2 Kolt 9
9
Laagɔ ‑wa ɔmɔa ‑ɔ 'nyɩ 'lɛ pɔlɛkʋmɛnɔɔn na
1‑Ɔ ‑glɩ 'lɛ ‑kplɔkplɔnyaa 'la klalɩlɩɛa 'lɛ na, ɩ 'tanɩ ‑fata lebhe n zie anyɩ ɩla gbʋ. 2Sa n ‑ci ala wɔɔgugwie 'nanɛa 'nyɩ n falɩ anyɩ 'ŋwleen Masedʋanɩnyaa 'ci 'kʋ. N yaa maa 'cla lebhe Akayiinyaa ‑bhɔsʋa 'yɛpɩ 'la ‑daa lioa nɩkplaan tooto 'nyɩ ala ‑nwɔviliea ya Laagɔpalɩ ‑bhutukpa 'tɛtɩ 'nyɩ. 3N lobhu ‑a bholiecɩ ‑naa anyɩ 'bhlɩ le 'ŋwleean n falɩ 'lɛ anyɩ wɔlɩ ‑naa 'kʋ na, ɩ 'la ka 'kpɔkpɔ 'plɩ, ɩya saa n 'bhlia 'lɛ 'kʋ na, ma 'ka 'lɩ lebhe a ‑bhɔsʋa ‑zaagbʋsa. 4Ɩmɩa ‑ɩ ‑kaan 'lɛ pɔɔvʋ na, ɩmɩ ‑glɩ 'lɛ lebhe ka n ‑ya Masedʋanɩnyaa ‑kaa ci 'nyɩ ma ‑kaa 'lɩ lebhe a 'ta ‑bhɔsʋa na, ‑delia ‑a 'tɛlɩ 'lɛ anyɩ 'kʋ na, cɩ 'ka ‑ala ‑zo 'plɩ, ‑ma n 'ta ‑wa lebhe n 'ka 'cla lebhe ala ‑zo. 5Na, dɛ n 'cla 'lɛ ncɩ lebhe ‑a bholiecɩa pʋ ‑anyɩ 'kʋklʋʋn anyɩ 'bhlɩ, ɩya ma 'ka ala vavalɩɩa bhɔsʋa. Ala vavalɩɩa a talɩ 'lɛ ‑ndanyɩ 'kʋ lebhe a cɩ 'nyɩ na, ma ‑kɩɩ 'wluwlalɩ na, dɛ ɩ cɩ 'ka 'lɛ pala lebhe a ya ‑zaagbʋsa acɩ 'kʋ 'wlʋ, 'nyɩ a ya 'lɛ 'nyɩ, ‑ma -n 'ta ka ma 'ta 'lɛ anyɩ 'kʋ kpɛ.
6A cibhlili lebhe: «Ɔmɔa ‑ɔ golo 'lɛ 'pɛpɛ na, 'pɛpɛ ɔ dɩ 'lɛ 'nyɩ, ɔmɔa ‑ɔ golo 'lɛ ‑gbɔɔn na, ɔ dɩ 'lɛ ‑gbɔɔn.» 7'Naa nclɔɔ nclɔɔ 'nyɩ saa ɔ ‑zʋɔ 'lɛ ɔcɩ pɔlɛɛn na, ‑n 'ta le cɩɩnkalɔɔn ‑aana 'kʋkpɛlɩɛɛn, sa Laagɔ ‑wa ɔmɔa ‑ɔ nyɩ 'lɛ pɔlɛkʋmɛnɔɔn na. 8Laagɔ 'la 'tɛtɩa cɩ gba 'nyɩ a cɩ 'nanɩa ‑tɛtɛa 'lɩ, ɩya a ‑kanɩ ɩmɩa ‑ɩ ‑ŋwa 'lɛ 'kʋ le a kalɩ clɩɩa 'fɩan na, ‑ka na, ‑buun -naanɩ 'kɩɩ 'kʋ ‑gbɛ ɩya a 'kɩɩ 'ma ɩya a 'ka nʋnʋgbɩ 'nanɩa ‑tɛtɛa nʋ. 9Sa ɩ ‑zieo lebhe: «Ɔ ya poli, ɔ ya ŋaazɩnya 'nyɩ. Ɔla 'kʋnylugolulɩɛa ‑kʋ 'lʋkʋlʋkʋ ɩya 'lʋkʋlʋkʋ.»
