2 Pɩɛ 3
3
‑Kwlenyɔa cɩ 'ka ci
1'N 'nagwɩɛcɩnyɩ, 'lɩka 'na ‑mɔsɔfluwaa n zie 'lɛ anyɩ na. ‑Afluwii ‑naa ‑mɔsɔa nɩkplaan, ka n luoli 'lɛ anyɩ wɔlɩa a ‑ci 'lɛ tooto na le n 'ka gba ɩya a 'ka wɔɔgugwie 'nanɛ kalɩ. 2A luoli wɔɔnyɩtʋa ‑kplɔkplɔ Laagɔnekʋnyɩtɛnyaa* pʋ 'lɛ 'kʋklʋʋn 'nyɩ ma solu 'lɛ anyɩ na ɩya ala lobhulobhunyaa* 'la ‑jlɩmaa, ‑a ‑glɩ 'lɛ ala ‑Kwlenyɔ ɩya ala Gbʋʋnsanyɔa 'la ‑jlɩmaa na. 3Ɩ nanɩ lebhe a cibhlili ‑bɛɛ lebhe leenbhɩalɩclɩɩa nɩkplaan, ncaanyanɩlɔlʋ cɩ 'ka ‑zɔnwlʋ, ma 'ka mala saa ma ‑wa 'lɛ na nʋ 4ɩya ma 'ka anyɩ neencla lebhe: «Ɔ yawa 'cla lebhe ɔ ci 'yɛpɩ. Na 'nda ɔ ‑kʋa 'lɛ bha? Sa, daa tootoa ‑a tokadɔcɩ ‑kawa 'lɛ mʋ na, ‑tɛtɛa 'fɩan ‑kʋ ka ‑azla ɩla saa ɩ ‑kʋa 'lɛ ‑laagɔzɔan 'la bhɔdaa tooto na.» 5Ma ‑ka ‑sa nyɩtɛda ‑kʋ na, ma -boo lebhe, ‑godogodoa, Laagɔ 'la wɔɔnyɩtʋa yaa ‑laagɔɔn ɩya ‑dʋdʋ nʋ. ‑Dʋdʋa 'wlʋlʋ 'nyu nɩkplaan 'nyɩ nyuu ‑kʋʋ 'lɛ. 6'Sɛtɛɛ bhlogbɩɩ, nyuu mlaa 'lɛ ‑godogodolaagɔzɔan 'kʋ 'nyɩ ɩ ya 'lɛ nyumo. 7‑Ma, ‑ɔ ‑glɩ 'lɛ bhlɛsʋ ‑naa 'la ‑laagɔan ɩya ‑dʋdʋa na, wɔɔnyɩtʋa ‑sakasaka ‑ʋ ‑zʋɩ 'lɛ sa le 'tɩtɩplaclɩɩa 'kʋ, ‑kosu 'kɩɩ ‑sie, ɩya nyinyinʋnyaa 'ka mlɔ.
8Na, n 'nagwɩɛcɩnyɩ, wɔlɩ bhlo ‑kʋ, ɩ 'ta ‑fata lebhe a bolui 'kʋ. Ɩmɩ ‑ɩ ‑glɩ 'lɛ lebhe: ‑Kwlenyɔa 'la da, clɩɩ bhlo ‑kʋ le liowli ‑tabhli, 'nyɩ liowli ‑tabhli ‑kʋ 'lɛ le clɩɩ bhlo. 9Ncɛlɩ ‑anʋa gugu lebhe ka ‑Kwlenyɔ didleli 'lɛ ɔla ‑ndanyɩtalɩɛa 'la 'kʋglalɩlɩɛ nɩkplaan. ‑N 'ta sɛɛ ɩ 'ta 'lɛ ‑kʋ, ‑ma, anyɩ ala gbʋʋ, ɔ gbada 'lɛ, sa ɔ 'ta ‑wa lebhe anyɩa nɩkplaan, bhlogbɩɩ mlɔ na. ‑Ma, ka ɔ 'matɩ 'lɛ lebhe ncɛlɩa 'fɩan cala kwla. 10Na, ‑Kwlenyɔ 'la Clɩɩa, 'winyɔ 'bhisa 'kʋ, ɩ cɩ 'ka 'lɛ ci. 