Tsakariyaxi 4
4
Kɨxeme 'uitɨwame hurukɨ mɨwewiya meta huriwu hutatɨ
1Merikɨtsɨ niuki tuayame nehamatɨa mɨtikuxatakai tawarita kaninuani, hikɨ kanenanutahɨtɨani, xewitɨ kutsutɨ manutahɨtɨarieni hepaɨ. 2Hikɨ mɨpaɨ kanetiniuta'iwawiya: «¿Tita petixeiya?» Ne mɨpaɨ nekatinita'eiya: «Xeime kɨxeme 'uitɨwame huru mɨtse'ikɨ wewiyakame nepɨxeiya, yuheima peixeiya xakɨ hepaɨ 'aneme 'e'akunime, kɨxeme 'uitɨwame heima puye'u 'atahutatɨ kɨxeme, meta yunanari pexeiya 'atahutame. 3'Aurienata pɨti'u hutatɨ huriwu, xewitɨ xakɨ hepaɨ mɨ'ane tserieta, xewitɨta 'utatana».
4Hikɨ niuki tuayame mɨpaɨ nekatiniuta'iwawiya nehamatɨa mɨtikuxatakai: «¿Neti'aitɨwame, tita ti'inɨariyari 'ikɨ naitɨ?» 5Niuki tuayame mɨpaɨ kanetiniutahɨawe: «¿Kamɨtsɨ 'atsipekatimate tita mɨti'inɨariyari?»
Ne yaneputayɨ kename 'atsinekatimate. 6Hikɨ niuki tuayame mɨpaɨ kanetiniutahɨawe: «'Ikɨ Yawé kaniniukieyatɨni Tsuruwaweri hetsiemieme kanihɨkɨtɨni:
»“Kuyaxi watɨrɨkariyakɨ pɨkatiyɨni
meta nixeime tɨrɨkariyayakɨ,
matsi Ne'iyari mupatsiekɨ pɨta
—Yawé Naimekɨmɨtɨrɨkaɨye mɨpaɨ kanaineni—.
7¿Ketita peti'a'erie 'ekɨ, hɨri 'apemutewi?
Tsuruwaweri hɨxie makuweri pekanihɨkɨtɨni xeikɨa.
Mɨkɨ tete pɨkayeni tsutɨmeyari mayani,
teɨteri me'utihiwakaku hepaɨtsitana 'aixɨa mehaitɨkaitɨ witsimɨ'anekɨ”».
8Hikɨ Yawé niukieya nehetsɨa kaninuani:
9«Tsuruwaweri 'ikɨ tuki tenariyari kaniutsutɨani,
meta mɨkɨtsiere 'iwewienetɨ kaninɨmɨkɨ.
'Ana mɨpaɨ xepɨtehetimani kename
Yawé Naimekɨmɨtɨrɨkaɨye xehetsɨa netsiheyenɨ'a.
10Kepauka Tsuruwaweri xemɨxeiya
tepɨa 'atukame ti'inɨnɨatame,
'anake mepuyukatemamawieni 'iya kemɨ'ane
yuri memɨkate'i'eririekai 'etsiwa xeikɨa mɨtitsutɨakaitsie.
'Ikɨ 'atahuta Yawé hɨxiteya kanihɨkɨtɨni,
naitsarie kwiepa mɨtaneniere».
11Hikɨta niuki tuayame mɨpaɨ nekatiniuta'iwawiya: «¿Tita ti'inɨariyari 'ikɨ huriwu hutatɨ xewitɨ kɨxeme tserieta mutiwe meta 'utatanata xewitɨ?» 12Metatsiere mɨpaɨ nekatinita'iwawiya: «¿Tita ti'inɨariyari 'ikɨ hutatɨ huriwu xawariteya hatseiti nanayari hurukɨ mɨwewiyatɨka muhuta 'aurie muti'u, taɨtana muhapane hatseiti hurumaɨyetɨ?»
13Niuki tuayame mɨpaɨ kanetiniuta'eiya: «¿Kamɨtsɨ 'atsipekatimate ketita mɨti'inɨariyarite?» Ne yanepetayɨ kename 'atsinekatimate. 14Hikɨ niuki tuayame mɨpaɨ kanetiniutaxatɨani: «'Ikɨ yuhutatɨ memanayexeiyarie mekanihɨkɨtɨni ti'aitame memɨte'uximayatsirie naitsarie kwiepa».
Currently Selected:
Tsakariyaxi 4: hch
Highlight
Share
Compare
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.