10Ɔmɔa ‑ɔ nyɩ 'lɛ golonyɔa gologololɩɩ ɩya liliflawo na, ɔ cɩ anyɩ ‑masɛ gologololɩɩ 'nyɩmʋ, ɔ cɩɩ zubholi 'nyɩ ɔ cɩ gba ala 'kʋnylugolulɩɛa 'la nʋnʋgbɩa cɩ zubholi. 11Ala vavalɩɩa cɩ ka gba ɩya a 'ka 'bhɛlɩ li ‑tɛtɛa 'fɩan nɩkplaan ɩya ‑ɩ ‑ka ‑anyɩ wlɩɩn 'plɩlɩ na, ncaabhutukpa 'ka Laagɔ bhɔlʋ. 12Sa vavalɩɩa 'la lobholi ‑naa 'ta ‑nʋɔ le ɩ 'ka ‑kplɔkplɔnyaa ‑mielieen ‑tɛɛ ‑sa, ‑ma ɩ 'ka ‑awlɛ gba ɩya Laagɔ 'la bhɔlʋlɩɛa 'ka 'kʋzʋlʋ. 13Ma ‑ka lobholi ‑naa 'la 'nanɩa ɩ nʋ 'lɛ maa na 'lɩ na, ma cɩ 'ka Laagɔ 'klʋgba Klisi 'la Dɩnanɩa* 'la zʋlɩɛa a ‑ka 'lɛ na, ɩya saa a ya 'lɛ ŋonu le aya maasɔ ɩya ncɛlɩa ‑tɛtɛa cɩ ala vavalɩɩa nebhlo zʋ na, ɩla gbʋ. 14Na, mala bhibhiea ma cɩ 'ka 'lɛ ala da nʋ na nɩkplaan, ma cɩ 'ka anyɩ mala ‑walʋa pala, Laagɔ 'la 'nyupalɩɛ 'kadiea ‑ɩ ŋeni 'lɛ anyɩ 'kʋ na 'la gbʋ. 15Bhɔlʋɛ ŋeni Laagɔ ɔla vavalʋʋa ‑ʋ 'ta 'lɛ 'yʋ -ka na 'la gbʋ.
Currently Selected:
2 Kolt 9: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
2 Kolt 9
9
Laagɔ ‑wa ɔmɔa ‑ɔ 'nyɩ 'lɛ pɔlɛkʋmɛnɔɔn na
1‑Ɔ ‑glɩ 'lɛ ‑kplɔkplɔnyaa 'la klalɩlɩɛa 'lɛ na, ɩ 'tanɩ ‑fata lebhe n zie anyɩ ɩla gbʋ. 2Sa n ‑ci ala wɔɔgugwie 'nanɛa 'nyɩ n falɩ anyɩ 'ŋwleen Masedʋanɩnyaa 'ci 'kʋ. N yaa maa 'cla lebhe Akayiinyaa ‑bhɔsʋa 'yɛpɩ 'la ‑daa lioa nɩkplaan tooto 'nyɩ ala ‑nwɔviliea ya Laagɔpalɩ ‑bhutukpa 'tɛtɩ 'nyɩ. 3N lobhu ‑a bholiecɩ ‑naa anyɩ 'bhlɩ le 'ŋwleean n falɩ 'lɛ anyɩ wɔlɩ ‑naa 'kʋ na, ɩ 'la ka 'kpɔkpɔ 'plɩ, ɩya saa n 'bhlia 'lɛ 'kʋ na, ma 'ka 'lɩ lebhe a ‑bhɔsʋa ‑zaagbʋsa. 4Ɩmɩa ‑ɩ ‑kaan 'lɛ pɔɔvʋ na, ɩmɩ ‑glɩ 'lɛ lebhe ka n ‑ya Masedʋanɩnyaa ‑kaa ci 'nyɩ ma ‑kaa 'lɩ lebhe a 'ta ‑bhɔsʋa na, ‑delia ‑a 'tɛlɩ 'lɛ anyɩ 'kʋ na, cɩ 'ka ‑ala ‑zo 'plɩ, ‑ma n 'ta ‑wa lebhe n 'ka 'cla lebhe ala ‑zo. 5Na, dɛ n 'cla 'lɛ ncɩ lebhe ‑a bholiecɩa pʋ ‑anyɩ 'kʋklʋʋn anyɩ 'bhlɩ, ɩya ma 'ka ala vavalɩɩa bhɔsʋa. Ala vavalɩɩa a talɩ 'lɛ ‑ndanyɩ 'kʋ lebhe a cɩ 'nyɩ na, ma ‑kɩɩ 'wluwlalɩ na, dɛ ɩ cɩ 'ka 'lɛ pala lebhe a ya ‑zaagbʋsa acɩ 'kʋ 'wlʋ, 'nyɩ a ya 'lɛ 'nyɩ, ‑ma -n 'ta ka ma 'ta 'lɛ anyɩ 'kʋ kpɛ.