'Dɛ 'la clɩɩa 'kʋ, ‑laagɔɔn cɩ 'ka 'lɛ mlɔ 'kasɛ nɩkplaan, lɩɩa ‑tɛtɛa ‑ɩ ‑kʋ 'lɛ 'yɛpɩ na cɩ 'ka si ‑tlɛkɛtlɛkɛ 'nyɩ ‑dʋdʋa ɩya ʋla nʋnʋgbɩa ‑tɛtɛa cɩ 'ka 'lɛ ‑kosuun ‑pɔɔ. 11Na, ɩmɩ ‑naa 'fɩan cɩ 'ka 'lɛ ‑sa mlɔ na, ncaasaacɩ 'titii, a ‑waa 'lɛ lebhe a 'kaa 'plɩ bha? Ka ala kʋkʋkʋlɩɛa cɩ 'lɛ ‑kplɔ bha, ‑ma ka a cɩ 'ta 'lɛ Laagɔ 'la zʋlɩɛ kalɩ bha? 12Anyɩa ‑ɔ ‑bɛ 'lɛ 'nyɩ ‑ɔ ‑wa 'lɛ lebhe Laagɔ 'la ciclɩɩa, daa ‑kosu cɩ 'ka 'lɛ ‑laagɔa nɩkplaan 'mle 'manɩ ɩya 'yɛpɩ 'la lɩɩa ‑tɛtɛa 'ka 'lɛ si ‑tlɛkɛtlɛkɛ na, ŋeni 'faanfan na. 13Na, ka ‑a ‑bɛnɩ 'lɛ, ɔla ‑ndanyɩtalɩɛ 'la 'sasʋʋn, ‑laagɔɔn ‑lelua ɩya ‑dʋdʋ ‑lelua, daa 'kʋnylugolu lɩɩa ‑tɛɛ cɩ 'ka 'lɛ kʋ na.
A zʋlʋ pɔlɛ 'kʋ
14Na, ɩla gbʋ na, n 'nagwɩɛcɩnyɩ, ‑bɛlɩɛ ‑naa nɩkplaan, a 'sɩslɩlɩ ɩya ɔ 'ka anyɩ pupue nɩkplaan ŋeni, 'naa ala nʋnʋgbɩa ‑kplɔ, ɔmɔ ‑deliin ɩya ɔ 'la 'ka anyɩ 'gesalɩda 'lɩ. 15Ɩya, a cibhlili lebhe ‑Kwlenyɔ 'la gbadalɩɛa ‑glɩ ala gbʋʋnsalɩɛ! 'Nyɩ wɔlɩ ‑naa ‑sakasaka 'la gbʋ ‑a bholi ɩya ‑a 'nagɔ Pɔlʋ zie 'lɛ anyɩ, dɩgalɩa Laagɔ 'nyɩɔ 'lɛ na 'la 'sasʋʋn. 16Ɔla ‑afluwia 'fɩan nɩkplaan ɔ nyɩtɛ 'lɛ wɔlɩ ‑naa na, 'sɛtɛɛ bhlogbɩɩ ɔ bhli 'lɛ 'kʋ lebhe: Wɔlɩa ‑anɩ ‑kʋɩ nɩkplaan ɩ 'tɛ, 'nyɩ ncɛlɩa ‑ɔ 'ta 'lɛ wɔlɩ bhlogbɩɩ ‑ci 'nyɩ ma 'ta 'lɛ wɔlɩ ca na, sɩɩ ‑buunsa ‑zɔn, saa ‑tɛɛa ma nʋ 'lɛ Zieziewɔlɩa 'la dɩ ‑anɩ, maa 'titi 'la mlɔlɩɛa 'la gbʋ na. 17N 'nagwɩɛcɩnyɩ, 'lɩka n ya anyɩ flɩɩnzʋ: A zʋlʋ pɔlɛ 'kʋ ɩya a 'la 'talɩa acɩ 'cin a 'la 'nyɩa ncɛlɩ ‑naa ‑ɔ 'ta 'lɛ Laagɔ 'la zʋlɩɛ ‑ka 'nyɩ ‑ɔ ‑mlɔɔ 'lɛ na, ɩya ma 'la ka gba, ala ‑delikʋtɛlɔa 'la ka mlɔ. 18‑Ma, a mʋ 'kʋklʋʋn, ‑ala ‑Kwlenyɔ ɩya Gbʋʋnsanyɔ Zozi Klisi 'la ‑walʋa ɩya ɔla cibhlililiea nɩkplaan. 'Naa 'klʋagba ŋenio ‑pɔtɔnʋ ɩya 'lʋkʋlʋkʋ ɩya 'lʋkʋlʋkʋ. Ɩ kʋ sɛɛ.
