3 Zaan 1
1
‑Ayopalɩɛ
1Gayusu, ‑mɔ 'na ‑wawanagɔa n ‑wa ‑nʋawlɛɛsa na, ‑amʋ ncaakpasaa, ‑ɔ zieo 'lɛ.
2'Na ‑wawanagɔ, n ‑wa lebhe ‑naa nʋnʋgbɩa ‑tɛtɛa nama, ɩya ‑naa 'nyɛkɛa nɩkplaan kalɩ 'tɛtɩ le saa ‑naa 'wugoa nɩkplaan ‑ka 'lɛ 'tɛtɩ na.
Zaan falɩ Gayusu 'ŋwleen
3Daa -a bholiecɩa ci 'lɛ ‑wɔlʋ 'nyɩ ma li 'lɛ ‑nʋawlɛa ma 'lɩlɩɔ 'lɛ nɩkplaan na, ɛla ‑danʋfʋɛ na, pɔlɛ 'kʋ yaan mɛma ‑gbɔɔn. ‑N namʋnʋ ‑zaagbʋsa ‑nʋawlɛ nɩkplaan. 4‑N ‑ka 'nu lebhe 'na 'cuo namʋnʋ ‑nʋawlɛ nɩkplaan na, ɩ ‑glɩ 'na pɔlɛkʋmɛnɔ 'kadie.
5'Na ‑wawanagɔ, ɩmɩa 'fɩan ‑n nʋ 'lɛ bholiecɩa 'la gbʋ na, bholiecɩ ‑naa, ‑ɔ ‑glɩ 'lɛ lowie ‑ma na, ɩ pala lebhe ma cɩɔ ‑deli 'kʋ 'tɛbhalɩ. 6Ma ya ‑naa dananɔa 'la wɔlɩa nyɩtɛ Laagɔpalʋa 'la 'klʋʋn. Na, ‑n ‑ka maa klalɩ 'nyɩ ma ‑ka mala ‑gugwiea bhli, saa ɩ ‑ŋwa 'lɛ 'kʋ Laagɔ 'ci 'kʋ na, ‑n ya 'nanɩ nʋ.
7Sa Klisi 'la 'ŋlɩa 'la gbʋ ma 'ma 'lɛ ‑gugwiea, 'nyɩ ma 'ta maa ‑ɔ 'ta 'lɛ Laagɔ ‑ci na lʋʋ ‑ylɛylɛ 'clalɩ. 8Na, ɩ ‑fata lebhe ‑anyɩ, ‑a klalɩ ncɛlɩ ‑naa, ɩya ɩ 'ka pala lebhe nebhloo ‑a nʋnʋ 'lɛ ‑nʋawlɛ 'la 'kʋklʋʋnmʋlɩɛa 'la lobholia.
‑Naa 'manɩa ‑abhɔlɛnyaa 'kʋ
9N ya Laagɔpalʋa ‑aflupɛ zie. ‑Ma nclɔɔa ma la 'lɛ Diotlɛfʋ, 'nyɩ ‑ɔ ‑wa 'lɛ lebhe ‑ɔ ka lɩɩa 'fɩan 'kʋklʋʋn kʋ na, 'ɔ bu 'ta ‑anyɩ. 10Na, n ‑ka ci na, n cɩ 'kɔɔ ‑zɔnsa. Ɔ nyɩtɛlɩ ‑anyɩ wɔɔnyinyia ‑tɛtɛa cɩ, 'nyɩ ɩmɩ ‑naa bhlili 'tɔɔ pɔlɛɛn, ‑ma ɔ ŋonu 'ta ‑awlɛ ɩya ɔ 'ka bholiecɩa kla, 'nyɩ maa ‑ɔ ‑wa 'lɛ lebhe ‑ɔ cɩ maa kla na, ɔ 'nyɩ 'ta 'lɛ maa ‑gugwie 'nyɩ ɔ tli 'lɛ maa Laagɔpaanyaa sidiin. 11'Na ‑wawanagɔ, ‑naa 'manɩa ‑abhɔlɛnyaa 'kʋ, ‑ma 'maa kope 'nanɩnʋnyaa 'ciin. Sa ɔmɔa ‑ɔ nʋ 'lɛ 'nanɩ na, ɔ ‑glɩ Laagɔ 'nɔ, ‑ma ɔmɔa ‑ɔ nʋ 'lɛ ‑abhɔlɛ na, ɔ 'ta Laagɔ ‑ci.
