Kols 2
2
1Na, n ‑wa lebhe a cibhlili takadiea n vʋ 'lɛ aya Laodiseedua 'kʋ ‑naanʋa, ɩya maa ‑tɛtɛa, anyɩ 'bhisa ‑ɔ 'ta ka ‑azlaan 'lɛ ‑bɛkada 'ciin 'lɩ na, 'la gbʋ na. 2Ka n ‑wa 'lɛ lebhe mala pɔlɩa kʋ kpaan, ma 'plɩ bhlo ‑walʋ nɩkplaan, dɩgalɩa ‑tɛtɛa yeli maa ɩya ma cibhlili Laagɔ 'la wɔlɩa ‑ɩ ‑zizie 'lɛ na. Ɩmɩ ‑ɩ ‑glɩ 'lɛ Klisi. 3Ɔmɔ nɩkplaan dɩgalɩ ɩya wɔɔcibhlilie 'la 'nanɩa ‑tɛtɛa ‑zizieo 'lɛ. 4Ka n nyɩtɛ 'lɛ ɩmɩ ‑naa ɩya nclɔɔ bhlogbɩɩ 'la ka neenmɛnɔ 'ma ɩya ɔ 'la ka anyɩ 'nyiglili. 5N ‑ci lebhe n tlʋ anyɩ cɩ ‑da 'bhlɩɩ, ‑ma 'wugoon n ‑kʋ anyɩ cɩ, 'nyɩ ɩ mɛnɩɩn pɔlɛ 'kʋ, saa n lɩ 'lɛ lebhe a 'nylugo ala daa, 'nyɩ ala pɔɔtɛtɛa a ‑zʋɔ 'lɛ Klisi 'kʋ na ‑kʋ kpaan na.
‑Tɛtɛa 'fɩan ‑kʋ Klisi nɩkplaan
6Na, a yanɩ 'lɛ ŋonu 'nyɩ a ya 'lɛ Zozi Klisi 'ma le ala ‑Kwlenyɔ na, a gɩnɩ ɔla ‑gugwiea 'ciin. 7A 'palɩɔ ‑sikplii nɩkplaan ɩya ala jabhʋa ‑tɛtɛa 'slalɩɔ 'kʋ. A 'nylugo pɔɔtɛtɛa nɩkplaan kpaan, saa ma ca 'lɛ anyɩ na, ɩya a bhɔlʋ Laagɔ ‑gbɔɔn. 8A zʋlʋ pɔlɛ 'kʋ, ɩya nclɔɔ bhlogbɩɩ 'la 'maa tokadɔcɩa 'la ‑jlɩmaa ɩya ɔ 'la 'nyiglilia anyɩ. Sa ‑n 'ta Klisi 'la cacawɔlɩa 'kʋ a 'ta 'lɛ 'slalɩɔ, ‑ma tokadɔcɩa ɩya 'tɛtɩa ‑ɩ ‑kwle 'lɛ ‑laagɔzɔan 'la cacawɔlɩ 'kʋ. 9Sa Laagɔ 'la ‑lɩɩbhuoa ‑kʋ Klisi 'la 'nyɛkɛa nɩkplaan, 10'nyɩ anyɩ, ɔmɔ nɩkplaan a 'lɩlɩ 'lɛ 'nanɩa ‑tɛtɛa. Ɔmɔ ‑ɔ ‑glɩ 'lɛ ‑kwleliea ‑tɛtɛa ɩya 'tɛtɩa ‑tɛtɛa ɩ to.
11‑Awlɛ, ɔmɔ nɩkplaan a 'dɩlɩɔ 'lɛ 'kʋ, 'nyɩ 'kʋdɩlɩɛ ‑naa ‑ɩ 'ta ncaasɔ 'nɩ ‑glɩ. Ɩmɩ ‑ɩ sa 'lɛ anyɩ 'nyɛkɛa 'la ‑abhɔlɛnʋnʋgbɩa cɩ. 'Lɩka Klisi 'la 'kʋdɩlɩɛa. 12Na, a ‑yɔɔsɔ ya 'lɛ ‑gluu ‑zʋɔ, ala 'nyuwluzʋlɩɛa nɩkplaan na, a ‑yɔɔsɔ ya ‑awlɛ 'kwɩɩnkʋbho, ‑masa a ‑ka Laagɔ 'la 'tɛtɩa ‑ɩ ‑bhoo 'lɛ 'kwɩɩn 'kʋ na, ɩla pɔɔtɛtɛ na. 13'Nyɩ anyɩa ‑ɔ ‑kuoa 'lɛ, ala nyinyia ɩya ala 'nyɛkɛa ‑ɛ 'ta 'lɛ 'kʋdɩɔ na ɩla gbʋ na, Laagɔ ya a ‑ya Klisi jabhʋa 'nyɩ.
