1 Kolt 3
3
Klisi nɩnɩ 'lɛ anyɩ
1Bholiecɩnyɩ, n 'ta mino ɩya n 'kaa anyɩ solu le saa a ‑glɩ 'lɛ 'Wugoon 'la ncɛlɩ na. ‑Ma 'nyɛkɛɛn 'la ncɛlɩ 'bhisa n solu 'lɛ anyɩ, Klisi nɩkplaan 'la 'cicʋ 'bhisa. 2Lʋbhʋ n 'nyɩ 'lɛ anyɩ, ‑ma ‑n 'ta nyɩ 'titi n 'ta 'lɛ anyɩ 'nyɩ, sa 'a cɩ 'taa 'mɩɩ lilɩɛ mino na. 'Nyɩ ‑yaka 'titio, 'a cɩ 'ta ka 'kɩɩ lilɩɛ mino, 3sa a ‑glɩ ka ‑azla 'nyɛkɛɛn 'la ncɛlɩ na. Woze ɩya wɔɔtɩtʋɛ ‑kʋ ka ‑azla 'lɛ anyɩ sidiin na, ‑n 'ta 'nyɛkɛa 'la nʋnʋgbɩa nɩkplaan 'a namʋnʋ 'ta 'lɛ bha? ‑N 'ta ncɛlɩa 'fɩan 'bhisa 'kʋ 'a namʋ 'ta 'lɛ bha? 4Bhlo cla 'lɛ lebhe: «‑Amʋ, n ‑ya Pɔlʋ ‑plɔ 'lɛ.» 'Nyɩ ‑anɔ bhlo cla 'lɛ lebhe: «‑Amʋ, n ‑ya Apolɔsʋ» na, ‑n 'ta ncɛlɩa 'fɩan 'bhisa 'kʋ a nʋ 'ta 'lɛ bha?
5Na, ‑ɔ ‑glɩa 'lɛ Apolɔsʋ, 'nyɩ ‑ɔ ‑glɩa 'lɛ Pɔlʋ bha? Lobhocuoa ‑ɔ gba 'lɛ 'nyɩ a ya 'lɛ pɔɔtɛtɛ 'lɩ na. Lobholia ‑Kwlenyɔ 'nyɩ 'lɛ nclɔɔ nclɔɔ na, ɩmɩ ɔ nʋ 'lɛ. 6‑Amʋ, n ya golo, Apolɔsʋ yɩɩ 'nyu 'kʋ 'kɔsɔ, ‑ma Laagɔ ‑ɔ gba 'lɛ 'nyɩ ɩ ‑glɛɛ 'lɛ. 7'Lɩka ‑sa ɔmɔa ‑ɔ golo 'lɛ ɩya ɔmɔa ‑ɔ 'kɔsɔ 'lɛ 'nyu 'kʋ na, 'ta 'lɛ lʋʋ ‑ylɛylɛ ‑glɩ na. ‑Ma Laagɔ bhlogbɩɩ ‑tɛɛ ma zɛlɩ 'lɛ, ɔmɔa ‑ɔ gba 'lɛ 'nyɩ lɩɩa ‑glɛɛ 'lɛ na. 8Ɔmɔa ‑ɔ golo 'lɛ ɩya ɔmɔa ‑ɔ 'kɔsɔ 'lɛ 'nyu 'kʋ na, ma ‑glɩ bhlo. 'Nyɩ nclɔɔ nclɔɔ cɩ 'ka ɔla nʋnʋlobholia 'la dluuplʋlɩɛa 'lɩ. 9'Bhlɩmɔɔn, nebhlo ‑a nʋnʋ 'lɛ Laagɔ 'la lobholia, 'nyɩ a ‑glɩ 'lɛ Laagɔ 'la 'kwlaa, Laagɔ 'la 'slaslapalʋa.