12‑Ɔ ‑glɩ 'lɛ nclɔɔa ma la 'lɛ Demetliusu na, ncɛlɩa 'fɩan nyɩtɛ ɔla wɔɔnanɩ, 'nyɩ ‑ɩ ‑glɩ ‑nʋawlɛ. ‑Anyɩ ‑masɛɛ, ‑a li ɔla ‑danʋfʋɛ, 'nyɩ ‑n ‑ci sɛɛ lebhe ɩmɩa ‑a nyɩtɛ 'lɛ na, ɩ ‑glɩ ‑nʋawlɛ.
Bhɩalɩwɔlɩ
13N ‑kaa wɔɔbhutukpa ɩya n 'kaa ‑mɔ solu, ‑ma n 'ta ‑wa lebhe n 'kɩɩ ‑afluwaan zie. 14Sa n 'tɛlɩ pɔlɛ 'kʋ lebhe n cɩ 'ka ‑awlɛɔ clɩɩklipɛ nɩkplaan 'ciinlɩ, ɩya ‑a ka 'klʋʋn ɩya 'klʋʋn nyɩtɛlɩ. 15'Naa pupue kʋɔ cɩ. ‑N 'nagwɩɛcɩa pɔɔ ‑ayo. ‑Mɔɔ ‑masɛɛ 'maa sla ‑a 'nagwɩɛcɩa, nclɔɔ nclɔɔ 'ŋlɩ ɩya ‑n 'pamʋ maa ‑ayo.
Currently Selected:
3 Zaan 1: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
3 Zaan 1
1
‑Ayopalɩɛ
1Gayusu, ‑mɔ 'na ‑wawanagɔa n ‑wa ‑nʋawlɛɛsa na, ‑amʋ ncaakpasaa, ‑ɔ zieo 'lɛ.
2'Na ‑wawanagɔ, n ‑wa lebhe ‑naa nʋnʋgbɩa ‑tɛtɛa nama, ɩya ‑naa 'nyɛkɛa nɩkplaan kalɩ 'tɛtɩ le saa ‑naa 'wugoa nɩkplaan ‑ka 'lɛ 'tɛtɩ na.
Zaan falɩ Gayusu 'ŋwleen
3Daa -a bholiecɩa ci 'lɛ ‑wɔlʋ 'nyɩ ma li 'lɛ ‑nʋawlɛa ma 'lɩlɩɔ 'lɛ nɩkplaan na, ɛla ‑danʋfʋɛ na, pɔlɛ 'kʋ yaan mɛma ‑gbɔɔn. ‑N namʋnʋ ‑zaagbʋsa ‑nʋawlɛ nɩkplaan. 4‑N ‑ka 'nu lebhe 'na 'cuo namʋnʋ ‑nʋawlɛ nɩkplaan na, ɩ ‑glɩ 'na pɔlɛkʋmɛnɔ 'kadie.
5'Na ‑wawanagɔ, ɩmɩa 'fɩan ‑n nʋ 'lɛ bholiecɩa 'la gbʋ na, bholiecɩ ‑naa, ‑ɔ ‑glɩ 'lɛ lowie ‑ma na, ɩ pala lebhe ma cɩɔ ‑deli 'kʋ 'tɛbhalɩ. 6Ma ya ‑naa dananɔa 'la wɔlɩa nyɩtɛ Laagɔpalʋa 'la 'klʋʋn. Na, ‑n ‑ka maa klalɩ 'nyɩ ma ‑ka mala ‑gugwiea bhli, saa ɩ ‑ŋwa 'lɛ 'kʋ Laagɔ 'ci 'kʋ na, ‑n ya 'nanɩ nʋ.