Currently Selected:
2 Pɩɛ 3: NTLD13
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
2 Pɩɛ 3
3
‑Kwlenyɔa cɩ 'ka ci
1'N 'nagwɩɛcɩnyɩ, 'lɩka 'na ‑mɔsɔfluwaa n zie 'lɛ anyɩ na. ‑Afluwii ‑naa ‑mɔsɔa nɩkplaan, ka n luoli 'lɛ anyɩ wɔlɩa a ‑ci 'lɛ tooto na le n 'ka gba ɩya a 'ka wɔɔgugwie 'nanɛ kalɩ. 2A luoli wɔɔnyɩtʋa ‑kplɔkplɔ Laagɔnekʋnyɩtɛnyaa* pʋ 'lɛ 'kʋklʋʋn 'nyɩ ma solu 'lɛ anyɩ na ɩya ala lobhulobhunyaa* 'la ‑jlɩmaa, ‑a ‑glɩ 'lɛ ala ‑Kwlenyɔ ɩya ala Gbʋʋnsanyɔa 'la ‑jlɩmaa na. 3Ɩ nanɩ lebhe a cibhlili ‑bɛɛ lebhe leenbhɩalɩclɩɩa nɩkplaan, ncaanyanɩlɔlʋ cɩ 'ka ‑zɔnwlʋ, ma 'ka mala saa ma ‑wa 'lɛ na nʋ 4ɩya ma 'ka anyɩ neencla lebhe: «Ɔ yawa 'cla lebhe ɔ ci 'yɛpɩ. Na 'nda ɔ ‑kʋa 'lɛ bha? Sa, daa tootoa ‑a tokadɔcɩ ‑kawa 'lɛ mʋ na, ‑tɛtɛa 'fɩan ‑kʋ ka ‑azla ɩla saa ɩ ‑kʋa 'lɛ ‑laagɔzɔan 'la bhɔdaa tooto na.» 5Ma ‑ka ‑sa nyɩtɛda ‑kʋ na, ma -boo lebhe, ‑godogodoa, Laagɔ 'la wɔɔnyɩtʋa yaa ‑laagɔɔn ɩya ‑dʋdʋ nʋ. ‑Dʋdʋa 'wlʋlʋ 'nyu nɩkplaan 'nyɩ nyuu ‑kʋʋ 'lɛ. 6'Sɛtɛɛ bhlogbɩɩ, nyuu mlaa 'lɛ ‑godogodolaagɔzɔan 'kʋ 'nyɩ ɩ ya 'lɛ nyumo. 7‑Ma, ‑ɔ ‑glɩ 'lɛ bhlɛsʋ ‑naa 'la ‑laagɔan ɩya ‑dʋdʋa na, wɔɔnyɩtʋa ‑sakasaka ‑ʋ ‑zʋɩ 'lɛ sa le 'tɩtɩplaclɩɩa 'kʋ, ‑kosu 'kɩɩ ‑sie, ɩya nyinyinʋnyaa 'ka mlɔ.
8Na, n 'nagwɩɛcɩnyɩ, wɔlɩ bhlo ‑kʋ, ɩ 'ta ‑fata lebhe a bolui 'kʋ. Ɩmɩ ‑ɩ ‑glɩ 'lɛ lebhe: ‑Kwlenyɔa 'la da, clɩɩ bhlo ‑kʋ le liowli ‑tabhli, 'nyɩ liowli ‑tabhli ‑kʋ 'lɛ le clɩɩ bhlo. 9Ncɛlɩ ‑anʋa gugu lebhe ka ‑Kwlenyɔ didleli 'lɛ ɔla ‑ndanyɩtalɩɛa 'la 'kʋglalɩlɩɛ nɩkplaan. ‑N 'ta sɛɛ ɩ 'ta 'lɛ ‑kʋ, ‑ma, anyɩ ala gbʋʋ, ɔ gbada 'lɛ, sa ɔ 'ta ‑wa lebhe anyɩa nɩkplaan, bhlogbɩɩ mlɔ na. ‑Ma, ka ɔ 'matɩ 'lɛ lebhe ncɛlɩa 'fɩan cala kwla. 10Na, ‑Kwlenyɔ 'la Clɩɩa, 'winyɔ 'bhisa 'kʋ, ɩ cɩ 'ka 'lɛ ci. 