6A cibhlili lebhe: «Ɔmɔa ‑ɔ golo 'lɛ 'pɛpɛ na, 'pɛpɛ ɔ dɩ 'lɛ 'nyɩ, ɔmɔa ‑ɔ golo 'lɛ ‑gbɔɔn na, ɔ dɩ 'lɛ ‑gbɔɔn.» 7'Naa nclɔɔ nclɔɔ 'nyɩ saa ɔ ‑zʋɔ 'lɛ ɔcɩ pɔlɛɛn na, ‑n 'ta le cɩɩnkalɔɔn ‑aana 'kʋkpɛlɩɛɛn, sa Laagɔ ‑wa ɔmɔa ‑ɔ nyɩ 'lɛ pɔlɛkʋmɛnɔɔn na. 8Laagɔ 'la 'tɛtɩa cɩ gba 'nyɩ a cɩ 'nanɩa ‑tɛtɛa 'lɩ, ɩya a ‑kanɩ ɩmɩa ‑ɩ ‑ŋwa 'lɛ 'kʋ le a kalɩ clɩɩa 'fɩan na, ‑ka na, ‑buun -naanɩ 'kɩɩ 'kʋ ‑gbɛ ɩya a 'kɩɩ 'ma ɩya a 'ka nʋnʋgbɩ 'nanɩa ‑tɛtɛa nʋ. 9Sa ɩ ‑zieo lebhe: «Ɔ ya poli, ɔ ya ŋaazɩnya 'nyɩ. Ɔla 'kʋnylugolulɩɛa ‑kʋ 'lʋkʋlʋkʋ ɩya 'lʋkʋlʋkʋ.»
10Ɔmɔa ‑ɔ nyɩ 'lɛ golonyɔa gologololɩɩ ɩya liliflawo na, ɔ cɩ anyɩ ‑masɛ gologololɩɩ 'nyɩmʋ, ɔ cɩɩ zubholi 'nyɩ ɔ cɩ gba ala 'kʋnylugolulɩɛa 'la nʋnʋgbɩa cɩ zubholi. 11Ala vavalɩɩa cɩ ka gba ɩya a 'ka 'bhɛlɩ li ‑tɛtɛa 'fɩan nɩkplaan ɩya ‑ɩ ‑ka ‑anyɩ wlɩɩn 'plɩlɩ na, ncaabhutukpa 'ka Laagɔ bhɔlʋ. 12Sa vavalɩɩa 'la lobholi ‑naa 'ta ‑nʋɔ le ɩ 'ka ‑kplɔkplɔnyaa ‑mielieen ‑tɛɛ ‑sa, ‑ma ɩ 'ka ‑awlɛ gba ɩya Laagɔ 'la bhɔlʋlɩɛa 'ka 'kʋzʋlʋ. 13Ma ‑ka lobholi ‑naa 'la 'nanɩa ɩ nʋ 'lɛ maa na 'lɩ na, ma cɩ 'ka Laagɔ 'klʋgba Klisi 'la Dɩnanɩa* 'la zʋlɩɛa a ‑ka 'lɛ na, ɩya saa a ya 'lɛ ŋonu le aya maasɔ ɩya ncɛlɩa ‑tɛtɛa cɩ ala vavalɩɩa nebhlo zʋ na, ɩla gbʋ. 14Na, mala bhibhiea ma cɩ 'ka 'lɛ ala da nʋ na nɩkplaan, ma cɩ 'ka anyɩ mala ‑walʋa pala, Laagɔ 'la 'nyupalɩɛ 'kadiea ‑ɩ ŋeni 'lɛ anyɩ 'kʋ na 'la gbʋ. 15Bhɔlʋɛ ŋeni Laagɔ ɔla vavalʋʋa ‑ʋ 'ta 'lɛ 'yʋ -ka na 'la gbʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.