7Sa Klisi 'la 'ŋlɩa 'la gbʋ ma 'ma 'lɛ ‑gugwiea, 'nyɩ ma 'ta maa ‑ɔ 'ta 'lɛ Laagɔ ‑ci na lʋʋ ‑ylɛylɛ 'clalɩ. 8Na, ɩ ‑fata lebhe ‑anyɩ, ‑a klalɩ ncɛlɩ ‑naa, ɩya ɩ 'ka pala lebhe nebhloo ‑a nʋnʋ 'lɛ ‑nʋawlɛ 'la 'kʋklʋʋnmʋlɩɛa 'la lobholia.
‑Naa 'manɩa ‑abhɔlɛnyaa 'kʋ
9N ya Laagɔpalʋa ‑aflupɛ zie. ‑Ma nclɔɔa ma la 'lɛ Diotlɛfʋ, 'nyɩ ‑ɔ ‑wa 'lɛ lebhe ‑ɔ ka lɩɩa 'fɩan 'kʋklʋʋn kʋ na, 'ɔ bu 'ta ‑anyɩ. 10Na, n ‑ka ci na, n cɩ 'kɔɔ ‑zɔnsa. Ɔ nyɩtɛlɩ ‑anyɩ wɔɔnyinyia ‑tɛtɛa cɩ, 'nyɩ ɩmɩ ‑naa bhlili 'tɔɔ pɔlɛɛn, ‑ma ɔ ŋonu 'ta ‑awlɛ ɩya ɔ 'ka bholiecɩa kla, 'nyɩ maa ‑ɔ ‑wa 'lɛ lebhe ‑ɔ cɩ maa kla na, ɔ 'nyɩ 'ta 'lɛ maa ‑gugwie 'nyɩ ɔ tli 'lɛ maa Laagɔpaanyaa sidiin. 11'Na ‑wawanagɔ, ‑naa 'manɩa ‑abhɔlɛnyaa 'kʋ, ‑ma 'maa kope 'nanɩnʋnyaa 'ciin. Sa ɔmɔa ‑ɔ nʋ 'lɛ 'nanɩ na, ɔ ‑glɩ Laagɔ 'nɔ, ‑ma ɔmɔa ‑ɔ nʋ 'lɛ ‑abhɔlɛ na, ɔ 'ta Laagɔ ‑ci.
12‑Ɔ ‑glɩ 'lɛ nclɔɔa ma la 'lɛ Demetliusu na, ncɛlɩa 'fɩan nyɩtɛ ɔla wɔɔnanɩ, 'nyɩ ‑ɩ ‑glɩ ‑nʋawlɛ. ‑Anyɩ ‑masɛɛ, ‑a li ɔla ‑danʋfʋɛ, 'nyɩ ‑n ‑ci sɛɛ lebhe ɩmɩa ‑a nyɩtɛ 'lɛ na, ɩ ‑glɩ ‑nʋawlɛ.
Bhɩalɩwɔlɩ
13N ‑kaa wɔɔbhutukpa ɩya n 'kaa ‑mɔ solu, ‑ma n 'ta ‑wa lebhe n 'kɩɩ ‑afluwaan zie. 14Sa n 'tɛlɩ pɔlɛ 'kʋ lebhe n cɩ 'ka ‑awlɛɔ clɩɩklipɛ nɩkplaan 'ciinlɩ, ɩya ‑a ka 'klʋʋn ɩya 'klʋʋn nyɩtɛlɩ. 15'Naa pupue kʋɔ cɩ. ‑N 'nagwɩɛcɩa pɔɔ ‑ayo. ‑Mɔɔ ‑masɛɛ 'maa sla ‑a 'nagwɩɛcɩa, nclɔɔ nclɔɔ 'ŋlɩ ɩya ‑n 'pamʋ maa ‑ayo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.