2 Kolt 6
6
1Aya Laagɔ nʋnʋ 'lɛ lobholi nebhlo. Na, ‑a sla anyɩ 'wlu le a 'la nyumoa 'nanɩa a 'lɩlɩɔ 'lɛ wlɩɩn na. 2Sa, ɔ nabhe: «Clɩɩa 'kʋa ɩ ‑fataa 'lɛ le n ŋonuo neen na, n yɔɔ neenŋonu 'nyɩ gbʋʋnsaclɩɩa 'kʋ, n yɔɔ 'lɛ 'kʋ ci.» Na, 'lɩkanɩ ‑pɔtɔnʋ clɩɩa 'titi, 'lɩkanɩ ‑pɔtɔnʋ gbʋʋnsaclɩɩa.
3‑A 'ta ‑wa le a ka nclɔɔ bhlogbɩɩ nyinyiin fa ɩya ma 'la 'ka sɛ ‑ala lobholia wɔɔnyinyi cɩ nyɩtɛlɩ. 4'Bhlɩmɔɔn, saa 'fɩan nɩkplaan, ‑anyɩ 'titi ‑a pala lebhe Laagɔ 'la lobhocuo ‑a ‑glɩ 'lɛ, pɔɔklalɩɛ 'kadie, 'kwlɩbhɩɛ, 'ŋaazɩ, pɔɔplelie, 5gbaylɩsalɩɛ, ‑palʋʋnpalɩɛ, zɔgblɩ, sɛsʋ, ‑zelibhlalɩɛ ɩya ‑zelizlolɩɛ nɩkplaan. 6‑A namʋnʋ ‑kplɔlɩɛ, wɔɔcibhlilie, ‑bɛlɩɛ, dananɔ, ‑Kplɔkplɔ ‑Wugoa*, ‑walʋ 'titi, 7‑nʋawlɛwɔɔnyɩtʋ ɩya Laagɔ 'la 'tɛtɩa nɩkplaan. ‑Ala tavʋlɩɩa ‑glɩ 'lɛ 'kʋnylugolulɩɛ 'la 'kʋtɩtɔlʋlɩɛ. 8'Nyɩ ‑a 'lɩlɩ ɩmɩ ‑naa nɩkplaan 'klʋagba ɩya 'nyɩsasʋ, 'ŋlɩnyumolɩɛ ɩya 'ŋwleenfalɩlɩɛ. Ma la ‑anyɩ yodizʋnya 'bhlɩmɔɔn, ‑ma ‑nʋawlɛɛnyɩtɛnya ‑a ‑glɩ 'lɛ. 9Ma nabhe ma 'ta ‑anyɩ ‑ci 'bhlɩmɔɔn, ‑ma ma ‑ci ‑anyɩ wɩaan. Ma nabhe ‑a ‑kuo 'bhlɩmɔɔn, ‑ma ‑a ‑ja wɩan. Ma sa ‑anyɩ gbaylɩ 'bhlɩmɔɔn, ‑ma maa 'bhla 'ta ‑anyɩ. 10Ma zʋ ‑anyɩ cɩɩnkalɔɔn 'bhlɩmɔɔn, ‑ma ‑a ‑kʋ clɩɩa 'fɩan pɔlɛkʋmɛnɔɔn, ma la ‑anyɩ 'yalɛnya 'bhlɩmɔɔn, ‑ma ‑a zʋ ncaabhutukpa ‑bhɛlɩ. Ma nabhe ‑a 'ta lʋʋ ‑ylɛylɛ ‑ka 'bhlɩmɔɔn, ‑ma ‑anyɩ ‑ka 'lɛ lɩɩa ‑tɛtɛa.
11Kolɛntɩnyanyɩ, ‑ala pɔlɛ 'ciin 'la wɔlɩa ‑a solu 'lɛ anyɩ. Ka ‑a kalɩ 'lɛ ‑ala pɔlɩa 'nyɩ ‑a ya 'lɛ anyɩ 'nyɩ. 12‑A 'taa anyɩ 'kwlaan 'pa, ‑ma anyɩ 'titii ‑ɔ mɛmɛnɩ 'lɛ cɩ. 13Na, anyɩ ‑ma, a nʋmʋnɩ ɩya a 'nyɩ ‑anyɩ. Ka n solu 'lɛ ‑anyɩ le 'na 'cuo 'bhisa. Anyɩ ‑ma, a kalɩ ala pɔlɩa vuun.
‑Anɔsaa ‑a ‑wa 'lɛ bha?