'Dɛ 'la clɩɩa 'kʋ, ‑laagɔɔn cɩ 'ka 'lɛ mlɔ 'kasɛ nɩkplaan, lɩɩa ‑tɛtɛa ‑ɩ ‑kʋ 'lɛ 'yɛpɩ na cɩ 'ka si ‑tlɛkɛtlɛkɛ 'nyɩ ‑dʋdʋa ɩya ʋla nʋnʋgbɩa ‑tɛtɛa cɩ 'ka 'lɛ ‑kosuun ‑pɔɔ. 11Na, ɩmɩ ‑naa 'fɩan cɩ 'ka 'lɛ ‑sa mlɔ na, ncaasaacɩ 'titii, a ‑waa 'lɛ lebhe a 'kaa 'plɩ bha? Ka ala kʋkʋkʋlɩɛa cɩ 'lɛ ‑kplɔ bha, ‑ma ka a cɩ 'ta 'lɛ Laagɔ 'la zʋlɩɛ kalɩ bha? 12Anyɩa ‑ɔ ‑bɛ 'lɛ 'nyɩ ‑ɔ ‑wa 'lɛ lebhe Laagɔ 'la ciclɩɩa, daa ‑kosu cɩ 'ka 'lɛ ‑laagɔa nɩkplaan 'mle 'manɩ ɩya 'yɛpɩ 'la lɩɩa ‑tɛtɛa 'ka 'lɛ si ‑tlɛkɛtlɛkɛ na, ŋeni 'faanfan na. 13Na, ka ‑a ‑bɛnɩ 'lɛ, ɔla ‑ndanyɩtalɩɛ 'la 'sasʋʋn, ‑laagɔɔn ‑lelua ɩya ‑dʋdʋ ‑lelua, daa 'kʋnylugolu lɩɩa ‑tɛɛ cɩ 'ka 'lɛ kʋ na.
A zʋlʋ pɔlɛ 'kʋ
14Na, ɩla gbʋ na, n 'nagwɩɛcɩnyɩ, ‑bɛlɩɛ ‑naa nɩkplaan, a 'sɩslɩlɩ ɩya ɔ 'ka anyɩ pupue nɩkplaan ŋeni, 'naa ala nʋnʋgbɩa ‑kplɔ, ɔmɔ ‑deliin ɩya ɔ 'la 'ka anyɩ 'gesalɩda 'lɩ. 15Ɩya, a cibhlili lebhe ‑Kwlenyɔ 'la gbadalɩɛa ‑glɩ ala gbʋʋnsalɩɛ! 'Nyɩ wɔlɩ ‑naa ‑sakasaka 'la gbʋ ‑a bholi ɩya ‑a 'nagɔ Pɔlʋ zie 'lɛ anyɩ, dɩgalɩa Laagɔ 'nyɩɔ 'lɛ na 'la 'sasʋʋn. 16Ɔla ‑afluwia 'fɩan nɩkplaan ɔ nyɩtɛ 'lɛ wɔlɩ ‑naa na, 'sɛtɛɛ bhlogbɩɩ ɔ bhli 'lɛ 'kʋ lebhe: Wɔlɩa ‑anɩ ‑kʋɩ nɩkplaan ɩ 'tɛ, 'nyɩ ncɛlɩa ‑ɔ 'ta 'lɛ wɔlɩ bhlogbɩɩ ‑ci 'nyɩ ma 'ta 'lɛ wɔlɩ ca na, sɩɩ ‑buunsa ‑zɔn, saa ‑tɛɛa ma nʋ 'lɛ Zieziewɔlɩa 'la dɩ ‑anɩ, maa 'titi 'la mlɔlɩɛa 'la gbʋ na. 17N 'nagwɩɛcɩnyɩ, 'lɩka n ya anyɩ flɩɩnzʋ: A zʋlʋ pɔlɛ 'kʋ ɩya a 'la 'talɩa acɩ 'cin a 'la 'nyɩa ncɛlɩ ‑naa ‑ɔ 'ta 'lɛ Laagɔ 'la zʋlɩɛ ‑ka 'nyɩ ‑ɔ ‑mlɔɔ 'lɛ na, ɩya ma 'la ka gba, ala ‑delikʋtɛlɔa 'la ka mlɔ. 18‑Ma, a mʋ 'kʋklʋʋn, ‑ala ‑Kwlenyɔ ɩya Gbʋʋnsanyɔ Zozi Klisi 'la ‑walʋa ɩya ɔla cibhlililiea nɩkplaan. 'Naa 'klʋagba ŋenio ‑pɔtɔnʋ ɩya 'lʋkʋlʋkʋ ɩya 'lʋkʋlʋkʋ. Ɩ kʋ sɛɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.