Ɔ ya ‑anyɩ ‑ala nyinyia ‑tɛtɛa va.
14Ɔ ya ‑afluwaa ‑jlɩmaa 'plɩlɩa 'lɛ 'kʋ
'nyɩ a gɩa 'lɛ ‑anyɩ wɔlɩa 'kʋ na 'dɛ ‑sa.
Ɔ yaa 'nyɔtɔ 'nyɩ ɔ yaa 'lɛ dabhlalɩsua 'ciin bho.
15Ɔ ya ‑kwlelie ɩya ‑kwletɛtɩ 'dʋʋnsa.
Ɔ yɩɩ ncɛlɩa 'fɩan 'ci 'kʋ sʋkpalɩ,
'nyɩ ɔ yɩɩ ɔla 'Cʋa ‑ɔ ‑sɩa 'lɛ na 'la ‑dɔlʋa leen sajlijlili.
16Na, nclɔɔ bhlogbɩɩ 'la ‑planɩ anyɩ 'tɩtɩ, ‑ɩ ‑glɩ 'lɛ nyɩ, nʋ, 'fɛtlɩcɩ, ‑aana 'cʋa ‑ʋ wlʋ 'lɛ, ɩya nyɔkwɛclɩɩ* na 'la gbʋ. 17Sa ɩmɩ ‑naa ‑tɛtɛa ‑glɩ ɩmɩa ‑ɩ ‑cɩ ka 'lɛ ci na 'la palalɩlɩɛ, ‑ma Klisi ‑glɩ 'lɛ 'titia. 18Na, a 'la 'talɩa acɩ 'cin ɩya ncɛlɩa ‑ɔ ‑wa 'lɛ macɩ ‑dʋdʋkʋlalɩɛ 'bhlaandleecɩa* ‑deliin, 'nyɩ ‑ɔ gʋgwla 'lɛ maa na, 'la gɩa anyɩ wɔlɩ 'kʋ. Lɩɩa ma lɩ 'lɛ claan na, ka ma lɩɩ 'lɛ mala 'ciin 'la wɔlɩ, 'nyɩ mala ncaawɔɔgugwiea yeli 'lɛ maa ‑tutule, 19maya Klisi 'ta ‑kakalɩ. 'Bhlɩmɔɔn ɔmɔ ‑ɔ ‑glɩ 'lɛ 'wlua ‑ʋ lolu 'lɛ 'nyɛkɛ bhuoa na, ɔmɔ ‑ɔ gba 'lɛ 'nyɩ ɛla 'kʋgɩlɩdɩa ɩya tlia ‑kakalɩ 'lɛ nebhlo, 'nyɩ ɛ 'ghlibholi 'lɛ saa Laagɔ ‑wa 'lɛ na.
A kʋlʋ Klisi bhlo
20Aya Klisi yanɩ 'lɛ 'ku, 'nyɩ a ya 'lɛ ‑laagɔzɔan 'la lɩɩa 'la ‑kwleliea ‑zɔn 'wlʋ na, 'lɩsaa 'la gbʋ a 'plɩlɩ ka ‑azla 'lɛ ɩla ‑jlɩmaa 'kʋ le saa a ‑kʋlʋ ka ‑azla 'lɛ ‑laagɔzɔan na bha? 21Ma cla anyɩ lebhe: «‑Naa 'maa, ‑naa claaneen, ‑naa klaa cɩ». 22Ɩmɩ ‑naa ‑tɛtɛa, 'plɩplɩlɩɩ ɩ ‑glɩ 'lɛ. Ncɛlɩ 'la ‑jlɩmaa ɩya mala cacawɔlɩ ɩ ‑glɩ 'lɛ. 23Na, ‑ɩ -glɩ 'lɛ gʋgwlɛa nclɔɔ 'titi zʋ 'lɛ kpo 'kʋ, ‑ncɩ ‑dʋdʋ 'kʋ ‑lalɩɛ, ɩya ‑ncɩ gbaylɩsalɩɛ na, ɩmɩ ‑naa ‑tɛtɛa cɩ pala le dɩgalɩwɔlɩ 'bhlɩɩ, ‑ma 'kpɔkpɔ bhlobhlo ɩ ‑glɩ 'lɛ, sa 'nyɛkɛa ɩ pla 'lɛ 'tʋ na.