14Aya ncɛlɩa ‑ɔ 'ta 'lɛ pɔɔtɛtɛ ‑ka na 'la namʋa. 'Nsasa 'kʋnylugolulɩɛ ɩya ɩmɩa ‑ɩ 'ta 'lɛ 'kʋnylugolu na cɩ 'ka 'lɛ cɩkʋkʋlʋlɩɛ mino bha? Zezezeli ɩya 'tutu cɩ bhlo 'plɩ bha? 15Neennunulɩɛ saa ‑ɩ ‑cɩ kaa 'lɛ Klisi ‑ya Beliaa ‑gbaaglɩɩn kʋ bha? Wɔɔsa ‑ɩ ‑cɩ kaa 'lɛ pɔɔtɛtɩkalɩnyɔ ‑ya ɔmɔ ɔ 'ta 'lɛ pɔɔtɛtɛ ‑ka na ‑gbaaglɩɩn kʋ bha? 16'Lɩsaa Laagɔ 'la ‑palʋa ‑ya ‑zlii 'wlalɩa 'lɛ 'kʋ bha? Sa ‑anyɩ, ‑a ‑glɩ ‑jaja Laagɔ 'la ‑palʋa, saa ɔ 'bhli 'lɛ 'kʋ lebhe: «N cɩ 'ka maa sidiin kʋ, ɩya ‑n ‑yamaasɔ 'ka namʋ. N cɩ 'ka mala Laagɔ 'plɩ ɩya ma 'ka 'na 'lɔlʋ 'plɩ.»
17Dɛ ‑Kwlenyɔ cla 'lɛ lebhe: «A 'wlʋ ncɛlɩ ‑naa sidiin ɩya a gbɛga. A 'la kla lʋʋ ‑ylɛylɛ cɩ, ‑ʋ 'ta 'lɛ ‑kplɔ na, ɩya ‑amʋ n 'ka anyɩ 'ma.»
18'Lɩka ‑sa ‑Kwlenyɔ, 'tɛtɩa 'fɩan To 'cla 'lɛ lebhe: «N cɩ 'ka a to 'plɩ ɩya anyɩ ‑ma a 'ka 'na 'ciŋodicuo ɩya 'na 'ciŋlʋcʋkwlɩ 'plɩ.»
Currently Selected:
2 Kolt 6: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
2 Kolt 6
6
1Aya Laagɔ nʋnʋ 'lɛ lobholi nebhlo. Na, ‑a sla anyɩ 'wlu le a 'la nyumoa 'nanɩa a 'lɩlɩɔ 'lɛ wlɩɩn na. 2Sa, ɔ nabhe: «Clɩɩa 'kʋa ɩ ‑fataa 'lɛ le n ŋonuo neen na, n yɔɔ neenŋonu 'nyɩ gbʋʋnsaclɩɩa 'kʋ, n yɔɔ 'lɛ 'kʋ ci.» Na, 'lɩkanɩ ‑pɔtɔnʋ clɩɩa 'titi, 'lɩkanɩ ‑pɔtɔnʋ gbʋʋnsaclɩɩa.
3‑A 'ta ‑wa le a ka nclɔɔ bhlogbɩɩ nyinyiin fa ɩya ma 'la 'ka sɛ ‑ala lobholia wɔɔnyinyi cɩ nyɩtɛlɩ. 4'Bhlɩmɔɔn, saa 'fɩan nɩkplaan, ‑anyɩ 'titi ‑a pala lebhe Laagɔ 'la lobhocuo ‑a ‑glɩ 'lɛ, pɔɔklalɩɛ 'kadie, 'kwlɩbhɩɛ, 'ŋaazɩ, pɔɔplelie, 5gbaylɩsalɩɛ, ‑palʋʋnpalɩɛ, zɔgblɩ, sɛsʋ, ‑zelibhlalɩɛ ɩya ‑zelizlolɩɛ nɩkplaan. 6‑A namʋnʋ ‑kplɔlɩɛ, wɔɔcibhlilie, ‑bɛlɩɛ, dananɔ, ‑Kplɔkplɔ ‑Wugoa*, ‑walʋ 'titi, 7‑nʋawlɛwɔɔnyɩtʋ ɩya Laagɔ 'la 'tɛtɩa nɩkplaan. ‑Ala tavʋlɩɩa ‑glɩ 'lɛ 'kʋnylugolulɩɛ 'la 'kʋtɩtɔlʋlɩɛ. 