10'Nanɩa Laagɔ nʋʋn 'lɛ na 'la 'sasʋʋn, ‑paaslanyɔ 'nanɔ 'bhisa 'kʋ, n ya ‑palʋa ‑gluu zʋ, 'nyɩ ‑anɔ bhlo 'slalɩʋ 'lɛ 'kʋ. ‑Ma 'naa nclɔɔ nlɔɔ zʋlʋ ɔla 'slalɩɛa pɔlɛ 'kʋ. 11‑Ɔ ‑glɩ 'lɛ ‑palʋa 'la ‑gluugbidia, ‑ɩ ‑glɩ 'lɛ Zozi Klisi na, nclɔɔ ‑ylɛylɛ cɩ 'tanɩɩ ‑buun -naanɩ 'jeen zʋ. 12Ka nclɔɔ ‑ka ‑asɩkɛ, 'dala 'pɔpʋa, 'pɛlʋtɛtʋcɔkʋ, si, ‑aana 'pʋpʋ 'ma, 'nyɩ ɔ ‑kɩɩ 'kʋ 'slalɩ 'titio na, 13nclɔɔ nclɔɔ 'la lobholia cɩ 'ka ‑zɔn 'wlʋ. 'Tɩtɩplaclɩɩa 'kʋ ma cɩ 'kɩɩ 'lɛ cibhlili, sa ‑kosu 'la clɩɩ ɩ cɩ 'ka 'lɛ 'plɩ, ɩya ‑kosua 'ka nclɔɔ nclɔɔ 'la lobholia nɩkplaan cla ɩya ʋ 'kɩɩ ‑zɔn wla. 14Ɔmɔa ɔla lobholia cɩ 'ta 'lɛ si na, ɔ cɩ 'ka ɔla dluuplʋlɩɛa 'lɩ. 15‑Ma ɔmɔa ɔla lobholia cɩ 'ka 'lɛ si na, ɔ cɩ 'ka ‑gbɩɔ. Ɔmɔ 'titi cɩ 'ka gbʋʋnsalɩɛ 'lɩ 'bhlɩɩ, ‑ma ka ɩ cɩ 'ka 'lɛ kʋ le saa nclɔɔ ya 'lɛ ‑kosu 'ŋatɩ na.
16Ka a 'ta 'lɛ sɛɛ ‑ci lebhe Laagɔ 'la ‑palʋʋ a ‑glɩ 'lɛ bha? A 'ta sɛɛ ‑ci lebhe Laagɔ 'la 'Wugoa ‑kʋ anyɩ nɩkplaan bha? 17Nclɔɔ ‑ka Laagɔ 'la ‑palʋa gbɔlʋ na, Laagɔ ‑ma cɩɔ gbɔlʋ, sa Laagɔ 'la ‑palʋa ‑glɩ ‑kplɔkplɔpalʋ, 'nyɩ ‑palʋ ‑naa anyɩ ‑glɩʋ 'lɛ.
18Na, nclɔɔ ‑ylɛylɛ 'la 'nyiglilia ɔcɩ. Anyɩ sidiin, nclɔɔ ‑ɔ ‑ka ɔcɩ ‑laagɔzɔn ‑naa 'la ncɛlɩa 'bhisa 'kʋ dɩgalɩnyɔ la na, 'naa ɔ 'plɩ pɔɔbhlanyɔ ɩya ɔ 'kanɩ dɩgalɩnyɔ 'plɩ. 19Sa, ‑laagɔzɔn ‑naa 'la dɩgalɩa, ɩ ‑glɩ Laagɔ 'la da pɔɔbhlagbɩ. ‑Masa ɩ ‑zieo lebhe: «Ɔ bhli dɩgalɩnyaa maa 'titi mala ‑kplakplaa nɩkplaan 'kʋ.» 20'Nyɩ ɩ ‑zieo ‑awlɛ 'lɛ lebhe: «‑Kwlenyɔ ‑ci dɩgalɩnyaa 'la wɔɔgugwie. Ɔ ‑ci sɛɛ lebhe 'kpɔkpɔ bhlobhloo ɛ ‑glɩ 'lɛ.» 21Na, nclɔɔ ‑ylɛylɛ 'la 'palɩa ncɛlɩ ‑blii nɩkplaan, sa ‑tɛtɛa 'fɩan ‑kʋ ɩ ‑nyɩɔ anyɩ. 22Pɔlʋ, Apolɔsʋ, Pɩɛlɩ, ‑laagɔzɔan, jabhʋa, 'kwɩ, ‑yaka, ‑aana ‑cɩpao, ‑tɛtɛa 'fɩan ‑kʋ ɩ ‑nyɩɔ anyɩ. 23‑Ma anyɩ, Klisi nɩnɩ 'lɛ anyɩ, 'nyɩ Laagɔ nɩnɩ 'lɛ Klisi.