Currently Selected:
Kols 2: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Kols 2
2
1Na, n ‑wa lebhe a cibhlili takadiea n vʋ 'lɛ aya Laodiseedua 'kʋ ‑naanʋa, ɩya maa ‑tɛtɛa, anyɩ 'bhisa ‑ɔ 'ta ka ‑azlaan 'lɛ ‑bɛkada 'ciin 'lɩ na, 'la gbʋ na. 2Ka n ‑wa 'lɛ lebhe mala pɔlɩa kʋ kpaan, ma 'plɩ bhlo ‑walʋ nɩkplaan, dɩgalɩa ‑tɛtɛa yeli maa ɩya ma cibhlili Laagɔ 'la wɔlɩa ‑ɩ ‑zizie 'lɛ na. Ɩmɩ ‑ɩ ‑glɩ 'lɛ Klisi. 3Ɔmɔ nɩkplaan dɩgalɩ ɩya wɔɔcibhlilie 'la 'nanɩa ‑tɛtɛa ‑zizieo 'lɛ. 4Ka n nyɩtɛ 'lɛ ɩmɩ ‑naa ɩya nclɔɔ bhlogbɩɩ 'la ka neenmɛnɔ 'ma ɩya ɔ 'la ka anyɩ 'nyiglili. 5N ‑ci lebhe n tlʋ anyɩ cɩ ‑da 'bhlɩɩ, ‑ma 'wugoon n ‑kʋ anyɩ cɩ, 'nyɩ ɩ mɛnɩɩn pɔlɛ 'kʋ, saa n lɩ 'lɛ lebhe a 'nylugo ala daa, 'nyɩ ala pɔɔtɛtɛa a ‑zʋɔ 'lɛ Klisi 'kʋ na ‑kʋ kpaan na.
‑Tɛtɛa 'fɩan ‑kʋ Klisi nɩkplaan
6Na, a yanɩ 'lɛ ŋonu 'nyɩ a ya 'lɛ Zozi Klisi 'ma le ala ‑Kwlenyɔ na, a gɩnɩ ɔla ‑gugwiea 'ciin. 7A 'palɩɔ ‑sikplii nɩkplaan ɩya ala jabhʋa ‑tɛtɛa 'slalɩɔ 'kʋ. A 'nylugo pɔɔtɛtɛa nɩkplaan kpaan, saa ma ca 'lɛ anyɩ na, ɩya a bhɔlʋ Laagɔ ‑gbɔɔn. 8A zʋlʋ pɔlɛ 'kʋ, ɩya nclɔɔ bhlogbɩɩ 'la 'maa tokadɔcɩa 'la ‑jlɩmaa ɩya ɔ 'la 'nyiglilia anyɩ. Sa ‑n 'ta Klisi 'la cacawɔlɩa 'kʋ a 'ta 'lɛ 'slalɩɔ, ‑ma tokadɔcɩa ɩya 'tɛtɩa ‑ɩ ‑kwle 'lɛ ‑laagɔzɔan 'la cacawɔlɩ 'kʋ. 9Sa Laagɔ 'la ‑lɩɩbhuoa ‑kʋ Klisi 'la 'nyɛkɛa nɩkplaan, 10'nyɩ anyɩ, ɔmɔ nɩkplaan a 'lɩlɩ 'lɛ 'nanɩa ‑tɛtɛa. Ɔmɔ ‑ɔ ‑glɩ 'lɛ ‑kwleliea ‑tɛtɛa ɩya 'tɛtɩa ‑tɛtɛa ɩ to.
11‑Awlɛ, ɔmɔ nɩkplaan a 'dɩlɩɔ 'lɛ 'kʋ, 'nyɩ 'kʋdɩlɩɛ ‑naa ‑ɩ 'ta ncaasɔ 'nɩ ‑glɩ. Ɩmɩ ‑ɩ sa 'lɛ anyɩ 'nyɛkɛa 'la ‑abhɔlɛnʋnʋgbɩa cɩ. 'Lɩka Klisi 'la 'kʋdɩlɩɛa. 12Na, a ‑yɔɔsɔ ya 'lɛ ‑gluu ‑zʋɔ, ala 'nyuwluzʋlɩɛa nɩkplaan na, a ‑yɔɔsɔ ya ‑awlɛ 'kwɩɩnkʋbho, ‑masa a ‑ka Laagɔ 'la 'tɛtɩa ‑ɩ ‑bhoo 'lɛ 'kwɩɩn 'kʋ na, ɩla pɔɔtɛtɛ na. 13'Nyɩ anyɩa ‑ɔ ‑kuoa 'lɛ, ala nyinyia ɩya ala 'nyɛkɛa ‑ɛ 'ta 'lɛ 'kʋdɩɔ na ɩla gbʋ na, Laagɔ ya a ‑ya Klisi jabhʋa 'nyɩ.
