɛ saa n ‑kʋkʋlʋ 'lɛ ɩya ɩmɩa n nʋ na cibhlili na, Tisiki, n bholia n ‑wa 'lɛ 'nyɩ ‑ɔ ‑glɩ 'lɛ ‑Kwlenyɔa 'la ‑nʋawlɛlobhoco na, ɔ cɩ 'ka anyɩ 'dɩa ‑tɛtɛa ‑sa. 22Ka n lobhuo 'lɛ anyɩ 'bhlɩ ‑gblɩgblɩsa le ɔ 'ka anyɩ -ala daa ‑a 'nylugolu 'lɛ na 'la wɔlɩa solu ɩya ɔ 'ka anyɩ pɔlɛɛn zʋ.
23Bholiecɩnyɩ, 'naa To Laagɔ ɩya ‑Kwlenyɔ Zozi Klisi 'nyɩ anyɩ pupue, ‑walʋ ɩya pɔɔtɛtɛ! 24'Naa Laagɔ 'la 'nyupalɩɛa kʋ maa 'fɩan ‑ɔ ‑wa 'lɛ ‑ala ‑Kwlenyɔ Zozi Klisi ‑walʋa ‑ʋ bhɩa 'ta 'lɛ na 'kʋ.
Currently Selected:
Efz 6: NTLD13
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Efz 6
6
'Cuo ɩya mala valɩnya ‑gbaaglɩɩn 'la wɔlɩ
1'Cuonyɩ, a zʋ ala valɩnya, ‑Kwlenyɔ nɩkplaan, sa ɩ ‑gɩlɩɔ 'ciin na. 2'Nyɩ ‑n 'nɔ ɩya ‑n to 'klʋ, ɩ ‑glɩ ‑bɛka ‑jlɩmaa ‑ndanyɩtalɩɛ ‑gbɛ 'lɛ 'kʋ na, 3ɩya ‑n ka 'nanɩ kʋ ɩya ‑n ka ‑dʋdʋa 'kʋ ‑gwlɛlɩ. 4'Cuotocɩnyɩ, a 'la zʋa a 'la 'cuoa dɔgbɛɛn, ‑ma a lolulu maa dɩgalɩcalɩɛ ɩya 'bɩsalɩɛa ‑ɩ 'wlʋlʋ 'lɛ ‑Kwlenyɔ wlɩɩn na nɩkplaan.
Geye ɩya mala kalɩnya ‑gbaaglɩɩn 'la wɔlɩ
5Anyɩ geyea, a zʋ ala ‑dʋdʋ 'kʋ 'la kalɩnyaa, cɩtɩtɛlɩlɩɛ ɩya pɔɔnanɛ nɩkplaan, le saa a zʋ 'lɛ Klisi na. 6A 'la ‑bɛa le nclɔɔ 'la 'ci 'ka anyɩ 'kʋ kʋ 'fɩɔn, le saa a 'matɩa 'lɛ lebhe a 'ka ncɛlɩ 'tʋpla na, ‑ma le Klisi 'la geye, ‑ɔ vi 'lɛ ‑nwɔ le ‑ɔ ka Laagɔ 'la pɔɔsa nʋ na 'bhisa. 7A vi ‑nwɔ ɩya a lobho maa le saa a lobhoa 'lɛ Klwenyɔa na, ‑ma ɩ 'la 'plɩa le saa a lobhoa 'lɛ ncɛlɩ na 'bhisa. 8Ɩya a cibhlili lebhe nclɔɔ nclɔɔ cɩ 'ka 'nanɩa ɔ ya 'lɛ nʋ na, ɩla dluuplʋlɩɛa ‑Kwlenyɔ cɩ 'lɩlɩ, -ɔ 'plɩmʋ geyu ‑aana ‑ncɩkalɩnyɔ.
9Anyɩ geye 'la kalɩnyaa ‑ma, a nʋmʋ maa sɛɛ bhlogbɩɩ. A 'la zalalɩa maa 'ci, ‑ma a cibhlili lebhe aya maasɔ 'la kalɩnyɔa kʋ ‑laagɔɔn 'nyɩ 'ɔ gbazlɩlɩ 'ta nɩkplaan.