8'Nyɩ ‑a 'lɩlɩ ɩmɩ ‑naa nɩkplaan 'klʋagba ɩya 'nyɩsasʋ, 'ŋlɩnyumolɩɛ ɩya 'ŋwleenfalɩlɩɛ. Ma la ‑anyɩ yodizʋnya 'bhlɩmɔɔn, ‑ma ‑nʋawlɛɛnyɩtɛnya ‑a ‑glɩ 'lɛ. 9Ma nabhe ma 'ta ‑anyɩ ‑ci 'bhlɩmɔɔn, ‑ma ma ‑ci ‑anyɩ wɩaan. Ma nabhe ‑a ‑kuo 'bhlɩmɔɔn, ‑ma ‑a ‑ja wɩan. Ma sa ‑anyɩ gbaylɩ 'bhlɩmɔɔn, ‑ma maa 'bhla 'ta ‑anyɩ. 10Ma zʋ ‑anyɩ cɩɩnkalɔɔn 'bhlɩmɔɔn, ‑ma ‑a ‑kʋ clɩɩa 'fɩan pɔlɛkʋmɛnɔɔn, ma la ‑anyɩ 'yalɛnya 'bhlɩmɔɔn, ‑ma ‑a zʋ ncaabhutukpa ‑bhɛlɩ. Ma nabhe ‑a 'ta lʋʋ ‑ylɛylɛ ‑ka 'bhlɩmɔɔn, ‑ma ‑anyɩ ‑ka 'lɛ lɩɩa ‑tɛtɛa.
11Kolɛntɩnyanyɩ, ‑ala pɔlɛ 'ciin 'la wɔlɩa ‑a solu 'lɛ anyɩ. Ka ‑a kalɩ 'lɛ ‑ala pɔlɩa 'nyɩ ‑a ya 'lɛ anyɩ 'nyɩ. 12‑A 'taa anyɩ 'kwlaan 'pa, ‑ma anyɩ 'titii ‑ɔ mɛmɛnɩ 'lɛ cɩ. 13Na, anyɩ ‑ma, a nʋmʋnɩ ɩya a 'nyɩ ‑anyɩ. Ka n solu 'lɛ ‑anyɩ le 'na 'cuo 'bhisa. Anyɩ ‑ma, a kalɩ ala pɔlɩa vuun.
‑Anɔsaa ‑a ‑wa 'lɛ bha?
14Aya ncɛlɩa ‑ɔ 'ta 'lɛ pɔɔtɛtɛ ‑ka na 'la namʋa. 'Nsasa 'kʋnylugolulɩɛ ɩya ɩmɩa ‑ɩ 'ta 'lɛ 'kʋnylugolu na cɩ 'ka 'lɛ cɩkʋkʋlʋlɩɛ mino bha? Zezezeli ɩya 'tutu cɩ bhlo 'plɩ bha? 15Neennunulɩɛ saa ‑ɩ ‑cɩ kaa 'lɛ Klisi ‑ya Beliaa ‑gbaaglɩɩn kʋ bha? Wɔɔsa ‑ɩ ‑cɩ kaa 'lɛ pɔɔtɛtɩkalɩnyɔ ‑ya ɔmɔ ɔ 'ta 'lɛ pɔɔtɛtɛ ‑ka na ‑gbaaglɩɩn kʋ bha? 16'Lɩsaa Laagɔ 'la ‑palʋa ‑ya ‑zlii 'wlalɩa 'lɛ 'kʋ bha? Sa ‑anyɩ, ‑a ‑glɩ ‑jaja Laagɔ 'la ‑palʋa, saa ɔ 'bhli 'lɛ 'kʋ lebhe: «N cɩ 'ka maa sidiin kʋ, ɩya ‑n ‑yamaasɔ 'ka namʋ. N cɩ 'ka mala Laagɔ 'plɩ ɩya ma 'ka 'na 'lɔlʋ 'plɩ.»
17Dɛ ‑Kwlenyɔ cla 'lɛ lebhe: «A 'wlʋ ncɛlɩ ‑naa sidiin ɩya a gbɛga. A 'la kla lʋʋ ‑ylɛylɛ cɩ, ‑ʋ 'ta 'lɛ ‑kplɔ na, ɩya ‑amʋ n 'ka anyɩ 'ma.»
18'Lɩka ‑sa ‑Kwlenyɔ, 'tɛtɩa 'fɩan To 'cla 'lɛ lebhe: «N cɩ 'ka a to 'plɩ ɩya anyɩ ‑ma a 'ka 'na 'ciŋodicuo ɩya 'na 'ciŋlʋcʋkwlɩ 'plɩ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.