Ɔ ya ‑anyɩ ‑ala nyinyia ‑tɛtɛa va.
14Ɔ ya ‑afluwaa ‑jlɩmaa 'plɩlɩa 'lɛ 'kʋ
'nyɩ a gɩa 'lɛ ‑anyɩ wɔlɩa 'kʋ na 'dɛ ‑sa.
Ɔ yaa 'nyɔtɔ 'nyɩ ɔ yaa 'lɛ dabhlalɩsua 'ciin bho.
15Ɔ ya ‑kwlelie ɩya ‑kwletɛtɩ 'dʋʋnsa.
Ɔ yɩɩ ncɛlɩa 'fɩan 'ci 'kʋ sʋkpalɩ,
'nyɩ ɔ yɩɩ ɔla 'Cʋa ‑ɔ ‑sɩa 'lɛ na 'la ‑dɔlʋa leen sajlijlili.
16Na, nclɔɔ bhlogbɩɩ 'la ‑planɩ anyɩ 'tɩtɩ, ‑ɩ ‑glɩ 'lɛ nyɩ, nʋ, 'fɛtlɩcɩ, ‑aana 'cʋa ‑ʋ wlʋ 'lɛ, ɩya nyɔkwɛclɩɩ* na 'la gbʋ. 17Sa ɩmɩ ‑naa ‑tɛtɛa ‑glɩ ɩmɩa ‑ɩ ‑cɩ ka 'lɛ ci na 'la palalɩlɩɛ, ‑ma Klisi ‑glɩ 'lɛ 'titia. 18Na, a 'la 'talɩa acɩ 'cin ɩya ncɛlɩa ‑ɔ ‑wa 'lɛ macɩ ‑dʋdʋkʋlalɩɛ 'bhlaandleecɩa* ‑deliin, 'nyɩ ‑ɔ gʋgwla 'lɛ maa na, 'la gɩa anyɩ wɔlɩ 'kʋ. Lɩɩa ma lɩ 'lɛ claan na, ka ma lɩɩ 'lɛ mala 'ciin 'la wɔlɩ, 'nyɩ mala ncaawɔɔgugwiea yeli 'lɛ maa ‑tutule, 19maya Klisi 'ta ‑kakalɩ. 'Bhlɩmɔɔn ɔmɔ ‑ɔ ‑glɩ 'lɛ 'wlua ‑ʋ lolu 'lɛ 'nyɛkɛ bhuoa na, ɔmɔ ‑ɔ gba 'lɛ 'nyɩ ɛla 'kʋgɩlɩdɩa ɩya tlia ‑kakalɩ 'lɛ nebhlo, 'nyɩ ɛ 'ghlibholi 'lɛ saa Laagɔ ‑wa 'lɛ na.
A kʋlʋ Klisi bhlo
20Aya Klisi yanɩ 'lɛ 'ku, 'nyɩ a ya 'lɛ ‑laagɔzɔan 'la lɩɩa 'la ‑kwleliea ‑zɔn 'wlʋ na, 'lɩsaa 'la gbʋ a 'plɩlɩ ka ‑azla 'lɛ ɩla ‑jlɩmaa 'kʋ le saa a ‑kʋlʋ ka ‑azla 'lɛ ‑laagɔzɔan na bha? 21Ma cla anyɩ lebhe: «‑Naa 'maa, ‑naa claaneen, ‑naa klaa cɩ». 22Ɩmɩ ‑naa ‑tɛtɛa, 'plɩplɩlɩɩ ɩ ‑glɩ 'lɛ. Ncɛlɩ 'la ‑jlɩmaa ɩya mala cacawɔlɩ ɩ ‑glɩ 'lɛ. 23Na, ‑ɩ -glɩ 'lɛ gʋgwlɛa nclɔɔ 'titi zʋ 'lɛ kpo 'kʋ, ‑ncɩ ‑dʋdʋ 'kʋ ‑lalɩɛ, ɩya ‑ncɩ gbaylɩsalɩɛ na, ɩmɩ ‑naa ‑tɛtɛa cɩ pala le dɩgalɩwɔlɩ 'bhlɩɩ, ‑ma 'kpɔkpɔ bhlobhlo ɩ ‑glɩ 'lɛ, sa 'nyɛkɛa ɩ pla 'lɛ 'tʋ na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.