Currently Selected:
1 Kolt 3: NTLD13
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
1 Kolt 3
3
Klisi nɩnɩ 'lɛ anyɩ
1Bholiecɩnyɩ, n 'ta mino ɩya n 'kaa anyɩ solu le saa a ‑glɩ 'lɛ 'Wugoon 'la ncɛlɩ na. ‑Ma 'nyɛkɛɛn 'la ncɛlɩ 'bhisa n solu 'lɛ anyɩ, Klisi nɩkplaan 'la 'cicʋ 'bhisa. 2Lʋbhʋ n 'nyɩ 'lɛ anyɩ, ‑ma ‑n 'ta nyɩ 'titi n 'ta 'lɛ anyɩ 'nyɩ, sa 'a cɩ 'taa 'mɩɩ lilɩɛ mino na. 'Nyɩ ‑yaka 'titio, 'a cɩ 'ta ka 'kɩɩ lilɩɛ mino, 3sa a ‑glɩ ka ‑azla 'nyɛkɛɛn 'la ncɛlɩ na. Woze ɩya wɔɔtɩtʋɛ ‑kʋ ka ‑azla 'lɛ anyɩ sidiin na, ‑n 'ta 'nyɛkɛa 'la nʋnʋgbɩa nɩkplaan 'a namʋnʋ 'ta 'lɛ bha? ‑N 'ta ncɛlɩa 'fɩan 'bhisa 'kʋ 'a namʋ 'ta 'lɛ bha? 4Bhlo cla 'lɛ lebhe: «‑Amʋ, n ‑ya Pɔlʋ ‑plɔ 'lɛ.» 'Nyɩ ‑anɔ bhlo cla 'lɛ lebhe: «‑Amʋ, n ‑ya Apolɔsʋ» na, ‑n 'ta ncɛlɩa 'fɩan 'bhisa 'kʋ a nʋ 'ta 'lɛ bha?
5Na, ‑ɔ ‑glɩa 'lɛ Apolɔsʋ, 'nyɩ ‑ɔ ‑glɩa 'lɛ Pɔlʋ bha? Lobhocuoa ‑ɔ gba 'lɛ 'nyɩ a ya 'lɛ pɔɔtɛtɛ 'lɩ na. Lobholia ‑Kwlenyɔ 'nyɩ 'lɛ nclɔɔ nclɔɔ na, ɩmɩ ɔ nʋ 'lɛ. 6‑Amʋ, n ya golo, Apolɔsʋ yɩɩ 'nyu 'kʋ 'kɔsɔ, ‑ma Laagɔ ‑ɔ gba 'lɛ 'nyɩ ɩ ‑glɛɛ 'lɛ. 7'Lɩka ‑sa ɔmɔa ‑ɔ golo 'lɛ ɩya ɔmɔa ‑ɔ 'kɔsɔ 'lɛ 'nyu 'kʋ na, 'ta 'lɛ lʋʋ ‑ylɛylɛ ‑glɩ na. ‑Ma Laagɔ bhlogbɩɩ ‑tɛɛ ma zɛlɩ 'lɛ, ɔmɔa ‑ɔ gba 'lɛ 'nyɩ lɩɩa ‑glɛɛ 'lɛ na. 8Ɔmɔa ‑ɔ golo 'lɛ ɩya ɔmɔa ‑ɔ 'kɔsɔ 'lɛ 'nyu 'kʋ na, ma ‑glɩ bhlo. 'Nyɩ nclɔɔ nclɔɔ cɩ 'ka ɔla nʋnʋlobholia 'la dluuplʋlɩɛa 'lɩ. 9'Bhlɩmɔɔn, nebhlo ‑a nʋnʋ 'lɛ Laagɔ 'la lobholia, 'nyɩ a ‑glɩ 'lɛ Laagɔ 'la 'kwlaa, Laagɔ 'la 'slaslapalʋa.