Pɔɔtɛtɛ 'la tavʋlɩɛ
10Na, n 'ka 'lɛ 'wluko na, n cla anyɩ lebhe a 'manɩ 'tɛtɩ ‑Kwlenyɔ 'la 'tɛtɩ 'kadɩa nɩkplaan. 11A zʋ tavʋlɩɩa 'fɩan Laagɔ nyɩ 'lɛ na cɩ, ɩya a 'ka mino, a 'ka 'nyuglo kpaan, gɔzɛ 'la ‑kplakpla -nʋnʋgbɩa 'kʋklʋʋn. 12Sa ‑n 'ta ‑aya ‑dolu ɩya 'nyɛkɛa 'tɩtɔ 'ta 'lɛ, ‑ma 'tɛtɩa ‑ɩ ‑ka 'lɛ ‑jioli ɩya ‑kwleliea na, ‑aya 'tɛtɩa ‑ɩ ‑kwle 'lɛ 'tutua ɩya devlowugwi ‑ɩ ‑kʋ 'lɛ ‑laagɔa nɩkplaan na, ‑ayɩɩsɩ 'tɩtɔ 'lɛ. 13Ɩla gbʋ na, a 'ma Laagɔ 'la tavʋlɩɩa, ɩya clɩɩ ‑nyinyia nɩkplaan, a 'ka mino a 'ka 'tɩtɔ ɩya ‑tɛtɛa 'fɩan ‑ka 'wluko na, a 'ka 'nylugo kpaan.
14Na, a 'nylugo kpaan! A gʋalɩ ‑nʋawlɛ acɩ cɩ 'bɛtʋ 'bhisa, a 'ma 'kʋnylugolulɩɛ, a wɔlɩ ala dinia 'kʋ 15ɩya Dɩnanɩa* ‑ɩ ‑lamʋ 'lɛ pupue na, a zʋ ɩla ‑salɩɛa 'la 'tʋa kpliin le ‑gbanbʋɩ 'bhisa. 16A ‑gbɛ ɩmɩ ‑naa ‑tɛtɛa 'fɩan 'kʋ pɔɔtɛtɛ 'la ‑jɩpɛa. Ɛmɛ ‑ɛ -cɩ ka 'lɛ gba ɩya a 'ka gɔzɛ 'la 'papalɩɩa ‑tɛtɛa ‑ɩ bhu 'lɛ na ŋomu. 17A zʋ gbʋʋnsalɩɛ 'la tavʋkpoonkpoa ɩya a 'ma 'Wugoa 'la tavʋlɛtɛa, ɩ sa ‑zɔn le Laagɔ 'la wɔɔnyɩtʋa.
18Na, ‑tɛtɛa 'fɩan nɩkplaan, a bhibhie ɩya a 'clalɩ. A bhibhieli clɩɩa ‑tɛtɛa 'Wugoa 'la klalɩlɩɛa nɩkplaan. Ɩla gbʋ na, a gblɩbhalɩ, a vi ‑nwɔ, a bhibhie ‑kplɔkplɔnyaa ‑tɛtɛa 'la da. 19A bhibhie ‑amʋ ‑ma 'na da, ɩya Laagɔ 'kaan wɔɔnyɩtʋa neen zʋ ɩya ‑delikʋtɛlɔ nɩkplaan, n 'ka gba ɩya ncɛlɩ 'ka Dɩnanɩa 'la wɔlɩa ‑ɩ ‑zizieo 'lɛ na, cibhlili. 20N ‑glɩ Dɩnanɩa 'la fanyɔa ‑ɔ ‑gʋɔ 'lɛ na. Na, a bhibhie ɩya n 'ka Dɩnanɩ ‑naa nɩkplaan ‑delikʋtɛlɔa ɩ ‑fata 'lɛ lebhe n kalɩ na 'lɩlɩ, ɩya n 'ka saa ɩ ‑fata 'lɛ lebhe n nyɩtɛ ɩla cɩa wɔlɩa na nyɩtɛ.
Bhɩalɩ ‑ayopalɩɛ
21Na, anyɩ ‑ma, a 'ka 'lɛ saa n ‑kʋkʋlʋ 'lɛ ɩya ɩmɩa n nʋ na cibhlili na, Tisiki, n bholia n ‑wa 'lɛ 'nyɩ ‑ɔ ‑glɩ 'lɛ ‑Kwlenyɔa 'la ‑nʋawlɛlobhoco na, ɔ cɩ 'ka anyɩ 'dɩa ‑tɛtɛa ‑sa. 22Ka n lobhuo 'lɛ anyɩ 'bhlɩ ‑gblɩgblɩsa le ɔ 'ka anyɩ -ala daa ‑a 'nylugolu 'lɛ na 'la wɔlɩa solu ɩya ɔ 'ka anyɩ pɔlɛɛn zʋ.
23Bholiecɩnyɩ, 'naa To Laagɔ ɩya ‑Kwlenyɔ Zozi Klisi 'nyɩ anyɩ pupue, ‑walʋ ɩya pɔɔtɛtɛ! 24'Naa Laagɔ 'la 'nyupalɩɛa kʋ maa 'fɩan ‑ɔ ‑wa 'lɛ ‑ala ‑Kwlenyɔ Zozi Klisi ‑walʋa ‑ʋ bhɩa 'ta 'lɛ na 'kʋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.