10'Nanɩa Laagɔ nʋʋn 'lɛ na 'la 'sasʋʋn, ‑paaslanyɔ 'nanɔ 'bhisa 'kʋ, n ya ‑palʋa ‑gluu zʋ, 'nyɩ ‑anɔ bhlo 'slalɩʋ 'lɛ 'kʋ. ‑Ma 'naa nclɔɔ nlɔɔ zʋlʋ ɔla 'slalɩɛa pɔlɛ 'kʋ. 11‑Ɔ ‑glɩ 'lɛ ‑palʋa 'la ‑gluugbidia, ‑ɩ ‑glɩ 'lɛ Zozi Klisi na, nclɔɔ ‑ylɛylɛ cɩ 'tanɩɩ ‑buun -naanɩ 'jeen zʋ. 12Ka nclɔɔ ‑ka ‑asɩkɛ, 'dala 'pɔpʋa, 'pɛlʋtɛtʋcɔkʋ, si, ‑aana 'pʋpʋ 'ma, 'nyɩ ɔ ‑kɩɩ 'kʋ 'slalɩ 'titio na, 13nclɔɔ nclɔɔ 'la lobholia cɩ 'ka ‑zɔn 'wlʋ. 'Tɩtɩplaclɩɩa 'kʋ ma cɩ 'kɩɩ 'lɛ cibhlili, sa ‑kosu 'la clɩɩ ɩ cɩ 'ka 'lɛ 'plɩ, ɩya ‑kosua 'ka nclɔɔ nclɔɔ 'la lobholia nɩkplaan cla ɩya ʋ 'kɩɩ ‑zɔn wla. 14Ɔmɔa ɔla lobholia cɩ 'ta 'lɛ si na, ɔ cɩ 'ka ɔla dluuplʋlɩɛa 'lɩ. 15‑Ma ɔmɔa ɔla lobholia cɩ 'ka 'lɛ si na, ɔ cɩ 'ka ‑gbɩɔ. Ɔmɔ 'titi cɩ 'ka gbʋʋnsalɩɛ 'lɩ 'bhlɩɩ, ‑ma ka ɩ cɩ 'ka 'lɛ kʋ le saa nclɔɔ ya 'lɛ ‑kosu 'ŋatɩ na.
16Ka a 'ta 'lɛ sɛɛ ‑ci lebhe Laagɔ 'la ‑palʋʋ a ‑glɩ 'lɛ bha? A 'ta sɛɛ ‑ci lebhe Laagɔ 'la 'Wugoa ‑kʋ anyɩ nɩkplaan bha? 17Nclɔɔ ‑ka Laagɔ 'la ‑palʋa gbɔlʋ na, Laagɔ ‑ma cɩɔ gbɔlʋ, sa Laagɔ 'la ‑palʋa ‑glɩ ‑kplɔkplɔpalʋ, 'nyɩ ‑palʋ ‑naa anyɩ ‑glɩʋ 'lɛ.
18Na, nclɔɔ ‑ylɛylɛ 'la 'nyiglilia ɔcɩ. Anyɩ sidiin, nclɔɔ ‑ɔ ‑ka ɔcɩ ‑laagɔzɔn ‑naa 'la ncɛlɩa 'bhisa 'kʋ dɩgalɩnyɔ la na, 'naa ɔ 'plɩ pɔɔbhlanyɔ ɩya ɔ 'kanɩ dɩgalɩnyɔ 'plɩ. 19Sa, ‑laagɔzɔn ‑naa 'la dɩgalɩa, ɩ ‑glɩ Laagɔ 'la da pɔɔbhlagbɩ. ‑Masa ɩ ‑zieo lebhe: «Ɔ bhli dɩgalɩnyaa maa 'titi mala ‑kplakplaa nɩkplaan 'kʋ.» 20'Nyɩ ɩ ‑zieo ‑awlɛ 'lɛ lebhe: «‑Kwlenyɔ ‑ci dɩgalɩnyaa 'la wɔɔgugwie. Ɔ ‑ci sɛɛ lebhe 'kpɔkpɔ bhlobhloo ɛ ‑glɩ 'lɛ.» 21Na, nclɔɔ ‑ylɛylɛ 'la 'palɩa ncɛlɩ ‑blii nɩkplaan, sa ‑tɛtɛa 'fɩan ‑kʋ ɩ ‑nyɩɔ anyɩ. 22Pɔlʋ, Apolɔsʋ, Pɩɛlɩ, ‑laagɔzɔan, jabhʋa, 'kwɩ, ‑yaka, ‑aana ‑cɩpao, ‑tɛtɛa 'fɩan ‑kʋ ɩ ‑nyɩɔ anyɩ. 23‑Ma anyɩ, Klisi nɩnɩ 'lɛ anyɩ, 'nyɩ Laagɔ nɩnɩ 'lɛ Klisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.